|
إلى اي مدى تتحملون؟......(بصدق وبدون مثاليه)
الى اي مدى يا زوجات خصوصا تتحملون ازواجكم.... من ناحية انه دايما يغلط عليك ويهزأك ويسبك ويتطاول على اهلك ويتمسخر عليك ويخليك حتى ريال ما تسوين ويحسسك شفويا او تحريريا انه مغبون بزواجه منك وانك سبب قرفه في هالدنيا وياليته ماشافك ...و و و و و و و و...كل ما يخطر على بالكم من التحقير والتسفيل والتهزيء والتشويه....:19: ونفسيتك بعدها في الحضيييييييييييييييييييييض:20: تحت بالمره وتحت الصفر:mad: وبعدها بكم ساعه يجي كالعاشق الولهان اللي ما يقدر يستغني عن تراب ارجولك وبكل بساطه يتأسف منك ويقول اسف ومعليش:eek: :rolleyes: :20: :29: :( ما تكرهينه؟ تسامحينه؟ تطنشينه؟ جد والله كيف تتعاملين؟ اذا انتي من النوع اللي ما يهمك......ليش ما يهمك؟ كيف تشغلين نفسك عن كلامه؟ وهل تسامحينه من قلب؟ انا ما قصدي اني احقد عليه..............بس طاح من عيني......يعني في اي لحظه ممكن اعامله بنفس الكلمات واخواننا الرجال اللي مغربلينا معهم......جاوبوا عن الاسئله .....مشكورين |
توني طحت في هذا الموقف اليوم وكان حيكسر الدنيا لولا ان الله سلم
وكله على اشياء سخييييييييييييييييييييييييييييييييييييييييفه وتااااااااااااااااااافهه ومالها داعي وبعد المغرب ما يقول الا حبي وعمري وعععععععععع مالها طعم |
دخلت فقط لتهنئتك برمضان
و أدعو الله ان يهدي زوجك و ييسر أمرك و يشرح صدرك و يريح بالك آسفة حبيبتي ما أقدر أفيدك, أنا مش متزوجة لاحظت غيابك, أرجو أن يكون السبب خير |
شكوتي لله
الله يسعدك ويجعلك من صوام هذا الشهر الفضيل وفعلا غيابي بسبب ان زوجي باااااااااااع اجهزتنا الله يسامحه انتظر الين اجي لاهلي وادخل من اجهزتهم الله يسعد قلبك ويطعمك ابن الحلال اللي يقدرك |
يمكن غصب عليه 00 طبعه عصبي 00
واذا تعذر اقبليها 00 ولو انها من غير طعم 00 لكن التمسي له العذر 00 |
اخي كاره الرياضيات
وهو انا اقدر ما التمس له العذر بعدين اكفر في نظره الله يعين وصدقني مافيه شي اسمه طبعه الانسان هو اللي يحدد شخصيته هو اللي يخلي نفسه عصبي الله ما يخلق انسان اعوج وهديناه النجدين وعلى الانسان ان يختار ما يريد اشكر مرورك |
أعتقد أن زوجك مدخن ..!!
وقبل الفطور تكون النفسية في الحضيض ..!! وإذا أفطر وأخذ سيجارة تعدلة النفسية و روق ..!! للأسف هذا حال أغلب المدخنين ..!! ولازم تراعين هذا الشي .. لأنك لا تدخنين ولا تعلمين ماذا يمر به المدخن إذا صام عن هذا السم عافانا الله وأياك منه .. أنا رجل ولله الحمد لا أدخن وأكرهه أشد الكره .. لكن أعرف الكثير من الرجال المدخنين وهذا حالهم ... أعرف شخص مدخن يقول لي إذا سافروا أهلي معي في السيارة تتعب نفسيتي لأني لا أدخن أمام أهلي حتى أحيانا أعصب على والدتي .. |
<<أولا: . العضوة هذي ملقوفة بس عادي تتعلم
ثانيا : تبغين الجد فلة والله دايم افكر بمثل كذا اقول وناسة يحوسني ويمسح بي البلاط وانقهر بعيدن يجي يلاحقني والله لأذله أبرد خاطري فيه:d << خليه يجي أول مشكلتي أصدق هذا حال أغلب الرجاااااااااال كلهم صدقيني صح اني ماعندي خبرة بس أشوف أخواني وحريمهم وصديقاتي أغلب الرجال يتمننون على حريمهم شوي وبعدين يستوعبون ان مالهم بهالدنيا غيرهم صدقيني اهم شي انه يعترف بغلطه الله يسخر زوجك لك يارب |
اسامحه طبعا .. لكن مو على طووول لازم احسسه بغلطه .. :( .. ومايرجع يكررها ...
