|
إبني جاء من المدرسه منهار ساعدوني
جاء إبني من المدرسه وهو يصرخ مابك حبيبي قال شوفي ثوبي مبلل بالماء بسبب ان في الباص اثنين يرشون بعض بالماء وتبلل ثوبي
حاولت تهدئته فصرخ وقال دائما تقولين مايخالف فقلتله طيب أنا أوريهم شغلهم فقال انت حرمه ماتقدرين تأخذين حقي بجد له ساعتين ونصف وهو يكسر ويتشنج من شدة الصراخ وأقفل الباب على نفسه لايريد محادثتي وصراخه يعلو ويردد لاأريد الذهاب للمدرسه وأكتب وأنا ابنهار معه لاني اتصلت على زوجي قلتله كلمه قال بعدين والساعات تمر وهو مطنش الله يسعدكم ساعدوني |
ما اعرف اش اقولك بس حاولي تهدي قد ما تقدري لانو الواضح انهم استفزوا وشكله ايضا عصبي واقري قران عليه من وراء الباب اتمنى انو يهدا بس انتبهي ليئذي نفسه وهوه بالغرفه لوحده ومعصب او يصير عليه شيء حاولي تخرجيه من الغرفه....
|
ربي يسعدك
والله هذا اللي مخوفني لانه بالفعل عصبي الله يستر |
السلام عليكم ورحمة الله وبركاته اختـــي ليتنـــي هدئي من روعك .... ولا حاجـــة لهذا الانفعـــال كلـــه ويبدو لي انه اول مولود ذكــر لك ... ليــــس هكذا نتصرف مع الاولاد >>> اخوووي معذبني شوفي أختـــي اذا ولدك جالك يشتكي .. غلط انك تقوليله ما يخالف لانك بهالطريقة تعلميه الخضوع وانه اذا اي واحد يضربه لازم يسكت وينأكل حقه وبنفس الوقت ما يصير تقولين له اضربه لأنك بهالطريقة بتشجعيه على اسلوب غلط .... اكيد حيرتك :d المفروض لما يكلمك ولدك ويقولك مثلا انه تعرض للضرب او اي مضايقة تحاولي تمتصي غضبه وتسأليه عن الموضوع اكثر مثلا تقولين له : ليش سووا كذا وتتابعينه بأسئلة عدة بحيث تنقلب عصبيته الى حوار بينك وبينه ولازم تسأليه اسئلة ثانية مثل : انت ايش سويت ؟ ( اسئلة تدعم ثقته بنفسه ) واذا قالك : ضربتهم .... تردين عليه : ليكون عورت احد ... يا حرام عورتهم .. ليش سويت كذي وبهالطريقة هو اكيد بيهدأ ....... بس حطـــي بالك الاولاد دايما طبيعتهم عنيفة والله يعينك !! الحيـــــــــن عادي لا تكلمـــي ولدك الا لمـــا يهدأ ويطلـــع بنفسه واذا طلع لا تقولين له كلمات دلع مثل خلاص ان شاء الله ما يصير لك مرة ثانية او باقول لابوك يتصرف معاهم الا اذا انت متأكدة مئة بالمئة انك قادرة تحققي وعدك له وانا افضل كلاماتك تكون بطريقة استفزازية له مثلا تقولين له : ما عندك سالفة خوفتني ... مسوي روحك معصب يعني تقلبين السالفة عليه وتطلعينه غلطان والله يسهلها عليك . . . اسماء |
يجب على والد الطفل الذهاب ومناقشة الموضوع مع ادارة المدرسة خشية ان يكون الطفل تعرض لاعتداء جنسي لاسمح الله ......... حيث ان ردة فعله عنيفه ......... انصح بالتحقق من الموضوع والتحري الجاد لان رش الماء لا يجعل الطفل يتشنج ويبكي
اللهم اجعله خيرا |
المشكله ماهي في اخذ حقه من الا طفال الي رشو عليه المويه
المشكله في عدم قدرته على التحكم في غضبه واللجوء للبكاء والصراخ ... وايضا والأهم تقليله من شأنك والصراخ عليك انظري في السبب الرئيسي الذي يجعله يلجاء للبكاء الصراخ ... ربما يري احد الوالدين يستخدم الاسلوب هاذا ... او ان اسلوب البكاء والصراخ يستخدمه مع اخوته من دون اي عقاب .. افهميه اولا وبهدوء ان الصراخ والبكاء ممنوع . ثم اطلبي منه لن يذهب لغرفته وبهدوء من دون اي يحدث اي ازعاج .. ثم اذا هداء إذهبي وتكلمي معه عن موقف رش المويه وقولي ان الكل معرض لموقف مثل هاذا .. واذكري له مواقف تعرضتي لها او ابوه او احد اخوانك من يحبهم من خواله ويجدهم مثل اعلى له .... ثم تكلمي عن الفرق بين اخلاقه وتربيته واخلاق وتربية الا طفال المشاكسين .. وذكريه وقولي له ان الا طفال كان هدفهم أغاضته وهو بالفعل اغتاض بسببهم فلا يجعلهم ينتصرون عليه فالا طفال الذين رشوك بالمويه هم في بيوتهم الآن يلعبون اما انت فأنت حزين (قل لي من انتصر الآن).. |
