|
يتقطع قلبي على امي
مافيه شي هامني في الدنيا ومكئبني الا وضع امي ...
من وانا صغيره وانا اشيل همها .. اليوم الي ابوي يضربها ويهينها . انا قلبي يتقطع مع ان اخواني كان مايهمهم يلعبون ومبسوطين ...وكل ذكرياتي وانا صغيره ابوي يضرب امي .. كل الذكريات انمحت ما اتذكر الا مناظر ظربه لها ... الشي هاذا اثر علي مرررررررررررررررررررررره ماني قادره احس بالسعاده ابداااا ...هي الله يهديها مره ضعيفه هاينه نفسها لأبوي .. تخيلو هي جده الحين مع ذاللك كنها شغاله في البيت .. ابوي مانع يجيب شغاله مو مخليني اجيب شغاله لها .. وانا شغلي 10 ساعات في اليوم .. ارجع تعبانه .. والله اني انزل اطلعها من المطبخ اوقات .. في رمضان مثلااا تطبخ الا كل وانا ارجع الساعه 5 ونصف لان شغلي بعيد عن البيت .... وماتجي تفطر معنا .. الله لا يوفقه ابوي معودها انها ما تاكل معنا .. اروح اجلسها تفطر ... هو ماخذها وهي صغيره ورباها على الذل والا هانه حارمها تروح لاهلها من واول ما تزوجها ... ما تسلم على ابوها ولا على امها ...وكبرنا على كذا ما يخليها تطلع من البيت ابداااااااااااا ... اختي من كم يوم عزمتنا وامي جهزت ملا بسها ومبسوطه ... بعدين قبل ما نروح جتني وقالت لي ما راح تروح .. انها ما تبغى ... وانا ادري ان ابوي ما نعها .. يمنعها عن كل شي.. هي بس تخدمه وعند رجوله .. وليته عاجبه ... تطبخ مسكينه بعدين يكب الا كل والا يهاوشها .. من وانا صغيره وانا مقهوووووووووووره من حالها .. ماني قادره اتحمل .. ابغى انهي الموضوع هاذا .. انا هو ما يقدر علي ..ياويله مني .. بس يقدر عليها لانها مسكينه .. يذلها ويهينها ... قولو لي ايش اسوووووووووووي .. ابغى حل ... ابغى اطلقها منه خلاص يكفي 35 سنه وهي في ذل ... ابغى اريحها وش اسوي ... اخواني الكبار واختي .. كل واحد منهم تزوج وطلع من البيت وريح راسه .. اما انا بس انا وهي وش اسوي ... ابغى حل ابغى اريحها منه .. ودي يترك البيت ولا عاد نشوفه ونرتاح منه ... دايم اقولها وش تبغين فيه .. لا يهمك .. لا تنفذين له طلب .. بس هي ما تقدر .. بس وش اسوي انا ماني قادره اساعدها لانها ماهي قادره تساعد نفسها .. وانا الموضوع هاذا مسوووووووووووووووود حياتي .. |
الصراحه شي يعور القلب اختى أمك تعودت على الذل وهالشي شجع أبوك على ضربهااا
لازم احد يقول لابكون لا لاتضربهااا لازم يمسك ايده قبل ماتنزل على جسم هالضعيفه فالخارج فى مؤسسه لحقوق الانسان ووووفى مؤسساات لحقوق الحيوانااات صدق باااقي احنا فى تخلف والسبه هالاشخااص الى مايخافون الله أختى لاتسكتين على الوضع تكلمي انتى واخوااانك واختك حرررام هالام الى ربت وعااشت وسهرت تتعب وتطبخ وتعاني تبقى تعااني وهي بالعمر هذاااا لاززم توقفووون ضد هالاب الظالم قولوووله لكل ظالم يوووم تحركووو قبل ماتموت امك بين يدييينه وربي يوووفقكم |
كل اللي اقدر تقو له الله يساعدك
|
لا حول وولا قوة الا بالله المني وضع والدتك لدرجة انني لا استطيع ان أقول شيئا ... الله يعينها ... يا رب ويهدي والدك |
ليش ماتحاولين تشكلين مثل اللجنه انت واخوانك واختك
