|
أحبه موت بس يفكر بالزواج..........محتاره
عشت 15 سنه مع زوجي عيشه سعيده وعندنا أولاد ولله الحمد ولكنه في الفترة الأخيرة كثيرا ما يتكلم بالزواج من الثانيه ويعدد لي معارفه المتزوجين وأنهم مبسوطين ويقول دايما متى تخطبي لي زيهم والمشكله في الموضوع أني إذا سمعت هذا الكلام أتضايق وأجلس أمام المرآة لأتأكد هل فيني عيب والله إني فقفدت ثقتي بنفسي من كثر ما يتكلم عندي بالموضوع وهو إذا شافني تضايقت وأحياناُ تدمع عيوني وأقوم وأترك له المكان يقول عني إني حساسه وما أعرف المزح وآخر المواقف أرسل لي رساله باسم حرمه تقول إنه خطب بنتها وتبي تستشيرني وكان عاملها بسبيل المزاح ولكني زعلت وصار يقول إنتي ما أحد يمزح معك .
انا دايما أقول له إني ما أعترض على فكرة الزواج بس ما أحب يتكلم فيه عندي واستمراره هو اللي مضايقني وصرت ما أعرف هو يمزح ولا جاد حتى أحيانا أشك إنه متزوج ومخبي عني ................أنا أعيش في هم ووساوس ليل ونهار أرجوكم ريحوني الله لا يحرمني منكم. |
حبيبتي انا مو متزوجه بس لى اعرف اذا ما حدتى موقفج من البدايه و صرتي عادي ما راح يحسب حسبك و يقول هاى ضعيفه و ما تقدر تسوى شى اذا عن جد تزوجت
الله يهدى زوجك |
هو يثير غيرتك ، يريد أن يشعر باهتمامك ، زيدي جرعة حنانك له قليلا ، غيري في البيت في نفسك في روتينك ، وإذا فعل هذه الأشياء لا تظهري غضبك حتى لو كنت بتغلي ، ، ساعتها سيتعجب ، أثيري فضوله دائما ،
|
الله يعينك يا غاليه وربي مقدره موقفك ومجربته ونفسي القى كلام يطبب الهم الي في قلبك بس ماني لاقيه غير كلمتين
قولي يالله فرج همي وحبب زوجي فيني وسخرلي زوجي الهجي بها دوماا ونصيحه لا توضحين له انك متمسكه فيه والله يهون عليك وعليا و واصبري واحتسبي الاجر عند الله |
أشكركم حبيباتي على تفاعلكم معاي والله ما لقيت أحد أحكي معه إلا إنتم
maynoona شكرا لك على نصيحتك قهوة مغليه مشكلتي خجوله ووالله انا أحاول أغير وألبس له وحركات بس مو كثير . ودايما أحب أحطه بحضني وأقول له أحبك حتى إذا كلمني في خاطري أقول كلام حلو بس ما أقدر ما أدري السبب أنا ولا هو . شخصية زوجي طيب مرة بس فيه عصبيه ورسمي في تعامله. |
صارحيه ولا تسكتي لتجعلي الشك يقتلك أخبريه هل فعلاً تريد الزواج ؟؟؟ إن أردت الزواج فتزوج ولكن لا داعي لأن تلعب بمشاعري هكذا
|
أمل الحياة
مشكوورة حبيبتي الله يعطيك العافيه ويسعدك في حياتك ويجعلك قرة عين لزوجك ولا يحرمك الأجر . |
طنشي ولا تردين عليه سوي روحج ما تسمعين
|
دلع ودلع ..... تسلمين حبيبتي على ردك والله جربت بس ما في فايده لما يشوفني زعلت يقول أصلا أنا أمزح معاكي .
