|
تقدم لخطبتي شخص والسكن في قرية فهل أقبل؟
السلام عليكم ورحمة الله وبركاته
بنات والله اكتب لكم وانا ارتجف ما ادري وشلون خجلانه على خوف على ما ادري ايش ::23: تبي تعرفووووووووون كملو يالله :: :17: :17: :17: >>>>>>>>>>> امس كنت كاتبه ادعو لي في رمضان اتزوج واليوم :23: ياربيه من جد ياسبحان الله اليوم تقدم لي عريس الغفله :14: :14: :14: بس المشكله انه في عمله في قريه مو في الرياض وما ادري وش اسوي ولد حبوب من كلام امي وخلوق وما يدخن ووو........إلخ بس من جد متردده مثل كبريائي ماترددت ما ادري اوافق ولا لا وش رايكم بنات لو في موقفي توافقون ولا لا ؟ تقدرين تعيشين في قريه انتي وياه ولا لا؟بعيد عن الاهل ... تكفوووووووووون ردو علي انتظر كم لاتبخلون علي ... _تم تعديل العنوان ليتناسب مع المضمون_ حائزة |
أعملي خيره
|
وليش لألألألألألأ
ياقمر وين المشكله صلي واستخري وتوكلي على الله واسألي اذا ممكن في نقل او لأ حبيبتي ايش طبيعة عمله ؟ يمكن ضابط على الحدود اعرف اخو صحبتي له 9 سنوات على الحدود عايش في قريه في الإجازات تروح لأهلها حبيبتي تأكدي كم تبعد عن اهلك والله اذكر اختي اضطرت تسكن مع زوجها في سكن الداخليه وهو مره بعيد عننا يعني ياخذ ساعه ونص بس الحمدالله كنا نروح لها دائما وكانت اختي دايم تعزم الناس والأصحاب والله كنا نطلع مواكب من قبل المغرب عشان نرجع الساعه 11 ليلا وكانت ايام حلوه والحمدالله ربي انعم عليها دحين ونقل زوجها قريب وسكنوا جنبنا يعني نروح لها برجولنا حبيبتي صلي واستخير قبل كل شي وربي يكتب لك اللي فيه الخيره الطيبه وربي يسعدك ويفرج همك وينولك مرادك اختك في الله |
يسلمو روح الغالي
بس ما ادري انا عشان وظيفتي معلمه وش رايك والمكان بعيد ... |
الله يوفقك يـارب
هلا اختي نجــود ,, عادي أستخيري ,,
مافي مشكلـة اتسافـري معه اذا اتأكدتي من أخلاقـه ومواصفاتـه ,, كثيييييير بنات أعرفهم تزوجو من بلد غير أهلهم ,, وعايشين عـادي ومبسوطين ,, أتمنالك التوفيق والخيـر ياااااارب ,, والي ربي كاتبلك فيه الخير أرضي بيه ,, واللـه يتـمم لك علـى خيـر ان شاء الله :14: تحياتـــي لينـــــــــــــا |
يعطيك العافيه يالينا وجزيتي الف خير
بس الى الان متردده ما احس اقدر اعيش في قريه ما ادري ليش ؟ |
وليش يعني لألألأ
اذا معلمه في مدرسه اهليه بإمكان تنقلي اما اذا كنت في مدرسه حكوميه الله يعينك تدوري نقل اختي في ذيك السنه الي قضتها في السكن نقلت وهي في مدرسه حكوميه لمدرسه اقرب ولما نقلت قريب من بيتنا وبيت اهلوا نقلت مدرستها على طول طيب ماوضحتي لي كم المسافه تقريبا ؟ وصلي واستخيري على طول ولاتترددي ربي يسعدك ويسخرلك |
تقريبا ساعتين وبالنسبه للوظيفه مو رسميه على عقد
|
مبروك مقدما لايوجد اي مشكله بعد الخطبه رح تتعودي عليه وتثقي فيه
|