وواجهوه صدقيني الشغاله ماهي حل لان الشغاله راح تصيطر على امك ليس تقليلا من شان امك لكن والله من اللي شفتهم حواليني بنفس مشكلة امك تجي الشغاله كحل فاذا بالوالد يساعد الشغاله على الام الحل في انكم توقفون يد وحده وتفهمون ابوكم لكن بدون عقوق لابوكم يعني باحترام وتقدير تقولوله مثلا يبه امي خلاص كبرت وما تقدر تشتغل نبغاك تريحها شوي هي تعبانه لكن قدراً لك مستحيه تقولك لا وعلى فكره ترى فيه نوعيه من النساء شفتهم بعيني وسبحان الله اكثر من حاله وسمعت شكاوي بناتهم من ابوانهم زي شكواك احيانا ضرب واحيانا بصق بوجهها الله يكرمك واحيانا شتم وعلشان اشياء تافهه يمكن تكون احيانا علشان ماجابت القهوة بسرعه لاخته؟؟!!!! لكن الام نفسها مبسوطه ومو حاسه باي شي حتى انها دايما تمدح فيه وتقول لو دورت بالدنيا مثله مالقيت؟؟؟ قلت بنفسي سبحان الله احيانا الحب يعمي او لانها تربت ان الرجال طبيعي يتسلط على الحرمه هم حبيبتي ماسمعو ولا عاشو اللي احنا عشناه وهو ان الحرمه لها حق سبحان اللي مصبرهم ومشي امورهم |
وربي شئ عجيب
الله يعينك اختي وييسر امورك ويخليلك امك ويفرج كربتها |
تكلمي مع ابوك.. حرام عليك لا تخليها في هالحال.. راحت احلى سنين عمرها.. فهمي ابوك انها كبرت ولازم يحسن اسلوبه معها وذكريه بمواقفها معه وانها ما قصرت في شي والحين لازم ترتاح ويجيب لها خدامه تساعدها.. واذا رفض قولي له بجيبها براتبي إذا انت ما تخاف على امي انا اخاف عليها.. لا تستسلمي كل ما شفتيه كلميه.. وحاولي تحنني قلبه عليها.. وإذا اصر في اسوأ الاحوال هدديه (مجرد تهديد) انك بتتركين البيت وبتاخذينها معك إذا ما تجاوب معك.. الله يحنن قلبه عليها يااا رب |
لا حول و لا قوة الا بالله
|
وتوقفين معها وتحميلين همها ...يقول رسول الله صلى الله عليه وسلم: "ألا أنبئكم بأكبر الكبائر؟ قلنا: بلى يا رسول الله. قال: الإشراك بالله، وعقوق الوالدين
سؤالي هل والدك عصبي ومتعند .. ويدرك معنى تصرفاته ... كما قال الطيبون لطيبات ..والدتك طيبه حسب ماجاء من مشاركتك لكن سامح الله والدك اختي الكريمه ...اتمنى ان يدخلوا في امر رجال خيرون بمساعده اخوانك ... واقترح عليكي ان تقولي لوالدك بسلوب لائق ..ان يقراء سوره النساء وكلام ربنا فيه |
السلام عليكم ورحمة الله وبركاته
أختي الحبيبة
ابغى انبهك لشيء مهم هو انك ما تدعين على أبوك وامك بأفعالها بإذن الله أنها مأجورة عند رب العباد ودائماً أدعي لها ربي يعوض صبرها خير وادعي لأبوك بالهداية بالفعل تصرفات أبوك تقهر مع أمك لكن انتبهي من الحقد على أبوك ممكن حقدك ياخذك لتفكير بعيد أسأل الله العظيم يهدي سركم ويعوض صبر امك خي يارب تحيااااااااتي |
اعتقد اختي الكريمة ان الامر يكون له عدة طرق واطرح عليك الطرق تلك واختاري ما يناسب اوضاعكم - هناك جمعية لحقوق الانسان من الممكن الاتصال بها وشرح الامر لها وسوف يساعدوك في حل المشكة . - اذا كان ولدك مداوم على الصلاةفي المسجد فيتم التنسيق مع احد طلبه العلم من اجل سرد كلمة توجييه لمن يسئ معاملة زوجية في الوقت اللذي يكون متواجد فيه - البحث عن اقرب الناس للاب ويكون شخصا راشد عاقل وطرح المشكلة معة للمساهمه في حلها . وفي الختام احب ان ارشد كافة الاخوا ت التي يرغبن الزواج بالسؤال عن الزوج قبل الوقوع في مثل تلك المشاكل ودرهم وقاية خير من قنطار علاج |
الله يعينك اختي عورتي قلبي
حاولي تكلمي اخوانك وعمامك يدخلون في الموضوع حرام كذا |
الله يساعدك على هيك وضع ....اصعب شئ انه الواحد يعيش بذل اكن في بعض الاوقات الانسان ما يقدر يغير الواقع هدا قدرها واللي تحملت 35 سنه تتحمل الباقي وان شاء الله يكون في ميزان حسناتها .... ولا تسعي في خراب بيت امك لانك مو دايمه لها انتب بكره راح تتزوجي وتكوني في بيت لوحدك وما تدري ازا زوجك راح يقبلها متلاا او لا .. او واحد من نسوان اخوتك ترضى فيها لانه الواحد ما اله الا بيته وما طلع من داره... كملي انتي ... واصبري وصبريها ولعله خير |
