|
انا خطبت ياجماعه ,,,,,ولكن!
:) مساكم الله بالخير ياخواني واخواتي
ومبروك الشهر عليكم والله يا اخواني انا خطبت وشفت البنت لاكن احس ان الوضع عادي يوم شفتها يعني ليست ملفته للنظر (ليست جميله وليست قبيحه)و لاهي اللي ببالي وقبل رفضت اللي اجمل منها لاكن الحين وافقت لاني مليت وتعبت ونا صابر خلاص بتزوج ويصير اللي يصير:18: ونا عطيتهم الموافقه وش رايكم تسرعت ولا ربي بيجملها بعيني مستقبلا |
صل صلاة الإستخارة واحمد الله على التوفيق
|
الله يوفقك أخوي ويكتب لك الي فيه الخيره ويتمم لك على خير
و الله انصحك بالإستخاره ثم الإستشاره بس بقولك شيء انت قلت انها لاهي جميله ولا قبيحه هذا معناه انها فتاة مقبولة الشكل والحمدلله باين من كلامك انك بعد ماتحس بنفور اتجاهها وهذا أهم شيء أقنع فإن القناعه كنز لا يفنى وإن شاء الله بتصير حوريه بعينك بعد الزواج وبتكتشف إن الجمال هو جمال الروح والله يوفقكم ويهنيكم ويسعدكم ادعي لك والله من قلبي لإني حاسه فيك وفيها بعد وهذي زغروطه مقدما :14: :14: :14: |
مبروووك اخي الله يوفقك ويتمم لك على خير اخيرا افتكيت من زميلك بالعمل ماراح يسالك ليه ماتتزوج ؟
والجمال زائل والمال زائل اهم شي الاخلاق والدين والجمال ابشرك اخوي مافي امراة بالعالم ليست جميلة كل امراة فيها شي يميزها عن غيرها بس المراة الذكية تعرف تبينه وتظهر جمالها وهذا واجبك ان شاء الله بعد الزواج تساعدها في اظهاره |
الله يوفقك يااارب
انت استخير وربي يكتب الخيره وصدقني الجمال مو كل شيء اعرف وحده جميلة لكن مغروره بحالها زوجها ماصار يشوف جمالها من سوء تصرفاتها وانت احرص انها تكون ذات خلق ودين والحمدلله هي بالنسبه لك مقبوله احرص على هذا الدعاء ( اللهم اجعلها لي كما احب وارضى واجعلني لها كما تحب وترضى واجعلنا لك ياربي كما تحب وترضى ) |
أخوي
ثق انها لما طلعت لك كانت بشكلها البسيط جداااا والساتر جدااا وبما أنها مقبولة يعني لماتتزين لك بيطلع الجمال وبماانك مانفرت منها يعني وضعك ان شالله تمام والله 2من اخواني المتزوجين لما شافو زوجاتهم ماكانو مرتاحين مرة والحين طايرين بهم ماشاءالله الله يوفقك ويتمم لك على خير جرب اطلب تكلمها لو مرتين يمكن تدخل مزاجك اكثر وأكثر يله اخونا الحمدالله تملك.. وان شاءالله انت تبشرنا بعد :14: ويارب انا بعدكم :d |
أخي عليك بصلاة الاستخارة ولايمنع تصليها عدة مرات
حتى تجد قلبك مطمئن لحال الاستمرار او الاعتذار ثم أنت شفت البنت إذا نفسك قبلتها وأحسست بالراحة لها فإن الجمال مهما كان سوف تعتاد عليه العين حتى ولو كانت ملكة جمال ولن يدوم سوى جمال الدين والأدب والوفاء الله يختار اللي فيه الخير لك ولها 0 |
في البدايه الف مبرروك يا اخي