توكلــــــــــي على الله وصلــــــي استخاره والرسول صلى الله عليه وسلم يقول بما معناه : "إذا أتاكم من ترضون دينه وخلقه فزوجوه وإلا تفعــلوا فإنه فساد كبير في الأرض ".. الله يوفقك ويكمل لك على خيـــر.... |
اذا الولد مافيه شي يعيبه
والله ما أتأخر ولا دقيقه لو يسكني بخيمه لانه بيصير كل شي في حياتي وأهلي مقدوره الروحه لهم لاتخلين زي هذي الامور توقف في طريقك ولاتنسين الاستخاره والدعاء أختك روتي |
مبارك
اختي توكلي على الله بما انك رضيتي دينه النقل الى القرية حتى لو في مدرسة حكومية سهل الصعوبة تكمن في العودة للمدينة وفقني الله واياكِ |
مبرووووووووووووووك حبيبتي والله فرحتلك من قلبي
عقبال بنوتات المنتدى اذا الولد طيب وحبوب وفيه صفات حلوووه ليش الرفضضضضضضضضضضضضضض وهذي فرصه يمكن ماتتكرر تاني واذا على السكن عادي مو مشكله ربي ييسرها وتنتقلو ا بعدين الرجاء تغيير توقيعك اختي الكريمة لأنه مخالف ( صور نساء) |
تسلمووووووون ويعطيكم الف عافيه وجزاكم الله ألف خير يارب
|
اختي الغاليه عادي جد انك تبعدين عم اهلك بس اهم شي سكن مستقل لا تسكنين مع اهله نصيحه من اخت مجربه
انا ابعد عن اهلي كيلووو900ومع ذالك زوجي ما يقصر علي كل ما قلتله ابي اشوف اهلي وداني بسياره او بطياره الله يسعدك ويوفقك وبعدين ساعتين و كثير اهم شي انه اخلاق ولد طيوب وما يدخن والله يوفقك ترى اهل القرى يدلعون حريم اكثر تلقينهم كل الاجزه تمشيات وروحات بس الي في المدينه مكانك باليت حتى بالصيف مبـــــــــــــــــــــــــــروووووووووووك مقدما واستخيري والله يكتبلك الخيره اما وضيفتك على بند ارميها ولا تشيلين همها ممكن تلقين فرصه لرسمي اكثرر في القريه خاصه انه لازم تثبتين محل اقمتك ا |
يسلمو اشورايا على الراي الحلو انتي تبعدين عن اهلك 900 كيلو ياقلبي عليك
انا كل خوفي لو تركت الوظيفه ما احصل غيرها . |
والله اذا كان انسان خلوق مثل ماذكرتي ويخاف الله
انصحك توافقي حتى لو كان في قريه ان شاء الله حيعوضك عن بعدك عن اهلك ويكون لك الام والاب والاخوه ويمكن يجيله النقل سريع والله يوفقك يا نجوده وبشرينا ايش يسير |
تسلمين ياقلبي معاناة زوجه
الله يوفقك والله يكتب اللي فيه الخير ان شاء الله ... |
نجود قلبي إذا على الوظيفة ابد بقرية
بدقيقة تتوظفين وتترسمين .. بعدين ياغلاتي ادعي الله ان شاء الله يتمم على خير ولاحقه على الوظيفة تعودي على الوضع اولا وبعدين فكري بالوظيفة وبقرية مثل ماقلت لك بدقيقة يوظفونك ويرسمونك بعد اختي مثلك كانت موظفه بأهلي وتركت انت ساعتين هي بالجبيل واحنا بجده قلبي احمدي رب العالمين وتوكلي على الرزاق المعين وصلي الإستخارة وانت مصفية النيه وموكله امرك للرحمن الرحيم والله يوفقك .... واعزمينا يوم عرسك >>>>>>خخخخخخخخخخخخخ لولولولولولولولولولولولولولليييييييييييييييييييشش> >>> مبروك مقدما |
ألف مبروك..
