|
تكفوووووووون
السلام عليكم ورحمة الله وبركاته أسعد الله أوقاتكم بكل خير يا إخوان الله يوفقكم أنا عندي مصيبة عضيمة جابت لي المرض في كل مناسبه أبغى أستانس وأرتاح تختلق لي مشكله لي أكثر من سنتين أعاني معها حاولت أصلحها بكل الأشكال والأساليب لكن مافيه فايده مناسبات الأعياد وشهور رمضان والمناسبات العائليه كلها قرف في قرف وفلانه سوت وأنا ماسويت فلانه عندها وأنا ماعندي لاجيت أكلمها أقول نبغى نسولف ونرتاح طنشتني وصرفتني ولاجيت تعبان من العمل ونمت أزعجتني تصحيني تقول سولف معي حسبي الله عليها بالله وش رايكم والله لو أكتب من اليوم إلى بكره ماكفى الآن وديتها لبيت أهلها زعلانه عشان ماصحيت من النوم لأني تعبان وهي تقول قم سولف معي طلبي الوحييييييييييييييييييييد لاتدعون عليها إدعوا لها بالهدايه والسعادة وأسألكم بالله تدعون لي إن الله يرزقني زوجه صالحه حبوبه تعيشني في عالم من الحب والسعاده والتعاون على طاعة الله وتكفووون إدعوا إنها تكون مدرسه دين تكفووووووووون إدعوا إن الله يبدل أيامي التعيسه البائسة بأيام كلها سعاااااااااااااااااااااااااااادة ولكم جزيل شكري الله يسعد الجميع |
يظهر أن عمرها صغير ... وعقلها أيضا
|
سبحان الله مشكلتك عكس مشكلتي تماما
يااخي الزوجه الثرثاره والله اعتبرها نعمه انا عندي ماتتكلم ابدا احيانا اشك ان عندها مشكله في السمع والنطق اشحذ منها الكلام ابيها تسولف لي تقرقر على راسي مافيه فايده شوف يالحبيب اذا قالت لك قوم سولف معي قوم سولف معها مو مشكله اجبر بخاطرها سولف معها شوي وقول لها باسلوب طيب ( معليش ياعمري والله سواليفك ماتنمل بس انا تعبان شوي تعرفي راجع من العمل وابي ارتاح صحيني الساعه كذا ........ ) هذا اولا الشيء الثاني اخوي استخدم لغة الحوار لغة الحوار ثم لغة الحوار ثم لغة الحوار خليك مستمع جيد لها وأنصت اذا تكلمت وتفهم ماتقوله ناقشها بهدوء أغدق عليها عطفك وحنانك أغرقها في بحر من الرومانسيه والدلال صدقني يااخي النساء أجمل ماخلق الله جنس لطيف النساء رياحين اسقها حبك واجعل من يديك الحانيتين ترابا لغرس تلك الريحانه الجميله كن شمسها الدافئة عند برودة المكان وظلها الذي تتفيؤ ظلاله متى احتاجت واصبر وعسى أن تكرهوا شيئا وهو خير لكم وتذكر حديث الرسول صلى الله عليه وسلم ( لايفرك مؤمن مؤمنه ان كره منها خلقا رضي بالطرف الآخر ) روح لها الحين وصالحها وقلها اشتقت لك ياعمري ماني قادر اعيش بدونك ياحياتي صدقيني مو مشكله اكذب عليها وكن حكيما حازما في كل موقف يحتاج الى ذلك وانت اعلم بحال زوجتك بالنسبة لطلباتها عوضها عطفك وحنانك دخلها في جو من المودة والتآلف والحب راح تنسى كل شي وتقنع باللي يجيها حسب استطاعتك بس لاتكون بخيل على زوجتك اخوي تكفى أكرمها وقول لها ابيك مميزه عن كل النساء مو شرط يكون عندك مثلهم وسترى النتائج الطيبة بإذن الله |
الله يرزقك العوض الصالح ...والله يهدي زوجتك
لكن كيف بتتزوج وانت متزوج...يعني بتتزوج عليها؟؟؟؟؟؟؟؟؟؟؟ |
يا إخوان الله يوفقكم أنا عندي مصيبة عضيمة جابت لي المرض
