كيف اتخلص من عقدة جمال اختي؟!!
 

اختي الحبيبة لاتتعقدي فانا كنت مثلك دائماً يمدحوا في اختي , ولكن لابد ان تعرفي ان فيك اشياء جميلة اخرى غير الشكل الخارجي فجمال الوجه يذهب ولكن جمال القلب يبقى فثقي بنفسك وقوي عزيمتك والناس كل مابيتعرفوا على قلبك سيحبونك اكثر

اختى الكريمه كل شخص فى الدنيا لديه شيىء مميز فيه ليس بالضرورة الشكل بل صفة معينة عندة او مهارة متميز فيها انصحك بان تبحثى مع نفسك عن الاشياء التى تميزك عن غيرك و تحاولى ان تصقليها لتبريزيها بشكل اوضح و لا تقارنى بينك و بين اختك اما موضوع زيادة الوزن لها الف حل بادية من الرجييم و انتهاء بالعمليات الجراحية فاختارى ما يناسبك منها و ليس الفشل مرة و لا الف هى نهايه الدنيا و تذكرى المقوله التى يقولها معظم خبراء الجمال من انه ليس هناك امراء غير جميله او قبيحة و لكن هناك امراءه تعرف كيف تهتم بالجمال الذى لديها و تبرزه مهما قل و امراءة اخرى لا تفعل

أنا رجل وزوج وأعرف أمزجة الرجال
هل الأخلاق جميلة
كم من جميلة الشكل قبيحة الأخلاق
كلام الناس لايهم فأكثرهم همه اللمز والغمز

لا تفكري في هذا الأمر ولن تجدي له وجود

ممكن تكون اخذة الجمال بس ماراح تكون سعيدة بحيتها كثير من الجميلات تصير عندهم عقد نفسية
وبعدين حنا في عصر التطور يعني تقدرين تستعملين اشياء تبيضك وتفردين شعرك وتتعلمين على المكياج الي يناسب وجهك
وصدقيني مافية بهالوقت احد قبيح .

اختي جمال الوجه سيزول مع الايام ولكن يبقى جمال الروح الا الأبد وبعدين هي اختك لازم تفرحي لما يمدحوها ولاتحاولي تقارني بينكم علشان مايجي يوم تكرهيها لاسمح الله
والرجال مايحبوا الا الأخلاق الحلوه والمرأه الحكيمه هي التي تستطيع ان تحافظ على بيتها بأسلوبها وليس بجمالها

فعلا مثل ماقالو الاخوان الحين في اشياء كثيره تبيض وتنعم الشعر وادخلي المنتديات النسائيه فيها اشياء رائعه للاهتمام بالنفس واذا انتي من السعوديه الرياض او الشرقيه او جده فيه مركز رااااااااااااااائع للعنايه بالجسم يوصللك الاكل للبيت واكلهم مررررررررره حلو وانا شفت قريباتي بنفسي مشاركين فيه ونقصوا مايقارب 15 كيلو بشهرين او اقل بس اذا تبغيه خللي رساله عند مشرفة القسم تبلغني واعطيها الاسم لانو في المنتدى ممنوع ذكر اسماء المحلات او الرسائل الخاصه...اتمنى لك التوفيق..
اختك نعناعه..

عزيزتي دام زوجك يحبك فلا تبالي لآراء الناس

والله يوفقك

غاليتي
ربما هي عقده نمت معك بنموك

ولكن اكيد انتي تتميزين عنها بامور اخرى

ثم يما انه
1- زوجك راضي
2- تحبين اختك وتحبينها
فانتي بنعمه
واغبطك على قلبك الابيض
والذي ربما يكون اكبر ميزه لديكي

فلو كانت غيرك لفعلت الافاعيل

:)

sum
القويع
الدمعةالحزينة
شايلة جروحها

شكرا على الردود الجميله كلامكم رفع معنوياتي...
--------------------------------------------------------------------------------
babylady

صدقيني انا مو مهمله نفسي واهتم بنفسي اكثر من اختي واحاول اجدد واغير شكلي وجربت خلطات وكريمات كثيره من المنتديات حتى صاروا يسموني مدمنة الخلطات ...لكن ما فيه نتيجه والجميع يقول لي ايأسي ما راح تتغيرين ووزنك ما راح يقل ومنهم اختي نفسها .......يمكن الله سبحانه قدر لي ان اضل على شكلي لحكمة لا يعرفها سواه سبحانه وانا راضيه بما كتبه الله لي لكن الناس لا ترحم...
-------------------------------------------------------------------------------
قلبي معاهم

