|
قسوة أخي
السلام عليكم
كيكفم اخواتي وربي الله العالم اني عمر يما كتبت ولا راح اكتب مشكلتي غير في دعاكم لأني احسكم اخواني مع اني اكره هالكلمة اكره كلمة اخت او اخ اتمنى تعذروني بس كل اللي اتمناه منكم دعاكم لي وربي انه محتاجته اكثر من اي شيء تخيلوا اني والددي الله يرحمه متوفي من ثلاث سنين وانا من ثلاث سننين ما ضحكت زي اي بنت في سني وربي اني حتى فرح ما فرحت وكله بسبب اخوي وربي انه موريني الويل دايما يذلني ويضربني ويهينني حتى انه سببلي مشاكل جسدية كثيرة واخرها قبل لااكتب موضوعي وربي كنت مضروبة منه ضرب محد يتحمله وهذا كله بسبب كلمة قلته له وربي اخواني لازم تعذروني لمن اكتب عنه بس وربي هذا اكثرسان ذلني واهاني وحطمني بعد ابوي الله يرحمه هو كان قبله يسوي هالاشياء بس ابوي كان واقفله لكن الحين مقدر يقدر عليه غير رب العالمين تخيلوا وقف في وجهي عشان ما ادرس طب وقال انه الفلوس ما تكفي وهو معطي فلوس لأختي تخيلوا يقولي انتي لومتي محدر اح يبكي عليكي بالعكس محد راح يتذكرني وقالي كلام ما ينقال وربي تخيلوا خرجني من التحفيظ بعد ماسوالي اكبر فضيحة وغير كذا يروح يشتكيني عند العيلة انه انا البنت القليلة الالدب واللي مااستحي ودايما يتعمد يجرحني تخيلوا اخر مرة ضربني قدام السواق والشغالة عشان قلت لأختي لاتدخن في السيارة لأني مريضة وربي وربي يا اخواني ضربني عشان قلتلتها اني ماستحمل ريحته لأني مريضة والحين اخر مرة انضربت منه قبل شوي وانا مو قادرة انام وتخيلوا اليوم يقولي انه انا السبب بموت ابوي الله يرحمه وربي يا اخواني هالكلمة تجرح حتى لو كنت غضيبة وربي مو قادرة الدمعة توقف من عيني مهما كنت غضيبة ما اقدر اموته ولا حتى عذبته وافتكر اخر يوم نمت جنب ابويا وجبتله حنيني وكان يدلعني انا واختي اكثر شيءوالحين انا ما انذليت في حياتي قد الذل اللي انا عايشة فيه تخيلوا ياناس حتى دواء انا صرت اجيبه من مكافاتي والحين انا ما عندي بعد رب العالمين غير دعاكم وربي اشتكيت لككل الناس لكن ولا احد نفعني رحت للكبير والصغير عشان يوقفوه لكن مافي غير رب العالمين وكلي امل في دعاكم وربي من الساعة 2ونص وانا ببيك وبقول حسبي الله ونعم الوكيل ياناس والله الكلمة مو هينه ويقول عني اني غضيبة وربي الكلمة بتقهرني حتى لو كنت كذا بالله عليكم اللي يدخل يدعيلي الله يجزاكم عني خير الجزاء |
جزاكم الله خير الجزاء واشكركم على مروركم
|
الله يصلح لج امورج
|
حسبي الله ونعم الوكيل فيه
أسأل الله ان يفرج لك عاجلا غير اجلا ويقتص لك من هذا الوحش البشري |
عزيزتي
لا املك لك سوى الدعاء بظهر الغيب الله يهديه ويصلح امره ويعيده الى رشده سؤال يفرض نفسه وعذرا على التدخل .................هل يتعاطى اخيك شئ آسفه على تطفلي ,,,,,,,,,,ولكن تصرفه لا ينم عن انسان طبيعي حسبي الله ونعم الوكيل |
حسبي الله ونعم الوكيل..
