|
اخوكم مشاعر - يريد حل لخطبته للمره الثالثـه ..؟ (محتار جدا)
اخواني واخواتي اعضاء هذا المنتدى السلام عليكم ورحمة الله وبركاته ؛ كما تعلمون عن فشل خطبتين سابقتين لي .. وها انا الان اكتب لكم عن بداية الخطبة الجديده ... بداية ً ذ ُكر لاهلي عن فتاة بمواصفات تعجبني .. اتصلو اهلي باهل الفتاة وطلبو منهم بأن يروها .. لخطبتها لابنهم( اللي هو انا) المهم اهل البنت قالو لازم يجي الشاب ويقابل اخو الفتاة قبل كل شي .. طبعا انا رحت لاخوها وتقهويت عنده وطلعت وبعد اسبوع دق علي اخوهم وقال ابيك انت تشووف البنت .. انا قلت له .. لأ انا ودي اهلي يشوفونها بالاول وبعدين انا اشوفها عشان اخذ منهم المعلومات واجي ادخل وانا مرتاح .. ( لاني ياجماعه فشلت في خطبتين بسبب ان اهلي لم يروها ) المهم الرجال حاول يقنعني باني انا اللي اشوفها .. ( انا استحيت منه بصراحه وقلت له ارد عليك بكره ) لاني انا مابي احرج البنت اخاف ماتعجبني وبعدين ارفضها وراح احرجها هي واهلها .. (فهمتوني .؟) المهم .. , الحين انا محتار وش اقول للرجال بكره .. لاني انا ودي اهلي( امي واختي ) يروحون عندهم ويشوفونها بالاول ,.؟ اريد رأيكم يااخواني عشان لاسممح الله ما افشل مره ثالثه .. والله احراااااااااااااااااااااااج ... انتظر ردكم من الحين الى بكره العصر تقريبااا ... دمتم بخير . |
اخوي نصيحة صل صلاة استخارة اكثر فيها من التذلل لله والدعاء واكثر البكاء بين يديه
لعل الله يشرح صدرك لما هو خير |
اخي كاره ..
انا لم ارى الفتاة وحتى الاهل لم يروهــا .,. الرجل طلب مني ان اراها انـا ,,, وانا رفضت هالشي وذلك بسبب فشلي في الخطبتين السابقتين .. وطلبت منه ان يروها اهلي اولا .. كما اتفقنا عند الاتصال في المرة الاولى .. |
والله دام أخوها مركز على جيتك انت خلاص استخير ربك وتوكل على الله
أهم شي هل البنت مواصفاتها قريبة من اللي تتمناها ولالا؟؟ اذا ايه توكل على ربك ورح انا فهمت حركتهم يمكن خافو شالو هم جية الحريم لأنهم دقيقات ونظرتهم غير عن الرجل لكن حط في بالك شي وااااااااحد استحالة تجد بنت على مزاجك لازم اذا شفتها قلت ياليت وياليت فيها اهم شي تحس براحة تجاهها شوي الله يكتب لك الخير ويوفقك وأتمنى اخوي مازعلت من كلامي المرة السابقة في النهاية كل شي مقدر |
بصراحه ماني عارفه ويش اقول بس احنا عندنا العادات انه لو جا الشب وشاف البنت وعجبته يحطلها خاتم هديه او يلبسها قطعة ذهب دليل انه عجبته لو ماعجبته مايحط شي جنب فنجان القهوة
بس اللي انا مستغربه منه اصرار الاخ على رؤية البنت قبل مااهلك يشوفوها والله مااعرف ايش اقولك الله ييسرعليك ويهديك للصواب دعواتي لك |
ياخي رح انت شفه اول وبعدين اهلك 00000 سبحان الله يمكن تعجبك وترتاح له :14: 00 لان احيانايختلف ذوق الرجال عن الحريم000000 توكل على الله ورح شفه والله يوفقك 0 |
فلترها أنت وأهلك !!