يعلم الله اني احب اختي ولا اغار منها واخاف عليها اكثر من نفسي ولكن عندما يقارن الناس بيننا اشعر بالضيق وهو شعور لا ارادي اشعر به رغما عني وعجزت ان اتخلص منه ..
--------------------------------------------------------------------------------
SKYGUARD

مشكوره على الرد اختي ويا ليت تبلغيني باسم المركز واكون شاكره لك طول العمر...
-------------------------------------------------------------------------------
maryoom
3thooooooob

شكرا على ردودكم وتشجيعكم وانا ادرك النعمه التي انعم الله بها علي فقد منحني زوج تحلم به الكثيرات لطيبته وحنانه واخلاقه ولكني اخاف يأتي يوم ويؤثر عليه كلام الناس ..

اختي الكريمة 0000

انتسبي لنادي رياضي للتخسيس 000 واذهبي لمشغل لتغيير مظهرك 000 وتحسين بشرتك 000

فالاهتمام هو نصف الجمال

عزيزتي
اليك بعض النقاط عساها ان تحل لك مشكلتك
1علقي نفسك بالله وتذكري انك في موضع امتحان وابتلاء منه عزوجل فهو العدل كل العدل واصبري ستجدين حلاوة ذلك فيما بعد
2لا تقارني نفسك بأختك فهي شكل مستقل عنك وحاولي ان تميزي نفسك بالخلق الحسن.فهي التي ترفع صاحبها
3 لكل واحده منا مميزات وعيوب ولوخلقنا متشابهات لصارت الدنيا عجب
4طوري من ذاتك وعلي ثقافتك واحسني الحوار وناقشي بهدوء تكسبي احترام الجميع
فكلما كانت ثقافتك عاليه كلما استحقرتي سفاسف الامور ولا ترضين بالدونيه ابداُ.
5اهتمي بهندامك وارتدي الملائم لك وضعي لمسات بوجهك واعتني بنظافتك وميزي نفسك بالروائح الجذابه وسيري واثقة الخطى ولا تبالي بكلام الحاقدين الذين يشتغلون بناس ناسين انفسهم
وفقك الله لما يحب ويرضى

مهما قلتي عن نفسك مافي احد قبيح وربي يقطع من جهه ويوصل من جهه

لدرجة دايم اسمع انهم يقولون الحلوات مالهم حظ وان الرسول داعي للشينات

<< طبعا ماني متأكده من ان الرسول داعي ولا لا بس ماقالوا الناس الا وهم شايفين

اهم شي الثقه والراحه واتوقع كثير من الرجال بيوافقوني على الراحه

الرجل يهون عنده كل شي عند الراحه

اختى انااتفق مع راي الاغلبيه انتسبي الى الانديه الرياضيه وصدقيني بالمداومه رح تخسرين وزنج ،، وحاولي لاتبينين انج منزعجه من وزنج وخليج قويه ومتفائله

.....أعــرف بنات تزوجو وكانو مو حلوين وحياتهم حلوووه ومرتاحين ما شاء الله .....

أبعدي من قلبك ان أختك احلى منك وانظري بمنظــار اكثر وضووح...لو جلستي على هالحال بتخسرين زوجك

مو شرط تكوني حلوه بس اعرفي تترتبي وتهتمي بشكلك..وربي الجمال بدون الترتيب والاهتمام بالجوهر
مالوو حلاااه

ربي يوفقك ويسعدك...

اخيتي
الانسان حينما يفكر في مشكلة .... وويحمل لها هم ... فأنها تكبر في عقله
حتى ينظر الى هذه الدنيا بأنها سودا بسبب هذه المشكلة ...

مشكلتك هي هذه المشكلة

فأنتى ليست جميلة بشكلك ولكن جميلة بأخلاقك ... وغيرك من الناس ليس جميل لا بأخلاقه ولا بشكله

لا تميزي نفسك بأختك

فأنتى شي واختك شي .... حاولي الابتعاد عن هذا التفكير

بل لو سألتى احد من الناس هل تلاحظ الفرق بينك وبين اختك لقال انا لم افكر هذا التفكير

عزيزتي المشكلة كلها
انها فكره جائت في عقلك فتبنيتيها حتى اصبحت الدنيا كلها مظلمه بسببها

حاولي ان تعيشي حياتك كما تريدي ... وحاولي ان تستمتعي بحياتك

فالدنيا اكبر من كلمة جمال

واتمنى لكي التوووفيق

اولا يالغالية مقياس الجمال يختلف من شخص لآخر..

