مشكلتي أني وسيم جدا !!!!!!!!!
 

السلام عليكم وكل عام وأنتم بخير ومبروك عليكم الشهر



أنا بأدخل في صلب الموضوع أنا شاب عمري 27 وتمت لي الشوفة الشرعية ولله الحمد وكل شي أن شاء الله تمام ولكن مشكلتي في جسدي يعني جسمي الحمد الله مأعاني من أي أمراض بل بالعكس ولله الحمد ( هذا وأنا بدخل في صلب الموضوع) المهم بسهل لكم الوضعععع أنا وبكل صراحة أعاني من وسامة شديدة لدرجة أنه لو أحلق شنبي ( شاربي) طلعت أشبه للبنت منه للرجل زيادة على هذا الشي أنه النصف الثاني أو الجزء العلوي من جسمي خصوصا اليدان أو ذراعي تقول يدين بنت خصوصا من عند الأكواع وما فوق وكل الزملاء ألتفتوا لهذا الشي خصوصا أذا كان هناك لبس رياضة أو طلعة أو شي آخر وكان الصديق المقرب لي يقول والله يدينك من فوق ولا يدين بنت وهناك شخص متزوج كان دايم يردد علي والله يافلان لو تتزوج أن زوجتك راح تغااااااار منك وعليك وتقفل عليك في البيت مما سبب لي كآآآآآآآآبة متعلقة بهذه المشكلة ---- الحمد الله *** -- أرجوا المعذرة وكل الأمور الثانية ممتازة وجيدة جدا من الناحية الطبيعية --- أنا الحين باقي على الزواج 5 أشهر وهذه المشكلة أزعجتني وأنا فكرت وسمعت عن الهرمون الذكري أمكن يغير في الشكل أو يعدل فيه ==== والله أنا مأتحمل أشوف زوجتي في يوم من الأيام تنظر للشبان الوسيمين الممتلئين خشونة وأنا وجهي في المراية شكل ناعم وأن زوجتي راح تتمنى لو كان شكلي أخشن ... فهل هذا الشي يهم لدى البنات علما بأن خطيبتي موافقة وأخاف أن الموضوع أعجاب ولكني واعي جدا أن المسألة مسألة حياة طويييييييييييييلة...

أرجووووووووووووكم ساعدوني .....

مكبر السالفه الله يهديك وجايب لنفسك القلق
ياخي ما عندك مشكله ولا شي
والهرمونات بتخرب فيك ما تعدل
انتبه لنفسك
واستمتع بوسامتك حتى النخاع

انا اشوف انه عادي .. انا كان خطيبي جذي .. مافيها مشكله عادي ..

المهم تصرفاتك تكون تصرفات رجل .. مو مهم الشكل .. هذا رايي الشخصي ..

ولا تحسسها بيوم انك متضايق من هالشي .. او انه انك حاط انه عيب فيك بالعكس ..

و نصيحه .. لا تقولها انا حلوو انا وسيم ربعي يمدحون شكلي ومادري شنو .. ترا بجذي بتشوفك اقبح انسان بالدنيا .. لان مو حلو الرجل يتباهى بجامله لان الجمال للبنت .. صح في رياييل حلوين لكن احنا البنات نقول عنهم حلوين مو اهم يقولون عن روحهم حلوين .. فاهمني ؟

و عالبركه .. منك المال ومنها العيال :)

ههههه قيست الله يعطيك العافية على هذا الرد وألأخ مشكلتي أصدق شكرا لردك

ولكن من الأشياء اللي أقولها بيني وبين نفسي وأرجوا المعذرة ((( ألحين كيف زوجتي أكبر بعينها وأنا مثلا يديني مثل يدينها وحنا مثلا على السرير مو البنات يبغون شخص جسمه رجولي وأنا في نفس الوقت كشاب أريد بنت أنثىىىىىىى ))))) لاتقولون أن هذا الشي ماراح تفكر فيه البنت وتتضايق منه أنا والله العظيييييييييم كرهت نفسي بالعربي أرجووووووووووكم خصوصا البنات أنصحوني والله راح أستفيد مثل مأستفدت من الردين والله يحقق أمنيات الجميع

الأفضل لك أن تلتحق بنادي ريااااضي
صدقني ستتتغير كثيراً .. إلى الأفضل بالطبع

وستجمع بإذن الله بين الوسامة والجسم الرياضي
وهذا المطلوب !!

