|
من الغلطان أنا والا زوجي ؟؟ ياريت تشاركوني محتاجه لرأيكم
المشكله صارت امس
وطبعا ماعندي بعد الله غيركم أشكي لكم وأخذ برايكم وأشوف هل تصرفاتي صحيحه او غلط أمس رحنا للسوق طبعا كان هناك ترتيب مسبق من قبل أسبوع وهو قال انا بتفرغ لك يوم الجمعه وانا روحتي للسوق ضروريه لأن خلاص حامل وبطني كبير ما عاد تكفيني ملابسي لا بجامات ولا ملابس عاديه المهم رحنا ,, (( نقطه أبي أوضحها انا وزوجي متفقين انه كلما أستلم الراتب يعطيني الف ريال لي خاصه فيني ويقولي اصريفيها او احرقيها او جمعيها لك براحتك هي لك خاصه فيك انتي وداخله من ضمنهافاتورة جوالي )) دخلنا السوق على بركه الله ,, ورحنا ودخلت محل الملابس وأخذت بلوزة, قام قال لي: وجع قيمتها 160 ريال !! أنا ألتزمت الصمت ,, مسكت بنطلون جينز قال لي: ووووووجع ب250 ريال !!! وأخذت تنورة واخذت والخ....... وطلع الحساب 620 ريال ,,, حاسبت وطلعت من المحل قلت له فيه محل حق اطفال نفسي اروح أشوفه قال : ok نروح نشوفه وانا وياه نمشي يطالع بالحريم هذي سمينه بزياده وهذي نحيفه بزياده وهذي عيونها واسعه وهذي عيونها صغيره هذي فيها طول يروع كنها رجال وهذي عبياتها حلوة وغريبه وهذي ريحه عطرها قوووويه وهذي حاطه بعيونها كحل ازرق وهذي رومشها طويله وهذي احس تناسبها هالبلوزة,,,,,,,,,,,,!!!!! كل هذا وأنا ساكته ماقلت حرف واحد مع انها ماهي عادته يتكلم بكلام زي كذا او انه يطالع بالحريم بالطريقه هذي بعدها طلعنا وطبعا حامل ومشت شي طبيعي بتحس انها شحنانه من كثر المشي يوم ركبت السياره قال لي : وش فيك تلهين كأنك (( كلب))!!! قمت أنا هنا خلاص أنفجرت قلت حرام عليك انا أمشي وتعبانه من المشي تروح تشبهني بالكلابه والله انك بالكلمه مالك حق تقولها وقام قال انا أمزح !! قلت وش هالمزح السخيف زياده على حركاتك البايخه بالسوق تجي تشبهني بكلب وتقول أمزح!! قال انا اتفرج على أشكال الحريم ما تزوجت عليهم حتى تزعلين ,, قلت وغير الحريم جالس تحاسبني في مصروفي مو انت تقول براحتك اشتري اللي تبين فيهم وش غيرك ما كنت كذا,, قال انا ماتغيرت بس انتي طريقتك شينه والتعامل معك صعب.. قمت أنا التزمت الصمت وسكت وهو سكت والى الآن ما كلمنا بعض ,,, من الغلطان انا والا هو وبكل صراحه واذا انا الغلطانه كيف أراضيه هالزعلان؟؟ |
صراحه إنتى ما غلطتى وهو طريقته كانت تنرفز
اذا ما قدم لك إعتذار وانا مستبعد هذا الشىء منه فأنا من رايي كزوج إنك تتصرفين معاه بشكل عادى كأن ماصار شى بينكم لأن أكثر الأزواج حتى وإن كان هو الغلطان ما يعتذر او يعترف بغلطه الا من رحم الله وراح تشوفين ردة فعله معاكى عاديه وهذى الطريقه أفضل من إنك تنتظرين منه إعتذار وكافى انك بينتى له انه كان سخيف فى حركاته بالسوق |
لا تعتذرين له ياقلبي ولا شئ
هو الغلطان بس زين منك انك وضحتي له انك زعلانه وسكتي السكوت نعمه. وهو بيستحي على وجهه وما اعتقد انه بيعيدها مره ثانية تحياتي |
