|
مشكلتي مع والدي وعمتي !
أخواني أخواتي الكرام
أحيكم بتحية الاسلام السلام عليكم ورحمة الله وبركاتة .........وبعد قصتي وبختصار أنا حاس ان ابوي مخطط هو وعمتي انه يزوجوني بنت عمتي واحساسي هذا ما جاء من فراغ ابوي باخر مرة لمح تلميح صريح " مو تلميح الا تصريح وبالفم المليان بعد" لانا كنا جالسين انا و ابوي وخالي واخوي وكنت اصب القهوة لهم وجاب خالي سيرة الزواج كان يتكلم عن واحد حضر زواجه المهم انتهت السالفة وقال خالي هاه ياحمد انت ما تبي تزوج أبوي لحظتها تتدخل وقال "لا حمد نبي نزوجه من بنات عمته" انا طبعا مااقدر اقول شي وش سويت انسحبت وطلعت بره هذا اقوى تصريح وفيه بعد اشياء ثانية اذا جت عمتي عندنا وجلست كم يوم كله تكلم عن بنتها فلانه جت وفلانه راحت وفلانه سجلت بالكلية الفلانية وفلانه سوت كن ما في هذا البلد الا هالبنت وبعدين مما تتكلم عنها الا اذا جيت انا تصدقون مرة كنت انا وياه نسوالف وناخذ ونعطي فاجاة وبدون مقدمات جابت طاري بنتها انا على طول نحشة قلتها تذكرت عندي موعد الحين صراحة البنت ما يعبها شي بس انا من كنت صغير وانا اعتبرها مثل اختي وبيني وبينكم انا حاط عيني على وحده من الجماعة ما ابغى بنت عمتي ياناس قولولي وش اسوي ؟؟ المشكلة في ابوي ابوي ما عنده تفاهم عصبي لدرجة غير طبيعية "ناااااااااااااااااااااار" على طول خذوه فغلوه تصدقون اخوي متزوج بنت عمي بالغصب ؟؟بعد ما لعن خيره ابوي ونكد عليه عيشته انا اخاف افتح هذا الموضوع يفتح علي ابواب جنهم ويكفر فيني لا احد يقولي كلم امك لاني اذكر اخوي يوم يترجى امي علشان ما يزوجه بنت عمه يعني امي لاحول لها ولا قوة باقي سنه على تخرجي من الكلية واخاف يوم التخرج يفاتحني ابوي بالمموضوع! واذا سكتت اكلت هواء انا مابي مشاكل على اخر سنه من الكلية لانها مهمة جدا ياناس قولولي وش الحل ؟؟ والله لو ارفض الزواج احس ابوي راح يطردني من البيت طبعا هذا كله اشياء تؤكد ان أبوي مخطط على اني اتزوج بنت عمتي ياااااااارب ساعدني ياااااااااارب والله العظيم اني ما اقدر انام بعض المرات اذا جيت افكر بالموضوع ساعااات افكر اني احذف ترم علشان تتطول فترة دراستي ؟ وساعات افكر اني اروح عند عمتي واقولها ما ابي بنتكم وافكر بعدها بردة الفعل واتردد لاني اتوقع بعدها يجي ابوي ينكد علي عيشتي ويعاملني معاملة اليهود مثل ما سوى مع اخوي والله لو اقولكم ايش سوى مع اخوي حتى وافق؟؟ راح تتطير عقولكم يااارب سامحني يارب ساعدني قولولي ايش اسوي وماهو العمل وماهو المخرج؟؟؟؟ |
طيب وش رايك تفتح الموضوع مع عمتك ام البنت 000 تسوي نفسك ماتدري عن التخطيط 000
وتطلب مساعدتها في اقناع الوالد بزواجك من البنت اللي ترغبها 000 وفهمها انك متعلق بهالبنت 000 ساعتها عمتك راح تخاف تزوج بنتها من واحد قلبه متعلق بوحدة ثانية 000 وعلى الاقل راح تنسحب من الموضوع 000 وماراح تشجع ابوك اذا فتح الموضوع معها 000 هذا اذا كانت عمتك حكيمة وذات رأي 000 تمنياتي لك بالتوفيق |
اذا ما تبي ارفض
|
هلا اخي اعانك الله على مااصابك 000
