|
مش عارف ايه الى جرالى ؟....
بسم الله الرحمن الرحيم
السلام والرحمه على الجميع باذن الله , انا عاوذ اقول الأول ان المنتدى ده روعته بتكمن فى زواره ... أنا مشكلتى انى مرتبط عاطفيا ببنت زميلتى من اكتر من 3 سنين . البنت دى مش هقدر اوصف اد ايه فعلا بحبها . واد ايه فعلا هى تستاهل الحب ده لأنها بجد فى نظرى أكمل بنت شفتها فحياتى . لكن المشكله انى فى الفتره الأخيره مبقتش عارف احبها ذى الأول . نفسى بقت مسدوده كده من ناحيتها مش عارف ليه بجد . الحب جوه فى قلبى بس مش عارف أظهره . قبل ما أشوفها بتكون وحشانى أوى بس أول ما اشوفها ببقى ذهقان أوى و أعاملها وحش ومبقاش حتى قادر أبوص فى عينيها . هل ده ذهق منها ؟ ولا ذهق من العلاقه الى طولت من غير ما تتطور الى خطوبه أو زواج مثلا ؟ وان كان ده صحيح امال هعمل ايه بقى بعد الجواز فى الذهق الكبيييييير الى بنسمع عنه من المتزوجين ؟ أنا مش عارف أعمل ايه ؟ وحاسس انى بظلمها معايا و خايف لحبها ليه يقل من كتر معاملتى الوحشه و عصبيتى المستمره . ومش عارف اتكلم مع حد من أصحابى فى الموضوع عشان مجرحهاش فى نظرهم لو فهموا من كلامى ان حبى ليها قل . وأنا خايف أوى ليكون حبى ليها قل فعلا . وعارف انى مش هرجع أحبها ذى الأول غير لما بغبائى ابعدها عنى . ارجوكم عرفونى رأيكم ........ وشكرا ........ |
اخى سيكرت
مرحبا بك فى المنتدى سؤالى لك انت عايز ايه ؟؟؟؟؟؟ هل سألت نفسك هذا السؤال ما هو عمرك ؟ ما هى قدرتك على الزواج ؟ هل علاقتك بهذه الفتاة للتسلية ام انك جاد فى الارتباط بها ؟ هل تظن ان الله يبارك لك فى علاقة محرمة شرعا ؟ اعرف هدفك ان كنت طالب فاهتم بتعليمك ان كنت شاب تستطيع الزواج فتقدم بما احل الله لك اذا كنت شاب لا يستطيع الزواج فلا تلعب ببنات الناس حدد هدفك الذى يتناسب مع امكانياتك وعندها ستعرف ما الذى يجب عليك فعله |
أنا مع coash في كل الكلام اللي قاله. من طأطأ للسلام عليكم.
وأحب انصحكي يا اخوي ان بنات الناس مش لعبة واللي انت سميته حب ده مش حب لانك لو حبيتها بجد ما كنتش هتقدر تستغنى عنها ولا تزهق منها, الظاهر انك لسه طالب بتدرس او انك حبيتها للتسلية فقط او انخدعت بمشاعرك فظنيت انها المناسبة وبعدها طلعت مش هي اللي بتدور عليها. تأكد من مشاعرك جيدا وبعدين خبرنا ايش اللي انت عايزة بالضبط من البنت ده علشان نقدر نساعدك بحلول اخرى. |
أن العلاقه العاطفيه لابد أن تنتهي بالزواج
فأن كنت لا تقدر علي ذلك فراعي الله فيما تفعل وأنا مع الأخوه في الرد السابق بكل معني الكلمه ولن أطيل في الموضوع أكثر من ذلك |
أي علاقة تطول سيكون فيها لحظات ملل. أنا أنصحك بأخذ فترة بعد عنها للتفكير في ان كنت تريد الزواج منها ام لا
وأن لا ترد لها الا وقد قررت اذا تستطيع العيش بدونها او لا. أود ان اوضح ان أي شخصين يرون بعض باستمرار او بشكل شبه يومي سيكون هناك ملل فأنصحك أن لا تراها أكثر من مرة بالأسبوع مهما كانت الاسباب اذا قررت الاقتران بها ( وان سالتك السبب كن صريحا وقل لها حتى نشتاق بعض،) وأن كل مرة تراها بها تحضر لها مفاجأة حتى يكون هناك تجديد. |
الاخ السائل : بعد التحيه
من الاخر ودون اى مبررات عليك ان تحسم الموضوع انا معاك ان الحب معنى جميل واحساس رائع بس الى متى صديقنى انا مش بقول كده عشان تقول انى بقول كلمتين وبس بس والله يمكن معظمنا فى هذا الموضع لو تقدر وتتقدم لها اتقدم وتوكل على الله صلى صلاة استخارة فى موضع ارتباطك بها وشوف ايه الى حيتم المشكله الى تقول عليها بان الذهق بين الازواج فهذة المشكله احنا الى بنعملها وده متوقف على الطرفين ياما تكون حياتهم سعيدة ومتججده باستمرار او راكده بطيئه كلها زهق ومن هذا الموضوع ادعوا جميع المتزوجين بان يججدوا فى حياتهم حتى لا يتسل الممل الى الحياة الزوجيه والله الموفق |
