|
أحرجتني بس ماخليتها
كان عددنا تقريبا 16 والغالبية متزوجات وأنا أكبر البنات .. وعلاقتي معهم ممتازة الا وحدة أحس انها ماترتاح لي
لذلك ماآخذ معها كثير في الكلام ويمكن هي لاحظت الشي هذا.. أثناء الكلام والسوالف والضحك فجأة قالت.. بنات في واحد يبغى يتزوج ويبغى يسوي خير في العوانس!! يبغى يتزوج وحدة بعمر 25 وفوقها وشرطه ان يكون شكلها كذا وكذا وكذا << نفس مواصفاتي بالضبط ويبغاها تكون من المنطقة الفلانية <<< بجانب منطقتي تماما ومافيه فرق بينا يذكر ابدا تعرفون يابنات وحدة بهالمواصفات ؟ أنا قلبي صار طق طق وعيوني ترمششش وضقت من قلب وقلت بنفسي والله لأوريك يالحقيرة اصبري علي بس. حطيت رجل على رجل وعدلت جلسي << لازم تطلع الثقة بدأ النقاش.. والكل يتكلم ... انا اعرف وحدة بس تراها سمراء.. انا اعرف وحدة ساكنة عند جدتها بس من المنطقة الفلانية انا اعرف وحدة وملتزمة مرة.. لازلت ساكته وحاسة نفسي بنفجججججججر الي جنبي بصوت واطي: شوبارد تراها تقصدك انا بابتسامة لاماأظن.. سمعت صوت عالي ... طيب شوبارد عندك بس هي من المنطقة الفلانية التفت علي وقالت هاه شوبارد تعرفين بنت بهالمواصفات هم يبغون يكسبون فيها أجر تعرفين العوانس كثرو لاحول ولاقوة الا بالله وانا أقنعته قلت يكفي الأجر اللي بتحصله!!! قلت .. ايه اعرف قالت.. اهم شي نفس المواصفات اللي انا ذكرتها واهم شي انها عانس <<< واشوف العالم كلها تناظرني وحدة قالت.. عيب عليك وش هالكلام عانس؟؟ أنا.. المهم انا اعرف وحدة وعلى مستوى من الجمال وماتاخذ اي احد قولي وش مواصفات اللي عندك عشان اقولك ترضى ولاماترضى <<< شرايكم بالحركة هههههههه احسن قالت تحمد ربها بيجيها خاطب هالعانس قلت يجيها بس سبحان الله مايصير نصيب وش اسم عائلته هذا؟ قالت.. ولد عائلة الفلاني من نفس عائلتي قلت.. لالالا البنت من عائلة مرة معروفة ومايتنازلون ياخذون من عايلتك معليش يعني والنعم فيكم. قالت.. وش فيها عائلتنا احنا اصلا مناسبين العائلة الفلانية والفلانية قلت.. انا مانقص من حقكم .. وهاذولا انتم مناسبينهم ..لكن انتم وش انتم؟؟ الله يرزقه خليه يدور من اللي يناسبونه ياعمري مسكين كسر خاطري يبي الأجر أجل << اقولها وانا اضحك قولي له يروح لأقرب جمعية ويتصدق عشان يكسب أجر البنات صارو يضحكون وقالو ايه صدق خليه يروح لجمعية ولا يكفل يتيم ... قولي له الزواج من الأعمار الناضجة مكسب لك بس اذا هذا تفكيره حرام ياخذ وحدة بهالعمر ياخذ مراهقة احسن له.. وان كانك انت مقنعته اسمحي لي تفكيرك عقيم جدا انا تزوجت وانا كبيرة واموري من احسن مايكون أنا.. والله نكتة قال ايش بيكسب أجر قولي عن الجمعية الفلانية ترى يجونك حد البيت وياخذون اي شي مستغنية عنه << وبعدها ضحكت صارت تناظرني من فوق لتحت وتنهدت بقوة قالت نشوف من تاخذين .. ولد من يللي شايفة نفسك ضحكت بصوت عالي واعطيتها نظرة << معناها لاتجين حولي مرة ثانية شرايكم؟ تطورت صح؟ :22: |
صج انا متكدره بس ضحكتيني من قلب منتي سهله و زين سويتي فيها الله يرزقج ان شاء الله و نفرح فيج
|
هههههههههههههههههههههه
والله ضحكتيني يا شوبارد انا من زمان متابعه القسم بس ما عندى الجراءه اكتب و موقفك حلو اظن حرمت بعدها حتى تفكر مجرد تفكير والله ناس عندهم نقص في شخصيتهم و جايين يطلعوا عقدهم على الناس بس يلا عطيتها جواب قدام الكل سوا عمرها |