ومن قالك السمار شين؟ والله احيانا البياض اذا ماصار فيه جاذبية تطلع الوحدة كأنه فيها برص ( بهق )

وزوجك دامه يحبك وراضي فيك خلاص لاأحد يهمك ابداااااا اهم شي زوجك وبس


وفيه مثل عندنا بالسعودية يقولك: شين مجمل ولازين مهمل << يعني الاهتمام له أثر

ملابسك حاولي تكون واسعة لابسة شي مخطط بالعرض عشان مايزيد وزنك

شعرك قصيه عالموضة واصغبه غيري طريقة مكياجك وعطوراتك وجزمك..

روحي لنادي رياضي او اخصائية تغذية حتى لو كان فيك هرومونات بالإهتمام على الاقل تخفين شوي


موفقة اختي

السلام عليكم ورحمة الله وبركاته
أول شي أحب أطمنئك أنا كرجل أن المشلكـة سهلة للغاية .. ومافي مشكلـة من الأصل .
بالنسبة للسمار < السمـار فيه جاذبيه .. دايما السمره تكون جذابه ، البيضة < حلوة بس مافيها جاذبيه
ثاني شي بالنسبة للجمال < الملابس تخلي أي بنت حلوة (خاصة إذا كانت الملابس من ماركات) < لان الماركات تجي مضبوطه على الجسم ، أما الملابس اللي تكون اسعارها قليله < أول شي معظهم مايغير ويعطي جمال للبنت مثل الملابس اللي تجي من نعومي ولا برمود ولا غيرها من الماركات ، ثاني شي < ذي الملابس يمكن تشوفيها حلوة في العرض بس لما تلبسيها تفرق وماتطلعه حلوة بعكس الملابس اللي في الماركات < تصمميها صح (غير أنها أهم شي تعطي شكل ثاني )
الشعر < والله أعرف شباب كثير شعورهم خشنه ويشتروا من السوبر ماركت كريمات تنعم الشعر ، وانا قد جربت الكريمات اللي في السوبر ماركت والله انها حلوة وتعالج مشكلة الشعر بكل سهوله وتسيح الشعر < استخدميها دايما بعد الاستحمام ) ، من الكريمات اللي جربتها كريم صانصلك بالحنه < يسيح الشعر ويعطيه لمعان غير انه ريحتة حلوووة موووت ، بس أحذري تتسعملي الجل < لان الجل ييبس الشعر مايسيحه يخليه يابس وبعد فترة راح يخرب شعرك وانا مجربه بنفسي .. غير أن في كريم أحسن من صانصلك بس مالقيته في السوبر ماركت لانه قليل ولا اعرفه اسمه واطلق من صانصلك بمية مره وميزة كريم صانصلك أنك تلاقيه في أي سوبر ماركت منتشر في كل المحلات يعني أي محل أربع وعشرين ساعة تلاقيه فيه .
بالنسبة للجمال < تعريفة : الجمال هو جمال الروح وأنا سمعت شريط للدكتور طارق السويدان عن جمال الروح في اشرطه له اسمها قصص واقعيه منها قصة عن جمال الروح مختصر القصة أن في واحد سمع أن أمام مسجد يقول في خطبه جمعة الجمال جمال الروح والجمال الظاهر راح يزول ، فيوم جاء يتزوج وحدة فقال له اخوها ماني معطيك اختي قال له اكيد اختك ملكة جمال لانك مازوجتها احد جو كثير يخطبوها بس ماوافقت قال لا والله ان اختي شيييييينه وماابغى ازوجها اي احد عشان مايظلمها قال له طيب انا ابغى اتزوجها قال له ماراح ازوجك ايها ماراح تستحمل العيشه معها اختي شينه قال له طيب انا باخذها وقام يقول له عن اللي سمعه في خطبة الجمعه عن ان الجمال جمال الروح وان الجمال ذا