سؤالي للأمهات عن اغراض البيبي ؟؟؟
 

السلام عليكم قبل كل شي

والشهر مبارك عليكم ............



أنا عندي استفسار وياريت تعطوني أرآئكم في موضوعي,,, انا الآن حامل والحمدلله على نعمه ربي وبالشهر الخامس


وأول حمل لي ومحتاره متى أبدأ اشتري أغراض :15: البيبي ,,, ناس قالوا انتظري الى الشهر الثامن

وناس قالوا انتظري للسابع وشي منهم قال ابدأي من السادس ........؟؟؟؟



انتو وش رايكم ياا امهات اللي سبق لكم الحمل والولاده وش تشوفون الوقت المناسب لشراء أغراض البيبي وأغراضي


انتظر ردودكم ........

هلا حيبتي ريم
شفتي انا اول وحده بردلك
انصحك تشتري اغراض البيبي من الشهر السادس
وكل شهر اشتري شي يعني لاتشتريهم كل شي من مره وحده ابدي بالضروري لانه ماتدري سبحان الله يمكن تجيكي ولاده مبكره وتولدي في السابع
تحياتي

مشكورة اختي معاناه زوجه

على مرورك ومشاركتك الحلوة


ونشوف باقي الأمهات اللي ما شفناهم

والله اختي مخوفتني تقول لا تشترين الا في التاسع
يمكن لا سمح الله يصير لك شي
والي زاد الطين بله
ان وحدة من خوياتي توفى ولدها في الشهر السادس
انا برايي تخلينها الى بداية التاسع
وتروحين المجمعات تسوقين
منها تسوين رياضة مشي عشان تسهل الولادة
وتكون كل الاحتياجات حولك(دورة المياه وغيرها
ومنها تتقضين
وكذا انا راح اسوي

انا بالنسبه لي اجهز من السابع خصوصا اذا كان فيه تجهيز للمستشفى

بس بالنسبه لاغراض البيبي ابدى من الشهر الثامن تقريبا


الله ييسر امورك ويسهل عليك الولاده يقومك بالسلامه

هلا أختي والله يسهل أمرك ويتمم على خير

أنا كتبت كل اللي أحتاجه بورقة تقريبا من الشهر السابع وفي نهاية الشهر الثامن اشتريت كل شي

مشكورين على مروركم ورايكم حلو

ببدأ من النهايه الثامن


والله يهون علي ويرزق كل محرومه يارب

مرحبا اختي
انا من رايي تجهيز الغرفه أبداي من الحين واغراض البيبي اخذي متى مارحتي السوق والحين افضل علشان ماتثقلين بعدين وتتعبين وانشالله مراح يصير لج شي ويفرحج بالبيبي ويسهل عليج الولاده

حبيبتي انا رايي من راي عهود 6

أنا أنصحك تجهزين من الشهر السادس والسابع لأن الشهر التاسع راح تسيرين ثقيله وتتعبين بسرعه




والله يهون عليك

هلا اختي انا انصحك تجهزين بداية التاسع لاني ماانصح بكثرة المشي في الثامن لاني سمعت ان البيبي لو ولد في الثامن يمووووووووووت الله يستر على عيالنا
وتقومي بالسلامة:15:

مرحبا اختي انا بديت من يوم ماعرفت ان البيبي ولد
اذا شفت شي حلو شريته له (بربتوزات _رضاعات_ملابس داخليه_كوافيل)
يعني من الخامس بديت لاكن ان شاء الله على التاسع اكمل اغراضةبس منيب مكثرة لان الاطفال ما شاء الله تتغير اجسامهم بسرعه

لما كنت حامل بولدي وعرفت بالخامس انو ولد على طول جهزت غرفه نومه وملابسه من والى... وبالنسبه للثاني انا في الثالث وان شاء الله لما اعرف نوع الجنين على الخامس ببدأ اجهز له لأن لكل طفل فرحته والله يقومك بالسلامه لاتنسيني من دعائك في هذه الأيام الفضيله بأن يرزقني ويعوضني الله بطفل معافىيعنني على شقيقه المريض ويكون له نعم السند....

أنا من رايي أن تشري الأغراض مالها وقت محدد..

يعني كل ما رحتي السوق و شفتي شي حلو اشتريه!!

مشكورين الله يعافيكم

ساعدوتني الله يجزاكم بالخير

ويارب يهون علي ويرزق كل محرومه يارب

شوفي حبيبتي..
ألحين السوق منزلين نصف شتوي..
إذا ولادتك بالصيف لا تاخذين أغراض من ألحين..
بس إذا ولادك في عز الشتاء أسضا ما يصلح ..
بس إذا ولادتك بوقت نص نص البرد مايكون قوي..
ممكن تبتدي تاخذي الأغراض من ألحين ..
لأن إذا خليتي كل الأغراض بشهر واحد ..
بتتعبين لأنك تحتاجين اغراض كثيرة ..
وبعدين راح تكون كل الأغراض بمرتب واحد ..
بس لو خذتي شوي شوي راح يخف عليكم وماتحسون بضغط من ناحية التكاليف..
والله يتمم عليك على خير..

مشكورة حبيبتي بحرينيه ولكن


على مشاركتك

ربنا يسهل عليك ويتمو عليك بخير
انا اشتريت بعد السابع بعد ما عرفت نوع الجنين

بالنسبه لاغراض البيبي

لابد من تقسيمها
فليست كلها ملابس


تتعداها للسرير و الدولاب و العربه و كرسي السياره و اشياء كثيره
وهذه مكلفه اعتقد انك لو تقومين بعمل جدول و تتفقين مع الاقارب من اهلك و اهل زوجك

ممن يرغب بتقديم هديه
فيعرف كل منهم ما عليه

اما من ناحيه الملابس فاعتقدالاساسيات للشهر 0-3


وتقومين بالسلامه انت و الامهات الحلوات
ويرزق كل محروم

مشكورين حبيباتي


أن شاء الله أنا قررت أني راح أبدا بملابس وأغراض البيبي بعد العيد بأسبوعين يعني أكون بالشهر السادس


بما أني عرفت ان اللي في بطني ,, بنوته ,, فقلت أجهز للبيبي بالسادس والسابع أحسن من الثامن والتاسع

لأن أخاف أكون ثقيله وأتعب من روحات السوق وتجميع الاغراض