jassem_9 شكرا لك على ردك أمنى أسوي اللي قلت عليه بس ما أتحمل . |
انا رايي مثل الاخت maynoon
وانا اختي صار لها مثل هالموقف قبل سنتين صار زوجها دايما يمزح معاها بهل الموضوع وهيه تضحك معاه وتفكره يمزح وتقوله عادي روح اتزوج.........بس هو طلع يجس النبض واخذ على كلامها وتزوج .............فنصيحتي انك تكوني حازمه معاه وترفضين المزح نهائيا في هذا الموضوع... |
الرجال الي يحب يتكلم ما منه خوف
المشكله في الي ما يتكلم .. هذا هو المصيبه :d ابو عيالك يبي اهتمام اكثر .. ممكن تغير |
الغالية صاريحه و خليه يحلف اذا هو هصادق و لالا؟ لان الرجالما فيهم امان و اذا انتي مش راظية على زواجه قوليله الصراحه و خليه ما يعيد هالحركات لان الصراحه ينخاف منهم رياييل هالزمان ....حاولي تخلينه يصارحج
|
مع احترامي... لكن انا ماسمي هذا مزح ولو انا مكانج مازعلت جان مت في مكاني من القهر ..
انا في نظري توقفينه عند حده ولا تخلين حبه ينسيج ان انتي انسانه ولج مشاعرج واحاسيسج وهو واجب عليه انه يحترمها... |
شكرا لكم على تفاعلكم معاي والله حسيت براحه نفسيه كبيره لما لقيت أحد أطلع له اللي في قلبي
راح أحاول أعمل اللي أقدر عليه والله أحيانا لما أطفش أفكر أقول له يتزوج بس يريحني من هذا العذاب النفسي شكرا لكم حبيباتي والله إني حاسه إني أعرفكم من زمان مع إني جديده بينكم الله لا يحرمكم الأجر . |
السلام عليكم ..........
اختي عليك اولا واخرا بالدعاء ......... لانه هو سلاح المومن .........الي كاتبه ربي هو الي بيصر لا تشغلي نفسك ويضيعك التفكير ...... ولا تعصبين على زوجك بالعكس كوني احسن من اول والرجال مالهم الا هذي السالفه ....... في رد قريته بالساحه المفتوحة وعجبني مرة ....... انت سوي مثله وحده طفشها زوجها بسيرة الزواج قـــــــــــــــــــــالت له : انا موافقه بس عندي شرط ...... انك تعدد مثل طريقة الرسول صلى الله عليه وسلم ....وبنفس الطريقه قال لها ايش طريقة الرسول صلى الله عليه وسلم .... قالت مين اول زوجات الرسول ؟ قال خديجة وقالت متى تزوج عليها قال بعد ما مات .......... قالت اجل خلاص لمت انا ذاك الوقت تزوج اما الحين لا لاني ماني موافقه ..... صـــــــــــــــــــــــــــــــراحة عجبني رد رائع بمعنى الكلمة ومسكت .................. إن شاء الله تستفدين ولا تنسيني من دعاك ان ربي يوفقني سخر الله لك زوجك |
الله يعينك والله حسيت فيك
لانك تحبينه واكيد هذا يجرحك ادعي مافي احسن من الدعاء |
معليش مافيه مزح في هذه الامور
شوفي اختي يمكن انت مقصرة معاه في شئ وبيني له انه مافيه مزح في هذي الامور الا سالفة الزواج تحرق المرأه حرق الله يعينك اختي ويفرج همك يارب |
هو جاااااااااالس يغيضج
بس قوليله مايفتح الموضوع جدامج حتى لو غشمره الموضوع يضايقج وازعلي منه اذا تمكلم وقول طنشي وعيشي حياتج وخليه جزء من حياتج مب الحياه كلها |
الرجال اللي يكثر مزح في هذا الموضوع يجس النبض عند زوجته
انا زوجي سواها من سنين وكنت اتضايق وفي الاخر لما قلت له تزوج وخلصني من هذا العذاب اكتشفت انه فعلا ناوي يخطب وارسل خواته يسالوا عن البنت لانه كان فيه شوية شك في اخلاقها كونها كانت على علاقة معاه فاكتشف ان اخوه كان على علاقة معاها قبله وغير رايه وتوقف المزح |