زائل ووافق اخوها وتزوجها يقول زوجها والله اول ماشفتها ماقدرت اطالع في وجهه شينه مررررره لدرجة اني ماني قادر اطالع في وجهها ماتوقعتها لذي الدرجة شينه بس قالت مالها داعي مااطالع وسويت نفسي عادي وقام يطالع فيها عادي المهم ومرت الايام وقالت له شوف تبي تتزوج علي تزوج بس امانه لاتتركني قال لها طيب والبنت ذي كانت صالحه وكامله من كل النواحي عيبها الوحيد انها شينه مره المهم دعت البنت ان الله يرزقها بعيال حلوين وجابت له ولدين احلى من بعض لدرجة ان كل اللي يشوف الولدين يقول قدامه أكيد أمهم ملكة جمال وهو يقول لهم والله انها شينه بس الجمال جمال الروح ومع الوقت صار يحب زوجته ويموت فيها لدرجة انه ماتزوج عليها وعاش معها طول عمره < والقصة ذي قصة واقعيه .
وأنا راح أثبت لكم أن الجمال جمال الروح : أنتم يابنات إذا شفتم بنت في المدرسة ولا الكلية روحها حلوة :
1 - إذا كانت البنت حلوة < مع روحها الحلوة تقولوا أنها مو حلوة ملكـة جمال (مع أنها ماهي ملكة جمال ولاشي)
2 - إذا كانت البنت مملوحة < مع روحها الحلوة تقولوا أنها حلوة (وهي في الاصل مملوحة)
3 - إذا كانت البنت شينة < مع روحها الحلوة تقولوا والله أنها مملوحة ومافيها شي (وهي في الاصل شينه)
وإذا جاء يوم زعلتوا :
1- إذا كانت البنت حلوة < والله أنها ماهي حلوة شوفي الحبوب اللي في وجهها أو شوف كيف خشمها أو ركزي في عيونها .. الخ وتقول هي صح مملوحة شوي بس ماهي ذاك الزود (سبحان الله لما يزعل الواحد يشوف عيوب ماقد شفها في البنت واذا كان يحبها (يصير أعمى مايشوف شي) ) < كل هذا يثبت أن الجمال جمال الروح
ونفس الشي يصير معنا حنا الشباب مع جمال الروح نشوف الشخص أحلى وكلما كنا نحبه كل ماشفنه احلى وكل ماصرنا عمي أكثر .
وأخيرا ٌ : عليك بثقيف نفسك في ذا المنتدى عن كيفية التعامل مع الزوج و كيف تسعديه وكيف تجددي من نفسك < لان الزوج يحب الزوجة المتجددة واي شي تقريه في المنتدى < كاتبه واحد رجال أعرفه أنه صدق ( يعني إذا قال أنا أحب أن المرأة تسوي كذا معناه أن كل الرجال يحبوا كذا وانا مواضيع كثير قريتها في المنتدى وحسيت أن حلوة وقلت ياليت كل البنات يسوا زي ماقال )
غير كذا حتى إذا بنت قالت موضوع عن أشياء يحبها الرجل تأكدي أنها صح بس الرجل يخليك تتاكدي أكثر < لاني والله قريت موضوع للبنات في المنتدى عن الرجال والله انهم صادقين بس لاني دايم إذا قريت موضوع كتبته بنت عن البنات أحسن انه من جد واتاكد اكثر من لما يكتبه رجال ، لكن بعد ماشفت موضيع كتبوها بنات عن رجال وحسيت انها صدق وقلت ياليت كل البنات يسوا زي ماتقول ذي البنت فغيرت تفكيري وصرت اي موضوع أقراه عن البنات اعرف انه صدق واتاكد .
معليش على الاطالة في الكلام
وأنتظري موضوعي إنشـآء عن الاشياء اللي يحبها الرجل في زوجته وراح اتوسع في ذا الموضوع بأذن الله وأدعي لي بالزوجة الصالحة .