واتغلى عليه ... زيي ماقالت شوبارد اغلب الرجال كذه ... بالتوفيق ماتشووفين شر :) |
ليسَ العيبُ في أن نُخطأ ... ولكن العيب في تكرار الخطأ ..
إذا كان هذا ديدنه ... فتلك مشكلة حقيقة ... وكان اللهُ بعون الزوجة التي تمر بها ... أما إذا كانت هفوات مقبولة .. بين الفينة والأخرى ... فلا بأس المُسامحة مطلوبة .. وخير الخطائين التوابون ... كان الله في عونك أختي الكريمة ... لولا الحياءُ والخوفُ من الله لأخرجتُ ما في قلبي ... تحياتي |
زين اذا يجي يعتذر
احسن من اللي يسبك ويهينك ولا كأنه عمل حاجة يرجع يأمر وينهى حبيبتي :: حال افضل من حال ربنا يسعدك |
الحمد لله لم تمر علي مثل هذه الظروف و لا اكاد اتصور ان اقع في مثل هذه الحاله و لكني لو وقفت في مثل هذا الموقف جدلا اجد نفسي مضطرة بعد استنفاذ كل الاساليب بيني و بينه الى ادخال طرف ثالث يعيد لي كرامتي و كرامة اهلي شكرا لك |
مشكلتي أصدق
اكثري من الدعاء في هذا الشهر |
حبيبتـي مشكلتـي أصـدق
يخيل إلي أن كل الرجـال كهـذا .. غير أن صرخاتهـم تتفـاوت فهـو ينفّـس ما به من ضيق .. حنق .. غضب بزوجتـه .. فهـي الوحيـدة التي تحتمـل .. تصبـر .. و .. تسامـح لذا .. وجب علينا كزوجـات أن نتلقـى تلكم الصفعـات و لكن يجب علينا بادئ ذي بدء ( ترويض مشاعرنا ) بمعنـى نصبـر ونتحمـل ولكن دووون أن نحقـد بل نضع نصب أعيننـا أن تلكم ثورة غضب ساورتـه لن تلبث أن تهـدأ وحينهـا كطفـل صغيـر يأتيك معتـذراً !! تقبليـه .. تناسـي إهانتـه .. اصفحـي عنه بل وبكل الحب والحنـان استقبليـه النتيجـة ستكبرين بعينيـه .. سيحبـك أكثر .. وسيعلم أن لا راحـة له سوى معـك فإن حقـدت عليـه سيأتيك قائـلاً مافائدة احتمالك ثورة غضبي .. ومن ثم تقلبيـن الطاولة على رأسي ؟ باختصـار تحمليـه .. لا تحقـدي عليـه .. وبكل الحب .. تقبليـه !! موفقة يا قلبي |
حبيبتي بيني له إنك مقهورة من الي يسويه معاك وحاولو تتفاهمون وتشوفون حل
يمكن عصبي زيادة وبعدين يتندم إنه قالك هذا الكلام أفضل شئ تسوينه تصارحينه ولاتنسي الدعاء ايضا خصوصا في هذا الشهر الفضيل الله يوفقك ويهدي زوجك يارب |
لن أزيد على ما قاله مراقبنا الفذ النور والحنان ، والأديبة الأريبة عبير الأحلام حيث اسميه هكذا دائما.