انت قلت الحل 00 لكن لانصحك بالتصريح انما بالتلميح كلما اتت اليكم عمتك لمح لها انك لاتحب زواج الاقارب وان بناتهم مثل اخواتك00 او تكلم مع عمتك بقصتك على انها فلان من الناس لكي تعرف رأيهها بالموضوع وردة فعلها او تكلم مع احد اخوانها القريب الى قلبك حتى ينقل كلامك الى اخته ويكون من عندها الرفض ليس من عندك بذالك تكون قد تجنبت المشاكل00 اخي نصيحه لك من اختك00 الدعاء ثم الدعاء ثم الدعاء فلا يرد القدر إلا الدعاء فأكثر منه |
كاره الرياضيات
:اوكي انا معك ان لو اروح لعمتي واقولها هذا الكلام اللى قلته انا متاكد لحظتها ان التخطيط هذا راح يفشل بس بعدها راح تخرب مالطا والقى ابوي عند البيت قاط عفشي بالشارع ويقولي الله معك لا انت ولدي ولا انا اعرفك وعلى فكره انا حاط هذا الحل اخر الحلول مو مشكلة يطردني بس ما اتزوج هذا البنت بس انا ابي حل من غير الطرد والبهذله اقتباس:
ابوي وعمتي نفس الطينه |
والله استغربت من كلامك اول مره اسمع رجل يجبر على الزواج0000
اخى من الان وضح لهم ان كل شىء بالخناق الا الزواج بالاتفاق00 واذا والدك صعب لهذه الدرجه 000حاول تبدى الامتعاض والضيق عندما يذكرون الزواج من ابنه عمتك000وخاصه لعمتك00ووضح ان هذا الكلام سابق لاوانه00وركز على دراستك حتى تتخرج00 وبعدها يمكن ياتى النصيب لابنة عمتك مع غيرك00000 |
اخي الحبيب ..
اود ان اساعدك بفكرة واتمنى من الله ان تكون فعالة مع والدك يحفظه الله . مارأيك ان تكتب للوالد رسالة ؟؟ نعم رسالة ..ولتكن رسالة صادقة ومن قلبك وتتدرج فيها على النحو التالي : اولا اكتب عبارة قوية جدا مثل (الى والدي الاحب الى نفسي) او ..(الى اغلى رجل بقلبي ) او ...الخ من الكلمات المؤثرة .. ثق ان العبارة القوية لها دور كبير في فتح مغاليق القلوب ..فلا تستهن بهذا الامر.. ثانيا . .اجعل مستهل رسالتك الآية القرآنية (وقضى ربك الا تعبدوا الا ايه وبالوالدين احسانا) .. ثم اذكر من محاسن والدك وافضالك عليه بما هو أهل له .. ثالثا . . تحدث عن طموحك وخططك المستقبلية بشكل واضح وعن مدى حبك للعلم وعن مشاريعك بعد التخرج وعن اهمية هذا السنة الاخيرة بالنسبة اليك .. ر ابعا .. انطلق بعدها الى موضوع عام وهو اهمية الاستقرار في حياة الشاب وان من الامور التي تعين الشاب على الاستقرار هي الزواج والارتباط بالمرأة التي يرتاح لها القلب والعقل .. خامسا .. ادخل مباشرة الآن بالموضوع واذكر بأنك تشعر بأن هناك تلميحات من والدتك بشأن زواجك من ابنة عمتك وبأن هذا الامر قد سبب لك قلقا بالفترة الاخيرة لأنك لاتكن لها الا كل احترام وتقدير ولكنك لاتفكر بالارتباط بها كأمرأة لأنك تشعر بمشاعر الاخوة نحوها .. واخيرا .. (وهذه اهم المراحل بعد البوح بما يخالج قلبك) لاتنسى ان تشعر الوالد حفظه الله بأنه اكبر معين لك بعد الله عز وجل في الامور التي تواجهك بالحياة ..ولاتنسى ان تخبره بأنه هو من يذلل العقبات امامك ..ومنه تستمد قوتك وشجاعتك ورجولتك ..بمعنى ..