الحمد لله لحقت على موضوعك قبل مايصير اكثر من صفحة)))))))))))))))))خاطرها ترد في الصفحة الاولى
المهم والله انك رهيييييييييييييييييييييييييييييييييييييييييييييييي ييبه تطورات اول ماشفت الموضوع قلت اكيد شوبارد هذا انا احلف لك انها غايررررررررررره منك قوليلها تقول طلة الخير الشرف للي بياخذ شوبارد شوبارد حبيبتي الدرر(اللي من امثلك) مو حق اي احد لازم لها واحد يستاهلها الله يوفقك ويخليك ويريح بالك وينولك مرادك تحياااااااااااااااااااااااااتي |
اقتباس:
حسبي الله عليها:19: .. بس لو ذاقت اللي ذقناه كان اتغيرت هاذي المتكبره اقتباس:
والله قويه ياشوبارد:18:ماشالله .. ياليتني اعرف اسوي مثلك .. انا خوافه .. ومااقدر اسوي كذا على طول اتلعثم وارتجف .. كل اللي اسويه اعطيهم ابتسامة وحده ضعيفه ..وطيبه لكن بهباله:rolleyes: اقتباس:
اقتباس:
|
مشكورين جميعاااااا
صح وقتها فرحت اني سكتها وانه مابان علي الإحراج.. لكن في البيت ضاق صدري من كلمتها عانس حسبي الله عليها وماكان ودي الأمر هذا يصيرعند مجمموعة كبيرة.. العام.. انا لماقلت مايتنازلون من عايلتكم << قلتها بوقت كنت مرة شايله بقلبي ومعصبة مرررة بس كنت ابتسم أمثل يعني وانا اعترف لما أعصب يطلع مني كلام وخري عني بس :d ولا بحالتي العادية استحالة يطلع مني هالكلام اصير خايفة مثلك ههههههه العصبية تجيب فايدة احيانا ههههههه اما النظرة سهلة انا اكثر تعاملي بالنظرات أكثر من الكلام!! ترى اول مرة بحياتي يصير معي زي هالموقف اول مرة استقوي انجاااااز بحياتي اخ بس الى الحين قاهرتني تصدقون لها 6 سنوات متزوجة وتعالج من مكان لمكان ماحملت المفروض تخاف الله لأنها في بلاء ماتروح تتشمت في الناس! |
هههههي الله عليج قويه علمتيها درس يا ابله
|
:22:
احسنتي يااختي شوبارد .. كان ردك راقي وجميل ومفحم جدا .. وانا ارشح ردك لكتاب (الاجوبة المفحمة) للشيخ القحطاني :d بس ترى الاخت هذي فيه بنفسها شيء منك من الاول والا ماتجروء على هذا الكلام :29: الله يصلح النية والاحوال واسأل الله ان يرزقك الزوج الصالح |
رد قووووووي شوبادر أنتي قوية أصلا بس الضعف أحيانا يمر علينا كلنا الله يسعدك ويبارك فيك |
وانا صديقة شوبارد = على وزن وانا أخت وضحة :22:
عجبتتتتتتتتيييني.. :17: <<<<< تصفق ما شاء الله.. ما شاء الله.. تعرفي هذا ربي اللي نطقك ونصرك.. انا أعتبره نصر من الله على هذا النوع من شياطين الإنس.. لمن جلست أقرأ قلت أكيد فيها نقص فيها شي مهي مرتاحة نفسياً وإلا والله لو عندها كل شي وقنوعة ما سوت سواتها.. ولمن قلتها لها 6 سنوات ما حملت قلت بسسسسسس طلع الكلام.. شوبارد هاذي حسوود غيارة تكره الناس الواثقة الشامخة وتنتقم لذاتها لمن تؤذي غيرها ولو رجعت بيتها بدون ما رديتيها كان يومها عيد ووتنطنط.. لكن ربي أخزاها وضيع فرحتها بردك.. نكدتي عليها.. وهذول الناس أنا أرد عليهم لأنها حطت خمسين خط تحت عانس بقصد..تستاهل اللي سويتيه فيها,, بس قوية عيلتها ما ياخذوا من عيلتكم :24: ... لكن في محلها :14: شوبارد لا تخلي الكلمة ترن في راصك.. كل ما جت على بالك قول " إلغي " لو قلتيها ما عاد ترجع أمرتي عقلك ما يرجعها.. وتعوذي من الشيطان <<<<< تسويها وتنفع. ياما سمعت كلام.. لكن لو دققت النظر في حال قائلها.. قلت نو وندر.. لا استغراب.. فحالها اتعس من حالي 100 مرة ولو كانت متزوجة وعندها جيش !!! :23: الله يوفقك ويرزقك من فضله إنت وجميع بنات المنتدى ما يتعجب منه جميع من حولكم.. ويبعد عنكم الحسد. |