وربي شاهد اني كنت ادعي لك بظهر الغيب بس اخي اذا انت مو متأكد من ارتياحك تماما، صل استخاره نصيحتي القلبيه لك ، ان لا تركز على الشكل وبس، يا اخي صدقني الروح الطيبه والخلق الكريم اهم بكثير ولا ترفس النعمه، اقصد انت شاب تقدر تتزوج فلا تضيع هذه الفرصه الله يعلم بحالتي لا ادري ان كنت قرأت مشكلتي (هذا اللي حصل،انا في امس الحاجه)) صدقت وتوهمت وعشت على امل، لأني لا يوجد من يطرق بابي الزواج دفء وستر وحياه جميله ويااخي اذا الفتيات الجميلات هن من تتزوجن فقط، فما ذنب الأقل جمالا، هل ينحرفن فكر انك تريد ان تكمل نصف دينك وان تعين زوجتك على الدنيا والآخره اكرر اخي استخر الله، وعندما تقرر الزواج اتخذ الخطوه دون رجعه، اخاف بالمستقبل تقول لزوجتك انا مو مقتنع بشكلك الله يوفقك واتمنى فعلا ان تنجح بحياتك الزوجيه وارجو ان تدعو لي بظهر الغيب وصلاة الجمعه غدا انا جدا تعبانه |
سبحان الله بتقول إنك رفضت بنات أكثر جمالا منها والله الواحد ما يعرفش فعلا النصيب فين وليس كل ما نتمناه نناله وأنا متأكده إنك هتحبها بعد الجواز وستكتشف فيها ما لم تكن تراه وسوف تفضلها على ملكات جمال العالم إذا كانت عشرتها طيبه وأخلاقها عاليه وربنا يوفقك ( صفى نيتك بس)
فاطمه مدين |
أخي مبروك مقدما وان شاء الله يكتبلك اللي في الخير
وأكيد بعد صلاة الاستخارة سوف يتبين لك الصواب و عقبالي وجميع الأخوات في المنتدى |
أسأل الجواد الكريم أن يبارك لك فيها
ويبارك لها فيك ويجمع بينكما في خير ويسعدكما في الدنيا والآخرة آآآآمين |
اخييييييرا قزم بس عصبي بيتزوج
الحمد لله يارب العالمين الف مبروك يااخي وبأذن الله ماتسرعت ولا راح تندم ابدا العشره ماهي سهله وهي كفيله بفضل الله وتوفيقه تألف القلوب وتربطها برابط واحد وتخليها قلب واحد الله يوفقك ولاتنسانا من دعواتك .. عقبالنا يارب |
انصحك بالإستخاره
بعدين لاتتزوج الا اذا كنت مقتنع بالبنت صدقني اقتناعك بشكله وعجابك به بيأثر بحياتكم لاتتسرررررررررررع لاتتزوج لا واحده مالي عينك بتكفك عن النظر الحرام يمكن رايي مختلف عن الاعضاء بس من واقع الناس الى حول شفت كم رجال متزوجين عن طريق اهلهم واذا جاء طاري بنت زينه قال الله يرحم حالى تحصله دايم يحس بالنقص بذات عند الاشخاص الى يهمهم الشكل |
اخوي ما في احسن من صلاة الاستخارة ... وانا انصحك اذا ما كانت عاجبتك ما تخذها وتظلمها معاك ...
تحياتي |
عليك بالاستخارة اولا
ثانيا الاستخارة ثالثا الاستخارة رابعا : تأكد اخي الكريم ان رأيك الحقيقي بها ليس هو الرأي الاول الذي يتأتي مع أول مقابلة ... اول لقاء هو حجر في في اساس بناء الحياة في المستقبل وليس كل شي ... أما بقية البناء فهو ما سترفعان لبناته معاً وما ستراه في المستقبل والجمال لا يتجزأ وهو اجزاء تتصل مع بعضها لتجعل المرء يراه بصورته الحقيقة وما رأيته من خطيبتك ليس كل شي بل سترا الافضل والكثير بالمستقبل .. ان كتب الله لكم انا عمي تزوج من فتاة لم تكن جميلة ولا مقبولة وهو تورط في البداية والان يراها اجمل الجميلات ولا يستطيع العيش بدونها .. ربما رأى منها ما لم نراه |
لازم تستخير أفضلك والله ...