يقول النور والحنان : "ليسَ العيبُ في أن نُخطأ ... ولكن العيب في تكرار الخطأ .. إذا كان هذا ديدنه ... فتلك مشكلة حقيقة ... وكان اللهُ بعون الزوجة التي تمر بها ... أما إذا كانت هفوات مقبولة .. بين الفينة والأخرى ... فلا بأس المُسامحة مطلوبة .. وخير الخطائين التوابون ... " فانظري أنتي زوجك من أي النوعين هذين ؟ يخيل إلي أنك ستقولين هو من النوع الأول ، وأنا لي على هذا النوع قول واحد قد قلته لك في موضوع سابق وهو أن زوجك يحتاج إلى زوجة قوية الشخصية توقفه عند حده ليحسب لكل ما يقوله ألف حساب ، لكن دون مبادلته الشتائم و السباب. أعجبني قول عبير الأحلام: "نصبـر ونتحمـل ولكن دووون أن نحقـد بل نضع نصب أعيننـا أن تلكم ثورة غضب ساورتـه لن تلبث أن تهـدأ." وبهذه الطريقة ترتاح الزوجة من عوار الرأس ولا تلقي لزوجك بالا حينها. أنا مع الجمع بين الحلين حيث أنك لا تلقين بالا لما يقوله في نفسك ، ولكن مع هذا تحسسينه أن ما قاله خطأ كبير تكراره لا يكفي معه اعتذار وتشدين عليه . أختي الكريمة مشكلتي أصدق عندي كلام أخشى أن يساء فهمه ، لكنني سأقوله لأنه هو ما أؤمن به مع زوج كهذا ربما. هل جربتي الزعل ليوم أو يومين ؟ هل جربتي البكاء والصد ليوم او يومين؟ |
والله حصل هالموقف بس كلامه مايمس اهلي بتاتا بس يمسني انه ،، يهزاني ويهاوشني وكل كلمة جارحه اسمعها منه
وبعدين ييني جنه اول مره يجوفني عاشق ولهان ومتندم على اللي قاله ،،،،اتغلى جمن ساعه وبعدين اخضع للامر الواقع واقبل اعتذاره واذكره بالكلام اللي قاله لي وان جرحني وامشي السفينه بعد شاسوي |
السلام عليكم ورحمة الله وبركاته..
بصراحة تامة لن اقبل ان يصرخ علي زوجي ابدا.. في احدى المرات صرخ علي ولكنني تماسكت وبعده هدوء وصمت مطبق اعتذر من نفسه ولكن تعلم درس بان المراه لا تختلف عن الرجل .. فالرجال دائما يرفضون ان تصرخ في وجوهمم النساء وكذلك النساء فالمراه مثل الرجل... ولكن استغرب كثيرا من بعض النساء اللاتي يصمتن امام صراخ ازواجهم وعدم تنبيههم لتلك التصرفات الطفولية المخجلة.. اعان الله النساء على الرجال مثل هذا النوع.. |
" " الى متى التسامح والله يا غاليه الى ان يرث الله الارض ومن عليها سأظل اسامح ليس حبا وعشقا وهياما في زوجي بل حبا والله في الجنه ونعيمها منذ ان علمت ان الجنه مرتبطه برضاه انصحكي بان تتتعلمي ان تعدي المواقف الصغيره والمهاترات والمهاوشات الصغيره عديها ومرريها مرور الكرام ولا تنسي قوله تعالى ( ولا تنسو الفضل بينكم ) ولكل جواد كبوه كما يقولون فتحملي فالحياه بكبرها جبلت على التعب والهم ونحن مجبولين على الصبر والصبر والصبر اصبري واحتسبي الاجر عند الله وان تنصحيه يكن خيرا وان تتركيه لتسلمي شرا يكون اخير دامت افراحك وزالت احزانك يا غاليه اختك امل الحياه |
والله ونا بعد ما عندي خبره لاكن حاولت احط نفسي بهالصوره