انا من رأيى ان تمارس رياضة شاقة وهذه الرياضة ستصيب جسمك بالخشونة
كمال أجسام رفع أثقال.... الخ
وبعدين ماتلفت نظرها الى هذا ابدا

لالالا يا خوي لا يصير تفكيرك كذا احمدالله و اشكرة انت اذا كنت وسيم ماهو معناه انك انثى (اعذرني) انا زوجي وسيييييييييم مرة ابيض و خدوده حمر و كانو اقرب للبنت من الولدلكن ازا بدا يتكلم مليان خشونه الرجل تبان خشونه بغض النظر عن وسامته مو معناته لازم تكون اسود و قبيح عشان تكون خشن الله يهنيك و يهنيها :)))

:d بسم الله عليك اخوي لاتزين شي بعدين تتشوه بشرتك
الله يستر عليك

فعلا أخوي انت مكبر السالفة!
لا يضيق صدرك ولا حاجة الأمر هيّن ان شاء الله

ياخي وش يعني الشكل قدام الشخصية؟!!!

ولا شيء!

المراة تهتم جدا جدا بشخصية الرجل... وسواء كان شكل خشن والا ناعم!
فيه أزواج ملائكة في الشكل كشخة ورجولة وسكبة شي مثالي وزوجته ما تشوفه شيء!!! لأن التوفيق بيد الله أولا .. ثانيا شخصيته خربت عليه!

يا اخي مسألة الفراش المرأة تهتم بأسلوب الرجل! وثقافته وطريقته.. كيف يتعامل معها في هذه الأمور..

أما مسألة الشكل فليست ذات أثر خصوصا إن الامر خلقة ربي يعني مو بيدك!
(لو كنت انت السبب في هذه النعومة فعلا يحتاج الأمر لمناقشة أو قرصة إذن:d )

لكن بما أن الأمر خارج عن يدك فلا تشغل بالك أبدا!


بالتوفيق...

لا انصحك ابداً بالهرمونات لانها جداً ضارة 00

ممكن تعرض نفسك للشمس تكتسب سمار 00 وتمارين تكبر عضلاتك 00 وخلاص

وفقك الله

صح مثل ما قالوا الاخوان
اذا انت مو مرتاح من نفسك
تقدر تشترك بصاله رياضيه
وعلى نهاية الخمس شهور بتكون أنجزت المهمه
والله يوفقك
:)

اخوي انت تفكر ان عندك نقص وهذا من حقك لانك تشوف انك مو كامل الرجوله وانك زائد الجمال
وما اقصد ان الرجل لازم يطلع قبيح لا ... يعني جمالك جمال انثى ولازم هالجمال ( جمال الانثى ) تقضي عليه

اذا كلامك وتصرفاتك وحركاتك مافيها ميوعه هذا اهم شي

واما عن الشكل فيه شي يقضي على جمال الانوثه اللي هو العضلات
مجرد دخولك النادي واستمرارك عليه راح تتفاجئ بالنتيجه
في سنه راح يتغيير شكلك جدا وراح تسير يدك اللي تقول عنها ناعمه ضخمه ومقسمه عضليا وراح تسير واثق من نفسك

ادخل نادي رياضي
فيه رياضات معينة تبرز الأكتاف وتطلع عضلات
بكذا راح يتغير شكلك

صح اغلب البنات يبغون شكل رجولي بحت
لكن فيه بنات يعجبهم اللي مثل حالتك لكن ولو نصيحيتي لك نااااااادي رياضي

ما تدري اخوي يمكن الشي هذا يعجب البنت مو شرط انها تفضل الخشن عليك

موكلنا كذا...