يا حليلك والله
شكلك خلاص انطلقتي وبتسكتين الناس كلهم الله يستر لا يجيني الدور <<<<<تراها بدت تخاف انا مثلك يا اختي عندي وحده رافعه ضغطي وتحاول في اي مناسبه انها تهزاني باي كلمه بس انا ما اخليها وارد لها الصاع صاعين واخرتها امس تقول لي انتي زوجك ما يواطن قعدت البيت عندك عشان كذاانتي دايما قدام النت انا زوجي معسكر عندي ولا اقدر اتحرك شبر (وانا اعرفها مسكينه زوجها موب ذاك الزود معها ودايما يسبها قدام اهله) قلت لها يمكن زوجك انطوائي عشان كذا ما يطلع(وانا ما كذبت زوجها ماع نده اصدقاء) ويمكن لانك مقطوعه في الرياض ما لك احد هنا ومضطر يقابلك وش يسوي بك انقهرت هي وقفلت طوال الوقت بس تستاهل ليش تحارشني |
حسبي الله فيها ألف مره
اللهم رد كيدها في نحرها واجبر بخاطر اختي شوبارد حبيبتي شوبارد ودي اكتب اكثر بس انا بروحي مقهورة ولما شفت اللي صار لج انقهرت اكثر الله راح يراويها ان شاء الله بس اصبري الله يرزقني ويرزقج عاجل غير آجل |
والله ياشوبارد من العنوان حسيت إن هذا أسلوبك ..
سبحان الله مادري أشلون .. تعجبيني والله ..:14: حركتك رووووووووووووووعة .. زين سويتي فيها .. خلك دايما كذا ..:18: (( اللي يرشك بالماي.. رشيه بالنار )):22: عشان يحرمون يتعدون حدودهم ويعطونك من الكلام اللي يغث..:17: |
السلام عليكم
يا اخواني 25 سنه عانس ؟؟؟؟؟؟؟؟؟؟ ايش صار في الناس وفي المجتمع 25 سنه عاااانس ؟؟؟؟؟؟؟؟؟؟؟؟؟ والله اني مصدومه لاحول ولاقوة الا بالله اخاف بعد زمن قصير تكون اللي عمرها 20 سنه عانس والله اني مصدومه الله يرزقك بابن الحلال اختي شوبارد واستمتعي بحياتك حبيبتي انتي لسه في ربيع العمر الله يوفقك اختك ام مجيد |
عاقبتيها بما تستحق ولو تركتيها لله لاكانت عقوبتها يعلم الله بها 00
إذا قلت أن كثير منكن محسودات لما يتمتعن به من مكتسبات ويغار منكن كثيرات ويحاولن جرحكن... |
اقول والله مانتي هينه ،،،
وكان كلمتيني اعطيك رد ناااااااااااري :ـــ مادام يبي اجر ،،،، اعرف وحده عقيم متزوجه من ست سنوات وما حملت ،، وزوجها انشأءالله بيطلقها هالسنه ،،،، خليه يجمع مهره على بال ماتطلق ،، صدقيني تقوم تخنقك بيديها ،، |
هههههههههههههه
والله تبردبن الكبد ماعد فيه الا كذا ناس ماتحس بمشاعر الاخرين عليك فيه لاوصيك واشكاله:d بعدين انت تراك قهرتني :29: :29: اجل 26 ودخله قسم العوانس حسبي الله على عدوك |
أختي الكريمه شوبارد
لا فض فوك وخليك كذا على طول ولو كتمتي في نفسك لكان تحطمت نفسك الله يرزقك بالزوج الصالح المميز من كل شئ ومن صبر ظفر تحياتي |
maynoona