اعطه الثناء الصادق الذي يستجقه بدون رياء او مجاملة .. أسأل الله لك التوفيق يااخي الكريم ..واتمنى ان يشارك الاخوة في طرح افكارهم حتى يساعدوك بهذه المشكلة البسيطة بإذن الله تعالى .. ملاحظة: اكثر الامور التي تزعج الوالدين هي احساسهم بأن ابنهم يرفض طلباتهم بدون معرفة الاسباب .. ولكن اعتقد بأن هذه الرسالة ستكشف لوالدك وربما لوالدتك عن السر الحقيقي لرفضك ..وبالتالي قد يجدون لك العذر .. لن اكون متفائلا جدا بخصوص هذه الفكرة ..ولكنها مع مرور الوقت سترسخ قناعة بأذهان والديك عن ماتريده انت .. واسف انني اغفلت امرا هاما .. بإمكانك البوح عن حقيقة اعجابك بقريبتك وان تثني عليها برسالتك ..ربما سيكون هذا الامر مساعدا لك لاسيما اذا بدأ الوالدين يفكران بتلك الفتاة كزوجة لك ليريان اذا ماكانت الانسب مقارنة بفتاة اخرى لاتحبها وهي ابنة عمتك .. أسأل الله لك التوفيق يااخي الكريم ..واتمنى ان يشارك الاخوة في طرح افكارهم حتى يساعدوك بهذه المشكلة البسيطة بإذن الله تعالى .. |
اقتباس:
فكره حلوه من اخونا كاره الرياضيات ،، صارح عمتك علساس تكلم ابوك عن البنت اللى تبيها شرط ما تذكر انها من جماعتكم احتمال تعصب عليك وتخرب عليك الموضوع ،،،،، او فكره ثانيه قول لعمتك في واحد من اصحابي خوش ولد ووده يتزوج ببنت حلال ونا علطول فكرت بفلانه ( بنت عمتك ) هذي مثل اختى وتهمنى مصلحتها ،،،،،،،،، يعني فكرك باي عذر بس عشان توصلهم المسج انك ما تبيها لكن باسلوب حلو :) والله يوفقك اخوي حمود ويرزقك بلي في بالك :22: موفق ان شاءالله |
الله يعينك وشكل ابوك كلمته مثل حد السيف
انت بنفسك شفت اللي سواه باخوك يعني رحت فوق جيت تحت مردك بتاخذ بنت عمتك وبما ان البنت ما ينقصها شي حاول انك تحبها ومع العشره بتنسى البنت اللي تبيها ويمكن بتحب بنت عمتك لانها بتكون قريبه منك اكثر ولا تحكم من البدايه اصبر ويمكن البنت بعد ما تبيك واذا كلمتها ترفض عشان تسهل عليك المهمه اتفق معاها على هالخطه اما اذا كانت تبيك وتحبك فهنا المشكله والله يعينك بس انت ما تسكت وقول لها انك تحب وحده وتبي تتزوجها واذا انت حاس ان ابوك رح يرضى بالبنت اللي انت اخترتها كلمه عنها ولمح له يمكن بيقتنع بس ما تعانده لان العناد مو في صالحك كلمه بالهداوه مره ومرتين وعشر وشوف النهايه يمكن بيقتنع ويحن عليك بس مثل ما قلت لك لا تعانده لان العناد مو في صالحك والله يوفقك ان شاء الله تكون السالفه كلها تخيلات وتاخذ البنت اللي اخترتها .. |
اقتباس:
يووووووووه حتى مالطا داخلة بالموضوع :d دي العملية وسعت اوي :24: اخوي تبي الصراحة أحس انك خايف اكثر شي على العفش <<< امزح :d الله يعينك ابوك وعمتك من نفس الطينة ويمكن حتى العروس من نفس هالطينة 000 وتبي تصير حياتك مطينة بطينة :d على كل حال اخوي ماتدري وين الخيرة 000 انت داوم على الاستخارة والدعاء وربي ان شاء الله بيفرجها أسأل الله لك التوفيق |
ههههههه شكلك كذه يقول مالك حل الا الطرده هههههههه امزح
