|
اخشى ان يرفضوني بسبب التدخين
السلام عليكم و رحمة الله و بركاته
وربي انا جبت العيد انخرب بيتي و انا اللي خربته تكفون المساعدة بسرعة قبل ما يروح كل شيء.... ابي اطلع بحل اليوم على آخر الليل البنت اللي تقدمت لها وقالوا لي نرد عليكم بعد اسبوع اخوها شافني و انا ادخن في السيارة عند الماركت انخرب بيتي البنت متدينة و اكيد اخوها بيقولوها اني ادخن و بترفضني و يطردوني مع الباب والله الدخان ما طحت فيه الا قبل كم شهر بعد الأزمة اللي مريت فيها بسبب البنت اللي كنت عقدت قراني عليها و تركوني قبل الزواج بتسعة ايام ايش الحل؟!!!!! ابي اطلع من السالفة كلها ايش اساوي لو اتصلوا على ابوي او امي و قالوا لهم قولوا لولدكم ما عندنا بنات للمدخنين؟؟؟ وربي مستعد اترك الدخان علشانها بس لا يرفضوني يكفي اللي صار من اللي قبلها ارجوووووووووكم اعطوني حل علشان اقنع ابوها و امها و اخوها |
ياترى البنت نفسها اللي شفتها في العزيمة ؟؟
الله يهديك بس .. رمضان وتدخن ؟؟ والله محتارة إيش أقول ؟؟ بس إن شاء الله تكون وقعت في قلبها المرة الماضية .. ومن الآن .. اترك الدخان .. ومن ترك شيئاً لله .. يعني انوي يكون لله مو بس من أجلها .. والدعاء .. والله كم ندمت على أني أثناء الخطبة أنشغل بها .. وأنسى أن أستغفر وأدعو !! والله يوفقك ،، أختك : حسابات الزمن |
اخي التدخين مو سبب قوي للرفض الاحتمال الاقوى ان يطلبون منك ترك التدخين
وانت بدورك لازم تتركه اذا طلبت وحتى لوماطلبت حفاظ على صحتك اترك التدخين ان شاءالله نبارك لك قريب بإذن الله اختك:الحائــــرة.................. |
تبي نصيحتي لو رفضوك بسبب التدخين
طبعا لازم تحط عند اهلك خبر عن السالفه كلها ثانيا تخلي اهلك يوصلون كلام لاهل البنت لو لو رفضوك يعني لانك مدخن بانك على اتم الاستعداد لترك التدخين من اجل الفتاه لانها صالحه ومتدينه وهذا مبتغاك الله يوفقك وييسر امورك اختك بالله جينز |
اخوي مابيدك الآن شئ...............!!!!!!!
لكن إذا صار شئ قولهم انا في طريقي لترك التدخين يعني حاول تفهمهم إنك بتتركه وصدقني إذا لك فيها نصيب بتاخذها بس خليها على الله........... وانت اترك التدخين مو عشانها لااااااااااااااااااااااا عشان لاترمي نفسك للتهلكه....... |
عزيزي انتهت حياتي(وياريتك تغير اسمك الله يخليك)
بصراحة موضوعك غريب جدا,(يمكن تقول اللي ايده في المويه مو زي اللي يده في النار) أولا انت انسان مؤمن فلو كانت مكتوبة لك فليست لغيرك وان لم تكن فقدر الله وماشاء فعل. ثانيا ما أفهمه من موضوعك أنك شخص صاحب تجربة وأنك تعلقت قبل ذلك بفتاة أخرى (بالعربي انت مانت ولد أمس) يعني من الصعب بل من المستحيل أن تتعلق بفتاة مجرد انك رأيتها , والله ان جات ماحنا كارهين ولو ماجات في مليون غيرها. ونصيحتي لك لا تلعب بك الأفكار يمنة ويسرة كن قويا ومستعدا لأي شيئ وتعوذ دائما من قهر الرجال فهو مهلك ( بعدين يأخي لا يوجد أسوأ من الذي تقول انك مررت به يعني المفروض انك الان محصن وعلى قول المثل الضربة اللي ماتموتك تقويك,وبطل الدخان عشان نفسك)اسف جدا على هذه القسوة ولكن في مثل هذه المواقف لا تنفع الا القسوة وتعلم دائما كيف تحب نفسك |
اتركه لوجه الله ومن ترك شئ لله عوضه الله خيرا منه
خفت تروح منك الزوجه وماخفت تروح منك الصحه |
* اخي في الله مثل ما انت حريص على زواجك من امرأه صالحه فثق تماما بأن الناس ايضا حريصين على بناتهم فلا تكون سبب في خسارتك هذه البنت بسبب دخان لا يفيد ولكن يضر.