المدارس كذى وبيتعود مع الايام ولدي اليوم جالس بالباص ويشرب ماء والي معه يقولون فلان يرش علينا بالماء بس ماهم بمعصبين بعضهم يضحك ومستانسين اسئليه فيه شئ مضايقه غيرها او ما يخاف من المدرس او المدرسه فيه ملاقيف هل يدرس بمدارس حكوميه ولا خاصه الله يوفقه ويفكه من المشاكل الي قلتي ابو فهد |
أشكر وقفتكم معي بس أنا بصراحه أرتكبت بحقه أخطاء كثيره
يعني تعقيدات لاتوسخون ملابسكم ليش هذا وليش ذاك أعتقد هذا أكبر سبب الشيئ الاخر دائما يشتكي من أصحابه تخيلوا يأخذون وجبته ومصروفه وهو ساكت لي جاره ولدها مثل ولدي هاديئ بالمدرسه وتعرض لاشياء كثيره من أصحابه فقالت له أمه استعمل يدك لآخذ حقك والان تبكي ونادمه لانه أصبح شرير حتى صار يعتدي على كل أبناء الحي لذلك خفت على ولدي الاخت أسماء بالبدايه طنشته لما قال المشكله وقلتله عادي حبيبي ماكانوا يقصدونك وبعدين كل اللي بالباص جاتهم مويه موبس انت ولاتتخيلون اني مدلعته بالعكس رغم انه ولد بين بنتين الااني أجعله يغسل وينظف ويشيل الاكل من على الطاوله طبعا بمشاركة أخواته وبعدين فيه عيب لايعبر أثناء الحدث يعني أبصم إنه وقت الحدث راسم ابتسامه صفراء تركته الان سماعا لنصحكم الى أن يسكت |
يارب لاتحرمني
والده الله يهديه أشعر إنه وحتى الولد يشعر انه مضطهد لدرجة سألته ماتحب العيال لكن يعشقه لو أقوله أبوك على الخط قام صاروخ دائما زوجي عصبي ولايتكلم الابالصراخ أبو فهد هو بمدرسه حكوميه فهمته وقلته كان خاصمتهم قال كبار قلتله طيب إنت أقو منهم لكن مانفع Aim لامن هالناحيه سيصارحني اذا أحد لمسه |
كم عمر ولدك يا سيدتي ،،
|
سكت الان ولكن شحنت اغضب لم تسكت جالس يخبط بالدواليب ويرمي الاشياء على الارض
وجاتني فكره أكلم أخوه من أبوه الله لايسامح زوجي فرق بينا وبينه وبالفعل اتصلت عليه وقلت له حبيبي كلم أخوك إسأله شفيك وقلت له كلم أخوك على الخط وجاء صاروج ويكلمه ويحاول يخفي نحيبه وماتصدقون اللي صار قام ينغز وفرحان قال خلاص أخوي بيخاصمهم وجاء يعتذر وحضني ورأح يحل واجبه بس أتصرفت كيذا لاني سمعته يتمتم يقول ماعندي أخو كبير أتمنا مايكون تصرفي خاطيئ لكن المشكله هذه أزليه بس اليوم سوى شيئ .رغم إنه يخاف مني ويعملي ألف حساب |
اقتباس:
|
اختي ... لا تتوقعي مشاكسات الا طفال في المدرسة ستتوقف عن حد .. سيتكرر الموقف في صور مختلفه .. وسيلجاء ابنك للصراخ وتخبيط الدواليب وتفريغ غضبه بصورة عنيفه... انتي الآن اوصلتي اليه رساله فهمها جيدا الا وهي( اذا اردت اي مساعده مني او اهتمام فعليك بالصراخ وتخبيط الدواليب لكي انتبه لك) لانكي عندما قام بالصراخ والعنف انتي اعطيتيه اهتمام وانتباه كان المفروض منك تجاهله الى ان يلزم الهدوء . انتي قمتي بالعكس وطلبتي من اخيه ايضا ان يكافئه على صراخه وهيجانه ويكلمه ويهدئه .. اسفه اختي لكن ماقمت به هو خطاء .. انتي الان كسبتي هدوء الطفل فقد لتريحي نفسك اليوم ماذا اذا تكرر الموضوع غدا او بعد غد وهل حقا اخوه سيذهب للمدرسه ام ان الكرت الوحيد الذي كان بيدك وهو اخوه الذي يحبه ستخسرينه لانه لن يتواجد عندما يتكرر موقف اخر ولن يعود يثق بأخوه وبك ثانيه ..