ياخوي نحن وين قاعدين بزمن الجاهليه شوهذا انته ريال كل شي بالغصب الا الزواج الحين حتى الشواب الكبار صارو يرددون هذي الكلمه وفاهمين انه الزواج موبالغصب والبنت لاتغصب ابدا على الزوج فمابالك الرجل ابوك شكله عقلاني وعصامي وطبعه حار وهو اكيد يريد مصلحتك لكن لازم احد يكلمه بهدوء وينوره ويفهمه انه هذي الموضوع مش بالغصب ولك الحق انك تقتنع بلحرمه اللى تتزوجها وتكون رغبان فيها لأجل ماتحصل مشاكل بعدين بسبب سوء الاختيار ....... اكيد هو يريد مصلحتك وانسان عنده خبره كبيره بالحياه بس يحتاج احد يفهمه وينوره بهدوء وينسحب ويخليه يفكر ويقتنع الحل الثاني ممتاز انك تخبر عمتك على طول الله يكون بعونك |
السلام عليكم ورحمة الله وبركاته
اخي العزيز لا تستبق الاحداث واترك هذا الموضوع وراء ظهرك في الوقت الحالي ولا تفكر الا بدراستك وكون اكيد اذا الك نصيب ببنت عمتك مافي شي بالدنيا يمكن يغير هذا النصيب واذا ما الكم نصيب ببعض مافي قدرة رح تقربكم من بعض انت بنفسك رح تلمس معاني هي الكلمات بعد فترة وخصوصا لما ترتبط ولا تنسى انه عسى ان تكرهوا شيئا وهو خير لكم لاانت اخي ولا اي انسان منا بيعرف وين مصلحتو وخيره فاترك امرك لله عز وجل وفكر حاليا بدراستك وهي الاهم وفقك الله لما يحب وتحب وترضى |
اقتباس:
والله كلامك على عيني وراسي و الرد هو نفس الكلام اللى قلت للاخ :كاره الرياضيات بس انا ابي حل غير الطرد ابوي راح يطردني اذا رفضت بالنسبة لفكرة ان يكون الرفض من عندها فكرت بهذا الحل وعلى فكرة هي ليس لديها اخوان والوصول لها سهل عن طريق رقم جوالها وهو معي الان بس المشكلة لا اعرف ردة فعلها وهنا المشكلة قد تكون تنتقم مني لانها تحس باني رفضها او ما ابيها تقول لامها وامها على طول لابوي وابوي على طول يطردني او تكون متفقة معي وفاهمة الوضع بس المشكلة لو اتقدم لها والله عمتي راح تضغط عليها واخاف من الضغط تجيب سيرتي وبعدين اروح فيها واه لو اضمن انها تصمد من الضغط اللى راح يجيها اقسم بالله لا اكمها الحين بس انا عارف من اللى فوقها |
اقتباس:
والله ياخي ابوي ما عنده شي اسمه اتفاق كلمتة وحدة ما تصير 2 اجل تبيني ابدي امتعاضي وضيقي عند ابوي !! ابوي ما يعرف من اللى الاقدامة الا نعم او لا انا عارف ان هالكلام سابق لاوانه بس الخوف ياخوي هو اللى ذابحني والنار ما تحرق الا رجل واطيها |
[QUOTE=ابو فراس النمري]اخي الحبيب ..
اود ان اساعدك بفكرة واتمنى من الله ان تكون فعالة مع والدك يحفظه الله . مارأيك ان تكتب للوالد رسالة ؟؟ [QUOTE] ههههههههههههههههههههههههههههههههههه اخوي ابو فراس والله اني اضحك يوم شفت ردك مو عليك انت بالتحديد انت محشوم وعلى عيني وراسي وجزاك الله الف خيرا على كلامك الطيب بس انت تقول اكتب لابوك رسالة ابوي لا يعرف لا يقرا ولا يكتب |
ما اقول غير الله يعينك واصبر واحتسب الاجر عند الله
انا قبل كنت اقول ان البنات مساكيين يغصبون على عيال عمهم ومالهم راي غصب علينا نوافق وبعد ماقريت كلامك قلت بعد الصبيان مثلنا لاحول ولا قوة الا بالله |
[QUOTE=حمـــــــوٌد][QUOTE=ابو فراس النمري]اخي الحبيب ..