انا انصحج تعطينه كلمه في الويه تهديد يعني تقوليله أنا ما اشوووف فيني عيب على سبه تتزوج علي اذا سويتها يا انا يا اهي في حياتك
بيحس بجديتج وبيتراجع لو كان يحبج |
الله يفرج همك ان شاء الله
اكثري من الدعاء خاصه في منتصف الليل وبين الاذان والاقامه ...وصارحيه انك تتقبلين المزح الافي هذا الموضوع لانه حساس ""اللهم سخر لها زوجها ويسر امرها واجعله يراها كامله في عينيه"" |
والله الرجال لابغو يتزوجون مايردهم شي
وبعدين تعاملي مع الحوادث بواقعية وش تبين تسوين اجلسي في بيتك وحافظي على رجلك (((ترى مافيه رجال))) تجلسين تدلعين لين الرجال يهج ويلقاله وحده فاضيه وتطير به ويطير بها |
فعلا انتي اصيلة يا حبيبتي الغالية لكم من تزوجتم 15 سنة ولسة انتي موعرفة زوجك زين قصدي ما تقدرين ان تميزي اذا كان كلمة مزح ولا جد تاكيد من نيتة زوجك والله يكون في عونك و يرجع حق صوابة إن شاء الله
اختك فجر الغرام 0000اذازوجك صرف ا لموضوع عطينا خبر 0000 |
لا تهتمي
ال ما يباج لا تصيحي تباه خليه على راااااااااااااااااااااااااحته |
اخيتي الفاضله اهنئك على حبك لزوجك
حاولي ان تفهمي مدى جديته في الموضوع وان تصاريحيه بان هذا الكلام يضايقك واذا كان يحبك فسوف يترك هذا الكلام وراعي مشاعرك لكني اعتقد انو يجس نبض هل انت موافقه ام لا فان كنت موافقه فقوليها له صراحة وان كنت رافضه افاعلنيها له حتى يتوقف عن هذا الكلام الجارح الذي لا يحس به الا المراءه واتمني لك التوفيق |
أشكر كل من خطت أنامله وشاركني في حل مشكلتي
و أسأل الله أن يكتب له الأجر والمثوبه وأسأله تعالى أن يبعد عني وساوس الشيطان الذي فرق بين أبونا آدم وزوجته حواء ولا يزال يحرش بين بني آدم أسأل الله أن يغفر لي ويعفو عني وعنه |
انا من رااااااااااايي انك تصارحينه بالموضوع وتعرفين منه هل اهوى جاد ولا يمزح
واذا عرفتي انهو يمزح ونا هذا يزعلك حاولي تغيرين الموضوع :22: واذا كان جاد فالله يساعدك عليه ودعي له ان الله يهديه:25: |
السلام عليكم ورؤحمة الله وبركاته..
اذ فتح معاش الموضوع خبريه وذكريه.. وقولي له وين العشرة 15 سنة تنساها في لحظة.. هل هذا جزاتي اني معاك و احبك.. وبعدين شنو فيني انا ناقص.. ترى محد كامل وانت نفسك مب كامل .. ممكن ربعك الي تزوجوا مستانسين لكن انت هل تضمن تحصل زوجة مثلي .. وعلى العموم ما اعتقد اني بظل احبك او اكن لك نفس المعزة بقلبي بعد زواجك.. |
يمكن يكون يحن لايام الزواج وخاصه شهر العسل
حاولي تغيري تتدلعي انت تبادري بقربه اكيد وقتها بينسي وبيفرح الله يبعد عنا الشريبكه وعلي قول جدتي الشريكه تحر لوهي بالقبر تحياتي |
يا شيخة هذولي الرجال كلهم كذا كلام X كلام ما عندهم الا هالسالفة اذا زعل من زوجته قال باتزوج
..................... المهم أمن مستقبلي ومستقبل عيالي من كل النواحي وبعدين فكر ، |
والله منتي داريه تسكتي وتطنشي كلامه يروح يسويها ؟؟؟؟:(
ولا تصيحي مثل ماسويت وتنتهي مثل ماصار لي ؟؟؟؟؟؟؟مره صارت مشكله كبيره بيني وبينه ,,,وجاء ابوه وقال لي انه يبغى يتزوج .....ولما رجعني وفتحت الموضوع اصر عليه وانه حق من حقوقه ...... رديت عليه ليش رجعتني طيب؟؟؟؟؟وقامت مشكله مره ثانيه...وراح لاهلي يحلف ويقسم انه مايبغى يتزوج ولا ايلقى مثل ضفري لو لف الدنيا كلها ......وانه قالها وقت غضب ...وبدل ما يكونوا اهلي في صفي صاروا ضدي ..... يعني انتهت القصه اني انا الغلطانه .... صراحه ماتدري ايش التصرف الصح ....ولا اقلكم انه بطلها والله امس قالها لي ,,,,رديت عليه ببرود وقلت طيب ..الظاهر بغى يبدا مشكله؟؟؟؟:11: صح |