فأنا من رايي إنك تتصرفين معاه بشكل عادى كأن ماصار شى بينكم لأن أكثر الأزواج حتى وإن كان هو الغلطان ما
يعتذر او يعترف بغلطه الا من رحم الله وراح تشوفين ردة فعله معاكى عاديه وماتحبكى الامر زياده عن اللزوم حاولى انك تصدقيه انه كان يمزح معك يابختك انك عندك زوج يمزح معك |
همسه ولاء يمزح معي يقولي كأنك كلب الله لايعيده من مزحه ان كان الرجال يمزح مع زوجته بهالطريقه مابي مزحه
اختي انا ما انتظر منه اعتذار الآن عارفه ماراح يعتذر بس انا عارفه زوجي عنيد ويركب راسه سواء غلطان او ماهو غلطان راح يسفهني كم يوم هذي طريقته .. وش بيقول بالنهايه انتي السبب انتي ما تتفاهمين مع زوجك الزوج المفروض مهما قال لزوجته ومهما سبها وشتمها تسكت وتقول ان شاء الله ويسرد لي حديث الرسول صلى الله عليه وسلم اللي فيما معناه ( لو أمرت الزوجه ان تسجد لسجدت لي زوجها ) كانه فاهم الحديث او مستوعبه ,, وأبصم بالعشره انه مو فاهم كل كلمه بالحديث ,, |
مشكور اخوي سيف الكلمه
على مرورك ومشاركتك |
لا تزعلي الله يصلح ما بينكم ويتمملك بالخير
|
والله صراحه يا اختي من قرائتي للي كتبتيه ما شفت انك غلطان بشيء على العكس هو الي ظل يطالع الحريم ويعلق وانت ساكته مه انك حامل واعرف انو الحامل تكون عصبيه وانت استحملتي وبعدين شبهك .....
لا انت مو غلطانه ولا تعتذري منو وخلك طبيعيه وعاديه معاه |
بالنسبة لتعليقاته عن أسعار الملابس فهي شي عادي يمكن يكون مصدوم بالأسعار وماهي من عادته يروح للأسواق
ومادامه ما منعك من أخذ ما تريدين فهو ما غلط بشي . أما تعليقه الثاني فهو الغلطان لكن يبدو لي أنه من النوع المتبلد وما يميز بين الكلام اللي ينقال أو اللي ما ينقال إذا كان هذا طبعه فالله يعينك عليه وأصبري ولا تردي عليه . |
ويسرد لي حديث الرسول صلى الله عليه وسلم اللي فيما معناه ( لو أمرت الزوجه ان تسجد لسجدت لي زوجها )
كانه فاهم الحديث او مستوعبه ,, وأبصم بالعشره انه مو فاهم كل كلمه بالحديث ,,[/quote] ياالله على هالرياييل ما خذو من الرسول عليه الصلاة والسلام الا هالحديث وان الشرع حلل اربع ونسو حديثه صلى الله عليه وسلم (رفقا بالقوارير)...(استوصوا بالنساء خيرا ) اختي انتي مو غلطانه ولا شي عشان تعتذرين منه هو اللي راكبه الغلط من ساسه لراسه ..الصراحه انه ما استحمل اروح السوق مع زوجي ولا افكر اني اروح معاه وروحاتي دايما تكون مع بنت خالتي او خواتي او حماتي اما معاه مستحيل اني اروح |
هذا اللي انا اقصده
يا اختي عيون فاتنه ما أخذ من الدين وااحاديث الرسوا غير هالحديث وناسي كل الأحاديث الثانيه وأولهم غض البصر عن ماحرم ربي مغير مبقق عيونه بالحريم اللهم لك الحمد الله يعين وربي يصبر قلبي على طبايعه الغريبه نوعا ما !!!! |
الله يعينج عزيزتي ويصبرج....ويتمم حملج على خير...