طيب يا نجود إذا شفتيه وعجبك وكان العائق الوحيد هو القرية.. لا تترددي.. يختي الناس كلها تهاجر وتتغرب أحسن ما يوديكي استراليا ولا ألاسكا هيهيهي.. هي خطوتين وتوصلي عند أهلك.. لا تعقدي الأمور.. خلي أهلك يطمنوا على أخلاقة ويسألوا كويس عليه.. خلي الموضوع يمشي شوي لا توقفيه من بداية.. وشوفي بعد الإستخارة فين ربي يوصلها :) وأكيد في كلا الحالتين خير.. الله يسهلك أمرك ويشرح لك صدرك ويكتب لك اللي فيه الخير لك في الدنيا والآخرة.. وما تدري يمكن بعد ما يثبت جدارته يإذن الله يحولوه لمدينتك. |
يا عيوني استخيري والله ييسر لك الخير واذا بس انك تسكني في القرية ترى مرة حلو لمن تكونو بعيد وترى يخاف عليك
اكثر ويحبك اكتر وحيهتم فيك اكتر توكلي على ربك واذا زوجك راتبه كويس ما لها داعي الوظيفة تحياتي |
ياقلبي من جد مشكووووووووورين والله كلامكم على الراس فعلا حسستوني من نصايحكم انكم مثل الاخت واكثر مع انه مالي خوات لكن والله كل بنت دخلت ونصحتني ممنونه لها من كل قلبي ومشكوووووووورين وجزيتم الف خير يارب وان شاءالله بستخير وبشوف ...
|
مبروووووووووووووووووووووووووك
والله يوفقك أختي أستخيري وأن شاء الله يكتب لك ربي كل خير وبنسبه للقريه أنا عن نفسي ساكنه في قريه وصار لي3 سنوات ومعن القريه مافيه إدن مقومات العيش وكل أسبوع ولا كل أسبوعين نروح لقرب مدينه عشان نقض اللبيت وأقرب مدينه تبعد 200 كيلو تقريبن وعايشين ومبسوطين والحمد الله بل عكس كل ماصرتي بعيده عن أهله وأهلك تكونون قريبين لبعض |
أستخيري الله أولا وبعد الاستخارة توكلي على الله أما سكنه في قرية فلا عيب في ذلك لأنه ربما يقتنع برأيك وينتقل في المستقبل الى الرياض والله يقدر الذي فيه الخير لك وله
|
معقوله , اللي تذكرنه مو معيار للزواج , قرية أو حتى بطن وادي , فإذا كان ذا خلق ودين فيهون لأمره كل شي
والصبر من الزوجة مطلوب على زوجها في الضراء , وأن تشاطر زوجها كل شي وليس في السراء , ولن تدركي الأمر حتى تجربي الحرمان . |
يعني لمن تتزوجي بتجلسي عند اهلك ؟؟؟
يعني اكيد مابتشوفيهم كثير ... صلي الاستخاره واتوكلي على ربك ... ومبروك مقدما |
ان كان ذو دين وخلق توكلي على الله عزيزتي وصدقيني السعادة والرضا تجعل من القرية مدينة..
الله يسعدك اختك حائزة |
الله يوفقك يا اختي
موقف صعب فعلا بس ان شاء الله خير... بالنسبة للوظيفة بلّغي مكتب التوجيه أن عندك ظروف هذا الترم اوالترم اللي راح يحصل فيه الزواج.. أنا كذا كلموني على وظيقة بس ظروفي ما سمحت فقلت للموظفة اللي بالتوجيه يعني خلاص راح يروح اسمي قالت لا... باكتب عند اسمك ظروف بحيث الفصل القدم اذا جت وظيفة بلغناك.. بس لا تتركينها كذا على طول بلغيهم علشان ما يلغون اسمك واقعدي عاد تقديم من جديد ونطلة سنين وو الخ! واذا جا بعدين وجا الترم الجديد راح يكون قرارك أوضح بالنسبة لك هل ارتحت في القرية والا لا طبيعة الرجل...... يمكن تلقين وظائف في القرية........ الخ يعني بعد ما تروحين للقرية راح تقدرين تشوفين الظروف بطريقة أفضل وبكذا ما تخسرين الوظيفة ولا تخسرين الزواج! بالتوفيق |