تحياتي الحارة لكل من سعت في الترويح عني
والله لايجيب لها نكد ويجمع بينها وبين زوجها وبالنسبه للي تقول تدلعي عليه فأنا والله أبذل جهدي وأتابع المنتدى وكل ما ينزل جديد أحاول تجربته والكمال لله بس ياليت الرجال يحسون بتعبنا علشانهم والزواج من حق الرجل بس ما يظلم زوجته أو يتكلم بكلام يضايقها . أسأل الله أن يفرج عنكم كل ضيقه ويسعدني مع زوجي طول العمر . |
الله يكون في عونك عاد مافي رجال مايقول كذا لزوجته انا من ناحيتي اعطيته حلق في اذنه اني ماراح اعيش معاه وهو متزوج وحده غيري هو ماخذ كلامي بمهزله بس انا جاده والله يكون بعوننا
|
شكر لك حبيبتي والله يكون بالعون
ولازم تفهمي زوجك إنك تريدين إسعاده وحاولي التجديد فالرجل أي حركه جديده تأثر فيه وزيدي علاقاتك واشركي زوجك فيها واملأي عليه البيت حتى لا يحس بالملل واللي يفكر بالزواج لن يتوانا عنه إذا سنحت له الفرصه و مسك على زوجته شيء ( يارب تصبرنا ). |
الله يكون بعونك اختي والله هاد لو مزح بكون مزح تقيل ولو جد الله يعينك يارب
بس خبروني هلا في الاسلام يجوز للزوج يتزوج ثانيه اذا كان سبب بس انه عندو طاقه زياده؟؟!!!!! وانو جايعبالو يغير؟؟!!!!!!!!!!! ارجو الرد ضروري :29: :19: :16: |
artimos_216
أشكرك حبيتي على ردك والله انتي اللي جبتيها (والله هاد لو مزح بكون مزح تقيل ولو جد الله يعينك يارب ) ***** والمشكله لما الزوجه تعيش مع زوجها سنين في حب ومودة ولو يبي روحها ما تتأخر يروح يدور له على بنت أصغر من بناته ولا يدور على وحده أحلى من زوجته ووقتها ما راح أحد يلومه لو تعلق فيها وخصوصا إن الزوجه الأولى بيتها مليان أطفال وإزعاج وهناك ياسلام على الراحه . يمنع وضح الروابط الخارجية |
واضح انه يمزح
|
mona
يارب يكون كلامك صحيح المشكله أنا ما أتقبل هذا المزح لأن بعض التصرفات تخليني أحترق وأشك إنه ما يمزح فكل شي أسرار ، الجوال ما أقدر أفتحه بحجة إن فيه أسرار خاصه ( أنا زوجتك ليه ) وما فيه مجال للنقاش لأني في النهايه الغلطانه لما يدق الجوال يطلع برا يتكلم . ولو فقدته مره وهو يكلم وانا متأكده تحجج بأي حجه ولا إنه يقول إنه يتكلم بالجوال والله أكتب ودمعتي على عيني خايفه على حياتي تنهدم الشك بيفسد علي حياتي أرجوكم انصحوني ان كنت غلطانه ...................... أرشدوني لحل .....................محتاره . |
ختي الكريمة الشك يقتلك انت ولا يبرد نار تفكيرك فالترويه و الحنك في تفحص الامور وتوزينها هي افضل طريقة للوصول للهدف فهدفك معرفت ما يقوم به زوجك من ورائك هذا ازا كان هناك شيء يقوم بهه غلط اصلا ومن الممكن انتتكون هذة مجرد شكوك
|
في رأيك إذا كنت متأكده إنه يتكلم بالجوال وقال لي إنه ماكان يتكلم وأنا ما تعودت يكذب علي هل أطنش و أمشيها و أدفن مشاعري . والله كلمات الحب ما أقدر أطلعها لما أتذكر اللي صار وأنا أحاول أقنع نفسي إنها شكوك بس ما أقدر .
جزاك الله خير أختي شيماء . |
| الساعة الآن 08:44 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©