|
الميزانيه
السلام عليكم ورحمه الله وبركاته
ابدخل بالموضوع مباشره انا حالتي حاله مع زوجي محيرني بهالراتب ناس اقل منا وضع مادي ويسافرون ويروح ويجون ويسكنون ويشرون باغلى شي وانا كل ماقلت له قال ماعندي:( احاول احاكيه وافتح الموضوع معه واجيب ورقه وقلم واقوله اكتب وين راحو الفلوس فيه ويتهرب !!!!!!!!!!!!!!!!!!!!!! نجي للايام الثانيه يمكن صادفه اربع شهور لاوصلنا لنصف الشهر اتارينا داجين ماعندا فلوس وناس راتب زوجها الفين ريال وعايشين لنهاية الشهر وانا نص الشهر مفلسسسسسسسسسسسسين رغم ان زوجي مهندس وراتبه معقول بس ليه كذا؟؟ يصرفني؟؟ ولا يكذب علي؟؟ ولا بخل؟؟ انا مابي اظن فيه ظن سؤ بس ليش غيري اقل ماده وعايشن طبيعي وانا لو اتعشى اليوم من مطعم قالي من بكرى ماعندنا فلوس ؟؟؟؟؟؟؟؟؟ مادرى هذي حركات شبابيه جديده يورونا العين الحمراء فيها ولا شنو تمنى تساعدوني بالحل ايضاجاوبوا على الاسئله: كيف تدير/ين مالك؟؟ من يضع ميزانيه البيت؟؟ وكل واحد يحط خطته وطريقت تقسيم الراتب؟؟ |
موضوع حلووو ..........اتمنى ان لاتنسون الصدقه فهى بركه
|
يمكن زوجك مايعرف يخطط للراتب عدل..
بمعنى إنه مايوزعه بالطريقة الصحيحة.. لازم تخلينه يخطط لها جيدا الشهر القادم.. فيأخذ ورقة وقلم ويكتب كل ريال وين يضعه.. وعلى أيش يصرفه.. هذا اللي دايما نعمله.. للتوضيح.. مصروف زوجي.. مصروفي.. (أنا قدرت ووضعته.. ويشمل كل مايدخل بخاطري من الكماليات) مصروف بناتي.. ( أنا قدرت ووضعته.. ويشمل المأكل والملبس) مصروف البيت.. ( يشمل المأكل والمشرب والطلعات الترفيهية للاطفال و الوجبات خارج المنزل ووو ) والدته.. الخادمة.. البترول.. الفواتير.. وتكون تقريبية.. والباقي احتياط للظروف المفاجئة كتصليح سيارة أو عيادات خاصة أو سفر أو تجهيزات العيد..... |
الحزينه...مشكوره فعلا كثيرا قالوا لي الحل هي الصدقه
|
بحرينيه ولكن: مو هي المشكله خواتي يقولون لي زوجك مايعرف يخطط طيب كيف اخطط انا ؟واحلها بدون مااجرحه؟
انا لمى اجيب ورقه وقلم ونخطط انا وياه مانضبطها مدري ليه:( والاشهر الي بعدها مانمشي عليها وكل مره نطيح بنفس الغلط يعني وضعنا جدا غريب محد يصدق انه شخصين ومو مكفينا راتب يكفي عائله كامله كذا مره حاولت احاكيه واذا قلت له راتبك عالي ليش يطير يقولي وش تحسبين العيشه انت ؟؟ يعني يبالغ بالعيشه والصرف وانا مالي الا اني اسكت لاني مو انا الي اشتري مقاضي البيت ولا شي بس كل الي حوالي يقلون لي وضعكم غريب مدري وش بيدي وانا امراه؟ انا بس اخذ مصروفي منه الشهري غيره ماطلب منه شي ابدا لدرجه اني مره عصبت حيل عليه وقلت له تصرف على شخص ثاني غيري؟؟ متعجبه وين يروح الراتب وليش كل مره نخطط ماتضبط الخطه:( يعني هو الي فيه الخلل مو انا؟؟ وما السر؟؟ ليش ياربي كذا هو :(:(:( مشكوره بحرينه ولكن..............اتمنى احصل ردود تساعدني اكثر باراءها |
يمكن زوجك للحين مب راضي يحس بالمسؤولية ..