الله يوفقك إنشاء الله . |
و ربي الجمال مو كل شيء
صحيح الجمال مطلوب لكن اهم شيء الأخلاق و الدين و البال الطيب لا تنسى صلاة الإستخارة والله يوفقك ويجمع بينكم على خير ودمت بخير |
ياحبيلكم يا اعضاء منتداي الحبيب:)
ويشهد الله اني اعتبر هالمنتدى بمثابة بيتي الثاني بخصوص الاستخاره انا لي اسبوع استخير بس ماقدرت ارسي على حل يجي هاجس ويقولي : بعد كل هالصبر تتزوج وحده عاديه وانت تستاهل احسن وانت انسان تحب الجمال وانت وانت الخ ويجيني هاجس ثاني ويقولي : يله تزوج مابقى بالعمر كثر ماراح اللي مثلك تزوجوا:14: والحين الهاجس الثاني هو اللي غلب بس للحين الهاجس الاول ماخلاني بحالي كل شوي طامر علي:24: وش الدبره |
ياناس اخاف اتحسف مع ان اهل البنت طيبين ومحترميين
بس انا نفسي ترغب مواصفات معينه شلون اصد نفسي |
ياقلبي مسكينه تلاقيها الحين مبسوطة وانت لسة تفكر تتراجع .الله يوفقك يارب
|
لله يوفقك أخوي ويكتب لك الي فيه الخيره ويتمم لك على خير
|
:11: يمديني ادور ثانيه
ولا خلاص :23: :23: :23: :23: انا انهبلت الظاهر:23: :23: :23: :23: |
انا برائي انك تقعد معاها و تحكوا اكيد راح تتوضح الصوره اكثر
و مثل ما بيقولوا جمال الروح بيغطي على الجمال الخلقي و بعدها قرر كل التوفيق ان شاء الله |
أخي العزيز البنت لا تستطيع أن تحكم حكم نهائي على جمالها بنظره واحدة وجلسة الرؤية الشرعية.وكما ذكرت أنك إرتحت معها . الحمدلله
وأكيد عندما تتحدث معها وتراها مرة ثانية وأنت خطيبها !!!!!!!!!!!!!!!!!!!!!!!!!!!!!! أكيد سوف ترى ما يسرك أكثر وأكثر وسوف تسمع أيضا ما يسرك وحصل معي نفس الموضوع عندما خطبت مبروووووووووك :14: |
الحمد الله والشكر اللي انعم عليك نعم كثيره
اخوي ماجد الله يسعدك ويتمم عليك ان شاء الله بالخير والرضا صلاة الإستخاره بقلب وايمان تام بأن الله سيكتب لك الخيره توكل على الله فلا خاب من اتكل عليه اخوي ماجد بإمكانك تطلب من اهلها انك تكلمه مكالمه هاتفيه بس بشرط المكالمه تكون للتعارف وليس للسواليف اللي من هنا وهناك يعني حط لك كم سؤال يهمك في حياتك وانت حاول تكلمها عن نفسك عن طباعك عن اللي تحبه واللي ماتحبه عن طريقة حلك للمشكلات عن عصبيتك (ياهادي) كل اللي بخاطرك اكتبه بورقه وكلمها واسألها وخليها تجاوبك وبعدين قولها تبغي تسأليني شي يهمك انه يكون فيني كزوج لك ومن المكالمه هذي بإذن الواحد الأحد بتتضح أمور كثيره اما تقدم على الزواج منها او تراجع بس بشروط 1_صلاة الإستخاره قبل المكالمه 2_تحديد اهدافك كزوج وكشريك وكأب 3_عدم الإستعجال في اتخاذ القرار اذا جاوبتك جواب تحس انها تسرعت فيه لاتنسى انها مرتبكه 4_خليك لطيف مع البنت وخلي عصبيتك علينا هاليومين خليك حليم 5_خلي بالك في أمور ممكن انها تتصلح مثل (ماتعرف تتطبخ)ممكن تتعلم ...فهمت عليه اخوي ماجد وربي يسعدكم ان شاء الله ويتمم عليكم زواجكم ويعفكم ويرضا عنكم ويألف بين قلوبكم ويكتب لكم الخيره الطيبه بما هو رضا له وصلاح لكم ويرضيكم بما رزقكم ولاتنسى الصدقه |
بنفسك قلت ( الي اجمل منها ماوافقت عليها ووافقت على هذي)) يمكن والله اعلم انها نصيبك ... يمكن يكون فيها الخير كله..
