|
بنت أخي التي أحبها أنكرت جميلي وانقلبت ضدي ، ماذا أفعل ؟
السلام عليكم أخواني وأخواتي يـــامن هم بلسم وشفاء
إلتمست منكم التعاون والإخاء فيما بينكم فهاأنا أرمي بأوراقي بينكم لعلها تجد سبيلا لرفع ما ألم بها من ألم وجراح .................................................. ......... قضينا معا أحلام الطفولة وبراءة البسمات كبرنا معا وكبرت أحلامنا تشاركنا الأفراح والأحزان انتهت مرحلة المراهقة وانتهت معها مشاكلها والأوهام ونحن معــــــــا لم يفرق بيننا أفكار ولم نسمح بأحد باالتدخل بيننا فنحن رفيقتان نعم أنها ابنة أخي من أبي بعد ما أتممنا الثامنة عشرة عاما تقدم لي أحد الشباب وتزوجت >>>>>>> وأنتم تعرفون مامعنى الزواج ومسؤلياته ومع ذلك سكنت مع زوجي بمدينة بعيدة أكملت فيها السنة ورجعت الى مدينتي وأهلي في تلك الفترة لاأرى رفيقة دربي الا قليلا حتى بالمكالمات ربما قصرت معها ورغم ذلك تعذرني وأجد فيها الوفاء مرت سنتين أكملت دراستها ودائما أقنعها بالزواج ................... قبل فترة بسيطة اتصلت صديقتي تريد أن تخطب لأخيها فتاة من عائلتنا وصفت لها ابنة أخي وأعطيتها رقم أمها وكل هذا لم يتم الابعد أن أيقنت وسألت عن الشاب واهله فأثنوا عليه الناس أحسن ثناء فابنة أخي لاأريد لها الا كل خير تخيــــــــــلوا معي.. مدحتها وأثنيت عليها وأقسم بالله لم أزود فيها شيء أو أنقص منها مرت الأيام والأخبار تجيني من صديقتي تقدموا لها وسألوا أهل البنت عن الولد وأعجبو فيه وفي والدته وأهله وافقوا وتمت الرؤية الشرعية والى الان ماشية الأمور على مايرام .. صار فيه اجتماع للعائلة وشفت بنت أخوي قلت: لها مبروك ماسمعنا قالت : خير ان شاء الله وش سامعة قلت: سمعت انك مخطوبة والله يوفقك قالت : ايه خطبه عادية وماصار شيء قلت : غريبة أنا سامعة انه خلاص تمت الرؤية بصراخ عالي : من قال انه شافني لاشافني ولاشي انصدمت بصراحة : طيب ليش زعلتي بصوت عالي: من قالك هالخبر وأنت وش دخلك بالموضوع قلت وش دعوه ليش تضايقتي طيب ماصار شي خلاص الحمد لله الله يكتب اللي فيه الخير . قالت أنت كيف دريتي . قلت أخت اللي متقدم لك صديقتي وأنا اللي مدحتك لهم تخيلوا أنا من حسن نيتي بادرتها بالكلام وخاصة اللي ضايقني اني دايما أقولها تقدم لي فلان وفلان عادية المسألة وحتى اني ما قلت الا لها شافني فلان لكن ماصار شيء ليش تعاملني بها التعامل ولكني قريبة منها بعد ثلاث أيام كلمتها كيفك عسى مازعلتي قالت لامازعلت فاجأتني بهالكلمة قالت : لعلمك ترى بعض أخواني وخواتي ماعرفوا انه متقدملي أحد: قلت : حتى أنا ماعلمت أحد والله مادرى بالموضوع أي انسان : قالت خير ان شاء الله وسكرت التليفون بعد أسبوعين كلمتني صديقتي مره متضايقة قالتي السالفة اللي ياغافل لكم الله مادريت فيها قالت ان أمي كلمت أم البنت وقالت ان الولد استخار وماكتب الله والله يوفقنا واياكم ................ بعد الكلام اللي صار بيني وبين بنت أخوي راحت أم البنت كلمت أم الولد وبكل هواش وصراخ أبقولكم كلمتين : ترى بنتك " اللي هي صديقتي " فاضحتنا بالكلية عند صديقاته بالسالفة وبنتي مانقصه شي وألف واحد يتمناه واللي دالكم علينا تراها عدوة لنا تخيلوا أنا وش موقفي؟؟ هذي نهاية الاحسان ماذكرته الا لواحد من أفضل الشباب هذي نهاية الوفاء والصداقة طوول السنين طيب ليش ماكلمتني وهاوشتني وسوت اللي تبي بس ماتروح تفضحنا عند خلق الله ليش الحركة الطفولية هذي أصير عدوة لبنت أخوي والله شي يقهر ضاقت بي الدنيا مادري وش اقول ولاأدري وش أسوي قسم بالله قهر ليش الغدر والخيانة ياناس ....................... أسألكم بالله كيف أعامل بنت أخوي قولو لي تكفون لاتردوني ؟؟ أفاتحها بالموضوع أو بعد تكبر السالفة أو أتركها وأترك الأخوة معها قسم بالله جرحتن قدام أمها وقدام هالأجاويد ردو الله يوفقكم أختكم : عقوداللؤلؤ الإشراف . تم تغيير العنوان ليتفض مع المضمون . شكراً |
ماقوا غير الله يهدي بنت اخوك وامها
|
الله يعينك يااختي فعلا موقف صعب لاتفتحي معاها الموضوع في هالفتره بعدين بتكبر المشكله
اصبري اشوي بعدين كلميها وان شاءالله مايصير الاالخير مع خالص شكري: اختك:الحائــــرة.............. |
كان الله بعونك 00 اختي الناس معادن ولا يظهر نوع المعدن الا بعد حكه جيداً 00
او بمعنى آخر الاحتكاك بموضوع ذي بال 00 رأيي ان تجعلي تعاملك معها رسمياً جداً 00 ولا تسأليها عن الموضوع 00 واذا حاولت مفاتحتك بالامر 00 فلا تعطيها المجال لذلك 00 حتى لاتدخلي معها في متاهات انت في غنى عنها واضح انها من النوع الذي يصنع من الحبة قبة |
اختي عقوود الؤلؤ الله يعينك والله وانتي ماسويتي الا كل خير
بس الناس مهي مثل بعض فيهم الجاهل وفيهم العاقل وفيهم الي بين وبين لكن انا رائيي انك تتركينها خلاص انسي انا مثلك صار لي موقف اشد منك كثير انا مره وظفت واحد من جماعتنا لاني اعزه كثير وفجاءه وبعد ما توظف ومسك الفلوس صار يتفلسف علي ويغلط علي ويسبني حتى يوم خطبت دايم يقول انت ماتستاهل الا الي يزوجك ومن الكلام هذا بعدها تركته وعادي الوضع راح بدربه وانا رحت بدربي وانتي مالك الا كذا يا اختي عقوود اتركيها وبس والله يعينك والله يجزاك الف خير واسف على الاطاله |
أختي عقود اللؤلؤ اعانك الله وبصراحة انا غير مؤيد انك تتركي الموضوع بكل هالبساطه (لانها من اقرب الناس )واختلف مع بعض ردود اخواني حفظهم الله 0
لـــــــــــــــــــــــكن ابي انصحك ان تقومي بزيارة عاجله لهم على ان يكون (المصحف الشريف) برفقتك وعند الدخول وبعد تحية الاسلام افتحــــــــــــــي كتاب الله الكريم امامهم وبعد وضع يدك بداخله اقسمي لهم بهذا الكتاب الكريم ثلاثآ بانك لم تذكريهم الابكل خير وتحبي لهم كما تحبي لنفسك 0 بعدها استاذنيهم واذهبي 0 تاكدي اختي الكريمة ان بعد هذا العمل سيرتاح قلبك كثيرآ وسوف تنقشع هذه الغمه 0 ارجو الاسراع لاننا بشهـــــــــــــــــــر كله خير في خير حفظك الله ودمتي دائمآ سالمه صادقه 000 |
بسم الله الرحمن الرحيم
أنا من رأييي أن تكتبين لها رسالة خاصة تذكريها بأيام الوفاء والحب الإيثار وتوضيحين لها موقفك وتوكلين أمرها إلى الله .............. ولا تنتظري منها أي رد والله أعلم |
غاليتي كما قال اخي ابو بدر حاولي ان ترسلي لها رسالة وتحنني قلبها وترققيه وتذكريها بما مضى من ايام طيبة وبما تتمنيه لها من خير