* اخي في الله اذا ضاقت عندك الدنيا فلا تلتجأ الى الدخان او التعرف على بنات جدد او شرب الخمر ترا هذا ما نشوفه الا في الافلام ( الممثل حزييييين ومنسدح على كنب وجنبه كاس خمر وطفايه وماسك زقاره بايده ويلعب بولاعه شكلها حلو ). * عمرك شفت فلم حطوا لك واحد لما صار حزين على حبيبته راح يصلي قيام الليل علشان يفرج له ربي ( ما في امل ). * اخي اذا ضاقت بك الدنيا على طول حول امورك لله ابدأ بالصلاة والصدقه والصيام النافله والدعاء بإلحاح وانظر النتيجه. * اخوك المحب العابد لله |
|
ليس هناك ما تفعله الان معهم ، وبالنسبة لك انصحك ان تبدأ فورا بالتوقف عن التدخين.
واذا رفضوك واوضحوا لك سبب الرفض ، اخبرهم بأنك تركت التدخين . ( ان كنت فعلا قد فعلت ذلك ) ملاحظة : تم تعديل العنوان ليتناسب مع المحتوى |
أخوي الله يوفقك
اترك التدخين ورح لأخوها الي شافك وامسكه وتفاهم معه وقله اني خلاص تركته ومن ستر على مؤمن ستر الله عليه يوم القيامة ولو أني ما احترم اختك وابيها كان ما جيت وكلمتك وإذا كان علم أخته بالموضوع قله يعلمها أنك جيته وقلت له أسفك لموضوعك وترك للدخان وانه لو ما أنت تبيها وشاريها كان ما كلمت اخوها وتحياتي لك وبالتوفيق |
اخوي الحق نفسك واترك التدخين لله حتى الله يهل لك امورك ويوفقك دنيا واخره
في مراكز تعمل لك جلسات ابر وبعدها يصير التدخين ابغض شئ في الدنيا خالي عمل جلستين فقط وزميله 6 جلسات والحين لو يشوفون الدخان يستفرغون من كرههم له |
يا أخي أترك التدخين لله,
صراحة أنا أشوف معهم الحق, من حق الفتاة ترفض لأنك مدخن وهو سبب أكثرمن كاف. عذرا على قسوتي لكن الحق حق |
الله يشرح صدرك ويجعلك تترك التدخين..
لو رفضوك بسببه لاسمح الله .. قلهم انا مستعد اتركه وابغى احد يوقف جنبي مو يتركني وارجع له اكثر من اول <<< بكذا راح يحن قلب البنت . . وابغى بنتكم لانه ملتزمه وانا متأكد انها راح توقف جنبي .. الله يسخرلك الخير يارب |
اترك التدخين عشان نفسك مو عشان البنت
وانت ما تدري وين الخيره فيه يمكن الله كاتب لك الخيره في تركها |
تصدقون هم قالوا لأبوي نرد عليكم بعد اسبوع
يعني اكيد يتحروا عني و عن ملفي و الماضي اكيد التدخين بيعتبروه حاجة سيئة خلاص انا تركت التدخين الحمد لله تركته للأبد ولا بارك الله في التدخين اذا كان سبب في خسارتي لإنسانة غالية بقلبي ........................ حسابات الزمن ايوه هي نفسها اللي شفتها بالعزيمة بالخطأ و خطبتها وانتي عارفة القصة كلها والله انا خجلان من نفسي لأني ادخن بالشهر الكريم خلاص عزمت اتركه الله يعطيك العافية على النصيحة و المساعدة والله ما قصرتي عسى الله ان يحقق كل امانيك يا رب و دمتي بخير الحائــــرة طيب العائلة كلها ملتزمين حتى اخوها اللي شافني عند الماركت وربي ابنجن اخاف ما يوافقون خلال هالأسبوع و احتمال انهم يطالبوني بتركه هذا اللي اتمناه اليوم قبل بكره و ان شاء الله خير و اشكرك جزيل الشكر على المساعدة و تنويرك الصفحة والله يسعدك يا رب jeans قلت لأبوي و أمي عن الخبر قالوا لي ما بيدنا حاجة لكن اذا تبي نعطيهم خبر انك مستعد تتركه بنقولهم لكن ابوي قالي لا تسبق الأحداث ممكن ما يقولوا حاجة واحد من اصحابي اعطاني فكرة: قالي اعزم اخوها عندنا بالبيت و اقوله كل حاجة و ان شاء الله يقدر الوضع و يتغاضوا عن اللي صار الله يوفقك يا اختي و دائماً انتي محبة للخير الله يسعدك و دمتي بخير ..