الله يوفقك اخي ويعوضك فيها كل الخير وتشوف معاها الساعدة كلها .. |
:::: الف مبروك ::::
|
مبررررووووووووووووووووووووووووك الفين مبروك اتوكل على الله وكمان صلي استخاره ودام ربنا سهلها يبقى ان شاء الله خير :14: :14: :14: |
اقتباس:
استخير وأكثر من الدعوات والله يكتب لك اللي فيه الخير |
حسب نفسيتك انا فعلت مثلك ثم ندمت و أحسست انى تسرعت
|
انا من رأي الاخت ريفان
|
اقتباس:
اللله يخليك يارب |
صدقني اخي سبحان الله اللي شفتهم اول حتى لو كانوا اجمل منها وتم رفضك
من قبلك ماهي مكتوبه لك والحين مو مسألة تعب لا يمكن هذي المكتووبه لك واقرب مثال اخوي تعبنا ودخنا لين دورنا له هذي تنفع هذي ماتنفع في الاخير خذ وحده اقل منه جمالا لكن والله احس انها فاهمته وماسكه بيته وعياله ومتربيه وبنت نااس وتطااوعه وعيالها مرتبين وتعرف حق اهل زوجها وتهدي امي واحنا يا اخوااته يعني مو الجمال كل شيء تعوذ بالله من الشيطان الرجيم واكثر من الاستخاره وسترى ان الامر اما ان يتم او يتوقف ويمكن لما تتجمل وترى منها ماكان مخفي وساتر تكون جميله وبعدين يمكن روحها حلوووه ومدام اهلها ناس طيبين لاتفرط فيها ترى النااس الطيبه تنشرىى والله الله يوفقك |
اقتباس:
طيب وش صار عليك كمل |
الف مبروك اخوي
الله يجعلها خيرة مباركه توكل على الله |
الف مبروك وزي ماقلو لك الاستخاره ثم الاستخاره ومن راي انكم فترة الملكة تعرفو بعض صح واذانت سالت وانمدحت البنت باخلاقهاوطيبتها ودينها فهذا هو المهم واذابعد فترة الملكه مارتحت فلا تربط بنت الناس وربي راح يرزقك بالي مكتوب لك والله يكتب مافيه الخير لكما
|
اقتباس:
ياجماعه اللمجتمع اللي انا فيه يرفض المكالمات او غيره ولو بيكون فيه انفصال ماظن بعد المكالمات وا الملكه ابنفصل يمكن الحين قبل كل شي ولا بعدين مافيه امل مزيد من الاراء والتجارب تكفون واهم شي الدعوات |
^
أخوي اعتقد انك من نفس مجتمعي ترى صح صعبة بس هالفترة بدو يتسيهلون شوي عادي اطلب من اخوها رقمها وقل تعارف بسيط نرتاح لبعض وان شاءالله بيوافق وجرررررب اخوي اهم شي تقتنع الإقتناع ترى هذا زواج ماهي وظيفة ولاسفرة واللي صبرك هالسنين يصبرك كم شهر أخوي شاف وحدة وجا ماقتنع فيها لدرجة انه يتريق على مشيتها بس وافق يقول مليت والحين طاير بها ماشاءالله |
لولولوووووويششش
الف الف مبروك بس ترى اهم شئ اسال عن اخلاقها ومن واقع تجربه انا زوجي يوم شافن ما اعجبته حتى قالي بعد الزواج ترى يوم شفتك ما اعجبتين بس اختي تقول انك حلوة وتمدح باخلاقك وعشان كذا اخذتك بس بعد الزواج انبهر بشكلي والحمدلله الحين يموت فيني وبصراحه هو صادق انا كنت من شدة الروعة والخوف وجهي اسود وذبلانه مره وانت تاكد من اهلك يمكن من الخوف وجهه منقلب والف الف مبروك |
اقتباس:
ياشوبارد انا وش ابي بالتعارف البنت واضح انها طيوبه وخجوله بس نفسي تبي اكثر من ناحية الشكل :18: |
| الساعة الآن 12:27 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©