اود ان اساعدك بفكرة واتمنى من الله ان تكون فعالة مع والدك يحفظه الله . مارأيك ان تكتب للوالد رسالة ؟؟ اقتباس:
لكن برضه ماني تاركك لحالك :d وعندي لك اقتراح جديد .. ليش ماتوسط اخوك الكبير او عمك او شخص تثق بقدرته على اقناع الوالد انه يروح يتكلم مع الوالد ويذكرك بالخير وبالثناء امامه ويلمح لوالدك برغبتك الزواج من قريبتك .. ها ... لاتقول ان الوالد بيطرده هو بعد ؟؟ :23: |
اخي الكريم انت بالوقت الحالي لا تفتح الموضوع وخليه بعد ماتخلص كليه وبعد ما تخلص بتطرد حالك برى بدون مقدمات:d بس تخلص كليه انت فاتح ابوك بالزواج بالفتاه التي تحب وقول له انا ابي اتزوج بنت تخطبلي اياها يابا واذا مارضي اخرج من البيت قبل ان يطردك وكون مستقبلك واتزوج من حالك مافي شي يجي بالغصب اما انك تقول للبنت اني ما ابيكي ترى هاي ثقيله على البنت ما تكلمها ولا تكلم عمتك لانه على قولتك عمتك نفس ابوك فهذا هو الحل المثالي وخبرنا بمخطتك وماذا فعلت طمنا عليك اخوي تحياتي لك
|
خوي انا رأي ان تتزوج بنت عمك احسن فالزواج بواحده تعرفها احسن من وحده ما تعرفها. وأهلك هم اللي عطوك كل شي تبخل ترضيهم بزواجك بالي يبونه. أهلك بينفعونك أكثر من اي وحده في السراء والضراء تحب أتكون بروحك ويا زوجتك محد يهنيك في فرحك واعيادك ولا مستغني عن جلسات الأهل الحلوه ولا تبغي محد يوقف وياك وقت الشده. الله يقول وعسى ان تكرهو شياً وهو خيرٌ لكم. يعني لو الله ما اراد تزوج بنت عمك محد في الكون يقدر يزوجك لها فأنتبه لدراستك احسن ولا تفكر في السالفه احسن لك. وبالتوفيق
|
الله يهدي سرك
انت الحين اهتم بدراستك والله يوفقك أخي أولا عليك بالدعااااااااااااااااااااااااااااااااء في جوف الليل أن الله يزوجك ممن رضيت خلقها ودينها وعندي اقتراح .. ليش ما تخلي أخوك يكلم أبوك يعني إذا كان أخوك مو سعيد في زواجه خليه يقول لأبيك .. يعني يشرح له الأضرار .. و كيف حياته .. ومن هالقبيل والله كاسر خاطري أخوك .. بس الله يعوضه على طاعة أبوه ويرزقه الحياة السعيدة في الدنيا والأخرة ثم وش رايك تكلم اختك ... تكلم هالبنت المجبور عليها .. وتحاول تلمح لها إن انت في بالك وحدة ثانية وليست هي ( المشكلة إذا ماعندها علم بموضوعكم) وانك تعبترها مثل اختك لا أكثر .. وبعدين بالتدرييييييييييج تحاول تقنعها ترفضك في حالة أبوك غصبك عليها بعدين ... الله يوفقك و يهدي ابوك |
اخوي مشكلتك صعبه
بس انت مالك الا انك توضح لاحد من الرجال المقربين لابوك يمكن يقدر يتوسط لك ويفهمه كاااااااااااااااااان الله في عونك |
معليش والله ياخوي اني ضحكت لين مت
المهم شوف انا شفت حلول اتصل عليها وقولها انك ماتبيها !!! وربي هذي كبيره جدا لان صعبه على اي بنت احد يقول مابيك حتى لو قلت بتلمح فا استبعد هذا الحل الان المطلوب منك تكمل دراستك هاي السنه دون اي مشاكل بعدين اذا قرب اليوم الموعود شرايك تطلع انت والوالد واخوك الي تزوج بنت عمك؟ على فكره هو مبسوط الان ؟ مثلا رحله بريه تنشطون الوالد وتضحكون واتصيدوون وتسمرون لكم كم يوم وبعدين يفاتحه اخوك في الموضوع بس بعد ما الحديث يجر بعضه ومن هالكلام شرايك؟؟؟ يلا طمنا ايش يصير معاك |
صحيح مثل ماقالو الاعضاء اهتم بدراستك الاول ..وان شالله لمن يجي وقتها يحلها الف حلال ..