وبعدها اتركي الامور تمشي على حالها وأظن ان مسألة ذهابك في هذا الوقت ستكبرالمشكلة وخصوصا انها قريبة وليس لك الا الدعاء ولا تنسي بأن نيتك الطيبة سيأجرك عليها الله عز وجل |
اقتباس:
آمين الله يهديها |
اقتباس:
وهذا رأيك يعني أتم ساكته لأأني والله خايفة يكبر الموضوع.......... الله يعين....... بارك الله فيك يالحائرة لاعدمتك |
اقتباس:
حياك الله أخوي كاره الرياضيات أعجبتني مقولتك " الناس معادن ولا يظهر نوع المعدن الا بعد حكه جيداً " لم أتوقع منها الجحود والنكران بل والمعاداة فكرت أكلم أختها اللي أكبر منها وش رايك ؟؟ فهمت من كلامك اني أعرض عنها ما أدري أحسها صعبة شوي بارك الله فيك أخوي وأشكر تفاعلك معي |
اقتباس:
حياك أخوي صعبة أتركها وأنسى الموضوع وصديقتي اللي كذبت عليها قسم بالله اني فشلة منها مع انها الله يجزاها خير هي وأمها متفهمين الموضوع ............. لحظة الا على هاللي وظفته اغتنى وراح والله ناس غريبة |
اقتباس:
بارك الله فيك أخوي بالعكس أخاف تصير مشكلة وتكبر السالفة خاصة اننا بهالشهر الفضيل وصحيح كلامك ما أقدر أترك الموضوع بهالبساطة مشكور أخوي وفقك الله |
اقتباس:
أشكر لكم تفاعلكم معي وفقكم الله والرسالة يمكن هي أقرب حل لكن أبصبر شوي الى أن يهدى الوضع لاحرمت منكم |
نصيحه يا اختي لا تعتذرين ولا شي
انت ما سويتي شي خطا حتى تعتذري وصدقيني الناس ما راح يشكروك على اللي سويتيه معهم انتي احتسبي الاجر وبس سواء صار شي او لا انا صار لي مثلك ذكرت وحده وتم الزواج واول ما تزوجت قالت لي اسمعي لاتقولين لاحد انك انتي اللي ذاكرتني ولا لك اي فضل في زواجي لان الزواج قسمه ونصيب والله كاتبه حتى لو ما سويتي شي انتي (جزاء المعروف7كفوف) والان كرهت هذه الانسانه سبحان الله وصارت علاقتي معها رسميه جدااا لابعد الحدود ولا اتوقع ترجع المحبه السابقه لها ابداااااااااااا |
العرق دساس
وهذي لو تدققين في امها حصلتها مع احترامي لكم معفنه والبنت طلعت على امها ،،،، عندي خبرة بنوعية البشر وسلوكهم طنشيهااااااااااااااا مرررررررررررررررررررره ولا كانك سويتي شي او عرفتي شي وحتى اذا صار وفاتحوك فالموضوع اجحدييييييهم قولي مادليت احد ولاني بدالة احد ولي يبيكم بيجيكم ،،، وصدقيني مادام هذا بدايتها ماراااااااح تتوفق لان الرزق على النيات /// والي نياته معفنه ،،، يصير رزقه معفن ،،، واذا الله احياك بتشوفين نوعية عريسها بصير زيها هذا اذا اعرست بعد وقلبي معك والله يوفقك وصدق (على نياتكم ترزقون) |
اختي عقوود الؤلؤ
انا مع الاخت ام خالد والشمس الزرقاء في كل ماقالوا صح كلامهم صح خلاص مادام انك سويتي شي ينفع لها وهي وامها زعلوو عليك خلاص مالك الا حل ان تتركينها والصديق ماينعرف الاوقت الضيق وهم اصلا مايبوونك اتركيهم الين مايتعذروون منك خليهم هم الي يعتذروون وش عليك منهم يعني لايهمونك انا كم صديق ولا امدح في نفسي سويت لهم فزعه وكل خير ومع ذلك ماالا غير انهم يتركوني يصنعوون مشاكل لي ومضايقات يعني وش اقوولك بس يا اختي عقوود اتركيهم الحين وبعدين شوفي كل شي راح يوضح قدامك اما انك تروحين وتعتذرين ولا ترسلين رسايل ماينفع لكن الله يعينك بصراحه والله يهديهم انشااالله واقوول الله يتقبل منك الصيام والقيام ومووضوعك