|
مارأيكم بسياستي مع أهل زوجي ؟
حياكم الله
ياهلا بااهلى الثانين من زمان وانا ودي اخذ رايكم ((بتطــــــــــنيش )) لان كم واحده من زميلاتي تنقدني على شخصيتي تقول لى ماله السان تاكله 000:25: بعطيكم مثل انا ساكنه مع حمولتي طبعا سلوبهم والله الحمد يرمون الكلام عليك او الكلام الى فلانه يعني اياك اعني واسمعي ياجاره مع اني خوات زوجي يجننون معي وسلوبهم الحلو معي ودايم يستشيروني بحياتهم الخاصه يعني علاقتي معهم قويه بعكس حريم اخوانهم الباقين متحفظين معهم بزياده بس خالتي الله يهديه هي وحريم اخوان زوجي انا اول زواجي كنت اتضايق من كلامه وارد عليهم وتطول السالفه و غبى زايد :29: اروح اقول الزوجي ونكد على وعليه المهم بعدين ماحصلت من طريقتي الا التعب وضيقت الصدر نصحتني واحده وقالت طنشيهم بقوه ولا يهمك احد انا ماقصرت اخذت نصيحتها بتفصيل ماعد يهموني يقولون اي شيء اتركهم مارد عليهم لان كلامهم غير مباشر ولا اظهر تأثري بكلامهم بالعكس اجلس بالمجلس واكمله سوالف وضحك مع الباقي كاني مافهمت وانا اغلى من الدخل وصارت ماقول حتى الزوجي ماقول لكم اني مأتاثر بالعكس اتعب بس حصلته اريح من النقاش معهم وتطول السالفه وتاصل العائله كله وهي سالفه تافها وحصلت الرحه مع زوجي ماعد فيه نكد وهوشات بس زميلاتي يقولون يالغبيه بتستمرين كذا لزم تردين عليهم لزم يصيرون يحسبون لك الف حساب قبل يقولون الكلمه بس انا تفكيري لو حسستهم اني فاهم قصدهم ورديت عليهم بيستمرون يرمون على كلام بالعكس خليهم يفقدون الامل بيقولون هذا مافيه امل تفهم وبيتركون اسلوبهم هذا وش رايكم تفكيري صح ؟؟؟ |
كفووووو والله
هذا الاسلوب الي يمشي معاهم لانج مو عايشه معاهم لا سنه ولاسنتين العمر كله ان شاء الله طنشي وفي عندنا مثل بالكويت(الحقران يقطع المصران) و طنش تعش تنتعش..... والله يهنيج مع زوجج وماعليج من الباقي تحياتي لج اختج كنووف |
اذا نطق السفيه فلا تجبه ... :22: ...
|
الاخت ريفان بدون لسان 000000000 معقولة >> تخيلتك بلسانين هههههههه
على كل حال انت اسلوبك صح لانهم يرمون كلام 00 يبغونك تردين 00 واذا رديتي تشبعين رغبتهم فاذا سويتي نفسك مو فاهمة 00 تظل رغباتهم مكبوته 00 ويحسون انهم ماقدروا يستفزونك 00 وهذا شعور يقهرهم 00 فخليك كذا 00 ولاتنسين المثل اللي يقول (( اذا ركلك احد من الخلف فهذا يعني انك بالمقدمة )) |
ياهلا بالغلا كنووف
تسلمين ياقلبي اجل وش فيهن الشينات يقولون غلط طريقتك:29: شكلي حتى هم بطنشهم <<<الظاهر صار هذا اسلوبها:d اقتباس:
والله هذا شعاري بيت حمولتي |
طنشي واحتسبي الاجر ..(والكاظمين الغيظ...........) وانتي الربحانه بس من دون غليان لان صحتك اغلى ماتملكين.........