عندي حل ان شالله يجيب فايده... شوف ياانك تكلم زوج عمتك على انك ماتبغى البنت بس بأسلوب مؤدب .. او انك ترسل احد من اخواتك تكلم البنت نفسها ..وتقولها ( الله يعينك لو اخذتي اخويا ..لانه كان يحب بنت ثانيه وعصبي مررره ..حتى مره ضربنا احنا ..المهم تشوه فيك تشويه :d لحد ماتطفش البنت وتقول ماابغاه)) واذا مافاد الله يعينك واحتسبها عند ربك ..لانك لو عارضت بتصير مشاكل وبتتعب ... ويمكن البنت تكون طيبه واخلاقها حلوه وتنحب ادعي ربك انه يسهل امرك ويخرجك من هاذي الورطه.. |
والله ان ردودك اضحكتني 00 ومهب نقص من قدرك 00 بس شكلك خفيف الظل :d
طيب الحين انت وراك تقول كل شوي (ابوي بيطردني)00 والله خفت من ابوك واناماشفته :24: لاتسبق الاحداث 00 وتفاول على نفسك الفال الشين 000 بس شكل الوالد معطيكم درس عقب سالفه اخوك :25: او انك خواف00 اسفه على هالكلمه 000 مثل ماقلت مالك الاتدق على البنت وتقولها 0000 طيب وش تقولها؟ هنا لازم توزن كلامك علشان ماتجيب العيد :16: سولف معها عن ذكرياتكم اول من يوم كنتم صغار وقلها تصدقين الا هالحين احسك مثل اختي 00 وبعدين ادخل بالموضوع وقلها وش رايك باللي يصير راضيه انتي ولا 000 يعني شوي شوي على البنت لا تجي دش00 وفيه فكره ثانيه ورا ماتسأل عن رأي البنت فيك 000 يمكن هي مثلك 00 ماتبيك 00 طبعا جس النبض عندها قبل ماتدق |
انت انتظر لاخر السنه وتكون البنت اللي تبيها تزوجت او مايكتب بينكم نصيب ووقتها يمكن الله يفتح قلبك لبنت عمتك وانت حاول تنسى الموضوع الايام هذي واذا تخرجت وفتح ابوك الموضوع معاك وصار الكلام رسمي حاول تتصل ببنت عمتك نفسها بدون مااحد يدري ةتفهمها وجهة نظرك وخلي الرفض يجي منها وبكذا تبعد عن المشاكل...
ومن جهه ثانيه فكر ببنت عمتك بايجابيه يمكن تكون طيبه واخلاقها عاليه ايش اللي يمنع تتزوجها؟؟ لاتقول مثل اختي لان العلاقه لما تتزوجون غيييير واتمنى لك التوفيق.. |
اخوي مشكلتك صعبه
|
انا راي من راي اخوي كاره الرياضيات
|
في البداية أحب اشكر كل الاعضاء الذين ساهموا بابداء ارائهم حول هذا الموضوع
وخصوصا من تفاعل معي كاره الرياضيات ديمو2006 الصرااحه ابو فراس النمري )(واقعية)( أخت محمود ضاحي ينبوع العطاء الداانه فتحي الباب سمنديجا غلا 2005 متغربه مــــــرادي العام SKYGUARD jassem_9 3thooooooob احب اشكركم جميعا هناك بعض الاعضاء طرح فكرة "تزوج بنت عمتك وش فيها" ياناس الزواج بالتفاهم مو بالغصب انا ابي البنت اللى احبها حرااام هذا والله من أبسط حقوقي ياناس انا غلطان ولا انا ابي البنت اللى احبها ابي اعيش حياة زوجية سعيدة ما ابي اصير مثل اخوي الله يكون في عونه هذا حقي والا لا اه والله ياناس صرت اشك في هذا هل هو حق لي أم لا؟؟ والله ياناس ابوي صعب صعب مرررة يعني ما حياتي ماقد شفت يتراجع عن قرار اتخذه بنت عمتي مستحيل أتزوجها لو أنطبقت السماء في الارض انا ما ابي اعصي ابوي ؟؟ بس انا بعد ماابي البنت ذي هذا حقي هذي حياتي مو حياته والمشكلة حتى يمكن تصير بعدين وهذا كل خوفي أهل البنت اللى احبها يمكن ما يوافقون علي يقولون عني هذا عاصي لابوه "واللى مافيه خير للاهله مافيه خير للناس" راس مالي سمعتي وانتم تعرفون كلام الناس ايش يقولون والله انا اطيع ابوي وامي والله اني ادعي في كل صلاة من صلواتي "ربي أغفري وللوالدي وارحمني" سامحني يارب سوف أعصي ابوي بس والله ماعلي من احد المهم انني لن أتزوج بنت عمتي هذا قراري النهائي ولكن الان سوف التزم الصمت عملا بنصحية بعض الاعضاء وسوف أهتم بمستقبلي حتى موعد تخرجي فاذا فتح معي الموضوع سوف أكلم البنت واخبرها بكل شي واللى فيها فيها حتى أكون مستعد لاي ردة فعل سواء كانت إيجابية والتي سوف تكون نسبتها 5% او سلبية وهذا هو المتوقع بنسبه 95% وسوف استعد من الان ايش ارائكم !!! لاتبخلوا علي بردوكم |
الله يعينك ويوفقك يالغالي وربي حاس فيك كثيييير قطعت قلبي
ونشاء الله تبشرنا بزواجك من الي تحبها:14: |
مرحبا اخوي شوف انا اقترح انك اتكلم البنت مباشره يعني اتكلم بنت عمتك واتقولها انك ما تبها واتقولها انك تعتبرها مثل اختك واذا البنت عندها احساس صدقني بتنحل كل المشكله
|
وأنا رايي من راي اللي قالوا لك تكلم البنت..
