|
مارأيكم في الزوج الذي يضرب بناته حينما يغضب على زوجته ..؟؟
صحيح ما اقوله
الزوج عصبي حكاية زمن غريب وهل اشفى غليله الزوج ...؟؟ الله اعلم ..!! زوج اختي كذلك ......!!!!! والضحيه بناتها الي اموت فيهم ..... قهر ... |
كان الله في عونهم .......
بس عندي سؤال وين أمهم عنهم ؟؟ ليه ما تمنعه ؟؟ |
والله شيء غريب
انا الى اسمع فيه ان الرجال اذا عصب على اعياله يضرب زوجته معهم لكن يضرب بناته علشان زوجته شيء جديد بس اتوقع السبب ان اختك من النوع الى متعلق بناتها وتخاف عليهم من الهواء وبكذا عرف الزوج نقطة ضعف عنده وصار يعقبها بضرب بناته |
طبعا تكون البنت تطالع امها وابوها وهو يصرخ عليها
لما تكون بينهم مشاكل يروح يضربها ويكمل الدعوه مو كافي عايشه في بيت كله مشاكل وصراخ وما يتوقف السوء الي عنده عند هالحد ياخذ الصغيره والا عمرها ما يجاوز السنه واربع اشهر تخيلو يصحيها من نومها ويضربها قدام امها والله ماني متخيله هالشيئ ويمكن لو اشوفه يضربهم استجن وش ذنبهم ما ادري ..؟؟ هو ما قدر يضرب امهم لانها حامل يمكن هذا الي رادعه ... |
حسبي يالله عليه شو هالرجل وين اهله وين اهلك والله قهر والله امسك اي شي واضربه هو اسوي اي شي ولا بناتي
|
ينقل إلى عالم المشاكل الاجتماعية ولا حول ولا قوة إلا بالله العلي العظيم ... كان الله في عونها |
وين امهم ليش ماتكلمه ؟؟
|
الله يكون بعونها بس لو تبعد عنه البنات لحظه غضبه
|
انا من صغري الوالد علمنا ان الي يطق بنت مو رجل الا..................
والله يرحمه والله وانا ما كذبت ان بعمره ما طقنا الطق مو اسلوب ولا حل خلي مرته تتفاهم معاه ماذا ما رضا ختشيل اغراضها وترد بيت اهلها البنات شنو ذنبهم باجر يتعقدون |
اذا ما سمع منها ..وماعدل من تصرفاته لازم اختج اتدخل ريال بالموضوع (ابوج -اخوج ) بس الموضوع ماينسكت عنه
حرام عليه اللي يسوي جذي بناته توقعي يسوي اكثر بزوجته لازم ماتسكتون على الموضوع |
اعوذ بالله من هكذا نوع من الأزواج ألا زال الضرب يعرف طريقه إلى بيوتنا؟؟؟ هو بذلك يخسر أولاده ويزيدهم بعداً عنه يوماً بعد يوم فلو فكر بحاله وما قد يصيبه بكبره من وراء أفعاله لما قام بذلك
أسأل الله أن يهديه لما فيه الصلاح ولكن أختي يجب على اختك التدخل وأن تخبر زوجك بالنتائج المترتبة على ذلك |
يمكن يكون مو صاحي
|
رأينا في هذا الزوج؟ طبعا شرير وظالم 00 والا كيف يضرب بناتة بدون ذنب لخلافة مع زوجتة فقط!!
أكيد هو بضربة لبناتة00 يعرف أنها أي زوجتة ستحزن وتغضب وهو يريد ذلك وقتها 00 |
كان الله في عونهم
|
اشكر كل من شارك
بصراحه في البدايه لما كان يضربهم كانت تعصب وتجي تشتكي حتى عياله الا هم عياله يضربهم بس الظاهر الاخت تعودت وصارت تقول لنا انه ضربهم في سياق المواضيع لاتهم فقط تعكر وتألم قليلا ...... الله يستر والله يعينها وان كان عليها فهو كان يضربها قبل ماتحمل رغم انه على لسانها تقول هو ضرب غير مبرح الا اني والله انا احيانا وبالذات انا الاحظ بعض البقع الزرقاء قي جسدها يظن الذي لايعلم بالامر انها متهنيه لاخر درجه وانتو افهمو عقدونا هالرجال .... تراني ما اقصد زوجي ... لكن توني حسيت اني في نعمه ... والله كريم |
حبيبتي إذا الكلام اللي تقوليه صحيح فهادي مصيبه :eek: خلي اختك دايما تدعيله بالهدايه وتصر على الدعاء:eek:
|
| الساعة الآن 03:02 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©