اذهب أنت وأهلك لمنزل الفتاة .. ستقابلهم الفتاة أولاً .. وتقدم لهم واجب الضيافة .. ثم .. تراها أنت !! *** يا أخي الكريم أخ الفتاة رجل سديد الرأي والفكر .. فمهما يكن .. فإن نظرة الرجل للفتاة .. تخالف نظرة الأهل لها .. فإن الأهل يدققن النظر بأمور .. قد لا تسترعي انتباهك كرجل .. لكنها تهمنا كفتيات .. وعلى كل .. فإن قبول النسوة للفتاة .. ورفض الرجل الخاطب لها .. له وقع مرير بقلبها فلا تستهن بالأمر .. ! وصدقني .. مهما وصفت لأهلك ماترغبه بفتاتك .. فلم ولن توافق نظرتهم نظرتك .. لذا .. انظر لها أنت .. فلعلك ترى منها مايدعوك إلى نكاحها .. فتفعل !! *** وربي يوفقك إن شاااااء الله ونفرح فيك المرة هذي يارب |
ان شاء الله الثالث ثابت بإذن الله تعالى
استخر ربك ... وربي مايضيعك. |
أخي أنت من سوف ترتبط بالزوجه وليست الوالده فلماذا كل هذه التعقيدات أرى أن أخ الفتاة على صواب الأفضل أن تراها أنت فلكل إنسان مواصفات معينه حيث من الممكن أن تعجب والدتك ولكن لا تعجبك وتأكد أن مسألة الزواج قسمة ونصيب ولا شك أن هذا الأمر محرج قليلاً ولكن لابد منه
أرجو أن تطمننا بالمستجدات مع تمنياتي بالتوفيق |
اخوي مشاعر مهمله@ توكل على الرحمن ورح شفها وان شاء الله تلقى كل خير الله يسهل لك امورك ويوفقك يالله عاد طمنا اخوك هلال العالم |
خفف عليك و استخير الله أولاً و خليك واثق في نظرتك و إن شاء الله مش يكون في أي إحراج و سبحان الله يمكن يكون ده أفضل ليك ،،،، و ربنا يوفقك و يجعلها زي ما بنقول عندنا
التالتة تابتة ربنا يوفقك إن شاء الله |
أخي الكريم
الموضوع خارج عن نطاق الإحراجات ، توكل على الله واقبل دعوة أخوها والله يقدم اللي في الخير أما رأي الأهل أنا اعتقد بأنه يبقى الرأي الثانوي في الموضوع فرأيك وراحتك النفسية هي الأولى تقبل إحترامي سيدرا |
يااااخوااااااان
اشكركم على ردودكم لكني لااستطيع المرتين السابقتين كان الفشل بسبب ان اهلي لم يروها , مجرد تم ذكر المواصفات لهم ومن ثم نقلوها لي .. افهموووووووووووووووووووووووني راح اقرأ ردودكم العصر ... لاني رافض وسوف اتصل على اخوها العصر واقوله اني مااقدر اشوفها لازم اهلي بالبدايه يشوفونها ويعطوني المعلومات .. عشان اذا اوكي ادخل وانا متطمن .. افهموني فشلت في خطبتين ورؤيتين شرعيتين يعني ماابي انصدم للمره الثالثه بسبب تسرع . لا اله الا الله محمد رسوول الله .. مع السلامه |
أخوي انت قولهم انه الاهل حابيين يزورونكم هاليومين وبس
لا تقولهم عشان يشوفونها ولا شي واعتقد انك بكذا بتحرجهم وبتخليهم يوافقون على قدوم اهلك وفعلا انا معاك يا اخوي لا تجازف في موضوع انك انت اول اتشوفها لانكم بتقدم على امر انت رافضه من البدايه وبتكون حالتك النفسيه ما تسمح لك انك تاخذ راحتك في موضوع الشوفه |
اي والله ياعذووب صح ابتصل عليه :27: اقوله ان اهلي يبي يتقهون عندكم .. يعني الجمله هذي احسن من اني اقول يبي يشوفونها .. مشكوره على هالكلام الطيب بالتوفيــق |
اذا انت عارف اخلاقهم زين وعاداتهم تقارب لعاداتكم او مثلها