هههههههههههههه مت ضحك حراام عليك مصيبه عظيمه ومرض لاحول ولا قوة الا بالله والله انه ترحم حواء بس صدق من قال المراة تقدر تخلي زوجها بجنة او بنار <<<سامعته من زوجها وفلانه سوت وأنا ماسويت فلانه عندها وأنا ماعندي هن مربط الفرس زوجتك شكله ماعنده ثقه بنفسه وغياره والغاريه اخذه مكان كبير بشخصيتها وهنا دورك لزم تثني عليه وتشجعها الحد مايكون عنده ثقه امدح بشكله وملابسه فهمه انا البيوت اسرار لا تاخذ بالمظاهر وياكثر حريم يقولون لبسنا ورحنا وهم يكذبنا ولا تقصر عليه اذا طلبت شيء تقدر عليه وكانه صغيره العمر بعد له دور لاجيت أكلمها أقول نبغى نسولف ونرتاح طنشتني وصرفتني ياخوي كانك تقول له وقت الى تشكي لك عن ان فلانه سوت وأنا ماسويت فلانه عندها وأنا ماعندي معه حق انت دور وقت تكون مبسوطه ولا شافت احد تغار منه وكلمه ونصائح وعطه ثقه بنفسه ومن الكلام الزين واذا جت تشكي عليك كن مستمع جيد ترا طبيعة المراه اذا تشتكي الزوجها ماتبيه انه يروح ويسوي علشانه شيء ماتبي لا انه يسمعه ويظهر تأثره بس انت اتركه تقول الى بخاطره كله وبعدين قال له النعم الى تعيشون فيه انت واهم نعمه الاسلام ثم محبتنا البعض وقال له شوفي الناس الى اقل منا شوفي الى يدخل عليه زوجها سكران الى يطقه زوجها من السوالف هذا الحد ماتحس بالنعمه الى هي فيه ولاجيت تعبان من العمل ونمت أزعجتني تصحيني تقول سولف معي يأخي كل شيء ولا النوم قال له انه اكبر غلط تنكدين على الزوج برحته ازعل عليه خله تحس بقيمه غلطتها اذكر زوجي مره دخلت الغرفه بأخذ غرض والله جالس كم شهر كل ماصار شيء قال انتى ماتهتمين براحتى والدليل يوم انام وتدخلين على زاربني فيه الحد ماحرمت ادخل عليه وهو نايم ياخى شد عليه شوي لا تدلعه بزياده بعدين لايكون عند زوجتك فراغ اشتر له كتب شف شيء يشغل وقتها الآن وديتها لبيت أهلها زعلانه عشان ماصحيت من النوم لأني تعبان وهي تقول قم سولف معي هذا نكته مع احترامي لك وتبين ان زوجتك ام انه صغيره او ماعنده خبره بالتعمل مع زوج والسبب ام القلة القراء او ان اهله وامه ماينصحونه ويفتحون عيونه بكيفيه التعمل وش بتقول الاهله زعلانه لانه ماسوالف معي يأخي ليش تكون على كيفه توديها الاهله كانت طلعت من البيت وبعد ماتهداء اعصابك وعصابه ترجع وتناقشه مع احترامي لك شكل زوجتك لوعه وانت مساعده على الشيء هذا يأخي اجلس معه وفتح عيونه على الاشياء الواجب تعمله لك وعيوبها واذا النصيحة ماجابت فايده ازعل عليه يمكن تحس وأسألكم بالله تدعون لي إن الله يرزقني زوجه صالحه حبوبه تعيشني في عالم من الحب والسعاده والتعاون على طاعة الله آآآآآآآآمين اذا كانت كذا منكده عليك وانت حولت فيه ولا تعدلت وتكفووون إدعوا إنها تكون مدرسه دين وش الحكمة اهم شيء الاسلوب يمكن مدرسة دين ماعنده سلوب اسفه اخوي على الاطاله ولعلي اكون افدتك بشيء |
اقتباس:
ياخي والله كل شي سويته مانفع الله يوفقك ومشكور على الرد الجميل الله يجزاك خير ويوفقك |
اقتباس:
وش فيها لاتزوجت عليها خلها بس تزين ضروفي والله إن تندم والفكه منها غنيمه |
اقتباس:
مشكوووووره أختي على النصائح الجميلة والرائعه والظاهر برسل لك رقمها تتصلين بها تنصحينها |
لا يا أخوي مو بذي الدرجة ..