تبين الصراحه خفت لاتكون الألفاظ متبادله ويسطرني طراق اوووف ساعتها وش يحلها.. لا ان شاء الله اني بنطم واحقره مو الحقران يقطع المصران..بطنننننشه واذا جاني بعد بطنشه اكثر من مره ومرتين الى ان يحس ان الي قاله مو بمحله وإن الاعتذار مو كل شي صحيح بيني وبين نفسي باعذره بس عشان لا اخذ التأسف حل لكل مره وطبعا بستغل الموقف لصالحي ..مارح ارضى الى بهديه..شوية طلعات للسوق تعرفون الرجال دينهم ودين الوق وقتها بيطلع مبسووووط طبعا..عشان ما يعيدها مره ثانيه ويعرف ان المصير عسيييير الله يعين اختي والله ما ندري وش مستنينا... جعله ابن حلال هين لين لاينفخ ولا ينطر طويييييييييييييييل بال والأخيره اهم شي اقولك على شي...تعززي عليه بعدما يرجعلك واثقلي بمسامحته..لمحيله بإنك سامحتي لاكن مو تقطينها كاااش الله يهديلك اياه ويجعلك قرة عينه ياااااااااااااااارب |
الله يعينك......ويساعدك......انا أدري عن هذي المواقف......مررررررررة صعبة وتقهررررررر......طنشيه ....ولاتجيبي خبر
لكن انتبهي.....انا وزوجي نتهاوش.......يغلط عليي......يممممكن أعديها واطنش....لكن يغلط على أهلي....لااااااااااااا أوقفه عند حده في الحال.....عموما هم زي الاطفال.....يصرخو ويسبو....وآآآآآآخر شي يقوم يعتذروا.... حطي اعصابك في ثلاجة.....وطنشيه ...مصيره يروق ويهدأ ويرجعلك أحسن من الاول إن شاء الله... ومالنا الا الصبر...الله يكون بالعون.... |
انا من النوع الي يسامح بسرعة ولكن بعد ان افش غليييييييي يعني ما اسكت ولما يجي يراضيني ارضة لان ما يكون شيء في قلبي (كل طلعت) بس بصراحة زوجي عمره ما غلط و لا يستجري يجيب طاري اهلي او يتجاوز حدوده لو سواها مستحيييييييييل ابقة عنده واوريه نجوم الليل
|
مبروك عليك الشهر يالغاليه
كلنا نمر بمثل هذي المواقف نصيحتي انك ماترادينه واذا بدا يهزا قومي عنه او انشغلي باي شئ انا اطالع زوجي وافكر بشئ ثاني علشان مااسمعه ويضيق صدري<<<<<<<<<<<<جربيها |
انا زوجي زييك بس مو دايما
بس اذا عصب يمسح بكرامتي البلاط وبعد فتره يرجع ولا كنه صار شي ويصير مرررررررررره حنون بس انا طيوبه اتغلى عليه شويا وبعدين اصالحه |
مااقول الا الله يعيينا عليهم انا اعاني من نفس المشكلة وخاصة في رمضان انا زوجي مدخن لا وبعد عنده السكري الله يشفيه ويشفي مرضى المسلمين
|
كل الرجال كذا صدقيني
قبل امس رجع زوجي الساعه3وانا نايمه سالته وش فيك تاخرت عسى ماشر زعل مررره وصار يهوش وانا نصفي نايم لحسن الحظ ولا افهم شي الا انه يهاوش ومن بكرا بعد الدوام راجع يضحك ويسولف سبحان مغير الاحوال انا بصراحه ما عرفت اضحك احس اني متفاجئه وبنفس الوقت هو حس بغلطته وبعدين سالته ليش امس كنت معصب ما فهمت شي والله قال طريقتك تنرفز ليش تساليني ليش متاخر وسلامتك يالغاليه بس حبيت اعلمك ان الرجال طبعهم واحد |
الله يعينك يا اختي وييسر امورك والله مدري وش انصحك بس خواتي ان شاء الله ما قصرو