انتي يالغاليه مب غلطانه...واهنيج على صبرج وهدوئج....مثل ما قالوا الاخوان والاخوات كوني عاااااديه جدا...وتصرفي معاه عادي...لا تشيلين في خاطرج ...حتى لو كان معصب او زعلان....ما عليج منه ولا تردين او تتناقشين معاه وهو معصب ...واكرر كوني عااااديه اختي.. والله يفرج همج....ويسعدج.. اختج...لمني بشوق |
الله يعينك حبيبتي الريم على هالموقف..
أولا أقول لك إنك ماغلطتي ولا تعتذري.. لكن خلي الموضوع يعدي.. وخلك طبيعية.. وكأنك ناسية الموضوع.. هذا بدل ما الزوج يراعي زوجته بهالفترة ويقدر وضعها وتعبها مع ثقل الحمل .. وإنها شايلة ببطنها ولده .. وتعبانة عشان تجيب له الولد .. وهو مايبذل اي جهود سوى إنه يدفع كم من ريال من جيبه على هالولد ..؟؟؟؟؟؟ مرة ثانية إذا زوجك ما يمانع لا تاخذينه معاك السوق.. إخذي أمك.. أختك.. أخوك .. أخت زوجك .. أو أمه .. أي حد بس مايكون هو .. ترى السوق كله بلاوي.. وحريم من جميع الأشكال.. الله يرحمنا برحمته .. و أزواجنا صاروا يبصبصون ومايهمهم غذا زوجاتهم معاهم أو لا .. وما يهمهم إذا زعلوا أو ما زعلوا .. أهم شي يمتعون نظرهم .. لا حول ولا قوة إلا بالله .. |
مشكورين على مشاركتكم لي بمشكلتي
ويا اختي وحبيبتي بحرينيه ولكن انا مالي غيره يوديني للسوق صحيح عندنا سواق بس أمي دايم تاخذه وتروح بيت اهلها وبيتهم بعيد لأن امها مريضه وكبيره بالسن محتاجه لأحد يزورها شبه يوميا وطبعا الكل تخلى عنها مافيه غير أمي يعني أنا ملزومه انه يوديني وأنا شوفي صح أغار من نظراته للحريم بس ما هي هذيك الغيره أنا واثقه من نفسي بس اللي يقهرني ويغثني ويجيب لي الهم والغم أني لما أتكشخ وأتزين وألبس و..و..و الخ مايعطيني كلمه وحده لا مدح ولاذم بس يطالع بعيونه واذا بغيته يختار لي على ذوقه فستان او بلوزة او قميص نوم يقول ما عرف ما عرف اي شي اختاري انتي وامس بالسوق شاف بلوزة قال هذي أحس تناسب لوحده سمينه وأحس هذا الفستان يناسب لوحده نحيفه وطويله وقام يعطي آراء في أجسام الحريم كأني رجال جنبه مو حرمه مثلهم وانا ولا شي مايقول نفسي أشوف هاللون عليك أحب هالنوعيه من اللبس عليك لا استحاله يطلع حكي لزوجته قاهرني قاهرني فاقع قلبي وأخرتها يقول (( ليش تلهثين كأنك كلب )) أقلها كان رحمتني وشريت لي مويه أشربها,,,,,,,, أأأأأأأأأأأأأأأاخ بس وش أقول بهالرجال المتبلد الاحساس ويشغل احاسيسه للناس الثانيه !!! |
يابنت الحلال طنشي
لو بتدققين بتتعبين كلميه بس حسسيه ان فيك شيء الله ييسر امورك ياااااااااااااااااااااااااااااارب |
الله يكون بعونك يالغلا