قوية ولأول مرة.. أبو فراس والله فكرة خلنا نستفيد مااسم المؤلف بالضبط؟ هي فعلا فيه مواقف بسيطة جدا وتافهه بس لأني كنت أرد عليها تتضايق ومن حقي أرد لأن كلامها كان يعني لي عبير الرياض هلا بك أختي ولأول مرة أشوفك أسعدني ردك.. مس هااوي اعجبك :22: والله كيف جتني القوة هذي ماأدري!! الظاهر من كثر ماأنا عصبببت ياحبي لك وكلامك الله يسعدك دنيا وآخرة أم خالد والله حتى انت منت هينة ههههه ياختي بعض الأشكال ماتجي الا بالعين الحمرا << مسوية فيها خبرة الأخت وهي أول مرة تسويها :26: نايتآمين والله يرزقك ويفرح قلبك بحرينية ماشاءالله عليك .. مع انها حركة جديدة كيف عرفتيني ايووه اعجبك ماظن اتجرأ اسويها مرة ثانية لو تشوفيني ذاك اليوم أحس جسمي يرجف مجيد شتقولين اذا هذا المجتمع؟ الله يجزاك خير عالمرور اخي الكبير والله ياخوي تبغى الصدق ماتندمت ..اصلا لو مافي الا انا وهي بحوسها زود بس استحيت من الموجودين اخاف ينقدون علي قهرتني مررة مررة وشاكرة لك تشجيعك الله يجزاك خير أخي الشمس الزرقا ليتها جت في بالي بس يله اهم شي سكتها.. اختي ريفان المجتمع والناس وكلامهم وخوفي على مفسي من كر ماتصير لي مواضيع خطبة وتتكنسل! اخي صاحب رأي سديد صادق لو اني ساكتة والله كان الحين منحرق قلبي |
ياحبيبتي ..الله يرزقك باللي ترفعين راسج به
اللهم ارزقها زوجا يفرح به قلبها ..ويفخر به أهلها ..اللهم اااااااااااااامين |
شوبارد ..
الله يبرد قلبك ياااارب بعريس على كيفك آآآآه من الأشكال اللي زيها .. تلاقيها غيارة .. بتشوفك أفضل منها .. وتحاول تلاقي عليك شيء .. وطبعاً حضرتنا ما عندنا غير هذه الثغرة .. الله يسدهااااااا آآآآمين .. فكرتيني .. بزميلة في العمل .. كنا كالعادة بنمزح مع بعض .. إلا بتقول ( وطبعاً ما تصدق تلاقي شيء على أختك التعبانة ) بتقول : لاااا والله إنتِ ينخاف منك ( قصدها على زوجها ) قلتللها : يا حبيبتي لو حتزوج متزوج كنت من زماااان اتوكلت الله يخليلك زوجك .. ما يعنيلي شي !!! شوبارد .. تعجبيني يا قمر .. الله يعيننا على الناس التعبانة .. ترى والله أدعيلك بالاسم :) |
ياحبيبتي ..الله يرزقك باللي ترفعين راسج به
اللهم ارزقها زوجا يفرح به قلبها ..ويفخر به أهلها ..اللهم اااااااااااااامين |
هههههههههههههههههه
والله انك خطيرة قال يكسب اجر والله عقليه مدري كيف |
كفو والله زين تسوين فيها
انا لو تقول هالكلام قدامي اطيح فيها طق زين انتي تحملتي |
اقتباس:
أخخخ الدنيا علمتنا القساوة والرد مع أني ما أحب أكون كذه.. 90% من المواقف اللي تضايقني ما أرد بالكلام أكتفي بالنظر <<<<<< نظراتها معبرة مثل بابا لو عصب علي يطيل النظر وأنا أضييييع أو أضحكله كذه :d يا ناااس المهم.. حبيت أعقب :11: وأأكد نظرية أخونا الكبير. |
شوبارد
هنيئاً لك هذا القلب تحمليه بجد بجد أنتي متميزه أفرحني حضوري بصفحتك دمتي بحب وتفاؤل |
يمكن قرأت صحيفة الهدف
فيها كلام عن العلماء في العانس والاجر لمن يتزوج منها :25: |
يااااااااااحبيلك كفو ياقلبي
والله الناس ماعاد صارت تستحي ابد ومايبيلهم الا كذا بس للاسف مااعرف ويختفي لساني بمثل هالمواقف الله لايضرك ويرزقك باللي في خاطرك تطورراااااااااااااات والله |
:(