هذه العلاقه عاطفيه فقط ولم يحدد لها هدف من البدايه فبدايتها كانت بدافع الاعجاب بجمالها باسلوبها او بمكياجها ولم يكن لها هدف او مخطط لنهايتها لان اي طريق يسير فيه الانسان ولا يدري الى اين يوصله حتما سيتوه فيه فانت بدأت معها بهدف التسليه واضاعة الوقت ولم تبدأمعها بهدف الزواج في النهايه وهو الهدف من اي علاقه عاطفيه تبنى على اساس صحيح لتستمر مدى الحياه اما مثل هذه العلاقات المخصصه للتسليه واضاعة الوقت فسرعان ما تنتهي وقد تنتهي بمأساه لاحد الطرفين وهو الذي يكون قد انخدع بمشاعر الطرف الاخر دون علمه انه يتسلى به لفترة من الوقت ثم يرميه في البحر لماذا لا تصارحها بحبك لها ان كنت فعلا تحبها وتتفقا على الزواج تحياتي لك وانصحك بعدم العبث بعواطف الاخرين
لان احترام مشاعر الناس شىء مهم جدا في الحياه |
مشكلتك صعبه
|
عليك تحديد هدفك من العلاقه وبالصارحه وبدون خجل
|
اخي انت ما وضحت
في جوانب مهمة هي الاساس في تقديم النصح والراي اهم الهدف من العلاقة في الاساس ووضعك الحالي |
اقصر طريق بين نقطتين هو الخط المستيقم
حدد دورك وهدفك من الموضوع كله وتوكل على الله |
عزيزي سيكرت
أنا مع الأخ أحمد ( اقصر طريق بين نقطتين هو الخط المستيقم ) وأنا ودي إنك تحدد وش حبك لها ؟؟ زواج ولا صداقة فقط ؟؟ وكلي ثقة في الأخوان انهم عندهم الأساليب الكافية اللي تساعدك في حال توضيح الهدف أو تحديده وسواء كان الهدف زواج أو صداقة أو أي شي فأحب أنصحك بنصيحة الأخت Amoora --------------- أي علاقة تطول سيكون فيها لحظات ملل--------------- بالعربي >>>>> أنصحك بالتجديد وما أظن تخفى عنك طرق التجديد وخلق الفلاش لتغيير الجو <<< والمنتدى ملئ بالطرق هذه وأيضا الأخوان ماحيقصروا معك لو حبيت تستفسر وأحب تزور الرابط هذا للأخت Amoora http://www.raf7.com/vb/showthread.php?p=69876#post69876 أتمنى لك التوفيق أخوك / ساي |
اشكر الاخ سكريت
مع تحياتى |
أنا مع coash و اتقى الله فى بنات الناس و ضع أختك فى نفس الموقف و احكم بنفسك
|
أنا بشكر كل اللى ردوا عليه ألف شكر وبالذات الأخت قموره والأخ شوبير .
لكن أحب أقولك يا قموره انى عارف كلامك وعارف اننا لازم نشتاق لبعض شويه . لكن للأسف هي مش مديانى فرصه .اليوم اللى مش بنشوف بعض فيه بتكلمنى أكتر من ساعه لغاية ما منلاقيش حاجه نقولها . ومقدرش اقولها نبعد شويه عشان مجرحهاش . أنا عارف انك بتقولى عليه مقرف ومستاهلش حبها ليه . بس أعمل ايه فى نفسى ؟ على فكره أنا قرأت موضوعك الرائع عن الرومنسيه .بس كله أفكار للمتزوجين بس ؟ |
هل علاقتك معها ستكون مبنية على خطط مستقبلية مثل الزواج ؟
ام علاقتك مقتصرة على التسلية و ما ادري شكلك يدل انك مو مبسوك من العلاقة ؟؟! لكن كن على يقين اي شئ يبنى على اساس هش سرعان ما يهدم و يزول و يذهب ادراج الرياح ... لكن الحل في وجة نظري:- بأن تمعن في التفكير في الأمر ملياً ... حتى تتخذ قراراتك و اتمنى لك بأن تصلي ركعتين من صلاة الاستخارة ..و مافي شي افضل من استخارة رب العباد و خالقهم .... وشكراً .... Game Over |
الاخ سيكرت
تحياتى لك واتمنى لك ان تكون قد حددت هدفك اعلم ان اقصر طريق من نقطتين هو الخط المستقيم شكرا |
| الساعة الآن 05:55 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©