@عطرالليل@.. صحتي مهمة و البنت كمان عندي مهمة ما انام....كل يوم افكر فيها خخخخخخخخخ يا راسي يا رب تكون من نصيبي يا رب ان شاء الله الدخان ابتركه اجل بكره ان شاء الله ابروح للدكتور و يساوي لي جلسات عنده علشان اترك التدخين جزاك الله خير يا اختي و دمتي بخير Sllam القسوة؟! مستحيييييييييييييييييل اهلي ما علموني اجعل قلبي قاسي انت تتحدث عن قسوة القلب او تقصد بالقسوة هي عدم التأثر بالنتيجة؟؟؟ لكن بصراحة لو رفضوني.....خلاص راح تكون آخر مره اخطب وافكر فيها بالزواج....على طول ابترك البلد احسن من لما ادفن فيها ودمت بخير لمووووبس والله آخر ما افكر فيه هو صحتي مو مهتم من بعد كل اللي صار لكن الله يعوضني خير يا رب واملي بالله كبير ودمت بخير العابد لله يا اخي في الله الحمد لله ما اعرف الخمر ولا اعرف البنات امي و ابوي ما علموني على التعرف على بنات الناس عندي اخوات اخاف عليهم وكما تدين تدان هو الدخان بس اللي طحت فيه خلاص من اليوم ورايح الدخان ما اعرفه ودمت بخير محب الغزلان يا اخي محب الغزلان ما اغشهم ولا حاجة وربي الدخان مالي كم شهر طايح فيه يعني الى الآن جسمي ما تشبع بالدخان ان شاء الله البنت تتفهم وضعي و تقدر ظروفي و توافق و تساعدني على تركه ودمت بخير البتول اشكرك اختي البتول على تغيير العنوان....السموحة كنت منفعل جداً و مرتبك لدرجة كتبت عنوان غريب بالنسبة لتركه ابتركه لكن خايف من حاجة خايف من الأعراض الإنسحابية اسمع عنها ولا اعرف ايش هيا؟؟!! والله يسعدك و دمتي بخير Smarts Way خلاص قررت اعزم اخوها عندنا بالبيت:) وافهمه كل حاجة و جزاك الله خير ودمتي بخير abu_faisal1 الجلسات هذي لترك التدخين فين اللاقيها؟؟ الرجاء الإفادة ودمت بخير llp00na والله ابتركه والله بيساعدني يا رب بس دعواتك لي الله يتمم لي على خير وربي متفائل بالمره ودمتي بخير العام يا رب الله يسمع منك ان شاء الله يحن قلبها و توافق و تساعدني على ترك التدخين ودمتي بخير !ام خالد! مستحيل اترك البنت ولو ابيع الدنيا وما فيها الله يوفقك ودمتي بخير |
اقتباس:
الاعراض لو تضايقت منها في البداية اثبت ولا تضعف امام سيجارة حقيرة ، الاسبوع الثاني سيكون اخف من الاول والثالث اخف من الثاني وهكذا . وانصحك في فترة ترك التدخين ان لا تختلط بمدخنين لكي لا تشم الروائح وتضعف وتعود الى نفس الكرّة. |
ان شاء الله خير ..... وإذا كانت من نصيبك يتأخذها بتأخذها
والدخان كانت أزمه وانتهت وبإذن واحد أحد بتكون من نصيبك....... اللهم امين |
الأخوان نصحوك ..و مريت عشان ادعيلك ...أسأل الله أن تكون من نصيبك و أن يهديك و لا يجعلك تضعف أمام التدخين
و أخي اذا استطعت كحل بديل استخدام علكة للنيكوتين ..تدريجيا حتى تتخلص من سموم التدخين في الدم (طبعا ان كنت تدخن بشراهة حتى لو كانت المدة قصيرة ) و تدريجيا ستتخلص من العلكة وفقك الله |
اولا من ترك شئ لله عوضه الله خيرا منه وبعدين اترك التدخين والله إنه ماينفع بالعكس راح يضرك انت ماتسمع عن اضراره وإذا رفضتك البنت قل انك راح تتركه وخلك صادق في ذلك ولاتحزن وتضيق صدرك إذا ردوك يمكن فيه خيره لك والله يقدملك ويكتبلك اللي فيه خير لك ويرزقك الزوجه الصالحه اللي تسعدك