|
:(
:( بأي حق يهاوش و يسب و يشتم و يمسح بكرامتي البلاط!!!!! اسمعي حبيبتي ... هو مو من حقه يسوي الشي هذا ابدا....... حتى لو كنت غلطانه إذا كان الرجل كل مره يزعل او يتنرفز يحط حرته في زوجته؟!! ماصار زواج .. صار مهزله انا عن نفسي ماصار معي الشي هذا بالضبط... صار معي على خفيف بس ساعتها أنا كنت تعبانه و مو قادره ارد و هو استغل الفرصه:( بس بعدين كنت مررررررررررره متنرفزه و جا هو وزاد الطينه بله و ماخليت شي ما قلته و طلعت كل اللي في قلبي(مو بالطريقه اللي ابغا..بس جت كذا) توه عرف لما عصبت عليه اني متضايقه من اشياء كثيره كان هو يسويها و ما يدري اني عندي احساس و انها تجرح احساسي!!!!!:21: عشان كذا حبيبتي أنا اقترح انك تجلسين وياه يوم يكون هو مروق و تفهمينه ان طريقته في التعامل بعصبيه معك ما تعجبك و انك مو مستعده تتحملين هالشي أكثر مما تحملتيه لأنك تعبتي كثير من عصبيته و ألفاظه . و قولي له إذا انت عندك مشكله انا مستعده اساعدك فيها.. و ساعديه في انه يسيطر على نفسه مو يفش خلقه فيك. و لو سواها معك مره ثانيه... لا تسامحينه قبل ما تتأكدين انه نادم على فعلته لأن المثل يقول إذا اكرمت الكريم ملكته.. و إذا اكرمت اللئيم تمردا و بعض الازواج يكون لئيم و انت مو عارفه و لا تنسين بعد لا يصنع الجبابرة إلا العبيد و فيه نساء كثير بدا الموضوع معاهم على اشياء بسيطه و تطور لاستعباد الله يسعدك و يهنيك و كل زوجه مسلمه و يهدي سريرة زوجك و كل زوج مسلم |
اختي الحبيبه صج موقف مو حلو اب حقج ك زوجه و امراه و انسانه
اول شيء لازم ما تمررين السالفه كانه شيء مو صاير ... اذا سب و غلط لا تردين عليه و حاولي تمسكين عمرج .. و اذا قال نادم و بدا بالكلام الجارح و ما اعرف ايش قولي حقه انته الي طقيت الباب و تزوجتني مو انا الي تقدمت حقك امرك غريب والله و كملي سكوتج و كوني هاديه ..الظاهر يا اختي زوجج يحب حرب الاعصاب ف تعلمي تلعبينها صح ... لمن يشوفج قلتي جذي راح ينصدم لانه من خلال كلامج احس ما تردين عليه لمن يسوي جذي ... و اذا حاول يصالحج بيني زعلج بس اب دلع و تكشخي قد ما تقدرين و لا تعطينه الي يبيه ... لين تشوفينه خلاص يا حبة عيني صاير من اسد لي قطه قولي حقه ابي هل الساعه ولا اي شيء غااااااااااالييييييييييي و خليه يشتريه حقج لو شنو صار بينكم من كلام ... و قولي حقه اب دلع لا تدخل اهلي مره ثانيه و خليه يصرف الي اب جيبه على شان يتعلم المره الجايه فيها صرف فلوس ف اشوي اشوي يتوب ... جربي ما تخسرين و كوني قويه لو سمحتي لا يكسر خاطرج على شان ما تنعاد اختج بني |
أنا ما أتحمله أبد
|
عزيزتي انا زوجي مدخن وكل رمضان على نفس الموال في النهار عصبي خناق وبصراحه كنت ارد عليه احيانا من حرتي