وتقول لها بأسلوب حلو إنك نعتبرها مثل أختك.. وماتتخيلها في يوم من الأيام تصير زوجتك.. وبالأخير تتفقون إنكم الأثنين ترفضون إذا انفتح الموضوع.. |
و تقول ليها انك تفكر في بنت غيرها حتى لا تفكر فيك ابدا
|
لحظه من فضلكم
هل استخرت الله في زواجك من ابنة عمتك ؟؟؟؟؟؟؟؟ استخر كثيراااااااااااااااااااااااااااااااااااااااااااااا ا ثم مايدريك يمكن تكون خيرا لك لاتقول انها مثل واختي ومن هالكلااااااام لاا ممكن تكون لك قرة عين وتكون لها ستر وغطاا من يدرري يمكن تحبهااا ثم هنااااااك احتمال اخر يمكن البنت ماتبيك بس ضغوط الاهل تخليها توافق او بتكون مغصوبه عليك ؟؟ هل عندك اخوات لجس نبضهاااا او ممكن تصارح احدى اخواتك لاتكلمها لا يليق ذلك ثم ان اقاربك الاخرين هل تضمن تزويجهم لك ؟؟؟؟؟؟؟؟؟؟؟ ضع هذا في اعتبارررررررك ممكن يرفضوونك وتضيع عليك الثنتين فكر بعقل وحكمه وقضية الحب انما تاتي بعد الزواج والعشره ولكن ربما يكون هذا ميل واعجاب اكثر من الاستخاره وفقك الله الى مايحب ويرضىىىىىىىى واسعد الله قلبك بزوجة صالحه وعليك بكثرة الاستغفار |
ربي يعينك
و ان شاء الله تتزوج من البنت اللي يريدها قلبك |
انا مع التصميم الذي اتخذته اتوكل على الله و خلي الامور للمستقبل و يمكن بعد سنة الاوضاع تتغير الدنيا مو ثابته
و لك كامل الحق بلتزوج ممن تريدها و انا اخالف كل من قالك تزوجها و الله كريم و لا تنسى ان اباك مهما كان قاسي فأنه اب و يحبك و لا يمكن ان يكرهك يوم من الايام و الله يوفقك لما يحب و يرضى |
عادي مثلما قال أخي كاره الرياضيات وهذا أنسب حل لأنه لا مفر آخر لك وبصراحه الزواج عن إكراه ودون اقتناع من أكبر أنواع الظلم فأبوك بهذا التصرف يجني عليك وعلى ابنة عمتك بإذن الواحد الأحد ستمشي الأمور على ما يرام ولكن احرص أنت على مفاتحة عمتك قبل أن يفاتحك الوالد بالموضوع وعندما يغضب منك أخبره بأنه لم يفاتحك بموضوع ابنة عمتك ؟ ولكن هذا أنسب حال
هناك آية كريمة والله لها مفعول العجب والسحر في توخي أذى وغضب من تخشاه فعندما تريد أن تفاتح أبوك أو عمتك في هذا الموضوع ما عليك سوى أن تقول في سرك وأنت على يقين تاااااااااااااااااااااااام بأن دعائك سوف يستجاب ستجد بإذن الله أن امورك قد مشت كما تشتهي وأفضل وهي الآية الكريمة : " فإن آمنوا بمثل ما آمنتم به فقد اهتدوا وإن ضلوا فإنما هم في شقاق فسيكفيكهم الله وهو السميع العليم" احرص على قولها قبل المفاتحه بالموضوع أسأل الله لك التوفيق وأن يكتب لك الخير حيثما كان |
كان الله في عونك أخي