والله اني جالس ابكي
الله لا يعطيه العافيه ابوك اللهم شل اركانه اللهم شل يده التي يبطش بها شوفي ما في غير حل واحد فقط لابد امك تختفي عنه كم يوم وانتم كذلك خله يحس انها الخير والبركه والله اني حنيت كثير عليها اللهم اجزها الفردوس الاعلى اللهم اجعلها من اهل الفردوس الاعلى اللهم اجعلها مع الانبياء والصديقين والشهداء اللهم احسن خاتمتها وهي ساجده ان شاء الله اللهم بر اولادها بها اللهم اصلح زوجها او انتقم منه شر انتقام ولي رجع ان شاء الله |
والدتي العزيزة
والدتي العزيزة في كل بيت وفي كل منزل تعبت وضحيت بكل شيء فيه لكى من أجل أولادك وها هما يختارون طريقهم بعيداً عنكي ولا يقدرون على تحمل حمل المشقة من على أكتافك ............ يا أخي اجعل نفسك رجلاً ولو لمره واحده في عمرك وابدأ بتغير سلوك الوالد أنت واخوتك وأخواتك مهما كان الوالد مسيطر فكلكم في جبه واحده ضده ...... أبدأ بالحديث أولاُ معه بطريقة ودية مقنعة ......... ثم قم بخطوات واجبة تجاه وادتك ( بمساعدته في شيء .. بالأكل مها .... بالحديث معها .. بمعرفة حقوقها وواجباتها ............... على فكره يوجد مثل يقول ( الام تجمع والأب يفرق ) يجب أن تدرك هذا المثل أنت وإخوانك قبل أن يفوت الأوان ................. وشكراً .
|
بما انك مستقله مادياً عن والدك فهسل جداً انك تطلعين من البيت انتي وامك
وتتركي البيت له واهم شي الدعاء كرري وخلي امك تكرر من هذا الدعاء (( ربي اكفينيه بما تشاء وانت السميع العليم)) وكان الله بعونها |
احييك يااختي على هذا الاهتمام بوالدتك
اسأل الله العظيم ان يهون عليها ويصلح والدك بتصرافاته انا من رائيي انك توقلي لاخوك الكبير يدخل بالموضوع لان بعض الرجال تفكيريهم لك عليه شوي مايقبل من امراءة تنصحه وتحاول تحل الموضوع على العموم اتمنى من مشاركات الاعضاء ان تجدي لك حلاً مناسبا واسال الله ان يجزي والدتك كل الاجر |
واجهي ابوك! كلميه!! امنعيه !!جيبيها تاكل معكم
هدديه بترك البيت واللجوء لأخوانك بس تتركينها على هالحاله!!حراااام الله يعينك اجل لو تتزوجين وش يصير بحالها؟؟ |
لا حول ولا قوه الا بالله لا احد يكلمه
لان مكل هالسنين جالس يضرب هالمسكينه فما احد رح ياسر عليه زوجك على ماعودتيه وابنك على ماربيتيه |
اخوي انت كم عمرك الحين
اذا انت كبير تقدر تحمي امك صراحه الطلاق ارحم من هالمعامله |
لا حول ولا قوة الا بالله
اظن خلاص امك مستحيل تسيطر وابوك تعود على اذلالها واهانتها مالكم الا كما ذكر احد الاخوه انكم تطلعون من البيت وتتركونه حت يحس بقيمتكم |
نصيحه من مجربة...اجمعي أخوانك خليهم يواجهوه...واقنعيها بالطلاق لأن هذا طبعه ومستحيل بعد 35 سنة بيتغير مستحيل..طلقيها منه وخليها تعيش باقي عمرها معززة مكرمة..خليها تصوم رمضان مرتاحه بين عيالها..خليها تنام الليل وهي عارفة مارح يصبح عليها يوم كئيب ماتدري متى تنضرب فيه
وربي يعينك حبيبتي ويطمنك عليها ويفرج همكم |
الله لا يحرمك ياااارب ..
زي ما قالوا الإخوة .. خليها تختفي في بيت أخوك الكبير كم يوم وقولوا للوالد .. إنها رفضت ترجع .. عسى يتغير حاله ومعاملته .. بس لابد الأخ الكبير يتحرك .. مع إني أشك إنها تقتنع !!! الله يفرج همها ياااارب |
| الساعة الآن 05:25 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©