وإنه ألحين صار مسؤول عن بيت وزوجة.. وبكرة يجونه العيال وتكبر المسؤولية وتزداد المصاريف.. أنا زوجي كان كذا بالأول.. آخر الشهر نجمع ريال على ريال من هنا وهناك عشان بس خاطرنا في كاكو أو سندويتش من المعصرة.. ليش؟؟ لأنه بأول الشهر مايخلي شي بخاطره.. ويصرف من غير حساب.. ومايفكر إذا هذا ضروري أو لا.. وبعد ماحملت شاف إن المسؤولية كبرت.. وصار ملزوم فينا.. لازم يجمع ويوفر عشانه.. وشوي شوي قام يقتصد ويوفر.. ويوزع الراتب على قد المصاريف الضرورية.. ويحط للتوفير.. وألحين الحمد لله تحسنت الأحوال.. إنتي أصبري عليه وهو لازم في يوم بيصحى من نومه وبيستوعب إنه ماعاد عزوبي.. |
المشكله ماشوفه انه راعي عزايم او حفلات وكل يوم منادي له احد بالبيت او بالقهوه
رجال عادي جدا وماشوفه يشتري شي لعمره اقول راحت الفلوس هناك حايتنا طبيعيه بس مدري شفينا انا حسيت من تهربه بعدم كتابة الفلوس وين صرفهم انه مايحب يرتبط ويقيد عمره في شي وصاحبتي تقول مدام زوجك كذا اجل اطلب كل الي تبينه وماعليك منه مدام انه مايرد علي بالجواب الشافي للفلوسه وين يرحون تقولي طنشيه وسوي الي تبين بس انا حاسه بالمسؤليه حيل ومااقدر اسوي هالتصرف بس احيان يقهرني انا احاتي الراتب وصرفنا اكثر منه لدرجه اني حسيت اني بخيله من كثر مادقق على صرفياتنا يعني زوجك يجي مره يقولك شرايك نتعشى برى؟؟ احيان ارفض لاني عارفه انه بعد يومين لو بطلب شي بيقولي ماعندي فلوس ومابي اخسر حياتي وفرص زوجي انه يعزمني على مطعم واحنا بداية حياتنا كله من كثر ماني دقيقه وحريصه والله احترت اطنشه واصرف لين اقول بس ولا ادقق واحاسب؟؟ :( ساعديني |
أختي شباصة خلية يعطيك راتب شهري
يعني كل شهر يسلمك مبلغ تحتاجينة وانتي تتصرفين فية لأحتياجاتك واغراضك . |
اختي بإمكانك تفاتحين زوجك وتقوليله وبلهجه جديه ان الحياة اذا صفتلك اليوم ماراح تصفالك بكره ولابد للشخص يعمل
لغده المجهول 00 قسمي الميزانيه لعدة اقسام : 1- مصروفك مبلغ كذا ويكون بحسابك 2- مصروف البيت وطبعا لازم تقدرين زين كم يحتاج البيت وخليه معاك لأنك انتي اللي تعرفين وش يحتاج البيت 3- مصروف الفواتير ولازم تحطين حد ائتماني للجوال مايتعدا هذا المبلغ مع فواتير الكهرباء وغيره 4_ مبلغ يكون بحساب مستقل تحسبا للطوارئ 5- مصروفه الشخصي 6-مبلغ للإدخار وبكذا ماتحتاجون لأحد ويكون كل طرف اخذ حقه بس يشترط للميزانيه الجديه والالتزام من كلا الطرفين 00 كذالك من ناحية الترفيه لايمنع من ان كل شخص يرفه عن نفسه من مصروفه 00 والمطاعم كل شهر مره جلسه حلوه بمطعم فاخر بكذا الشغله تكون مرتبه يارب اكون افدتك |
طيب انت خذي ورقة وقلم الآن
وشوفي كم صرفتهوه الشهر الفائت كم ريال شوفي هل الراتب كله فعلا راح؟؟؟ والله يعينكم |
ليس بكثرة المال
ولكن ببركته اقسم بالله العظيم الذي رفع السموات بلا عمد انني اعرف شخصيا اناس يستلمون شهريا حوالي 200 الف والله انهم يشتكون الفقر !! |
وانتي متأكدة انه صادق وفلوسه خلصت فعلا .... يمكن عنده حساب ما تعرفينه ويوفر فيه
ولا يبيك تدرين خايف لا تتشرهين عليه بطلبات وهدايا اعرف رجال يسوون كذا ويخبون على زوجاتهم ... تأكدي اول !!! وحتى لو عرفتي الحقيقة .. اذا مصروفك يجيك ولا عليك قاصر .. خلاص بكيفه هو يدبر مستقبله . |