|
البتول'
افهم من كلامك انه الاعراض الإنسحابية بتكون خفيفة لأني مدخن من مدة قصيرة الله يجزاك خير على رفع معنوياتي الله يوفقك ودمتي بخير moonoflove211 يا رب الله يسمع منك وربي فرحان لأني ابخطبها والله يتمم لي على خير يا رب و دمتي بخير devoted علكة نيكوتين؟! غريبة سمعت فيها من مدة لكن مو عارف ايش هيا!!! ابسأل عنها جزاك الله خير و اشكرك على المرور الرائع ودمتي بخير نجدفارس اشكرك اخي على النصيحة بارك الله فيك ودمت بخير |
ممكن احد يقولي و يفيدني في نقطة مهمة جداً و هي علكة النيكوتين فين اللاقيها؟؟
فين اجد هالعلكة اللي تحدثت عنها اختي وقالت انها تساعد على الإقلاع عن التدخين؟؟؟ ودمتم بخير |
أخوي مدري اذا هذي العلكه تساعد ولا لا
بس اللي اعرفه انها عندنا (السعودية) في محلات ميد بس أخوي اول شيء انت توك جديد على التدخين والرياضة هي افضل حاجه تفيدك في خروج هذا السم من جسمك بسرعة يعني على الاقل تمشي من نصف ساعة الى ساعة يوميا والله يوفقك يارب |
اقتباس:
أخي اسأل مجرب ولا تسأل طبيب العلكة هذي جربتها وما منها أي فايدة لأنك راح تدمن على العلكة وبعدين ترج للتدخين مره أخرى لأن طعمها حار جداً لدرجة أنه يسبب التهابات باللسان إذا كنت في الرياض أو في السعودية اتصل على ( 905 ) الاستعلامات واطلب رقم عيادات مكافحة التدخين واتصل عليهم وخذ الموقع منهم وهي منتشرة بكثرة بالرياض وذلك بمبلغ رمزي تقريباً 100 ريال للجلسة وهي عبارة عن جلسات رنين مغناطيسي وإن شاء الله أنها راح تنفعك كثير إذا كانت العزيمه موجودة وراح تجيك العزيمة لأنه راح يطلعونك على الرئتين ووضعهم الآن وبعد ترك للتدخين وتحياتي لك بوالتوفيق |
ها يااخ ايش الاخبار ؟؟ << قلقت
|
أسأل الله تعالى أن يجعلك تترك التدخين وأن يزوجك بمن تقر عينك بها آمين
وصلى الله وسلم على نبينا محمد وعلى آله وصحبه أجمعين |
اخــي الكــريــم ... ما بتكــلم عن التدخــيــن ... اعتقــد الاخوان وفوا وكفــوا بس إش سالفة رومانسيتك هذي .... اسمح لي ... ولا تزعل ... والله انكم بمثابة اخوان حقيقيين لي واحب لكم الخير مثل ما احبه لأخواني من امي وابوي والكلام اللي بقوله .. ادري انه بيزعلك ويمكن يكون قاسي ... ولكن لا بد منه .. اتذكر لما قريت موضوعك اللي اول مرة كتبته عن خطبتك السابقة قلت سبحان الله شكله الرجال وحيد امه وابوه !!!! ولما شفت نفسيتك تعدلت .. قلت ايه الحمدلله ... ان شاء الله على طول .. ولما قريت موضوع البنت في العزيمــة ..... قلت احلف انه وحيد امه وابوه !!!! بس قلت شئ طيب انك خلوق ومؤدب وكان قصدك كله خير ... لما قريت موضوعك هذي ... خطر على بالي سؤال : هل انت وحيد امك وابوك او يمكن الوحيد في الاولاد او البكر او على الاقل اخر العنقود ؟؟ اللي ابي اقوله ... انك لازم تدرك ان الانسان مو كل شئ في الدنيا يحصله ... ولازم يتحمل المواقف الصعبة اللي بتمر فيه ويكون قد المسئولية ... صح ولأ لا مو كل موقف يمر فيك ... تنتهي حياتك >>> خاطري اعرف كم عندك حياة ..ليكون بسبعة ارواح :25: اذا صار ورفضتك البنت .. عاود المحاولة ..لكن ان تم الرفض النهائي فلا تستلم وتأكد مثل ما عدت السالفة الاولى بتعدي هالسالفة .. ونصيحة لا تعزم اخوها ولا شئ ... يمكن ما حط في باله واذا عزمته وكلمته في الموضوع ... تقوم السالفة تكبر وهي صغيرة وانا اعرف الكثير من الملتزمات يقبلن بالمدخن على شرط ان يترك التدخين فيما بعد ... واسفة اذا كلامي يزعل,,,, موفق ان شاء الله . . . اسماء |