إذا أنتم الشباب هكذا ,, فما بالنا نحن الفتيات :24: بالنسبة لي لا أستطيع اقناع والديّ بمن يتقدم لي :( أخي .. لا يجوز الإكراه في الزواج.. بما أنك اخترت أن تركز تفكيرك في دراستك وتخرجك ,, فبإذن الله ستحل .. مما كتبته أخي عن شقيقك , استدللت بأن شقيقك غير سعيد في زواجه ربما السبب ليس زوجته ولكن شعوره بأنه غصب ولم يعط حقه في الرفض أو القبول .. فما رأيك بأن تناقش أبيك ( في وقتها طبعا ) عن تبعات إجبار شقيقك بالزواج وعن عدم شعوره بالسعادة والرضا ,, ولتقل له أنك تتحمل مسؤولية زواجك وقرارك وأنه من حقك اختيار شريكة حياتك .. وفقك الله |
أذا كان عندك أخت الأفضل أنك توضح لها الموضوع وهي بدورها
تلمح لبنت عمتك لأني أحس صعبه تكلمها مباشره هذا شي الشي الثاني هو مثلآ لو أخذت أبوك في مشوار تولع شريط في سيارتك يتكلم عن الزواج وعن أهمية الرضا بشريك العمرومن هالحكي وهو بيسمعه وطبعآ هالحركه سوها أكثر من مره ويمكن يبدى يغير نظرته الشي الثالث كلم أمام المسجد عن مشكلتك وخله يلقى كلمه بعد الصلاة عن هالموضوع وأنا متأكده أنه بيتغير خصوصآ أن الشياب ياخذون الرأي من الأأمه والمشايخ وأنت جرب وماراح تخسر شي كثر ماتخسر سعادتك وراحتك لأن الزواج في الأخير سكن وراحه للزوج |
بصراحه اخوي الفاضل انا قريت مشكلتك وحبيت أبدي رايي لأن عندنا نفس هالحالات فعايلتنا ..وسمحلي اذا قسيت شوي فكلامي بس هذا مصير وستقبل..
أولا :: أنت ريال ما شاء الله عليك وسنة أخيرة بالكليه يعني مب صغير عشان تخاف وأكيد تتحمل مسؤولية قراراتك ..فلا تقلل من ثقتك بنفسك .. ثانيا :: فكر وفكر وفكر ترا الزواج مب لعبة ومب مصيرك وحدك هذا مصير بنت عمتك الي يمكن تكون نفس الشي ما تباك ..فيعني لا تتردد لحظة فالرفض .. ثالثا :: وهذي النقطة اهم شي ولازم لازم تسويه اذا فعلا تبي تحل مشكلتك وهي الدعاااااااااء وقيام الليل صدقني يا اخوي انه ما يرد القضاء الا الدعاء ادعي ربك وقوم الليل وصلي صلاة الاستخارة ترا ما تدري سبحان الله فيوم وليله تتغير احوال ابوك وةيغير رايه وهذي عن تجربه اقولها لك والله ياما اشيا كنت ادعي ربي وبعد ايام يصير الشي الي دعيت ربي فيه .. ادعوني استجب لكم .. واهم شي انك لما تدعي تكون على يقين تام انه ربك بيستجيب لدعائك .. وهذا كل الي اقدر اقوله لك والله يوفقك |
انا لست مع فكرت انك تصارح البنت لانك هيك بتجرح شورها تقوللها ما ابيكي وانا مغصوب عليكي والله مو حلوه ترى حتجرح شعورها خلي وحده من خواتك تدخل او مرت اخوك الكبير او امك يعني بطريقه غير مباشره تحس نضبها وبعدين قرر اذا كانت تبيك فأنت ما تكلمها وخليك على اصرارك امام الوالد وما اذا هي ما تبيك اتكلم معها وقولها انكم تعركسون الزواج مهما صار وهذا رأيي والله يوفقك في حياتك
|
| الساعة الآن 10:21 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©