|
سهره رومانسيه بعطر التفاح
راح اقولكم على سهره سويتها لزوجي قبل فتره
اتمنى تعجبكم طبعا ممكن تكون مكرره لكن انا حطيت عليها اضافاتي وحبيت اشارك فيها عساني انفع فيها طيب كانت سهرتي ليلة التفاح دايما الاقي بالمنتديات ليلة التفاح بالون الاحمر بما اني كنت مسويه قبل كم شهر ليله حمرا قلت خليني اغير والتفاح احمر واخضر وانا مااحب غير الاخضر ههههههههه اولا جهزت الاشياء قبل كم اسبوع اشتريت 3 شمعدانات كرستال مختلفين بلاحجام وهم اشتريت ورد مجفف برائحة التفاح وشموع كثيره باشكال واحجام مختلفه برائحة التفاح واخذت معطر جو وعطر فواحه بالتفاح طبعا اخذتهم من هوم سنتر كلهم طيب رحت لماكس لقيت عندهم اشكال حلوة من الخرز وبشكل دائري مكن نحط فيها شموع اخذت 4 حبات وهم اخذت نفس الاشكال بس من الورد بشكل عباد الشمس بس لونه اخضر كان شكله مره رووووعه طيب في اشكال مره رايقه زجاجيه وينحط بداخلها شموع صغار فيطلع لون الزجاج رومانسي مره اكيد عرفتوها اخذت منها اللون الاخضر طيب هذي الاكسسوارات الي عملتها نجي للترتيبات طبعا انا قبل باسبوع كنت ارسل لزوجي كل يوم مسج واقوله استمتع بوقتك بعد كم يوم راح اعيشك بليله ماراح تنساها وكل يوم يرجع يسئل عن السالفه بيوم الحفله تركت له بسيارته بالصباح بطاقه بشكل قلب طويتها بشريط ستان وثبت معها شمعه طويله خضرا برائحه التفاح زوجي يقولي ريحة السياره صارت تجنن من الشمعه وبصراحه انا حبيت اغير بنوعية المفاجئه طيب تعالو اقولكم شنو كتبت فيها ((قمري رائحة التفاح العطره انست ادم جمال الجنه وزهوتها ليقدمها لمعشوقته حواء فاصبح التفاح فاكهة العشاق وعلى ذكره تتمايل القلوب عشقا وبمذاقه يحيا الهوى وبمنظره يزهو الغرام فهل ياذن ادم بقضاء ليلة رومانسيه مع حواء ليله يزينها التفاح وقلبي العاشق)) بعد ماوصل للدوام عطاني اشاره بالموافقه على الجوال طرت على طول ارتب للسهره الموعوده نجي للغرفه طبعا اشتريت 30 متر من التول الاخضر وانا اقولكم ليه اخترت التول لان سعره يابلاش تعرفون كم المتر ريالين واكيد راح يؤدي الغرض طيب نثرت التول على ارض الغرفه والدولاب واعمدة السرير اخذت قماش ستان ناعم وحطيته على التسريحه زميته من طرف الفوقي بشكل كسر وحطيت عليه اسواره كانت عندي من الكرستال الاخضروتركته جزء منه نازل على الارض من الجهه الثانيه بشكل طووويل جدا من جنب التسريحه طبعا ونثرت عليه ورد مجفف وشموع مختلفه حطيت على التسريحه الفواحه وشموع وبطاقات القلوب الرومانسيه نجي للسرير حطيت مفرش ستان اخضر تفاحي طبعا اشتريت قماش ووديته للخياط مع المقاسات وعمل لي المفرش والمخدات والتكيات الصغيره لاني مالقيت مفرش ستان لحاله وهم الميزانيه كانت ماتسمح طيب نجي للارض كتبت كلمة احبك موووووت بالشموع الصغيره ونثرت حواليها الورد المجفف حطيت طاوله صغيره وحطيت عليها مفرش ستان وقطعة تول ونثرت شوي ورد وحطيت الشمعدانات الكرستال وبرواز عليه بطاقه حلوة سويت ابل باي وانواع من حلويات التفاح وطبعا العصير كان عصير تفاح وغلفت الكاسات والشوك باشكال حلوة من الشرايط الخضر طبعا ماحطيت كراسي انا اقولكم ليه حبيت اغير وتكون الجلسه على الارض جبت مرتبه من غرفة عيالي فرشت عليها مفرش حلووو وناعم وحطيتها قريب من الطاوله طيب اخذت قصاصات