|
زوجي......... والحمل؟
السلام عليكم ورحمة الله وبركاته
اخواتي.....أنا بصراحه عندي مشكله وبغيت استشيركم فيها ياليت تشيرون علي والله اني ماادري وش اسوي..... انا متزوجه من خمس سنين...ومعي طفلين واحد عمره اربع سنين وبنوته عمرها ثلاث سنين وزوجي ذابحني يقولي احملييييييييييييييي....ابغى واحد ثالث طول الليل والنهار يحن علي وانا اقول توهم صغار خل الولد يدخل المدرسه اقل شئ يقول اذا جا الثالث بتكون البنت اربع سنين يعني كبيره بنظره اخاف مااحمل يتزوج علي يقول قلت لها ابي زيادة عيال وما حملت بعدين ماأحد تعبان عليهم غيري انا اللي بسهر واتعب والله أهو مايقصر بعد بس مهوب زيي وخصوصا ان ابوه شايش بعد كل مايشوفني يقولي احملي قولولي الله يخليكم وش اسوي تكفون ساعدوني الله يعافيكم يارب...... عفوا :يرجى الابتعاد عن اللهجات المحلية قدر الامكان ..ولكم جزيل الشكر |
الله يحفظهم لك ويحفظك لهم وانصحية بالصبر وعدم الاستعجال والتركيز على تربية هالولدين التربية الصالحة
لفظ الجلالة الله : يكتب بالهاء وليس بالتاء ... شكرا |
الله يعينك اختي الصراحة انا عندي طفلة عمرها سنتين ومرة تعبتني من يوم ماجات على قولتك السهر والتعب والتربية خصوصا دايم تمرض علي وتوي حللت امس قالو حامل ان شاء الله اجيب ولد واطووووووووووووووووول عليهم عشان نقدر نربيهم مو على بعض تربين مين وتشيلين مين؟؟؟على العموم اقنعية انك تقعدين2سنة زايدة بعدين تحملين اعرف الرجال مايدرون انحن نتعب هم مايقصرون بس الحرمة مسؤليتها كبيرة كنس وغسيل ملابس واطفال ومطبخ وضيووووووووووووووووووووووووووووووووووووووووووووووو ف
كل شي باجرة الله يحفظ والدينا اش كثر تعبو ايام زمان |
من رايي تطيعين زوجك وتتوكلين على الله في أمر تربيتهم
خصوصاً إذا كنتِ مستعده للحمل من الناحية الصحية باين أبو العيال يحب الأطفال فلا تحرمينه وتقدرين توافقين موافقه مشروطه تقولين بجيب ثالث بشرط ما تكلمني بالحمل مره ثانيه لمدة أربع سنوات مثلا لأني واثقه إذا جبتي الثالث يبي الرابع والخامس والسادس الله يكثرهم ويصلحهم ويحفظهم ويسعدكم وياهم |
الله يعينك نفس مشكلتي بس انا الحمد لله من ربي ماستعمل موانع لانه هو مايجيب لي بس ربي رحمني
عاد انتي حاولي انك تشركيه في هم العيال وقوليله شفت اذا جا ثالث ايش بيصير خلهم يكبروا شوي ومن هالكلام الحلو وكل شي بالسياسه يجي وبالتوفيق |
أولاً .. الله يخلي لك طفلك وبنوتتك ويهنئــك فيهم ويعينك على تربيتهم ..
بالنسبة للحمل ( حسب رائي) انك تسمعي كلام زوجك وتتوقفي عن أي مانع للحمل وعلى بال ما يحصل الحمل ويجي المولود الجديد يكون عمر بنتك 4 سنوات (( هذا إذا حصل حمل مباشرة) مع انه مو شرط بعد التوقف عن الموانع يحصل حمل يمكن تتأخري فترة (( الله أعلم)) ولما يكون الفاصل الزمني بين البنت والمولود الجديد 4 سنوات أعتقد انها فترة مناسبة وتكوني ارضيتي زوجك وحققتي رغبته وإستمتعتي بالنونو الجديد ... ((( هذا طبعاً إذا كانت حالتك الصحية تساعدك على الحمل))..... وجهة نظر ... مع تمنياتي لكِ وللجميع بالسعادة ... |
الله يحفظهم لك ويحفظك لهم ويساعدك على تربيتهم التربية الصالحة
وجربي معاه اسلوب الاقناع والصبر |
الأفضل ان تلبي طلب زوجك ولا تحرمية من ذلك
وإلا سوف يقوم بتصرفات تكون سلبية عليك . |
انا اقول طيعي زوجك والله يوفقكم
ــــــــــــــــــــــــــــــــــــــــــــ (ربي لا تذرني فردا وانت خير الوارثين) |
يا اختي والله العيال زينه الحياه الدنيا
بعدين هو صادق عيالك ما شاء الله تبارك الله كبار خلاص أقولك نصيحه تجيبي له نونو يفرح قلبه احسن من انك تجلسين تتهاوشين معه والله الأطفال حلوين وعسل يحلون البيت |
توكلي على الله أختي واطيعي زوجك وحطي في بالك إنك راح تجيبينه طاعه لزوجك والله راح ييسير أمرك إن شاءالله لأن طاعه الزوج واجبه وراح تؤجرين عليها الله يوفقك ويسهل أمرك
|
اسمعي كلام زوجك لأن دا حقه واحمدي ربنا أنك ممكن تحملي ثالث ورابع مرة
وتربية ولدين ذي ثلاثه وأربعة قولي الحمد لله غيرك محروم من هذه النعمة |
الله يخليكم لي قسما بالله ريحتوني بردودكم أحسها زي الثلج على قلبي