انصحك بزيارة طبيب نفسي لأنك راح تشفين بكذه جلسه ان شاءلله ..... هذه عقد نفسيه وكل انسان عنده عقده

ما او اغلب الناس والطبيب النفسي راح يعالجك اكيد ان شاءلله

كل ميسر لما خلق له ، فعلى كل منكم أن يرضى بما كتب الله له من جمال أو قبح الشكل فكلنا خلق الله وعلى العاقل أن يرضى بقضاء الله وقدره والحمد لله رب العالمين ، ودائما العقل والاخلاق الحسنة قمة جمال المرأة

السلام عليكم ورحمة الله وبركاته
نسيت ماأكتب عن مشكلة السمنه < مشكلة السمنة مشكلة كثير من البنات ماقدروا يتخلصوا منها السبب انهم يسمعوا كلام الدكتور وكلام المجلات وينسوا كلام الرسول صلى الله عليه وسلم والكلام الصح اللي يدخل العقل .
الرسول صلى الله عليه وسلم يقول (بحسب أبن أدم لقيمات يقمن صلبه فأن كان لابد أكلا فثلث لاكله وثلث لشربه وثلث لنفسه ) (يقول الشيخ سعيد بن مسفر الله يجزاه الجنه الرسول قال لقيمات تكفي ماقال لقمات ولقيمات تصغير لقمات). يعني إذا الانسان أكل قليل راح يحصل على الفائده كامله واثبتت الدراسات الطبيه ان الاكل الزائد مايستفيد منه الجسم وفي النهاية يسمن الواحد ويفكر في الرجيم .
ثانيا شي الرسول صلى الله عليه وسلم كان يقعد ركبه ونص < طبعا ذي زي مانسميها عندنا باللغة العاميه وأثبتت الدراسات أن ذي الوضيعة تضغظ على المعدة بحيث تصغر المعده وتصير للثلث بالضبط < ماني مذكر الكلام بالضبط بس المعنى ان لما الواحد يقعد ركبه ونص وياكل بعد ماتمتلي ثلث المعده راح يحس انه شبع وفي نفس الوقت راح يحس انه نشيط ماراح يحس بالخمول خاصة في شهر رمضان للاسف الناس تفرط في الاكل وبعدها تحس بخمول وماتقدر تقوم من أمكانها (ويلاحظ على الناس إذا كثر في الاكل بعد مايقوم يقول ليتني ماكثرت ومايقدر يتنفس).
ثالثا : الدرسات اثبتت ان الشرب مع الاكل يطلع البطن فلازم الواحد يشرب قبل او بعد < تقول الدراسات
والرسول صلى الله عليه وسلم كان دايما يشرب بعد الاكل او قبله ماكان يشرب مع الاكل .
وانا كنت اكل كثير بعدين صرت اقعد ركبه ونص واستمريت تقريبا شهرين وبعد فتره رحت لمطعم واكلت وانا على الطاوله < يعني ماكنت قاعد ركبه ونص واكلت شوي ماخلصت صحني بس اكلت زياده عن اللي متعود عليه والله معدتي اوجعتني وماقدرت اكمل لان معدتي صارت متعوده على كميه قليله .
وكنت دايم اشرب واكل لدرجة اني اذا خلص البيبسي او المويه مااكمل الاكل اللي في يدي وكنت احسب ان مستحيل اكل بدون مااشرب مع الاكل بس قلت لازم اتركها وتركتها فتره طويله وصرت متعود اني اشرب بعد الاكل في البدايه حسيتها صعبه بس بعد شهرين صارت سهله واكتشفت ان الواحد اذا اكل ركبه ونص وماشرب مع الاكل يتنفس زين وصرت احس ان اللي يشرب مع الاكل مايتنفس زي لان اللي يشرب مع الاكل يدف الاكل بالشرب مايقطعه زين وجربوا بنفسكم راح تلاقوها اول شي صعبه بس بعد شهرين ثلاثه راح تحسوا انها مسالة عاده وماراح ترجعوا للشرب مع الاكل .
اما الرجيم < كم مره سويتوا ريجيم في حياتكم خمس مرات ؟ عشرت مرات ؟ < والنهايه مانفع < لان الواحد راح يقعد اسبوع مطبق الرجيم وراح ينقص في البدايه بعدين ماراح يتحمل الرجيم كل يوم نفس الاكل وكل ماراح عند احد يحرم نفسه من الاكل عشان رجيم وفي النهاية راح يترك الريجيم أما التخفيف الواحد مايحرم نفسه من شي وفي نفس الوقت تصغر معدته بدون مايتعب وانتم جربتوا الرجيم كثير ومانفع معكم وانا سمعت من بعض اللي سوا رجيم انهم بعد مايتركوا الرجيم يرجعوا اللي خسروه الضعف يعني اللي نقص عشر كيلو بعد مايترك الرجيم يزيد عشرين .
وانتي عشان تنقصي وزنك أحسن شي لتنقيص الوزن المشي لاني قريت في الانترنت ان المشي يشد الجسم كله ويغني عن كل الرياضات يعني مثلا اخرجي انتي وزوجك كل يوم في العصريه وروحوا الممشى ومع التخفيف راح تنزلي وزنك بس بالتدريج يعني راح تنقصي عشرين كليو او ثلاثين كليو في السنه < بدون ماتتعبي وتسوي تمارين ولا تحرمي نفسك من الاكل .
غير ان الكيلو الواحد يمشيه في 10 دقايق يعني اذا مشيتي في البيت عشر دقايق راح تمشي كيلو كامل < يعني لاتزعل البنت اذا اهلها شغلوها ولا زوجها راح تنحف وتشد جسمها كله واحسن شي تروح الممشى مع زوجها ولا اخواتها أحسن من السير (جهاز المشي) < السير حلو بس يطفش مو زي المشي في الممشى خاصة اذا كان في احد يمشي معك راح يروح الطريق مع السواليف .. الاجهزه < فايدتها للي ماتقدر تروح الممشى وتقدر تمشي في اي وقت يعني تمشي في الممشى واذا ماقدرت ولا اذا تبي تمشي زياده مشيت في السير ذا غير ان المشي يحرق سعرات حراريه .
واي واحد يبي ينحف يخفف ويمشي راح ينحف إنشآء الله ولا يحتاج لارجيم ولا اجهزه رياضيه يحتاج بس تخفيف ومشي ولاتنسوا ان المشي يشد الجسم كامل ويغني عن جميع الرياضات غير انه يوزع الكالسيوم في الجسم وله فوائد اخرى عديدة اللي يبي يعرف معلومات اكثر يحط فوائد المشي في قوقل وراح يطلع له .وبالنسبه لدكتور نفسي انا اشوف انه مايحتاج لك اي دكتور نفسي انتي بالذات لانك ماتغاري من اختك وتحبيها ماشاء الله عليك مع ان اي وحد غيرك لو كانت مكانك راح تتعقد نفسيا من المقارنات غير ان الموضوع مايستاهل ولايستاهل تكبريه وأدعي دايما في الصلاة بعد التشهد وفي السجود ( اللهم إني أسآلك عيش السعادة ونزل الشهداء واعوذ بك من شماتت الاعداء ) < ترى ماني حافظ الدعاء زين وماني حافظه كامل بس ادعي دايما الله ان يقيكي شماتت الاعداء.