والله بدكم واحد مجدلاوي يحل لكم المشكله لانهم مشهوين عنا بغزه بالقدره على التوفير الرهيب ...بس مو البخل لانه القدره على العيش بمستوى متوسط وفي نفس الوقت عندهم قدره على التوفير ....شاطرين ياعمي انا متلا ما متزوجه ولكن راتبي الجزء المخصص لي منه باعمل فيه ميزانيه بحيث انه ما كله اصرفه واقدر احوش جزء منه ...حاولي تحسبي كل يوم شو صرفتي لانه هدا مهم كتي عشان تعرفي فلوسك فين رايحه وما تجيبي كل شئ نفسك او نفس زوجك فيه لانه الواحد لو طاوع نفسه لما كفته فلوس العالم |
حبيبتي انا والله اعاني من نفس المشكله
لالبس ولا سفر ولاشييييييييييييي وبعد مايكفي ويخلص قبل ماينزل بعشر ايام |
شايله جروحها:ماقدر اسويها لانه مو انا الي اشتري اغراض البيت
فامضطره يكون معاه عشان كذا تتلخبط الحسبه والسبب مو عارفه ليش؟! ديمو 2006:تقسيم رائع اشكرك عليه(دونته عندي ينوته) توته:احيان اقول فعلا راح واحيان لا لاني صرت ابالغ بحسابي للمصاريف يعني عشاء شاورما احط له 30 وهو مستحيل يتعدى 15 ريال بس اقول يمكن ...!! وبكذا تكون مازالت الامور غير مضبوطه sos11 فعلا انا معك :30: عهود:المشكله لو عنده حساب ادخار ماقالي لاجينا نسافر ماعندنا احس الواحد يدخر لممكن سفر واشياء زي كذا احيان يصدع راسي منه عجزت افهم له وكل ماحاول اسئل اكثر احسه بيقطني من فوق السطح:11: حيرني وخفت على مستقبلنا كذا ساعات اقول رجال وهو بكيفه هو المسؤل واحيان اقول لا لانه يعصبني اخطط واسوي بالاخير اكتشف مقوله ماعندي فلوس:( نسمات الوجدان:كيف احسب وانا مو الي رايحه اشتريهم احيان احس اني انهبلت منه صرت امسك الكيس لاجابها واطالع الاغراض واحسب ويلله عاد شي مكتوب عليه السعر واشياء لااااااااا....جنني الرجال:30: متغربه:ايييييييييييوه انا زيك ولو هو يدخر كان ماقعدنا نص الشهر نجمع ريالات وقروش من الادراج وجيوب الملابس:( شي عجيب............اشكركم ع المشاركه |
بسمه الهادي
أختي شباصه عندي اقتراح لك اذا انتي حاسة ان الميزانية بسرعة تخلص اقترحي عليه انه يعطيكي ميزانيه الشهر الجاي وانتي اللي تصرفين على احتياجاتكم كاملة من أكل وأغراض البيت وسجلي كل شيئ انتي أخذتيه وشوفي كم طلع لك واذااتعدت الميزانية شوفي انتي في وين تنصرف البيزات واجهيه وكلميه واذا ما اتعدت الحد المطلوب طلبي منه انك تمسكين مصروف البيت يمكن تكونين أحسن منه في تحصيل لفلوس ترى مافيها شيئ اذا الزوجة مسكت مصروف البيت لكن بعد بقول لك شيئ ساعات لفلوس تخلص صدقيني حتى لو مانأخذ شيئ تحياتي ..... تيناوي |
مرحبا...
بصراحه هذي مشكلة اكثر الناس..لازم تكون فيه ميزانية محسوبه ويتم التعامل معها بجدية.... مقدر ازيد على اللي قالوه لان الميزاينة اللي وضعوها الاغلبيه ممتازة... واذا على تقدير مصاريف البيت...انتوا شخصين.؟؟؟ يعني اكيد مصاريف السوبرماركت ماتتعدى 500 ريال في الشهر...ومصاريف الخضرة والفاكهة نقول انها 300 بالشهر... واذا تبين تتأكدين قولي له مره خليني اروح معك السوبر ماركت نتقضى وشوفي كم يطلع الحساب... وانتي كملي باقي الميزانية على حسب مصاريفكم... ولازم تاخذين مصروف لك... مثلا نقول انتي يكفيك بالشهر 1000 ريال اطلبي 1500 وحطي ال500 احتياط وجمعي انتي بدون مايدري ولاتطلعينها لاي ظرف كان الا للظرورة القصوى جدا...مثلا للسيارة لو اختربت او للمستشفى لاسمح الله... وصدقيني لازم تحسسينه بالمسؤلية ادري انها صعبة عليك بس حاولي والله يوفقك.... ولاتظلمون الرجال... فيه البعض يتصدق او كافل يتامى ومايبي يقول.. او انه يعطي اهله ومايبي يقول... يعني احسني الظن فيه...والله يوفقكم ويسعدكم.... |
اقتباس:
و دمتي بخير |
| الساعة الآن 10:17 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©