لاتعتذرين له ولا شيء تصرفي طبيعي وكالميه ولا كان شيء صار وبعدين اذا شفتيه جالس معك ومرتاح سوي نفسك تفكرين وحزينه بيقول وش فيك تكالمي بصوت يقطع القلب انك كل ماذكرتي كلمته بسوق ليش تلهثين كأنك كلب انه يتقطع قلبك كنت تتنتظرين منه كلمه حلو يابعد قلبي تعبتي او اقل شيء الله يعطيك العافية بس قولي الكلمه هذا بنبرة حزن مو بهوش وشوفي كيف بيتأثر فيك اذكر موقف صار لى وسكت وقالته الزوجي بالطريقه هذا والله تندم عدد شعر راسه وقالي كم مره كل ماتذكرت موقفي معك يضيق صدري كيف كان ماعندي قلب الرجال ماينفع بالهوش والزعل الرجال يبي كيد شوي ولين بعدين ياقلبي ليش تمشينه معك بالسوق انا زوجي ينزلني ودخل السوق انا وبنتي بس واكون متفقه مع احد من خواتي او زميلاتي صراحه ماينفع الرجال بسوق حتى يشتت تفكيرك الله يسعدك ويقومك بالسلامه |
ياالغاليه مافيها كلام هو الغلطان أكيد
بس الوحده مننا ايش تسوي؟؟؟ مالنا غناة عنهم وانتي أهم شي بينتيله انك زعلت وضايقتك تصرفاته وأكيد هو عارف انو كلامه وتصرفاته تزعل بس لو تموتين مايعترفون :d يومين وتهدون ان شاء الله أمسكيه وكلميه وقوليله على اللي يضايقك وانك تمرين بمرحله لازم يكون يراعي فيها أكثر من أول الله يسعدكم حبيبتي ويسخركم لبعض |
اول شى مبرووووك لأنج حامل ربي يقومج بالسلامه حبيبتي ليش تعتذرين؟؟ انتي مو غلطانه سوي نفسج عاديه جدا و
لا كأنه شى صار هو راح يحس بنفسه و انا اتمنى انى انزف و لو مره وحده :d |
اختي ريم:
حشاك الغلط هو الي غلطان وتصرفه كان بس يبغاك تطفشين بسرعه وتطلعين من السوق اكيد عنده شغله او موعد مستعجل عليه وعطلتيه كثير من الرجال يتصرفون نفس تصرف زوجك علشان يبطلون حريمهم ينزلون السوق ولو بيتغزل ويطالع في الحريم كان في وقت وزمان انتي منتي معاه خذي الموضوع ببساطه والله يقومك بالسلامه |
يا اختي كان تبين ترتاحين بحياتك معاه لا تدققين عليه التدقيق هو سبب مشاكلنا مع ازواجنا
وتعليقه عادي جدا ومن باب المزح وهذا دليل انه مو غصب موديك للسوق بعض الازواج يكشر بوجه زوجته بالسوق ولا يكلمها ولا كلمه ويالله بسرعه وافف ومن هالكلام اللي يقهر اللي يخربنا ياالحريم اننا نبي ازواجنا يسولفون معنا مثل اصدقاءهم واذا كانو صريحين زعلنا يا عزيزتي كوني له زوجه وصديقه بنفس الوقت والاشياء اللي تزعجك منه لا تقولينله الين يكررها او يتمادى فيها واللي صار بينكم عادي لا هو يعتذر ولا انتي تعتذرين لان ما حصل شي كبير ومن رايي انك تتكلمين معاه عادي ولا كأن شي صار ولا تفتحين معه الموضوع نهائيا |
:::::::::::: الله يعينك ويقووومك بالسلامه قريت كلااامك ومنتى غلطااانه بس لااازم يحس شوي زوووجك::::::::::::::
الاخواان مااقصروووو وربي يييينك ماودي ابدي رايه لاني ماحب المشااكل ان قلت لك سكتي بظلمك وان قلت حاسبيه اخاف المشااكل تكبرررر مااقول الا الله يعييينك ويقوووويك ويقووومك بالسلامه ويهدي زووج |
انا ما أدقق على تصرفاته ولاعمري سويتها
بس أمس قهرني يعني من أسبوووووووووع وهو وانا متفقين ان يوم الجمعه لي ومتفرغ لي تماما وبالنهايه يقعد يحطمني كل ما مسكت لبس ليش سعره كذا وليش وليش ويقزز بهالحريم وياريته اكتفى بقزقزه وصلت فيه المواصيل يشمشم ريحتهم بعد !!! اللي يشوفه يقول زوجته ريحتها بصل وطبخ ولا قد حطت عطر !!! انا الى الآن مافتحت معه الموضوع وبسكت وبشوف وش أخرتها مع أب المستقبل |