انا أول ما قريت كلامك عن مصيبة جابت لك المرض قلت أوف شيء خطير الله يستر .. يا أخي حاول تتودد لها و تتفاهم معها و تفهمها عن أوقات راحتك و عدم ازعاجك .. بعض النساء ليس لديهن خبرة في الحياة الزوجية و بعضهن مستواهن التعليمي متدن .. اصبر عليها و علمها الصح من الخطأ و الله يسعدكم |
أخوي أأيد ريفان بكل كلمة قالتها لكن إذا بعد فترة طويلة من المحاولات والمحاولات والمحاولات ... ما قدرت تغيرها ولو قليلاً ، فقط لمح لها بالزواج ، فقط تلميح لا غير :d تحياتي لك ، إختك : خلك إيجـــــــــابي ! |
اخوي مافيه احد يقدر يأثر على الزوجه مثل زوجها
انت الى وجهه الصح وتكالم معه بسلوب حلو لاتسكت وتحط الشيء بقلبك بعدين على قولة خلك إيجـــــــــابي لمح له بالزواج وشف كيفتتعدل كل شيء ولا زواج |
الله يهديها إن شاء الله
|
اقتباس:
لمحنا وكلمت الخطابه وهي تسمعني ورى الباب وكأني مدري عنها تعدلت يوم واحد وإنتكست علي في اليوم الثاني الله يخد روح الظالم |
الله يرزقك العوض الصالح ...والله يهدي زوجتك
|
السلام عليكم
ياسبحان الله الرجال الثرثار زوجته ساكته ماتتكلم والزوجه الثرثاره ما يتكلم زوجها وكل واحد يشتكي أنا عن نفسي كلامي قليل لأن لوطرحت موضوع أو رأي يقلبها زوجي عراك لذلك اتجنب النقاش أو الحوار مع إني مع الأخرين أحب أتكلم وأنكت وكل شي لكن سبحان الله النفوس تختلف والطباع حتى التربيه والله يهدي الجميع لما يحبه ويرضاه........وسلامتكم |
ربنا يهديك قبل ما يهديها......
انت أكيد ما فهمتها , حاول تفهمها و تعطيها حنان أكثر كل أمراة محتاجة للحنان |
والله أنا ماشوفها مشكلة كبيرة لدرجة انها جابت لك المرض وناوي الزواج عليها !!!
مشاكل عادية مررره ويمكنها تتصلح الا اذا فيه أسباب غير ماقلتها ...:rolleyes: الله يهديكم ويوفقكم ... |
اقتباس:
بصرااااااااااااااااااااااحه وربي كان ببالي نفس الي كتبه اخوي والله ماقصر من جد تطلع معي اسلوب او فكره بنصحك فيها الاقي اخوي كاتبها سلمت ايديك وصدقني بما اني بنت وافهم ايش يلي يرضينا احنا يالبنات مافي احسن من التفاهم والاحترام والمعامله الحسنه والاسلوووووووووووووب الجيد اوصيك فيه هذي زوجتك ولازم تتحمل وانا اعيد عليك واكرر انك ترجع وبكل تأني تقرأ هالكلام الي كتبه اخوي ولاتقراه كارد سريع او نصيحه عابره بالعكس اقراه وبكل اقتناع منك وجرب الي قالك وشوف النتائح وراح تشوف كيف هي بتتغير معك ان شاء الله يااااااااااااارب |
أتوقع والله اعلم انك ماتحبها اصلا
|
اقول يارجال ماهي مسئلة ثرثارة...................
الظاهر انك مليت منها وفي الغالب من شكلها ................................لانك انت ما تحب الصوت انت ودك تشوفها حلوة لو كانت حلوة والله لو تتكلم الى بكرة ما يهم.......................اقول الرضا طيب والاصل التعدد وليس الواحدة .... شد حيلك وخذ بسنة محمد صلى الله عليه وسلم الرجال ما يقنع الا باربع خذ كلامي وشكل ثرثلرة صامته وحلوة و....... بس الحين عنك خبرة اعرف نق الي عللى كيفك الحريم كثر والمدرسات اكثر |
صدقني يااخي النساء أجمل ماخلق الله
جنس لطيف النساء رياحين اسقها حبك واجعل من يديك الحانيتين ترابا لغرس تلك الريحانه الجميله كن شمسها الدافئة عند برودة المكان وظلها الذي تتفيؤ ظلاله متى احتاجت كلام جمييييييييييييييييل ماشاء الله تبارك الله محظوظه زوجتك |
انا عندي فكرة أخوي
خليها تدخل المنتدى وتقرأ الكلام اللي انت كتبته يمكن تتعدل وبغيت أسألك أخوي ليه ما تسوي لها اللي تبغيه انت ذكرت مناسبات فعلا تحتاج فيها المرأة لملابس وأغراض خاصة ليكون انت بخيل ؟؟؟؟؟؟؟ ترى أسوأ شي وخراب البيوت البخل . |
حراااااااام عليك ....تبي تتزوج عليها بس عشان هالأسباب ....!!!