وموقفك صار مو بس لك صار للجميع وصار لاهلنا وابائنا وامهاتنا قديما لكن نجد انهم لم يبادروو بالاعتذار لانهم هم الي سوو الخير وشلووون يعتذرووون عنه وعلى العموم الله يتقبل والله يكتب لك الي فيه خير وتري موضوع انك تدورين زوج لاحد من البنات الي تعزينهم تري يضايق تري من جد اغلب العائلات لانهم مايحبوون احد يرسل عليهم الا اذا هم طلبووا من احد وهو معروف عندنا وفي تقاليد بعض المجتمعات لكن اقوول الله يعطيك العافيه اختي بصراحه اعجبني موقفك القووي صدق انسانه رائعه وتستاهلين كل خير |
ارى انه من الافضل في الوقت الحاضر كون الموضوع ما زال ساخنا ، هو ان لا تحاولي الاتصال والنقاش لا معها ولا مع اختها ولا رسالة ولا غيره ، لان المزيد من النقاش وهم في حالة الغضب تلك سيعقد الامر بدل ان يحله ، كما انه بما انه قد حصل سوء فهم لنواياكِ و لموقفك فإنهم ربما سيفهمون ايضا نقاشك معهم حول الامر بطريقة خاطئة على عكس ما تريدين .
اتركي الوقت يحل الامر ، خصوصا انك لم ترتكبي خطأ ، الله العالم بنيتك من وراء ما حصل فلتعتمدي على ان الله سينصرك وسيظهر الحق عاجلا ام آجلا . الله يهدي النفوس وتعود المياه الى مجاريها . |
اقتباس:
ياهلا فيك أختي أشكر لكم تفاعلكم والله يبارك فيكم لاحظت الأغلبية لايؤيدون مفاتحتها بالموضوع لاعدمتك وبارك في مسعاك |
اقتباس:
والله وسعتوا صدري وبرد خاطري الله لايخلين منكم وأنا مستحيل ياأم خالد أعتذر له لأني ماأخطيت لكن ليش الخيانة صدقت في كلامك جزاء المعروف سبع كفوف وفقك الله ورعاك |
اقتباس:
آمين الله يطلعنا على نياتنا أصلا أمها خلاص شلتها من رأسي وحسبي الله ونعم الوكيل |
اقتباس:
أشكر لك تفاعلك أخي والله يجعله بموازين حسناتك والظاهر اني لو أشوف بنات الناس يصيحون يبون الزواج ماذكرتهم لأحد خلاص الزوج قسمة ونصيب صدق أنا ملقوفة وش دخلي |
اقتباس:
حياك الله أختي البتول والله استانست يوم شفتك راده علي يعني الحين خلاص لامكالمة ولارسالة الله لايخلين منكم ومن آرآئكم دمت ودام قلمك لوتكرمت بضع دقائق من وقتك في عالم الرسائل الخاصة |
اقتباس:
|
اختي عقوود ارجو اخبارنا بما صار لاننا متحمسين وشيبي يصير وانتي لايهمك اختي الغاليه
انتي سويتي خير واعنتيها ولك والله اجر واجر الي يزوج معروف ان له اجر حتى صلاتهم وصلاة ابنائهم ولكن مانقوول الا بشرينا فيما بعد بما صار واعتقد انهم راح يعتذروا لانك ماسويتي شي غلط حتى اختي اذكر ان احد الاخوان صلح ملف في قسم الارشاد والدعووه لمساعدة الشباب من الموظفين وقام بتزويج اغلب واغلب الموظفين من بنات موظفات وغير موظفات وفاجئه بعد ماجمع لهم المال الكثير من فاعلين الخير وبعدها بكم شهر اغلب الزوجات تضايقن وتضايق الازواج منهن وبعدها القوا اللوم على الرجل الذي تعب من اجل ان يوفر لهم حياه كريمه يعني هذا جزاء المعروف وبعد كل الي صار قام بالغاء ملف مساعدة الشباب وترك للخيريه التكفل بذلك ولا عليها مشاكل كثيره فما بال مشكلتك اختي الكريمه لكن الله يتقبل منا ومنك الصيام والقيام ويرزق بالذريه الصالحه ودعواتكم لنا بان نرزق الزوجات الصالحات |
| الساعة الآن 11:10 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©