وين والدتك.. وأختك.. ليش مايوقفون بصفك.. خالك .. عمك .. أي حد.. |
نقل الى عالم المشاكل الإجتماعية مع تعديل على العنوان ليتناسب مع المحتوى
اختي اين والدتك من كل ما يحدث ؟ |
الله يكون في عونك ويهدي اخوك
ادعي له دايما ان الله يهديه يمكن سن مراهقه وان شالله غيمه وتزول حنا داخلين على رمضان كثري من الدعاء له الله يهديه آمين عذرا... امك مالها اي تأثير عليه؟؟؟ |
ربي يساعدك
لكن سؤال كم عمره و كم عمرك؟؟؟؟؟؟ |
ما الك غير الدعاء والصبر صدقيني يا اختي
وترى الله يعطي الانسان على قد نيته والله يسها امورج |
حسبي الله ونعم الوكيل فيه
أسأل الله ان يفرج لك عاجلا غير اجلا ويقتص لك من هذا الوحش البشري |
الله يفرج همك
|
وربي يا اخواني انه مااسويله شيء واخرت الضرب يقولي مافي خرجة من البيت ولا في انترنت والله العالم اني احتاجه واختي الاثنية ما تحتاجه ولا في اي شيء ويخليها تدخل وما يمنعها واليوم قالي مافي خرجة ولا طلعة ولا حتى استعمال انترنت ولا حتى تحفيظ وقال اكلك وشربك صدقة مني عليك والله يعلم انه كله من فلوسنا اللي تركها لينا ابونا وهو قصده يذلنا لكن انا مااقول غير الله كريم واشكركم كلكم انكم دعيتولي وربي اني داخلة من غير محد يعرف عشان لاتصير نااار وهو مايشرب ولا شيء بالعكس فرضه ما يسيبه وعمره الحين 27 وانا عمري 21
وشكرا للكل اللي دعالي وربي ما تدروا قد اييش اناضايقة الدنيا فيه اله يسعدكم |
وانا امي لاحول لها ولا قوة ولمن اقولها ما ترد علي ولا شييء وربي انه خلاص ماصرت اشوف ولا شيء وامي اضعف مني الله يخليها لنا واسفة عالاطالة
|
الله يفرج همك من جد تالمت لما تعانينه اختي
|
الله يفرج همك ويصلح حالك
|
اللهم يصبرك ويفرج همك000 حسبى الله ونعم الوكيل00
اذا كانت امك موجوده الجئى اليها00لتقف معك وتساعدك00 ورمضان على الابواب عليك بالدعاء عس الله يهديه لك00ويكون نعم الاخ |
اول شي رجاء لكل الأعضاء بعدم الدعاء على اخ الفتاه لعل ينصلح حاله ، ادعو له بالهدايه
اختي الغاليه احس فيكي ومهما كتبت لن اخفف عنكي الا اليسير اختي اول شي تاكدي ان الله معك، اصبري وادعي الله ان يحنن قلب اخوكي عليكي في دعاء، يا مسخر الرياح لسليمان سخر لي قلب اخي العاصي لما يبدي معك بالصراخ لا تجادليه، لأن هو مستعد فانت لا تعطينه مجال انصرفي استعيني بالله |
والله حزنت عليك ياقلبي...