من الورق الاخضر وقصيتها بشكل قلوب عملت منها كثير ووزعتها على الغرفه على الجدران والدولاب وكل مكان كتبت مثلا احبك ياكل الغلا... انت روحي وعمري... انا فخوره انك زوجي... انت افضل رجل بالعالم ولاانا اشوفك كذا لاني احبك .. حطيت 4 قلوب ولزقتهم متصلين ببعض كتبت عليهم انا احبك اكثر انت تحبني اكثر نحب بعض بالتساوي مومهم المهم نحب بعض وعايشين بسعاده طيب الحين جاني الدور رحت واخذت حمام وكنت مجهزه ملابس داخليه باللون الاخضر التفاحي ومعها فصوص كرستال لماعه واشتريت متر ونص من قماش شيفون مشجر اخضر شكله مره راقي وربطته على شعري وخصري بس مومثل شال البحر لا مثل الساري الهندي تقريبا وكنت شاريه عطر تفاح ولوشن وبدي جل استخدمتهم عشان يصير كل شي بالتفاح حطيت مكياج عيون اخضر ولماع اخضر على كل جسمي عطرت الغرفه وشغلت الفواحه والشموع طفيت الانوار وجلست انتظر زوجي واشمشم بذا الريحه الحلوة طبعا مااقدر اوصف لكم سعادته وكان مبسوط على الاخر وكانت ليله رووووعه الى اليوم يتكلم عنها وعن جمالها اكيد زهقتكم واكيد قلتو ماتعرف توصف وياكثر هذرتها بس الساعه الان 4 الصباح وانا هلكانه من النوم بس اذا طق براسي شي اسويه ولا مايجيني نوم ههههههههههه يالله تصبحون على خير وياويل الي يدخل ومايرد تراني حاطه كاشف نت كخخخخخ بعد ذا التعب والساعه 4 وماتردون الي مايبي يرد يحط اسمه ويطلع والكسلان يحط نقطه وانا بعرف اسمه كخخخخخخخ واتمنى تجربونها وتدعون لي |
روووعة خيالك تدرين وش أكثر شي عجبني؟ إنك تستخدمين خيالك بتجهيز الأشياء مثلا .. رحتي اشتريتي قماش الساتان الأخضر وطلبتي من الخياط يخيطه لك كمفرش للسرير .. وكمان الشال الشيفون اللي لفيتيه على جسمك .. ترى هذي الحركات تعطي لمسة شخصية خاصة على أعمالك قدام زوجك اعجبني ابداعك .. يا سلالالام عليـــــــــك الله يهني زوجك فيكي باحط الفكرة ببالي .. مين يدري يمكن أجربها لمن أتزوج :d برافووو مشتاقة أضمك :22: |
انا بنوته لكن ما اقول الله لا يحرمكم من بعض قولي آميـــــــــــــــــــــــــــــــــــــــــــــــ ــــــــــــــــــــــــــــن ...
|
ولاتزعليييييييييين يا الغاليه مشكوره
وفكره مره حليوه ورومنس ووووااااااااااااااااااااااااااااي ذبت انا في اقرب فرصه راح اسويها بااااااااااااااااااااااي رايحه احلم وعديتني نووووووم تصبحين على خير |
الله يعطيك العافية فكرة مرررة حلوووووة ان شاءالله اسويها
تحياتي |
المره جايه شمام لوووووووووووووووووووووول
الله يوفقك |
ليله جناااااااااااااان........................ز
الله يهنيكي يا اروع امراه................................. إن شاء الله بس اتزوج اسوي الحركات اللي تفتح النفس دي........................ بس إن شاء الله يستاهل المنتظر.................................. لمن تصحي من النوووم قولي اش راي زوجك في فنك............................... وابدعتي وبصراحه وانا اقرا تخيلت الغرفه حماااااااااااس................ز الله يوفقكم يارب........... |
يسلموووووووووووووووووووووووووووووووووووو وانتي من اهله يا تفاحه
|
يا سلام عليكي والله تليقين مصممة ديكور ..او مصممة ليالي رومنسية....بصراحة شهيتيني اتزوج الحين علشان افاجئ زوجي بليلة حلوة مثل هي....