.. حاولي الآن عدم التقرب منه واوضحي له بجمل مفهومه وانتي تنظرين اليه مباشره بأنه تصرفه اليوم كان خاطيء .. وان الصراخ وتخبيط الدواليب ممنوع منعا باتا وانه يستحق العقاب عليه .. |
الاخت ليتني اسلى
ولدك يتمتع بتدليلك وتدليعك في البيت وهذى حال اكثر النساء ويطلع برى الشارع او المدرسه ويلقى العكس تمام حاولي تنسحبين بالتدريج وليس فجئه وعلميه قلي انت رجال وبطل ويخليه يحتك في ابوه اكثر يطلع معه ويروح لان الناس ماترحمممممم وتقبلي تحياتي ابو فهد |
اقتباس:
لاني بعد مايحكي عن المشكله أقوله عادي كل الاطفال يصير لهم كيذا يقول ياسلام لو إنت كان ماتحملتي يسون معك كيذا |
خلي ابوه يروح بكره لو بالغصب
أو خاله أو عمه وخليهم يكلمونه ويوعجونه علي بكره ونصيحتي إذغ عندج سايق خلي السايق يوديه ويجيبه أحسن من الباص |
اقتباس:
ودائما أتوسل زوجي أنه يخاويه ولكن أي شيئ يجيئ عن طريقي يرفضه لدرجة أرسله للمسجد يصلي ومره جاء يبكي يقول بابا خاصمني قال ويش جابك وجاء زوجي قال لاعاد يروح المسجد قلتله ليش قال صغير فقلت طيب لارحت انت المسجد دق الجرس وهو يروح معاك ويوميا كل ماأذن يجلس مسكين يستنى أبوه ولايمر عليه هي مرتين أخذه وبعدين ترك الموضوع ولاصار عندنا يشوف الولد لابس وجاهز يقوله اجلس لاتروح معاي ويجلس وهو دمعته تلق |
اقتباس:
تخيلي أول يوم دراسه للولد يعني توه مسجلينه يقوم يتركنا ويسافر علشان يتزوج وجارتي مقصرت خلت زوجها ياخذه مع ولده وكان يوم مر علي قال أنا أكره بابا كل الناس معاهم أباءهم الا أنا وقال أيضا نفسي أروح أقتله هو وزوجته أسبوع كامل تمهيدي وجارنا يوديه ويجيبه ولوكان طفل عادي كان ماشلت هم هو هادي وخجول لو ينذبح مايفتح فمه ومايعرف يتصرف يوقف عند باب الجيران ويستناهم الين يطلعون ويروح معهم المدرسه واستحاله يدق الباب |
يارب لاتحرمني
عادي أتقبل النقد بكل رحابة صدر أخطأت نعم ولكن عن جهل وبالفعل اليوم أخوه هنا ولكن ماذا عن الغد هذا مايقلقني انه الغد ماهي مشكلته أي ابني وكيف أتصرف وأنا سويت اللي نصحتيني فيه والله يسهل |
لاخت ليتني اسلى
ليش ابوه مش ساكن معكم استغربت تقولين دقك الجرس وبلعكس المفروض ابوه ياخذه معه المسجد والاماكن الاخرى واتمنى لك وله التوفيق ابو فهد |
إذا كانت مسألة رش ماء........ماهي مشكلة........المشكلة إذا كان شي ثان
|
اقتباس:
الاخت ليتني اسلى الخطوه الي مع اخوه تعتبر ايجابيه في نظري وفضفض مع اخوه وحس بامان وبوقفه قويه اخ وصغير في السن مثله يفهمون بعض استمري على مثل هذي الاشياء واتمنى لكم جميعا التوفيق ابو فهد |
| الساعة الآن 10:34 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©