أتوقع تعليقاته على المتسوقات
لأنه مستاء من الأسعار وبوده لو طلبتي المغادرة !! |
عزيزتي الغالية بصراحة انا بكون واسطة للخير وكلنا الحريم نعرف بعض انتي الان تمرين بنفسيات وحسسيات الحمل
ومضغوطة مع السوق والبطن وتظنين زوجك يقصد شي عن الحريم انا مالي سنة من جبت بنت ونفسيات كانت مرة كريهة ما طيق كلمة من زوجي وشوف مزحة ثقيل ازعل على اتفة الاسباب وصدقيني مايقصد يزعلك واكيد قبل ماتحملين كان يمزح معاك اكثر بس ناسية وشوفي جميع الرجال يموتون من الاسواق وصرف الفلوس ودامة مارفض الشراء خذي الي في بالك وطنشي وشوفي لاتتكدرين مافي شي يستاهل الزعل علشان البيبي مايتاثر وشكرا اختك ام فجوري |
الأخت الكريمة / الريم
السلام عليكم شوفِ أختي أنا ما دافع عنه و أسلوبه صحيح يعصب . اقتباس:
وأسلوب زوجك بالمزاح ... بكلماته القاسية اقتباس:
لأنه هو فقط يريد منكِ أن تكوني مقدرة له وأن تثني عليه لما ينفقه وما يتحمله من مصاريف .. و طالما أنه لم يقصر أو يبخل عليكِ مادياً ولم يجد منكِ أي إطراء .وهناك نساء كثيرين يتجاهلون أو يتناسوا شيء كهذا .والبعض يفكر في تقديم سهرة أو ليلة غير عادية .فقط ....، بالرغم من ان تلك الليالي كثيرة,، والغير عادية أكثر بينهم .. والرجل ينتظر الشكر على ما يقدمه لزوجته وبيته.... ، وإن شاء الله تمر على خير وكأن شيء لم يكن " والصلح خير ومن بدأ بالصلح عند الله أكرم" وأرجو ألا أكون قد ذهبت بعيداً عن موضوعك., والله الموفق. والمستعان وإن شاء الله عن قريب نشوفلك موضوع في قسم التهاني على المولود:15: الجديد |
بصراحه يااختي مافي داعي تفتحيله الهرجه وخليكي عاديه جدا وقد يكون ي لحظه راح يحس بندم انوو انا ماقدرتها وهيا فوق كدا مستحملتني وصدقني ربي ما يضيعلك اجر
وإن شاء الله ربي يبعد عنكم ابواب الشيطان |
مرحبا ريم هذولا الازواج دايم كذا وانتي ماغلطتي انا دائما معي كذا واكثر وما يعترفون بالخطاء لكن انتي لاتعطينه وجة وخاصة بالفراش وتشوفين منهو الكلب اسمحيلي
أختي الفاضلة ... أرجو منكِ التكرم بتغيير الصورة الرمزية الخاصة بكم .. لمخالفتها تعليمات المنتدى . شكرا المراقب / النور والحنان |
اختي ريم 2006 أنا انسان متزوج ومن واقع الخبرة أقولك انتي منتي غلطانه ولا تناقشين الموضوع مع زوجك وكأنه ما صار شي ( الصمت حكمة ) وبالنسبة للكلام الي قاله لك عن هذي وذيك الخ......... هذا اسلوب تطفيش علشان يطلعك من السوق بسرعة وكلمته لك بذاك الوصف ......... اتوقع انها زلت لسان لأنه يبي يطفشك ومصخها شوي لكن احتسبي الأجر وانصحك انك تختارين الأوقات المناسبة لدخول السوق يعني يوم الجمعه بصراحة ما يندخل فيه للسوق لأنه راح يكون زحمه مره ولا تروحين في أوقات الذورة أختاري الوقت المناسب حسب المدينة الي انتي فيها ............... وتحياتي وبالتوفيق وجعلك حياتك كلها هنا |
