|
زوجي عرف كيف يأدبني
انا متزوجه من فتره قريبه .. وااايد أثق في زوجي وهو بصراحه قد الثقة ... بس تعرفووون خفة عقل البنات عاد ..
أنا متعوده افر موبايل زوجي فر .. يعني أقرأ مسجاته وغيره واشوف الأرقام اللي عنده ... عادي يعني وهو ما يقولي شيء ...انا ما اسوووي جذي من باب عدم الثقه لا بس من باب الفضوووول .. في يوم زوجي كان راقد وأنا يالسه بروحي طفرانه كان اخذ موبايل ريلي وقلت خلني امارس هوايتي المعتاده .. المهم لقيت 3 مسكولات من رقم غريب ... ما اهتميت قلت واحد من الربع .. بس وانا اقرأ الأرقام المخزنه في موبايل ريلي لقيت نفس الرقم مخزن بس بدون اسم .. افتر راسي زياده .. سرت دقيت على الرقم من موبايل ريلي اوني ابي اعرف ريال والا بنيه ( شووفووو الشيطان ) والساعه كانت 2 في الليل رد علي ريال قال الووو سرت قفلت في ويهه ومن خوفي مسحت الرقم ورديت الموبايل .. نش ريلي ثاني يوم وسار الدوام ورجع من الدوام ... ويوم صرنا المغرب وانا وياه يالسين يلسه رومانسية دق نفس الرقم ورد ريلي ( طلع ربيعه العزيز )( قلت بيني وبين نفسي انزين ليش مو مخزن اسمه ) وقاله ربيعه طبعا انت دقيت علي الساعه 2 في الليل ( وريلي راقد ومحد غيري وغيره في البيت يعني منو دق أنا ) ريلي عصب علي ( بس انا ما اعترفت ) قلت له انا شو دراني برقم ربيعك عسبت ادق عليه ( ان مكرهن عظيم ) بس ريلي عطاني نظرات ما ابي غيرها ويلس يوم كامل ما يرمسني ( وانا بعدني على رأيي ما اعترفت ) مسكين ريلي حاول يقنع عمره ان ربيعه يمكن مغلط ورجع يكلمني عادي .. الحين مرت على السالفه 3 اسابيع كل ما اشوف موبايل ريلي اخاف امسكه .. الصراحه ريلي أدبني عدل |
الله يقطع سوالفك يا بحر الأحزان..
أش خليتي للحريم اللي يشكون في رياييلهم.. واللي صايدين رياييلهم اكثر من مرة.. عشان ينسى الموضوع نهائيا لا تفتشين في جواله.. خصوصا قدامه.. وفقك الله.. |
هههههههههههههههههه
الله الشيطان يلعب بالنساء على كيفه حبيبتي المره الجايه خوذي الرقم ودقي بالنهار من موبايل ثاني ياذكيه << خوش نصيحه اقول احمدي ربك ان زوجك ماسو فيك شيء ثاني لكن طلع ما شاء الله عليه عاقل |
ههههههههههههههههههههههههه ضحكتيني :d
:21: :21: :21: واكابتيني لانه لسه عزابيه :21: |
قلبك ابيض |
أية كذا حريم ماتمشي معاها الا العين الحمراء:18:
بس اياك تعيدينها المرة هذا نظرات المرة الجاية :16: يعني خليكي سنعة على طول :d بالتوفيق يالغالية00 |
اقتباس:
أصلا صرت ما امسك موبايله من الخوف والله |
ههههههههههههههه ياحبي لك يابحر الأحزان
اصلا حركتك واضحة .. كان دقيتي من بكرة ومن موبايل اختك أو أي احد ثاني :d << تخربك زيادة بس انت دقيتي من موبايل زوجك يعني مبين هههههههههه خلاص تأدبي وحاولي تبتعدين عن هالتصرفات تراها متعبة |
اقتباس:
لا ان شاء الله مافي مرة جايه اتأدبت خلاص |
اقتباس:
اصلا من الذكاء الزايد اللي فيني قلت خلني اتصل من موبايل ريلي .. خفت الصراحه اتصل من موبايلي لا انكشف 100% وبعدين كان الوقت بالليل وبروحي في البيت ومتحرقصة ابي اعرف موبايل منو |
أنتي فعلا عاقلة وتعرفين تقيسين الأمور لأنك استفدي من هذا الدرس المحرج
لكن المصيبة فيه زوجات يكابرون ويخربون بيوتهم بإيديهم كله شك بس ارضاء للوساوس والشيطان هذي المرة نظرة وعدت................ والمرة الثانية ............شيء أقوى |
ههههههههههههههههههههه
بصراحه ياليتني جنبك يوم يتصل فيه صديقه احس قلبك قام يرقع ههههههههههههه يحليلك انت تبت بس فيه حريم .... الله المستعان ما يتوبون تحياتي لك اختك بالله جينز |
زين سوي فيج هههههههههههههههههههههههههه
|
بارك الله فيكِ أختي الكريمة " بحر الأحزان " على قناعتك بعد تصرفك .. وعدم ترك البابِ مفتوحاً للشيطان اللعين كي
يزرع في داخلك مزيداً من الشكوك .... متمنياً لكِ حياةً سعيدة بعيدة عن الشكوك إن شاء الله ... وإن شاء الله جميع الأخوات الزوجات يستفيدوا من تجربتك هذه .. تحياتي وتقديري ؛؛؛ |
الله يجزاك خير
هذا وانتى توك متزوجه معاني الكلمات طفرانه : فاضيه ريلي : زوجي |
هههههههههههههههههههههههههههههههههههههههههههههههههه ه
تدرين لما قريت العنوان ضحكت ولما قريت المووضوع ضحكت اكثر خخخخخ فشلييييييييية شسويتي فيه للريال |
شكرا لكل من قرأ سالفتي
بصراحه أنا حطيتها عسب كل الحريم يتأدبون وما ينبشون وراء رياييلهم بدون سبب اللهم أني اسغفرك وأتوب اليك |
| الساعة الآن 06:03 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©