ترى معظم الحريم يحبون السواليف .....والمستوى الإجتماعي المرموق ...يعني حاول تغيرها مو تتزوج عليها....... بس أنت شيل فكرة الزواج من راسك واللي مخليتك متضايق من زوجتك وتبغى تجرب غيرها وصدقني أمورك بتنصلح الواضح من كلامك أنت إنسان إجمالي ..(ماتحب الدقة والتفاصيل) وزجتك الحبوبة هاذي ...تفصيلية...((يعني تحب تسمع كل صغيرة وكبيرة تصير معك وتموت بالتفاصيل وأنت تراها تفاهات) اذهب بها لدورات تدريبيه وحاول تغيرها...واصبر على قردك لا يجيك أقرد منه.....!!!! |
خايفه تجي تكحلها تعميها<<<<<<<< بدك جميلة وهاديه تاخدها تعبت مشاكل ونق وزن وازعاج
وبارده ترميلك ولادك ولاتراعيك ولاتراعيهم مهمله ماتهتم فيك على العموم الله يوفقك اذا انت مو طايقها لها الدرجة وخاطرك اتجدد لعل وعسى تتوفقك بالوحده اللي في خيالك \ واقول للاخ اللي يقول الرجل مايقنع الا باربع هدي عينه فاضيه ومو كل الرجال عيونهم فاضيه ان شاء الله تتزوج الاربع ونشوف حالك معهم الواحد مع وحده يتافف الله يعين اصحاب العيون الفارغه |
السلا عليكم ،/
اخي الفاضل قف معي بصدق واسأ ل نفسك هذه الأسئلة ،، هل تستطـــيع ان ننخلى عن زوجتـــك بمعنى ا ن تطلقهــــا ،، هل تستطيع العيش بدونها ربما انك الان تقول نعم استطيع لانك تحمل في قلبك الغلا عليها ،، اتركها في بيت اهلها الان يومين ،، سؤال هل تشعر الآن بالضيف في بينك بسبب عدم وجود هذه الطفـــلة الزوجة ،، مارأيك بانها طفــــلة وهذه ميزه ربما انك بخيل عليها بعض الشئ ،، لا ادري لكن مارايك ان تاخذ بيدها وتجلس معها دائما وتفكر وتتركها تفكر معك وليس شرط ا ن تاخذ برايها وليس من باب التكبر عليها ولكن من باب تطيب خاطرها ودعها تشعر هي بانها زوجة رجل مهم طموح ،، يحرص على مسلحتها خذها في نزه غير شكل ،، حتى لو كانت رحلة شواء ،، لليلة تقضيها معها في مشئ فالمشي رياضة ناقش ممعها امورك الخاصة جدا بهدؤ تام منك ومنها والان احسب سلوكها الطيب فربما غلب على طباعها الذي لاترضاه فيها وحاول بالدعاء لها بالهداية والتوفيق وحاول اصلاحه دون ان ينكسر |
مشكــــــــــــــلة اذا انعدم التفاهم بين الزوجين اواذا ما عرفوا كيف يدخلوا لقلوب بعض
|
الله يهديلك زوجتك يا رب
حامك عليها ياخوي |
هناك تطورات حصلت ولي عوده معكم إن شاء الله واحد واحد
وأشكركم على التفاعل ورمضان عليكم مبارك |
اقتباس:
مبروك علينا وعليك الشهر جعلنا الله ممن يصوم الشهر ويقومه بشرنا اخي ان شالله تطورات الاحسن |
الله يسخرها لك ويهديها
مقدر معاناتك لكن ترى الشرع اباح الثانيه واباح الطلاق والحل موجود طبعا هذا خله اخر الحلول لكن هناك حل اخر هو ان تكلم ابوها وامها واشرح لهم كل شي وبعدين لا تردها بدري خلها تتربى عند اهلها الين تتخلل ولاتسوى عليك كل هالنكد والصياح اخوك شاب ثلاثيني |
الله يهديكــــم...ويفـــــرج همكـــــم
طمنــــا اخـــويه ....واعلمنــــا وبشــــرنا بآخــــر التطــــورات.. ترانـــا ننتظــــر عــلى نــــار... والله يسعـــدكـــم ويهنــــيكـــــم اختـــك.........لمنـــي بشــــوق |
اقتباس:
آمين إن شاء الله احسن والبركه فيكم |
اقتباس:
اللهم بشره بما يسره وكف عنه ما يضره وتقبل منه وارض عنه اللهم ثبت له يقينه وأرزقه حلالا يكفيه اللهم أبعد عنه كل شيء يؤذيه ولا تحوجه لطبيب يداويه اللهم استره فوق الأرض وارحمه تحت الأرض وأغفر له يوم العرض والبركه من الله ثم اخونا بالمنتدى كل مادخل على طول الى موضوعك اشوف وش المستجدات الحمدالله الذي غير حالك الاحسن والله يتمم لك على خير |
| الساعة الآن 08:12 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©