اخوى ماحصل حصل وخلاص 0
اذا تركت التدخين يجب ان يكون عن قناعة 0 وليس من اجل فتاة الفتيات كثييرين ولكن ارى انة يجب ان تكون صادق مع نفسك يجب ان تعرف ان التدخين حرام 0 لذا ترك هذة العادة تكون ابتغاء مرضاة اللــه واللـه ولى التوفيق |
Smarts Way
افهم من كلامك انه ما تنفع بصراحة احس انه لياقتي راحت لدرجة اتعب بسرعة مو مثل اول حتى لما اسبح بالنادي ما اقدر ابقى تحت المويا اكثر من 25 ثانية واول كنت اوصل الى 50 ثانية بصراحة ابغى الحق على نفسي قبل ما يصير النيكوتين كله بجسمي ايش الحل البديل اذا علكة النيكوتين ما تساعد؟؟؟؟ والله يوفقك و جزاك الله خير ودمت بخير العام لا جديد....من بعد ما شافني اخوها و انا ادخن لا احد اتصل من اهلها ولا شيء ensaaan اللهم آآآآآآآآآآمين جزاك الله خير ودمت بخير (اسماء) رومانسية ايش اللي تتكلمي عنها؟!!!!!! والله ما فهمت قصدك يا اختي....وضحي لي وانا ابجاوب لا يا اختي انا مو وحيد امي و ابوي عندي اخوات اصغر مني و عندي اخو اكبر مني بسنتين وحتى لو كنت وحيد امي و ابوي ايش تقصدي بكلامك لأنه والله بدأت الشكوك تدور في راسي اذا قصدك من كلامك هو اللي ببالي!!! لا يا اختي مستحيل ازعل على احد جزاك الله خير ودمتي بخير mrbug2003 يا اخي ردك تم التعديل عليه لذلك لا اتسطيع انا ان ارد عليك بشيء ودمت بخير |
أخي انتهت حياتي
أرجو الرجوع إلى ردي السابق لكي تجد ماذا تفعل تحياتي |
يااخي اتمنى اني افيدك
هذا مركز اسمه(المركز السعودي الصيني)للعلاج بالابر الصينيه موجود الفرع في الرياض فيه قسم خاص للاقلاع عن التدخين اتصل 905واطلب الرقم موفق ان شاء الله ان شاءالله نبارك لك قريب |
الاراده والعزيمه القويه هي السبب الاول والاخير للاقلاع عن التدخين
انا مدخن لفتره تزيد عن 10 سنوات والحمد لله الان مقلع عن التدخين ولي اكثر من سنتين والحمد لله ولم اجرب اي علاج او ادويه ولم اقم بزياره اي عياده ولكن ارادتي القويه والعزم على تركه هي التي اخذت بي لتركه مع العلم باني اجالس المدخنين ولكن لايوجد والحمد لله لدي اي رغبه لحد الان بالعوده اليه فما بالك اخي وانت جديد في عالم التدخين القصد من كلامي بالعاميه ( اذا ودك تتركه تقدر ) اعقد النيه الصادقه وتوكل على الله |
أخي انتهت حياتي
هذا برنامج للاقلاع عن التدخين برنامج الأيام الخمسة للإقلاع عن التدخين يشرف على تنفيذ هذه الطريقة في مصر الدكتور / حسين أمين شحاتة رئيس جمعية محاربة التدخين في القاهرة الذي تمكن من مساعدة أكثر من 5120 حتى الآن ولله الحمد اليــــــــــــــــوم الأول: * يردد المدخن لنفسه وبرغبة قوية أنه لن يدخن على الإطلاق ثم يبدأ يومه بشرب كوبين من الماء بعدها يتنفس تنفساً عميقاً وفي كل مرة يعد من 1 إلى 5 ثم ينحني انحناء الركوع في الصلاة ويخرج النفس من الفم ثم يسعل 3 مرات مع رفع الحجاب الحاجز في كل مرة مما يؤدي إلى رفع كفاءة الرئة الحصول