والله كان ضاااااااااااايق صدري وبس أفكر ماأدري من أشاور أمي تقول أحملي أحملي أحملي سنافي بس حافي...المسلمه 2006...عبير الرياض.....MYrab.....سارنتي.....أبو سلطان....البرنس الشرقي ... انتفاضة قلب...ريم 2006 الله يرضى عنكم جميعا ويحقق لكم اللي في بالكم ويخلي لكم اللي عطاكم واللي ماعنده الله يعطيه يارب واللي ماتزوج ربي يزوجه والله ريحتووووووووووووووووووووني احسكم اكثر من اخواني واخواتي وانا والله شكلي بحمل بعد ماأتفق معه أني أطول بعد الثالث بعدين انا ماأدري انا أحمل بعد المانع على طول ولا لا وشكرا شكرا شكرا لكم جميعا.... |
رسيل الأموره..... سالم محمد سالم
جزاكم الله ألف خير |
نسيت أقول لكم
يقول ماأبغى فارق السن بين عيالي كبير خلي اعمارهم متقاربه علشان يتفاهمون مع بعض وهم صغار وبعد إذا كبروا أنشاء الله على خير بصراحه هذي الكلمه اهي اللي شجعتني اني ممكن افكر بالحمل.. |
حاولي انج تقنعين زوجك ان الاطفال بعدهم صغار والله حاسه فيج تعب اليهال تعب ما مثله تعب انه عندي بنت وولد ،،ولدي عمره 7 وبنتي عمرها سنتين لكن مرويني نجوم الظهر وقلت حق زوجي وتفاهمت معاه ان الحمدلله الله رزقنا ببنت وولد وانه مابي اييب عيال بعد لحد الان هو مقتنع لكن بعدين الله يعلم
|
اقتباس:
---------------- تطالبين الناس بالابتعاد عن اللهجات العاميه وانتي عاميه 100% ومن الكلمات ( تشيرون ) (زيي) ( ابوه شايش ) ماعليش على التدقيق انا فاهمك بس فيه غيري مايعرف ذا الكلمات ماعلينا من وجهت نظري انا اقول جيبي له بدال الثنين سبعه وهذا ما امرنا به نبينا محمد صلى الله عليه وسلم أخرج أبو داود والنسائي والبيهقي وغيرهم عن معقل بن يسار مرفوعا، تزوجوا الولود الودود فإني مكاثر بكم الأمم يوم القيامة، ولأحمد وسعيد بن منصور والطبراني في الأوسط والبيهقي وآخرين عن أنس قال كان رسول الله صلى الله عليه وسلم يأمر بالباءة وينهي عن التبتل نهيا شديدا، ويقول تزوجوا الولود الودود فإني مكاثر بكم الأمم يوم القيامة. وصححه ابن حبان والحاكم، ولابن ماجه عن أبي هريرة رفعه: اِنكحوا فإني مكاثر بكم. |
زين شنو تقولين باللي عنده بنت عمرها سنه ونص والان زوجي طاير عقله ورا طفل ثاني ؟؟؟؟؟؟؟؟ والله اني تعبت واني احاول اقنعه ان البنت صغيره ولازم افطمها الاول ...........ما ينفع خلاص الشهر هذا بوكف المانع لاني تعبت وانا اشرح واقنع فيه يا اختي توكلي على الله وطيعي زوجك وانا من نظري انه بنتك عمرها مناسب .....وان شاء الله يرزقك الذريه الصالحه |
اخوي اسم مستخدم لست انا من كتب يرجى الابتعاد عن اللهجات المحليه يمكن مشرف او مشرفه الله يجزاك خير
|
انا عندي ثلاثه اطفال
اربعه سنين وسنتين وسنه ورى بعض لكن الحمد لله مجننيني ومطلعين عيني لكن أهم شي رضى زوجك وبعدين اثنين زي ثلاثه كله تربية وبكى وسهر الله يعيننا ويحفظهم |
قال رسول الله صلى الله عليه وسلم (تناكحوا تناسلوا فأءني مكاثر بكالأمم يوم القيامة أو كما ورد عن النبي عليه الصلاة والسلام ليس من حقك منع الحمل إلا إذا قرر الطبيب إنك مصابة بمرض وجسمك لا يتحم
|
اقتباس:
هذة رسائل ادارية من المشرفين بتكتب تحت المشاركات بالون الاحمر عادة وانا من كتب هذة الجملة تحت الموضوع للتوجية :d |
غيرك يرجو الله رحمته واكرامه بالذريه الصالحه
احمد الله على كل حال لا يعاقبك ربي وقول الحمد لله والشكر لله كما ينبغى لجلال وجهه وعظيم سلطانه انا من رايي توافقين بس قوليله بشرط تجيب لي خدم يساعدوني في تربيتهم والبيت والله يعينك ويرزق غيرك.. |
مادمت بصحة جيدة
فلا تمانعى طلب زوجك حد يطووول يتدلع ... ويرفض |
يا اختي دامك صغيره جيبهم الحين و افتكي انا بنتي ما كملت 4 شهور و ابوها دوم يسئلني اذا تأخرت الدوره ها بشري حامل؟؟؟
|
أختي أرى أن تتبعي أسلوب الحجه وتحاولي إقناعه بأسلوبك عن سبب رفضك للموضوع وإن رفض الاقتناع فأرى أن تلبي له رغبته وبما أنكي تقولين أن هذا الأمر متعب وفيه إجهاد لكي اطلبي منه أن يحضر لكي خادمة حتى تتفرغي أنتي لشئون الأطفال وبإذن الله لن تجدي أي تعب يذكر
|
| الساعة الآن 11:13 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©