واذا اقتضى الامر انا رح اعمل ليلة مثل هي لنفسي..خخخخخخخخخخخخخخخخ الله يهنيكم ببعض ويزيدك افكار وافكار حلوة تسعدين بيها زوجك وتشهينا بيها.... مع تحياتي.... |
فكره راااااااااااااااااااااااااااااااااااااااااااااائعه
اكييييييييييييييييييييييييد بسويها بإذن الله الله يسعدكم ويسعدنا وكل المسلمين |
فكرررره ولا اروع
تسلمين ياغاليه والله يهني زوجك فيك |
ليلة رومانسية حالمة من ليالي ألف ليلة وليلة 0
شكراً أختي علي هذه الليلة 0 أختكِ الوجه الآخر |
الله يوفقك اختي ويهني زوجك فيك لانه بصراحه مع مشاغل الدنيا الوحده فينا ماتفضى تسوي شي تفاجئ زوجها فيه مع العلم اني انا توني لي 7شهور زواج بس الله يهنيكم
|
اولا اسفه على التاخر بالرد بسبب سفري وتوني واصله<<قولو الحمد لله على السلامه
طبعا شكرا لكل من دخل ورد ولكل الي ماردو هههههههه وبصراحه اختي توتا زوجي عجبته الفكره جدا وانهبل عليها تعرفين شنو قال ....... والله والله انه كان متعجب ومبسوط وقالي تصلحين تصممين ليالي مميزه اوشهر عسل للعرايس في فنادق فايف ستار وكان جدا منبسط ويطالع بلاغراض ويسال متى اشتريتيهم خصوصا ان في بعضها شريتها معه وبعضها مع اخوي وبعضها بصراحه مع زوجي قلت له لاختي تبي اقمشه عندها عمل فني بالمدرسه ومسكينه ماعندها احد يوديها للسوق >>قمة النصب بصراحه طلعاتي للسوق قليل تكون من دون زوجي لهسبب اضطريت للف والدوران هههههههههه بس مااعتقد اقدر اعيدها لان صار عارف الخطه ابو الشباب من كثر ماسويتها المهم انا غلطت غلطه اتمنى مااحد يغلطها مثلي باعتبار ان عيالي يوم الاربعاء يروحون لبيت اهلي قلت فرصه اليوم البيت فاضي لكن نسيت ان زوجي يكون الاربعاء مداوم وماينام العصر باعتبار انه يوم اجازه<< من الوناسه الظاهر ههههههه بصراحه ماطولت ليلتنا الرومانسيه كثير لانه نام من التعب بس كملناها بالصباح وكانت ماشي حالها تحياتي للجميع |
فكرة روعة و أكثر من ابداعية أختي ... و اسمك كله مزيكا و رومانتيكا :d ..الله يحفظك لزوجك يارب
|
ما شاء الله خيالك واسع ... و عندج ابداع .. أهم شيزوجك استانس و انت استانستي .. عسى الله يوفقكم و يبعد عنكم الحساد و شره مآميييييييييييييييين يا رب العالمين ..
مع تحياتي لكم ....... سميدعة |
ماشاء الله ماشاء الله
وااايد حلوة الفكرة |
devoted
تسلمين حبيبتي على الرد والمرور واسمك الاحلى سميدعه ربي يخليك ويحفظك من كل شر لعيون احبابك واهلك معذبه في الارض اسمك يعور القلب والله واتمنى تكونين ممن انعم الله عليهم في الارض ومرورك هو الاحلى عزيزتي وتقبلي خالص تحياتي |
جميلٌ جدا حينما يفعل الإنسان عقله .. ويجعل خلاياه تدور وتدور للخروج بمثل هذه الأفكار الجميلة ... بارك الله فيكِ أختي على الإفادة لنا جميعاً ... وبارك الله فيكِ على حرصك على رضا زوجك وإسعاده .. جعل الله ذلك في ميزان حسناتك ... وموفقين إن شاء الله |
.
حطيت النقطه عشانك افكارك الحلوه بس اسئلك التول هو قماش الجبون المنقش عليه بالخيوط و شكرا |
روووعة
|
ماشاءالله روعة
الله يخلي لك زوجك تم الحفظ لحين التطبيق في المستقبل ان شاء الله :26: |
فكرة كتييييييييير حلوة :22:
الله يسعدك مع زوجك يا رب وادعيلي اني اتزوج في القريب العاجل :14: |
اختي روح زوجها
التول يشبه قماش الجبون لكن يكون طايح اكثر قماشته راميه اما الجبون واقف انا النوع الي خذته طايح مره وعادي جدا في انواع تجي بلمعه وفي شي مع زري بس لقيتها مترها 10 ريال وانا راح اخذ كميه فاستخسرتها لاني راح اقصصها وبعدين ارميها لهسبب مااخذت غالي خصوصا ان ميزانيتي موكبيره يعني كل واحد حسب ميزانيته اتمنى اكون افدتكم واي سؤال انا حاضره والله يهني جميع المتزوجين مع ازواجهم ويسعدهم ويزوج جميع العزازيب يارب |
الله يسعدك
نشطتى عندى حس الابداع بس ييجى من السفر كمان 12 يوم الله يباركلك فى زوجك تقبلى تحياتى |
السلام عليكم
ماشاالله تبارك الله مره فكره حلوه ومحمسه الصراحه بس الله يعين التنضيف في اليوم التاني ممكن أحسن للي لسه مخطوبين تسويها وهيه في بيت أهلها بس طبعا يسوا بعض التعديلات يعني مثلا حتكون حفله بمناسبة عيدميلاده فحتجيب كيكه لونها أخضر وحتلبس طبعا ملابس فيكون لون فشتان أخضر والهديه اللي حتجبلو هيه تكون متغلفه باللون الأخضر وأنا بأقول انها تكون في بيت أهلها عشان يعني في اليوم التاني يساعدوها في التنضيف ويكون معاها شغالات مثلا شكرا |
صراحه مرررررررررررره حلوه الفكره عجبتني
بس ناقص تشرين هديه للزوج وتكمل راح اسويها انشالله مشكوره اختي |
| الساعة الآن 02:13 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©