حبيبتي اهم شي استخيري وتوكلي على الله فبيده تدبير الامور
اما عن كلامك انه بقريه صدقيني مافيها شي اذا كانت اخلاقه عاليه وعلى دين وزي ماقلتي انه حبوب ولايدخن يعني مايعيبه شي ماشاء الله عليه احسن من مايتقدم لك واحد قريب من اهلك ويمكن مايقدرك بعدين اذا على الوظيفه خايفه تطير منك القرى متروسه مدارس واكيد بقريتهم مدرسه ... اسمحي لي بغني لك (ويل ويام العروسه الليله فرحه واماني .........................ويل ويام العريس ويل وجاكي الانيس.........مو حافظتها على العموم الف الف الف مبروووووك نجووود |
اذا تقدرين صارحيه بشعورك
اذا كان قدها فهو بعوضك ولا يبين انه نكدي لا سمح الله من طريقة حله للمساله |
أول شي اشكرك hfhf10 على الكلام ويعطيك العافيه
الثعالبي من جد احترمك واحترم كل كلمه قلتها والله يوفقك رادع حرام عليك لاتعصب علي انا يوم قلت كذا لاني وحيدة أمي مابي أبعد عنها كثير ...ومشكور ويعطيك العافيه . العام مو قصدي اجلس عند اهلي اهم شي ما ابتعد عن امي والله صعبه . حائرة امل جزيتي خيرا . إتكاءة حرف يسلمو على الكلام الاكثر من رائع . جنون الموج يسلمو ياقلبي انتي وواعجبتني الاغنيه مرررررررررررررررره ههههههههههههههههههههه... |
اولا
مبررررررررروك مقدما والله يوفقك وثانيا انا ما اشوف هذا سبب عائق لر فض العريس خصوصا لما يكون ذو دين وخلق وتبين رايي صلي استخاره واعقليها وتوكلي |
اختي الموضوع اذا كان يعتمد بس على المعيشه يهون وليش ما توافقين اذا كان على خلق ودين
صلي الاستخاره وتوكلي على الله واقدمي واللي فيه الخير بصير باذن الله وبعدين اتخيلي انه سكنك بالرياض وبعدها اضطر ينتقل القريه ماراح تروحين ؟؟ الموضوع جدا بسيط ومايحتاج منك تفكير وحلو ان الوحده تاخذ واحد توه في مقتبل حياته العمليه تمشين معاه خطوه خطوه الى تسكنون باحسن قصر بالرياض ان شاء الله بالتوفيق |
أختــــي نجوووود ..في البداية ابارك لك لموضوع الخطبة وان شاء الله ربي يتممه على خير ويسر ان كان من نصيبك اهم شي طبعا الاستخارة (ما خاب من استشار او استخار )..
النقطـة الثانية ..والأهم انك في الرياض وبتنتقلـي لقريه في الرياض بعد على ما فهمت من كلامك يعني في نفس بلدك ومدينتك بالتحديد اللهم فرق المسافه (ساعتين). عن نفسي اقول لك كان موضوع ارتباطي بشخص من غير بلدي امرا بعيدا جدا في تفكيري وآخر شي كنت اتخيله لأني ما احب مجرد التفكير ان ابعد عن اهلي ..لكنها ارادة الله ..اوقعني نصيبي برجل سعودي طيب جدا وفيه كل الصفات اللي تتمناه اي بنت وبالأصح وجدته فارس احلامي ..ترددت في البدايه كونه يعيش في المملكه يعني غير مقيم في دبي ..واشترط ان اعيش معه في الرياض ..في البدايه اقترحت ان اقيم في بلدي ويأتي لزيارتي او آتي لزيارته ..ولكن تأكدت فيما بعدان هذا الموضوع سيؤثر على استقراري الأسري وعلى استمرارية زواجي ..فوافقت على ان اترك كل شي اهلي ..ديرتي ..وظيفتي ..صديقاتي وكل ذكرياتي والحق بمن اختاره القدر لي زوجا وحبيبا يستحق ان اتنازل له عن كل ما ذكرت من اجل ان اعيش ما بقى من عمري معه ..صدقيني عزيزتي العمل ممكن تعويضه لكن الحب والزواج لن تعثري عليه بسهوله ..