|
الحقران يقطع المصران0
|
اقتباس:
والله ياخوي بما ان من اسرة الصراحه <<<<والله الى بلشنا لزم نقول كلش مو اللسانين الا عشر وبالكلية كنت المتكلم الرسمي البنات وامي تقول دايم ياليت من يأخذ للسانك ويحطه بخوك اخوي حيوي بزياده وبشرك بعد اذا صار مواقف الاهلى طبعا امي وخواتي يسكتون انا اخذ حقهم وحق جيرانهم الى مايستاهل نسكت له ليش نسكت الا نوقفه عند حده بس حمولتي غير بس انا مسكت قصر بالساني او علشانهم لاني لو بستمر معهم بتطول السالفه وبتاصل العائله كله لان اهل زوجي وحريم اخوانه مايقصرون كل شيء يقال الرجال وانا مابي سمعتي عند ابو زوجي وزوجي وخوانه تتغير لزم اعطي صوره حلو عن تربية اهلى لي ولا اعطيهم فرصه يمسكون على شيء بس حلو المثل هذا اول مره اسمع فيه (( اذا ركلك احد من الخلف فهذا يعني انك بالمقدمة)) |
اقتباس:
الله كبريائي ياليت من يقوله قدام حريم اخوان زوجي تجنن:d وش رايك اعزمك واذا قالو لي شيء تقولينها |
اقتباس:
حياك الله يالغلا الغليان لزم بس بدرجات الحمدالله على حسب الشخص والكلام:30: |
اقتباس:
تسلمين ياترف على مرورك |
اقتباس:
اذا كنت أنت تغلي هم صاروا بركان طنش تعيش و أنصحك زودي الضحكة و خليها تطلع من قلبك |
اقتباس:
ياهلا وغلا فيك تهقينه ان حريم اخوان زوجي بركان عسى <<<اللهم اني صائمه مشكوره ياقلبي |
حبيبيتي طنشي ماعليكي الا من زوجك هو راضي عليك خلاص لا يهمك احد.....
وبعدين إذا ترفعتي عن هالسخاااافات راح يجي يوم ويدرون من هي انتي ويعرفون قدرك ومهما طال الزمن او قصر مصير الانسان راعي الكلام والشوشره ينكشف... (((( وهذا وجهي اذا اقلبت خالتك على حريم عياله وصرتي انتي الكل في الكل علشان اسلوبك وثقلك معهم )))) |
:::: تدرين ساعات السكوت يفكك من الرد على كلام ناس تبي المشاكل :::
::::: حاولى يكون كلامكم مع بعض نادر وقليل عشان مايحاولن يجرحنك بكلامهم وحاولى تشغلين نفسك عنهن:::::: <<< كانت تعاني من هالمشكله والحمدلله اجلس مع زوجي معاهم واول ما يطلع زوجي ارووح لغرفتي افك حالى من المشاكل... وكل مابعدتي عنهم بيكون احسسسن ... وربي يعيييينك.. |
سبحان الله ليش العداوة بين السلايف
مع ان كل وحده ما لها دخل بالثانيه انا استغرب من اللي عندي(عندي وعندك خير) لو احد يعطيني منديل قالت ابغى منديل ولو احد مدح زوجي قالت وانا بعد امدحوا زوجي وان مدحوا طبختي قالت مو حلو انا اسوي احسن منه وانا مطنشتها وكاني ما اسمع بس صدق استانس وانا اشوف القهر بعيونها كن كثر تطنيشي لها وابشرك طريقتك معهم ممتازه100% |
ط
ن ش ت ع ش ت ن ت ع ش اختي اسفيهم ولا يهمووووووووونك .. أصلا زي هالناس ما تستاهل الواحد يحرق اعصابه علشانهم أنا كذا أطنش .. بس والله يحسبو لي حساب والحمد لله انتي لا تجاريهم كأنك ما فهمتيهم وعيشي حياتك بكل هدووووووء وراحة بال |
طنشيهم ولا تعطينهم وجه وراح يحترموا انفسهم
|
تسلمون يالغاليات
الله لايحرمنى منك جاااااااااااري التطنيش:d |
أحلى شي التطنيش هذا اسلوووووووووووووبي مع لكاعه وكيد الحريم الشياطين
ولا كأني سامعه شي ,,,,,, |
ماشالله الاعضاء جابو امثال بصراحه حكم ..
(الحقران يقطع المصران) اذا نطق السفيه فلا تجبه (( اذا ركلك احد من الخلف فهذا يعني انك بالمقدمة )) و طنش تعش تنتعش ..(والكاظمين الغيظ...........) <<< رد الاخت الفتاة المخملية .. الله يجزاها خير احلى رد عجبني واحترامي لباقي الاعضاء .. صحيح اختي ريفان اكظمي غيظك وبكذا تنالي الاجر وتقهريهم :d |
اقتباس:
ياهلا بريم مافيه غير التطنيش الله يعين بس <<<<اليوم واصله كلام يهز البدن الله يكون بالعون بس |
يقولج الحقران يقطع المصران
احقريهم ولا كأنه في حد يتكلم خخخخخ |
مشكوره يالغلا
على مرورك |
| الساعة الآن 08:46 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©