الله يوفقك يارب

يعافيك :)

فعلا ليست كل النساء على ذوق واحد فيما يخص الرجال فكما ان هناك من تفضل الخشونة وقسوة الملامح هناك من تفضل الرجل ذو الملامح الناعمة ، فمعايير الوسامة تختلف عند النساء تماما كما هو الحال عند الرجال ، لذلك لا تقلق لا بد ان تجد عروسا يعجبها شكلك .

وسع صدرك

الهرمونات شيء غير طبيعي.. و أي شي دخيل عالجسم ممكن يأثر سلباً حتى على الإنجاب

بالنسبة للبنات .. أغلبهم يحبون الرجل الخشن.. بس شفت (جواد العلي) ما في أنعم منه.. و في بنات يموتون عليه

أما الخشونة ففي أكثر من شي..

اللحية تضفي الرجولة على الوجه.. أو السكسوكة.. لو كانت بشرتك بيضاء ممكن تتعرض للشمس و تكتسب بشرة سمراء خشنة؟

لأن معروف أن الشمس تجعل الجلد أسمر و جاف.. يعني بالعربي خشن.
أما الجسم فهو سهل جداً.. روح نادي رياضه.. و نمي عضلاتك.. بس

الجري ينمي عضلات الجسم كلها..

أنا أعرف واحد كنه سلق من ضعفه.. و بعد كم سنه شفته معضل.. طبعاً من الجم!

و يوم البنت وافقت هذا يعني إنها ما تمانع.. مستحيل البنت تتزوج رجل شكله مب عاجبها إلا لو هي موافقه و ما تمانع

و أهم شي السلوك.. دام سلوكك رجولي.. فهذا يضفي الكثير من الخشونه على شكلك..

خلاص يا أخي توكل على الله و البنت موافقه لا تخاف.. أهم شي المضمون

ياخي والله انك مكبر الساالفه واهي ماتسووى
وانا اقولك هنيئا لزوجتك بوسامتك
اما على الجسم بسييطه ادخل رياضة كمال الأجسام (العاب الحديد)
وصدقتي راح يفرق جسمك في 3 شهور اذا التزمت
اسأل مجرب
وانت باقي عليك 5 شهوور
والله بسيييطه توكل على الله والله يوووفقك

هذة خلقة اللــه سبحانـه وتعالى
افضل حل هو الاشتراك بنادى رياضى
افضل حل صدقنى انا زوجى ابيض انا ما احب البيض لكن مشعر وسط مش كتير اما الرجل اللى مش مشعر وابيض ويشبة يدين البنات دة مش بيعجبنى لكن الاول والاخر الاخلاق ثم الاخلاق ثم الاخلاق واترك الشكل بعدة

ماشااااااء الله 3 صفحات مشاركات والله أشكركم والله يجزاكم خير أنتم تحمسون الواحد يتزوووووووج بسرعه ***** والمعذرة ودي أشكركم شخص شخص ولكن الموضوع هذا لازم ورقة وقلم ولكن مأقول إلا شكرا للجميع ...



أما مسألة تمارين الريااااضة صح كلامكم وأنا فعلا حاليا أو من 10 شهووووووور داخل نادي رياضي وفعلا الأختلاف واضح خصوصا عضلات السواعد والأكتاف بس لابد من الإنضباط مع التمارين ...............


وشكرا لكم

وفقك الله اخوي
لا تقلق أهم شئ الرجوله في التصرفات مو الشكل

الوسامة ليست مشكلة - فنبي الله يوسف كان وسيما . - بل الوسامة التي ضايقتك يتمناها الكثير - فاحمد الله .

عليك بألعاب القوى و الله يهنيك

لا تصير واثق بقوه

اذا المسأله على الذراعين والعضود والزنود

ادخل نادي وتدرب حديد يامال الشحم

والله ان تجيك زنود ولا تايسون

واذا على اللون تبطح في السطح لين تستوي ويتغير اللون