لاتزعلين يالغالية ووسعي صدرك ولا تنسين ان فترة الحمل الوحده منا نفسها براس خشمها ماتتحمل شي والعصبية حدث
ولاحرج بكره ان شاءالله تجيبي له الكتوت وتنبسطوا وكأن شيئا لم يكن الله يهون عليك حبيبتي وتقومين بالسلاااامة ويتمم عليك بخير، اختك في الله// دلوعــــــــــــــة مـــــــــــــــــــــودي |
السلام عليكم
اختي انتي لا غلطانه ولا هو من النوع اللي بيفهم اداب الكلام من كلامك عنه الحل انج ما تردين على كلامه القوي باسلوب مماثل وكل ما غلط بكلمه وضحي موقفك وانهي الموضوع هناك لا تطولين الزعل لان اكثر الازواج ملولين وبعدين تنقلب عليج السالفه. اوزني الامور بميزان التسامح وان غلط فبج مرة ثانيه بنفس الوقت بيني موقفج وانهي الموضوع لان هالامور ما تخلص . الزعل يا اختي اداة فعاله بين الازواج فانتي لا تستخدمينها في كل صغيره وكبيره يروح مفعولها. خلي اليوم اللي تزعلين فيه يعرف ان في شي كبير ويبيله جلسه وتفكيير مو موضوع عادي يكون تعود على الزعل ان شاء الله فهمتي كلامي والله يوفقكم ومبروك اللافي مقدما |
هو الغلطان
بس اعتقد كل الرجال يعلقون على سعر الملابس يمكن مايقصد شي بس مجرد تعليق يعني اعتقد شي عادي ومايزعل لكن نظراته للحريم واللهي تقهر ويقولك كلب كمان تقهر اكثر اتغللي عليه شويا ولا تعتذري واذا كلمك عادي خلاص كلميه عادي ولا كنه صار شي |
مشكورين كلكم
على مساعدتكم لي وأرآكم اللي فادتي كثير الحمدلله ابشركم الوضع تحسن ورجعت المويه لمجاريها أمس بالليل اتصل وسوا نفسه عادي وطبيعي في كلامه يمزح ويضحك ويسألني عن اخباري وعن البيبي وانا يوم شفته كذا كلمته عادي زي ما اكلمه دايما ولا فتحت سيره للموضوع الله يجزاكم بألف خير على مشاركتكم ونصايحكم ومشكورين وماقصرتوا ,,, |
الحمدُ لله الذي بنعمته تتم الصالحات .. وتُفرجُ الكربات .. ويتقربُ الأزواج إلى بعضهم البعض ... أختي الكريمة .. والله إن الشيطان ليجري منا مجرى الدم .. كان واضحاً جدا أن زوجكِ يمزح .. وإن كان لا يختلف اثنان على أن مزاحه خرج عن الخطوط الحمراء بين أي زوجين .. ولكن خروجه ذاك لم يُخرجه من دائرة حبه الشديد لكِ .. وتمسكه الكبير بكِ ... وإلا والله لما رأيتهِ اليوم على ما رأيتِه ... وبالمقابل نحن نعلم ونقدر الظروف التي تمر بها كل امرأة حامل .. فضلاً عن ضغوطات هذا الشهر الكريم ... ولكن يبقى أن نحقق قوله تعالى عند المشاكل (( ولا تنسوا الفضل بينكم .. )) .... ألف مبارك انصلاح الحال .. والله نسأل لكِ ولزوجكِ التوفيق والهداية .. وأن يبارك لكما في مولودكما وأن يجعله من في الصالحين ... يغلق الموضوع بناءً على رد الأخت الأخير .. والحمدُ لله .. |
| الساعة الآن 02:17 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©