اولا حاولي تتجنبي اخوك كثير وانك ماتحتكي فيه عشان ماتصير مشاكل.. او حاولي تتقربي منه وتلبي طلباته اذا طلب منك شي قولي له آمر على عيني وراسي او طلباتك اوامر ولاتجادليه كثير واذا استلمتي مكافاه جيبي له هديه حتى لو كانت بسيطه مثل عطر او ميداليه وقدميعا لع وخلي اختك القريبه منه تتدخل وتستفسر ليه يعاملك لنتي بالذات في هالطريقه؟؟؟ روحي له وتكلمي معاه وقوليله انت مثل ابوي الحين وانت ولي امري وابيك تكون راضي عني . . .حننيه عليك وضبطي علاقتك معاه لانه اخوك وهو سندك في الدنيا بعد الله... اتمنى لك التوفيق من كل قلبي.. اختك نعناعه.. |
حبيبتي كان الله في عونك لكن لاتحتكين فيه حاولي تكوني بعيدة عنه
وادعي ربك المستقبل قدامك وانشاء الله تتزوجي وتنسينه |
اقتباس:
اتفق مع اختي نعناعة كل الاتفاق حاولي ان تكسبيه وتجعليه في صفك فهذا هو الحل الامثل |
|
اختي في الله awon
تفاصيل قصتك لا توضح السبب في ضربك وان الضرب للنساء عيب في اعرافنا لكن اصحك بالابتعاد عن كل ما يثير حفيظة اخوك تجاهك التجيء الى الله بالدعاء والصلاة والقران اسأل الله ان يوفقك زوجا صالحا تقر به عينك ويكون عونا لك على نوائب الدهر والسلام |
الله يكون بعونك انشالله وهذا لايكون بس ماخذ منك موقف وليه متقصدك انتي با الذات وتس الله يهديه ويعينك عليه وان شالله يرزقك الله الزوج الي يبعدك عن هذا الاشكال الو حشيه بس احس حياتكم مملوه با الرفاهيه ويمكن تكون سبب واختك اشوف ما لكعه الا انها هي الي تستاهل التلكيع المدخنه المدلعه عموما عليك بصلا ه والدعاء ان يهدي هذا الو حش وصدقيني راح تشوفي الفرق حينما تقبلين على الله تحياتي
|
جزاكم الهي عني خير الجزاء
|
نعم غاليتي
انتي الان في هذا الوضع 1- اخ قاس 2-حنون على اختك فقط 3-اب متوف 4- ام ضعيفة الشخصيه 5-اهل لا يريدون التدخل هذا هو وضعك كوني ذكيه وحاولي التحسين من الوضع كما ذكرت لك الاخت نعناعه اما ان تتجنبينه وتحاولين ان تنحني للعاصفه عند غضبه واما ان تحاولي التقرب منه خاصة وان اختك قد نجحت في ذلك ...ادرسي تعاملها معه وحاولي التعرف على سبب قربها منه والله يكون معاج |
الله يفرج همك ويصلح أخوك
أختي انصحك لا تسوين اللي يغضبه لا تتكلمين معاه خليك في غرفتك لا تعاندينه اي شيء يقول لك قولي له ان شاء الله صح كلامك ..........حتى لو كلامه خطأ ............لا تعترضين اذا عاقبك بشي اسكتي عنه ونفذي اوامره وأنصحك لا تشتكين عليه عند أحد خلاص .............اشتكي لله ...........اذا تضايقتي من اي شي توضي وصلي وادعي الله واشتكي له واحفظي القرءآن واستمري على هالحال سبحان الله الله كريم رحيم بعباده قريب مجيب وهذا اختي ابتلاء واذا احب الله عبدا ابتلاه (انما يوفى الصابرون أجرهم بغير حساب ) . صدقيني طال الزمن أو قصر ان كنتي كما نصحتك ان شاء الله رب العلمين بيعوضك خيرا كثيرا واشغلي نفسك بقرآءت الكتب وبالصوم والصلاة والحفظ وبر الوالدة وتعلم فنون الطبخ وممارست هواياتك في حدود المسموح لك . واصبري والله سبحانه سيفرج عنك لا شك في ذلك ان شاء الله . طمنينا عنك ان استطعت . |
الله يهديه ويعينك وان شاء الله تنفرج وتغير و وين امك ؟ مالك اخوان غيره الله يوفقك
ابو فهد |
كان الله في عونك يا أختي وأسأل المولى القدير أن يصلح حال أخوكي ويحنن قلبه عليكي