استخر ربك اول وبعدها رح انت اول ان اعجبتك وارتحت فهذا اختيارك وبعدها جيب اهلك فانت صاحب قرار يااخي الحريم مايعجبهم العجب اتبع سنة المصطفى صلى الله عليه وسلم ( انظر اليها .... |
طيب ليش ماتخلي أمك تكلم أمها وتقول مواصفاتك ألي أنت تبيها
وأذا قالت أمها أيه نفس طلباته رح وشفها وحتى لو ماتم الموضوع بتصير رايتك بيضاء لأنهم هم ألي ماعطوك مواصفاتها صح |
أنا أقول تروح أنت وأهلك
بيشوفونها أهلك ويعطونك خبر ثم تشوفها أنت |
خلاص اتصلت باخوها .. وقلت له انااارى ان اهلي يزورونكم ويتقهوون .. وتم الاتفاق على ان الاهل يزورنهم .. وماراح اقولكم وش يبي يصير لاني بصراحه صرت ااخاف من المنتدى واحس انه في ناس تحسد من دون قصد .. اعذروني ولكن هذا مااحس به .. |
قبل ماتروح عند أهل البنت
استخيييييييييييييييييييييييييييييييييير الإستخارة مستحبة في اي وقت قبل وبعد النظرة الشرعية |
اخي العزيز
لو انك ما راح تتأثر بكلام اهلك انصحك انك تشوفها انت الاول ............لأن نظرة النساء للمراة غير نظرتك انت اللي راح تتزوجها استخير ربك وتوكل على الله وروح شوفها لأن الرسول عليه الصلاة والسلام نصح بأن الرجل ينظر الى المرأة ((اذهب وانظر اليها عسى ان يحرى بينكما )) ولم ينبه الى نظرة الاهل او ضرورة رايهم الله يسعدك ويرزقك الزوجة الصالحة |
ياجماعه انا استخير عشان وشو ؟
كل كلمه والثانيه قلتو لي استخير .. اوكي انا اؤومن بالاستخاره .. لاكني لست موافق من البدايه .. على ان اكون انا اللي اراها قبل اهلي.. عموما دمتم بخير .. وكل عام وانتم بخير .. ومشكورين اللي ردو ام الايمان وحور |
لييييه ماعندك ثقه فى نفسك شوفها ولو عجبتك توكل على ربك
مين الى بيتزوجها انت ولا اهلك صدقني عمرك ماراح تتخذ قررار من نفسك دامك تعتمد على راي غيررك |
عيون الظبي
ليش حكمتي انها عدم ثقه بالنفس انا شفت لي فتاتين ورفتضهم .. بصراحه ضميري يؤنبني عليهم .. يعني ليش اروح اشوف وهو المفروض ان اهلي يكونون شايفينهم هم مهب منقوله لهم الاوصاف .. اللي ايده بالنار مب مثل اللي ايده بالماء ... |
اقتباس:
يا أخي الكريم الإستخارة ليست فقط لتعرف نيتك تجاه الفتاة لكن! عشان ربك يسهل أمورك وييسرها ويعني إنته مش خسران شي والله يكتبلك كل خير |
كل ما اره في الامر انك متخوف من رؤيتك لها وتنقصك شجاعة الموقف
ابعد عنك الخوف واقتحم الامر |
الله يوفقك ويسهل امرك ..
ولو ان نظرة اخو البنت هي الصحيحة لأن الرجل يشوف شييء مايشوفونه اهله سبحان الله وياما اهل كثير خربوا على ولدهم وفركشو خطوبته على بنت كانت بنفس مواصفاته .. بصراحة انا ما أايد نظرة الأهل للعروسة نظرة رسمية يعني الافضل يشوفونها بزواج او عزيمة بعدين يمدحونها له وهو يجي يشوفها ... نقطة اخيرا .. اتفق معك ان هناك اعين خفية ومخيفة في المنتدى اسأل الله ان يبردها ويكفينا وجميع المسلمين شرها ... بالتوفيق اخوي |
اخوي (مشاعر مهمله )
الله يوفقك ويسعدك طلبتك ممكن تحط لك اسم او لقب بأبو... حتى .....نناديك فيه وربي يسعدك وينور بصيرتك وييسر أمرك |
| الساعة الآن 08:46 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©