خيييير !! معقولة في أحد كذا يطقها في الوجه ؟!! وش فيهم الناس ؟ مايخافون من العقوبة ؟ مايعرفون يوزنون حكيهم قبل يتكلمون ؟ ماشاءالله عليك ياشوبارد أعتبره إنجاز إنك تحكمتي بأعصابك ورديتي برد بالصميم ومع كذا ذوووق وماقمتي تصرخين وتهاوشين وكذا ياربي أحس إني لو بمكانك من الصدمة ماأدري وش بسوي بس أتوقع كالعادة بسكت وأغيّر الموضوع بأي طريقة والله يعيني على ذيك الليلة لما أرجع لغرفتي :( بس ياربي مايصير لي كذا ولا لأحد يارب الحساسية الزايدة ماتنفع لهذي الأيام أبدا ً والمشكلة ماتقدرين تتخلصين منها بسهولة الله يوفقك ياشوبارد ويرفع من حظك ويستجيب دعائنا ويرزقنا عاجلا ً غير آجل |
لا يضر البحرامسى زاخرا ان رمى فيه غلام بحجر
ولو كل كلب عوى القمته حجرا لاصبح الصخر مثقال بدينار يارب ارزق (شوبارد) زوجا صالحا واحرصها من كل مكروه |
مدري يا شوبارد انا منعزله تماما عن الناس واحس مابعرف اتصرف وقتها
وتعرفين لاني طولت ما تزوجت صرت ماحب احتك بناس وبسبب تعامل اهلي وتنفرينهم من الناس صرت افضل الوحده والله تصدقين معرف ايش ارد عليك اقولك صح عليك او غلط دايم اقول لاختي ترى ماعندي مواضيع وفعلا كلامنا كله عن المشاكل ماتلقينا زي كلام البنات سواليف وعن البس او عن كل شي لان ما نحس بعمرنا ومحرموين اصلا ان نحس فيه اثقف نفسي انس اقراء واطلع على النت واقراء جرايد بس والله ماعندي مواضيع او حكي حتى اسفه خرجت عن موضوعك بس كنت حابه افضفض فيه لان احس ان قلبك كبير |
والله هذي ما تخاف الله
تقول عنك كذا و تبي تجرحك لعلها بالجرح اللي ما يبرى ولو بعد عشرين سنة يا رب اخت شوبادر كلام الناس لا يأثر عليك بإذن الله الواحد الأحد يجي يوم ما اشوفك تكتبين في هالقسم ان شاء الله اشوفك تكتبين في قسم المقبلين على الزواج و في قسم تجهيز العروس بصراحة ما شاء الله عليك ردك جاء على طول الله يوفقك يا رب و يبعد عنك كل شر و دمتي بخير |
حسبي الله عليها :29:
انا ابي اعرف وش دخلهم فينا يكدون علينا والا شئ :11: تعجبيني ياشوبارد :22: ياليتني مثلك انا لو احد يلمح لي على طول يتغير وجهي وتخنقني العبره اتذكر مره في زواج وحده قريبه لي في العطله وهي بنفس عمري وسبحان الله العطله هذي كل اللي بسني والي اصغر تزوجوا دفعه وحده المهم وانا توني جايه ومشخصه :25: سلمت على وحده عجوز قالت مابقى الا انتي اخلصي يالله تزوجي وش تنتظرين يعني عشانك وحيدة اهلك تتدلعين وتتشرطين الحين البنات مايحصلون شباب وانتي جالسه تتشرطين انا ابي اعرف بس على اي اساس حكمت اني اتشرط وربي من بعدها وانا وجهي متغير في الزواج حتى ماتحركت من مكاني :( |
ايووه شوشو خليك أذن من طين وأذن من عجين
ماسمعتي بالمثل دووا العدوو كمده << عجووز وحاولي ماتكثرين جلسه معهاا وبينك وبينها عامليها بالحسسنى يمكن تحس بغلطهااا وتتحسسف (ادفع بالتي هي أحسن فإذا الذي بينك وبينه عداوة كأنه ولي حميم ومايلقاها الا الذين صبروا ومايلقاها الا ذو حظ عظيم ) الله يعيننا على الأشكال ذي ولو إني ماصادفت بحيااتي كلاام مثل كذاا كلامها الله يهديها جار ح جداا لكن ماعليك منها كل اذى يصيب المؤمن او هم تكفيرا لسيئااته جعل راسك دووم مرفووع ويرزقك بابن الحلال اللي يعزك ويصونك |
براااااااااااااااااااااافوو عليكي والله انك شاطره هيك الرد يا بلااااااا مو زي زي الهبله:23: امبارح في نص العزومه واحنا عالفطار واحد يتقولي ...ولك انتي لسه ما اتزرجتي ؟؟؟؟ ليييش يا حرام ؟؟ والله انك حلوه ليش ما تزوجتي للحين؟؟ سمت بدني الله يسم بدنها قبل ما افطر في نص البنات اتبلبشت وما عرفت ارد ...حسبي الله ونعم الوكيل |