عزيزتي لما لا تحاولي التودد إلى أخيكي وكسب وده قد تكون في البداية صعبه ولكن شيئاً فشيئاً سترين روابط المحبه بينكما قد زادت صدقيني مثلاً إبدئيها بإرسال مسجات جميله ثم بعد ذلك الاتصال بين حين وآخر للإطمئنان عليه ثم تقديم هديه له هكذا دون مناسبه جربي ولن تخسري وإن كنتي قد اتبعتي هذا الأسلوب ولن يجدي نفعاً فأرى بصراحه أن تتجنبي الاحتكاك والجلوس معه ودائماً ادعي الله عز وجل بأن يهدي أخيكي ويصلح حاله فالله خير معين |
اسال الله العظيم ان يفرج عليك عاجلا غير اجل
|
جزاكم الله عني وعن المسلمين خير الجزاء والحمد لله على كل حال وشكرا لدعاكم لي وجعله الله في ميزان حسناتكم يارب
|
حسبي الله ونعم الوكيل فيه
أسأل الله ان يفرج لك عاجلا غير اجلا |
ما يسمونه أخوكي
المفروض الأخ صار والد البيت ....... بهذه التصرفات والمقارنه مع أختك الصغيره في شئ ما هو صحيح . أرجو أن تعدلي من سلوكك مع أخوكي وأختك حتى ولو كان على حسابك .. حتى يأتي فرج الله من أقرب باب إن شاء الله .... وشكراً
|
الله يفرج همج يالغالية ويسعدك يارب
|
الله يفرج همك وهمي وكل مهموم.. |
سبحان الله نحنو في العشر الاخيره ........هل نسيتس ليلة القدر .....هل نسيتي سهام اليل التي لاتخطي بس انتهبي لاتدعين بالهلاك ادعي بالهدايه اختي
هل تعرفين البراكمه ..عائله على ايام الخليفه هارون الرشيد كانت عائله من الاغنياء وكان هارون موليهم على احد المناطق ....وبعد هاذا الغناء قتلهم الرشيد من بكرة ابيهم وسجنهم .قالو له وهو في السجن مالذي سار لك يارجل وانتا كنت في عز عند الخليفه ...قال انا انام في اليل ولكن سهام اليل لاتنام ..اي يعني الناس تدعي عليه .... اتمنا لكي الفرج ...ولااوصيك فيه كتاب حمليه من النت اعتقد تلقينه في قوقل اسمه ((لاتحزن للشيخ عائض القرني)) |
والله أنا مثلك ..
الوالد توفاه الله قبل 3 سنين والإخوة عمرهم ما حيكونوا زي الأب .. مرات كثيرة أبكي بحرقة .. من تجاهلهم ورفضهم لأشياء ضرورية .. الله يعين صدقيني ما عندنا إلا الدعاااااء الله يفرج همك يااااارب وييسر لك الخير ، ويعطيك حتى يرضيك آآآمين |
الله يوفقكم يارب لكل من دخل وقرا ورد واللي ما رد وجزاكم الله خير الجزاء واكرمكم بكرمه يارب ولا ابكاكم على غالي
والحمد لله على كل حال وجزاكي الله خير الجزاء يا اختي حسابات الزمن وفي كلمة انتي قلتيها أنا مرة احبها واحب ادعيها لكل احد احبه وان شا ءله كل اللي دخل هذا الموضوع واللي ما دخله الله يعطيه حتى يرضيهويكرمنا جميعا يارب وصدقوني مراح انساكم وجزاكم الله عني خير الجزاء يارب |
أسأل الله أن يفرج همك ويصلح حالك
|
أخيتي فرج الله همك
حاولي أن تتقربي إليه أعلم شدة ذلك على نفسك ولكن لتبعدي عن نفسك شره أخيتي سأذكر لك موقفاً قد يخفف عنك أعرف واحدة لها أخ أكبر منها كان يعاملها تارة برفق وتارة بقسوة وقد تغلب قسوته على رفقته مرة كسرت يده اليمنى ولم يستطع الحركة مدة ثلاث شهور وكانت من يقوم على رعايته لدرجة لاتتصورينها كانت من يوضؤه للصلاة وكانت من تضطر لمساعدته على سباحته ـ طبعا مع ستر عورته ـ وتلبيسه ملابسه وكان إذا أراد التقلب اثناء النوم يضطر أن يتصل على جوالها لكي تأتي تساعده وبعد فترة حررت يده فسأله أحد أقاربه ماأخبار يدك؟ فقال تؤلمني ولكن مادمت أستطيع أن أفعل كذا ـ وصفع أخته على وجهها ـ فأنا بخير وداااااااااااارت عليهم الأيام فعاد إلى أخته ليقبل لها رأسها فأصبري ياأخية ولاتيأسي من رحمة الله |
| الساعة الآن 11:00 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