خاصة اذا ادركت ان هذا الشخص يستحق التضحيه بكل شي ..واهم شي الاستخارة ما انكر اني الى الآن قلقه من موضوع انتقالي للحياة في الرياض ..لأني ما اعرف فيها حد وستكون غريبه عني في كل كل شي المنطقه الجيران العادات والتقاليد .....كل شي ..بس في النهاية كل شي مقدر والخيرة فيما اختاره الله .. عالعموم وبالكثير خلال كم شهر ..احتمال بدايات العام القادم اكون عندكم ؟؟؟؟؟ شو رايك ..ولعلمك مصير البنت تترك اهلها وهذه سنة الحياة ..فكري جيدا بالموضوع ولا تستعجلي اهم شي ركزي على صفات العريس الدينية والأخلاقيه .:14: |
شوفي أنا كنت في هذا الموقف من 4 سنوات مع زيادة أن المنطقة التي انتقلت لها مختلفة اجتماعيا ومدنيا عن منطقتي التي تربيت فيها ووافقت على الرحب والسعة ولكن الآن لو عادت بي الأيام لا يمكن أبدا مهما كان زوجي ملاكا أن أوافق أن أبعد عن أهلي ،،،،
قد يكون سبب تافه في أعين الرجال وقليل من الفتيات ولكن الحقيقة غير ذلك ، الم تعرفي أن الرسول صلى الله عليه وسلم عندما تزوج ماريا القبطية اختار لها بيتا في منطقة مشابهة لبيتها في مصر ، في الأول والآخير هذا قرارك وهذا نصيبك وهذا الرجل يختلف عن ذاك ، استخيري وتوكلي فيما مال له قلبك |
مبرووووووووووووووووووك بجد فرحت لك
اخيتي انتي عين العقل والرجاحه عندك فهنيئا لمن تكونين من نصيبه اخيتي الاستخاره اهم شي صلاته ودينه وخلقه وربي يوفقج يارب ادعي لج ولك اخواتي في صلاتي اللهم يسر امورهم واقضي حوائجهم يا حي يا غيوم مايهزك |
إياكي أن تترددي توكلي على الله واقبلي به فمواصفات شاب كهذه المواصفات قليلة في هذا الزمن ومادام على خلق ودين فتأكدي أنه سوف يحفظك ويصونك أقول لك مليووووووووووووووووون بالمئة وافقي دون تردد
|
ألف مبروك أختي العزيزة استخيري وما رأيك بأن تطلبي مشاهدة المنزل والقرية اللذين ستسكنين فيهما بإذن الله ؟ وفقك الله |
مرحبا حبيبتي
الف مبروك يارب واول شي قبل مااحكي رايي اعملي استخارة اما راي فهو انو سبب انو ساكن بعيد عن اهلك فهادا مو سبب ابدا للرفض يعني ظروف الحياة تخليكي تعيسشي بدولة اخرى مش قرية مجاورة!!! انا راح اتزوج إن شاء الله خارج بلدي وبعيد جدا عن اهلي يعني ماراح اشوفهم الا بالسنة مرة لو نزلت زيارة هادا ان نزلت كل سنة يعني انت احسن مني بكتير حتشوفيهم كل اسبوع او كل شهر مرة عالاقل مش متلي كل سنة ولاكل سنتين اناكنت اتمنى اتزوج في بلدي قريب اهلي بس النصيب اخدني لبرة فمااعتقد هادا سبب رفض ابدا بعدين على راي خطيبي الحياة مبنية عالفراق الفراق سنة الحياة وقصة تبعدي عن اهلك بقرية تانية مش قصة خطيرة وانت احسن من غيرك استخيري والخيرة فيما اختاره الله ياقمر طمنينا اوكي |
لا تنسين تفكرين وش تقصدين بكلمة قرية يعني بلدة ريفية بدائية أم مثل المناطق التي في شمال الرياض تسمى محافظة إذا كانت القرية عدد سكانها أكثر من عشرة ألاف نسمة وفيها مرافق حكومية مستشفيات ومحلات تجارية
ما تسمى قرية توكلي على الله مصيره ينقل |
| الساعة الآن 10:58 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©