آآآآآآآآآآآآآه من الناس ذولي
يدورون السيئات لهم الأجر كله ما يبونه ياناس ياعالم كفايه نسمع كلمه عانس انا اذكر العانس فوق 40 سنه اختي لا يضيق صدرك ولا شي رزقك توه ما جاك عشان ابث روح التفائل لكم خواتي الي متأخر زواجهم بنت تجاوزت 30 سنه جميله مثقفه يعني ما ينقصها شي ما تزوجت إلا بعد الثلاثين الله يرزق جيمع خواتي بالزوج الصالح و إن شاء الله قبل إنتهاء السنه هذي 1427 إلا وكل وحده في بيت زوجها |
اعذروها
آمين ولك بالمثل يعلم الله اني ادعي لك معي دايم حسابات الزمن جزاك الله خير عالدعاءو ربي يفرجها علينا بإذنه عروس بالاسم ويرزقك ياحي ياقيوم حبي نادراي اعجبك :22: كنوف صادقة والله ودي اطقها ابرد خاطري هههههههههه مس هاوي هلا فيك مرة ثانية وانا مع رأيك انت واخونا الفاضل الكبير لكن احيانا تجي مواقف ماتخليك تتحملين t3b2006 تسلمين الله يسعد قلبك ساري شاكرة مرورك remany الحمدالله وجتني القوة ورديت عليها ولا كان تشوفيني الحين بموت من القهر غالية الوحدة اذا كانت شايله بقلبها من الحقد تجرح ماعندها مشكلة وهذي نفس الطريقة والحمدالله ربي سهل علي |
zhran77
جزاك الله خير الجزاء شاكرة تشجيعيك أم مزنة تدرين عاد كل ماشفت اسمك اقول نفسي تنزل موضوع تتكلم عن نفسها يمكن ترتاح كلنا نمر بنفس الضائقة يام مزنة اللهم الاختلاف بالظروف فقط صح..؟ يعني كلنا بمركب واحد وهذا امر الله ومالنا الا نرضى بقدره ونصبر وندعي عسى الله يقدرنا ونصبر اكثر واكثر الله يفرجها عليك عاجلا غير اجل انتهت حياتي اميييييييييين يارب عاجلا غير اجل والله يفرج عليك اخوي ريناد مالومك يوم ضاق صدرك حسبي الله على هالأشكال.. المشكلة اني احاول قدر الإمكان ماحارش احد ولاحرج احد والله حتى لو وحدة تمر من قدامي وتطيح طيحة شينة الكل يضحك على طيحتها وانا اسمي عليها ولااضحك لأنه موقف محرج ومع ذلك كثي يحرجوني!! الشكوى لله غلا القلب اول مرة اسمع به هذا المثل.. دامي رديت عليها عاااادي بعاملها معاملة حلوة.. لكن لو كتمت تلاقيني ماقدر حتى اسلم عليها جزاك الله خير والله يفرجها علينا جميعا نسمات الوجدان سمت بدني هههههههههههههههههه ان شاءالله ربي يفرجها عليك ابو رواء امين جزاك الله خير اخوي |
ههههههههههههههههههههههه
والله حركتك حلوه يا شوبارد علبالها بتقهرك يالله يارب اتعلم انا بعد واسكت اللي يتكلمون علي عشان ما يقربون مننا .. كفايه اللي فينا |
شوبارد!!!! ماشاء الله لا قوة إلا بالله عليك
ردودك عليها في الصميم..وقوتك رائعه..بصراحه الوحده إذا صارت بموقف مثل هذا تتلخبط وماعاد يطلع أي كلام..أنا أحيانا من الصدمة ما عاد أفكر ولما أرجع البيت أو ينتهي الموقف أقعد أقول"يالله ليه ماقلت كذا..ياربي ليه مارديت بكذا"..تطلع بعدين الإجابات المفحمة بس بعد فوات الأوان..حاليا بدأت أتدرب مثلك وعلى الله أصير بمستواك وأنافسك بعد.. ولاتهمك وحده سخيفة وسطحية مثلها..صحيح كلامها يقهر لكن طبيعي ماطلع الكلام إلا من قهر وغيرة وصغارة عقل..موفقة يالغالية |
| الساعة الآن 05:36 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©