على دش فاتر أو ماء بارد في الصباح الباكر لمدة ثلاث دقائق مع تدليك الجهة اليسرى من الصدروالذراع الأيسر بفوطة مبللة بالماء حتى يحمر الجلد وذلك لتنقية الدم من النيكوتين بعد ذلك يمارس رياضة المشي لمسافة 500 متر المواظبة على شرب الماء بحيث لا يقل عن لترين مع تناول عصير البرتقال والليمون بعد الظهر يحصل على دش مرة أخرى مع التدليك قبل النوم يقوم يومياً بشرب كوبين من الماء بعدها يتنفس تنفساً عميقاً وفي كل مرة يعد من 1 إلى 5 ثم ينحني انحناء الركوع في الصلاة ويخرج النفس من الفم ثم يسعل 3 مرات مع رفع الحجاب الحاجز في كل مرة ويحصل على دش للمرة الثالثة مع نفس التدليك اليوم الـــــــــــــــــــثاني: يكرر ما سبق مع تغيير منطقة التدليك إلى منطقة الصدر الأيمن والذراع الأيمن مع الدعاء إلى الله بنية صادقة أن يساعده على الإقلاع عن التدخين اليوم الثــــــــــــالث: تكرار ما سبق مع تدليك منطقة البطن والظهر مع الدعاء إلى الله تعالى. اليوم الــــــــــــــــرابع: تكرار ما سبق مع تدليك الساق اليسرى فقط . اليوم الخـــــــــــــــــــامس: تكرار ما سبق مع تدليك الساق اليمنى فقط. ـــــــــــــــــــــــــــــــــــــــــــــ ـــــ ـــــــــــــــــــــــــــــــــــــــــــــ ـــــ ــــــــــــــــــ بعض أعراض الإقلاع عن التدخين وطرق التكيف معها: الأعراض طرق التكيف اللهفة والشوق إلى التدخين قم بعمل يشغلك عنه خذ نفساً عميقاً وبطيئاً التوتر والقلق خذ نفساً عميقاً وابتعد عن المنبهات من شاي وقهوة استعن بالله ثم بالصلاة والتسبيح والاستغفار وقراءة القرآن عدم القدرة على النوم لا تنم في وقت الظهيرة ( القيلولة ) استمع إلى القرآن عدم القدرة علىالتركيز قم بالمشي خذ راحة مما تعمل ثم عد إليه مرة أخرى دوخة أو دوران قم بالاستلقاء والاسترخاء وتأكد من أنها ستمر بسلام صداع خذ قسطاً من الراحة وتناول دواء للصداع سعال أكثر من شرب الماء ضيق تنفس سيمر بسرعة بإذن الله مع أصدق الدعاء لكل مدخن ان يشفيه ربنا عز وجل وأن يقوي عزيمته ويبغضه في هذه العادة القبيحة منـــــــــــــــــقول ودمتم في رعاية الله وحفظه سالمين غانمين بصحة وعافية آمـــــــــــــــــــــــــين |
اقتباس:
لا يروح بالك بعيد .... يا اخوي قصدي ... اني الاحظ من كتاباتك انك دايما تنهار بسرعة وحساس جدا وهذا الشئ سلبي .... وما في شئ بهالدنيا يستاهل ... وموفق ان شاء الله . . . اسماء |
اقتباس:
علشان كذا انا مو عارف ايش اساوي؟!! |
8
8 8 طيب اي منطقة عشان نحاول نساعدك وبعدين اخوي انا قلت لك الرياضة الرياضة صدقيني هي اكثر شيء ممكن يفيدك ويطرد السموم من جسمك وانت براحتك وانا اخوك |
أخي الكريم ..
كان أخي مدخن .. لسنواااات وقد عانت أمي حتى يتركها .. ولم تستطع ولما هداه رب العالمين حاول أن يتركها أيضاً .. فلم يستطع ثم نوى الذهاب للعمرة .. وشرب من زمزم ودعا الله ألا يخرج من الحرم إلا وقد استلّ الله حبها من قلبه .. والله من ذلك اليوم( أكثر من 10 سنوات ) إلى اليوم .. لا يطيقها !! اصدق الله فقط ! الله يوفقك ويبغضه إليك ويرزقك بالزوجة التي ترغبها عاجلاً غير آآآجل .. آمين |
| الساعة الآن 09:21 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