كل يوم مشكله المهم اني كنت اسكت غالبا ولا كنه شي صار تفادي لمشاكل اكبر رمضان اللي فات قبل رمضان قلتله شوف ياحبيبي انا احبك واعزك لكن لو عملت في زي كل رمضان انا اسفه اسهل ماعلي بسيبلك ولادك وبروح عند اهلي وبعدها والله هدي كان يحاسب ولو انه كان يعصب بس بدون اهانه وسب يعني اهون اما رمضان هدا فكنت ازن عليه يترك الدخان من قبل رمضان وبالفعل تركها مده اسبوعين ومره قاللي خلص مو قادر برجع للدخان قلتله قسما بالله لو جبت سيجارة البيت لاكون سايبا انا مارح استحمل اي كلمه منك في رمضان وبعدين فرصه لك المهم انه رمضان هدا هادي على الاخر واذا كان معصب تلاقيه مكشر وقاعد بالصالة ولما احس في شي مش عاجبه اروح اعطيله المصحف واقوله حبيبي اقرا احب اسمع صوت قرايتك للقران وبكذا اهديه قدر الامكان .. |
اسعد الله ايامكم ولياليكم جميعها وجعلها عامره بالايمان وطاعة الرحمن مستعجله شوي....قدري بعد شوي بيمر وياخذني لاني عند اهلي زياره لذلك اشكركم جميعا فردا فردا عضوا و عضوه مشرفين ومشرفات مراقبين ومراقبات و جزاكم الله كل خير بالنسبه لي بعد ما هزأني وشرشحني بسبب حاجه قصدي ترضيه وخلاني في الحضيض وسب اهلي الى سابع جد ولعن عيشتنا بكل ما فيها لقيته بعدها بساعه تقريبا ما يقول الا حبي وعمري ويمسك ايدي ويبوسها كل شوي ويلعب بشعري يعني رفع ضغط في جميييييييييييييييع الحالات والله مالها طعم بعد هذاك الكلام بس هذا قدر الانثى تتحمل الين يحملها على اكتافه ويدفنها في قبرها وبعدين يتحسر على كل حركاته سبحان الله لازم نموت علشان يحبوننا نبهتموني على حكاية التدخين هو فعلا مدخن وممكن معصب بسبب النيكوتين ساعتها واذا على حكاية اني ارد عليه ان رديت اصير كافره ووقحه وماعرف اتناقش معاه ...في نظره... وراح فضحني عند خواته((موضه جديده عنده ...كل صغيره وكبيره عندهم وهم حاسين بالفشله بل قالوا لي ....اخونا بزر للأسف ))))) وان ما رديت صرت سلبيه ولا احب اطور حياتنا قفلها علي من جميع الجهات ما اقول الا حسبي الله ونعم الوكيل بس علاج زوجي صرت اعرفه اخذ الكلام كله وانا ساكته واطالعه بنظرات كلها استنكار واستغراب بعد ما يخلص اقول خلصت؟ يرد علي :ايه ضفي وجهك واحيانا من باب التغيير يقول انقلعي.... بعدها اصير ما اتكلم الا ايوه او لا او اهز راسي يكون افضل واذا جا تأسف اقبل اعتذاره بس بنفس مسدووووووووده وهو يعرف وكل ما اتذكر اكتشاف اخواته الاخير انه ( بزر ) تبرد الحره شوي في قلبي منه وعموما قمت اعلم نفسي ان زوجي فعلا بزر وقمت كمان اقنع نفسي انه اصغر مني بالعمر علشان ارحمه وكل ما قلت الحال انعدل وصرنا اوادم....قام اخترع مشكله لا ويروك يشتكيني لخواته وهم مصدومين من اخوهم والله بشكل مو طبيعي وهذا مبرد حرتي منه وعموما....هذا زوجي وهذا قدري وما عندي الا اسلم امري لله ولا انسى الدعاء في كل وقت والله يعين كلا على بلواه |
| الساعة الآن 03:30 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©