كاره الرياضيات /كتومه / black_mo0on
مشكورين على ردودكم وتفاعلكم ..

)(واقعية)( شكرا على ردك لكن الانديه الرياضيه صعبه انتسب لها لان زوجي دايما مشغول وما اقدر اروح لها كل يوم..

عيون الظبي/ sad 4 ever / شاطئ الذكريات /شوبارد
اشكركم من كل قلبي لكني احس من ردودكم انكم تعتقدون اني مهمله لمظهري وشكلي انا بالعكس مو مهمله واتابع كل شي جديد سواء من ناحية الازياء او المكياج او مستحضرات التجميل واهتم بزوجي واحب اجدد حتى بعلاقتنا الحميمه علشان ما يمل مني لكن المشكله اني ما احس ان اهتمامي بنفسي جاب نتيجه رغم ان زوجي يشوفني حلوه ودائما يتغزل فيني لدرجه احيانا احس عنده قصور في النظر او عمى لا سمح الله ....

ضاحي ان شاء الله احاول احل مشكلتي بدون طبيب نفسي رغم اني احس اني فعلا محتاجه له على العموم مشكور انك دخلت وقرات مشكلتي...

الثعالبي شكرا على الكلمات الجميله...

بآرد
يعطيك العافيه اخوي كلماتك فعلا مشجعه ،تأثرت بالقصه اللي ذكرتها ذكرتني بنفسي:rolleyes: بس انت اثرت الحماس فيني اني ارجع و احاول اخفف من وزني باي طريقه وراح اجرب طريقتك بتخفيف الاكل والمشي علشان اقدر اواصل لاني احس مشكلتي اساسا في الوزن لاني كنت رشيقه وعلشان كذا صابني احباط لما زاد وزني ..مشكور واتمنى ان الله يرزقك الزوجه الصالحه والجميله في نفس الوقت:)