|
أنظرو ماحصل لي لكي تهون عليكم مصائبكم
أكتب هذه الاسطر وأسأل الله العلي القدير ان يفرج عني وعن جميع المسلمين
والمسلمات مصائبهم وهمومهم وأحزانهم انا فتاه ابلغ من العمر 22عام الحمد الله الله رزقني بجمال وحب الناس لي والحمدلله تقدم لي الكثير الكثير من الرجال ولكن جاء نصيبي مع رجل وحصلة ملكه في شهر ثمانيه وكنت اصبر على الكثير من الكلام الجارح منه وعمري ماشكيته لا لأهلي ولا لأهله وتخيلو يا أخواني وأخواتي كان من ضمن كلامه الجارح أنا أهلي غصبوني عزواج ويوم شافني أنقهرت وكنت بتخذ موقف قام قالي بس بعد ماعرفتك تمنيت اني ملكت من زمان.....وجاء مره واتصل علي بمنتصف الليل يرفع صوته ويهزا ويتهمني بأتهامات وقضيت ذيك الليله دمووووووع والم وحزن وقررت انهي حياتي معه وكلمته اليوم الثاني قلتله الله اللي جمعنا والله اللي قادريفرقنا قام تأثر وحاول انه يعدل السالفه وأنا إنسانه عاطفيه قمت وحاولت ترجع الامور مثل اول وكنت اقله إنشاء الله يافلان نربي اولادنا على الدين والاستقامه كان يقول لا والله لخليهم بشوارع وما خفيا أعظم آآآآآآآآآآآه كم عانيت وصبرت ويوم جاء شهر أربعه مابقي عن الزواج الاشهرين يعني بيكون بشهر سته الجاي وجهزت ووزعت بطاقات الدعوه لصاحباتي وكنت امتحن قام شكاني على أخته وأهله وأنا مادري ويقول تعصاني وغيييييييييره من الكلام يقول لابوه احس فيه احد ضارني قام يألف اعذار ...... طبعآ أنا كنت بأمتحاناتي قصرت وكانت دمعتي على خدي وراح أعيد السنه كله بسببه وقررت أني أنهي حياتي معه وكل من سمع قالوا يا الله والله أنه حظها زين والله ربي يحبها أخواني وأخواتي كلهم والله فرحوا والله يا أخواني ويا أخواتي أني كنت ادعي بسجودي........يااااااااااااااااااااااااارب اذا كان اجتماعي فيه خير يسره واذا كان غيره اصرفنا عن بعض وعوض كل واحد فينا وسبحان الله الله كتب وقدر مايريد وحصلت ها السالفه من غير اي سبب كنت وقتها ابكي واتذكر دعااااااااااائي....... ويا الله تخيلوا يشهد علي ربي كنت اعاهد نفسي امام الله إن اسعده بكل ما اقدر كانت أخر رسائل كتبتها له عبر الجوال (روح الله يحفظك والله ماأنساك من دعوه من قلب صادق لاول مره يعيش الظلم والالم في الحياه إن الله يسعدك ويعوضك خيرآ مني) رد يقول الحين الطلاق افضل من بعدين قلتله روح قتلت ابتسامه من يوم فتحت عدنيا مزروعه فيني وزرعت الالم والعذاب وقفلت جوالي وانا ميييييييييييييييييييته قهر والم على السنه اللي بعيدها في دراستي وعلى اللحظات الي قضيتها معه وصدقت فيها كلامه وحمدت الله الي الحين انفصلت عنه وانا باقي فبيت ابويه بكرامتي ولابعدين والله كل من سمع من جماعته قالوا احسن والله مايستاهلها وانا الحين نفسيتي تعبااااااااااااااااااااااااااااااااااااانه واعيش الالم بكل معانيه ولكني اصبر نفسي واكثر من الدعاء بسجودي أتمنى من كل من يقراء قصتي الدعااااااااااااااااااء لي والرد على موضوعي فأنا بحاجه لمن يواسيني منقول للأمانه اللهم لك الحمد على كل حال |
ربك يحبك مايستاهلها احسن كلمه لا ومن اللي قالها ناس تخبره زين |
لاحول ولاقوة الا بالله معقوله فيه رجال كذا !!!!!!!!!!!!! من اي نوع من الرجال ذا ؟؟ اشوا ان الله فكه منه لان اللي هذا اوله ينعاف تاليه ماقول الا ان الله يرزقها بزوج صالح يخاف عليها ويحبها ويعطف عليها يعطيكم العافيه على النقل أخوكم رجل |
غريب امر بعض الناس
يعني تشوفين بعينك ولا تصدقين يا اختي اللي هذا اولها ينعاف تاليها اذا بالخطبه يسوي كذا ويقول هااكلام اجل اذا تزوجتوا وش بيسوي |
الحمدلله انه ربي فكها منه ..
واذا جات على اتهامات وكلام ..ترا بسيطة ... فما بالك على اللي طلقت بعد شهرين من زواجها وشافت الويل لدرجة التهديد بالقتل وحرق بالسجاير ..... اللهم اني اسألك العوض الصالح |
شاكره لكم مروركم
الحمد لله علىكل حال الله يرزقني واياها وكل محرومه |
عسى الله يعوضج باحسن منه
|
حبيبتي قولي الف الحمد لله والشكر ..........وطالما انك كنتي تدعين اذا فيه خير خليه معك واذا ما في خير يبعده عنك صدقي انه رب العالمين اختارك الخير ...........وان شاء الله يعوضك باحسن منه ...........هذا ما يستاهلك .......الله يوفقك |
يا اختي اللي هذا اولها ينعاف تاليها
احمدي الله انها بدري قبل الزواج والانجاب |
اقتباس:
اخي الكريم هي لاتلام نحن دائما نتكلم ونقول لكن حين نمتحن نخرس عن كل شيء عن الكلام وعن الحركه لانعلم ان وقعنا بالشئ ماعدد الحماقات التي نرتكبها نقول نبي الستر يمكن يتعدل ويش نقول للناس يمكن ويمكن لو كل واحد حكمناعليه من البدايه كان ظلمنا ناس كثير |
اختي نايت 2005
اسعد الله اوقاتك وشكرا لك على نقل الموضوع ... بما يحمل في طياته من ألم ومعاناه ولكن هذا ابتلاء ............ فهنيئا لمن صبر واحتسب الإجر وانتظر الفرج من الله ............... |
حبيبتي ما تدرين وش الصالح بالامر
الحمد لله انك ارتحتي منه اسال الله العلي القدير ان يعوضك خيرا منه وبالنسبه للدراسه تتسهل باذن الله اختك بالله جينز |
قولي الحمد لله وربي يعوضك خير ..
فقد نجاك الله منه قبل أن تتورطي معه أكثر .. تخيلي لو تم الطلاق بعد الزواج وبعد انجاب الأطفال ؟؟ لحسبت عليك التجربة وتعذبت أكثر مع أطفالك .. وأنت مازلت صغيرة وفي مقتبل العمر فلا تيأسي من رحمة الله أبد .. ربما صار ما صار لحكمة يعملها الله وحده وخاصة أنك دعوته من قبل واستخرته .. فاختار لك الخير وإن بدا لك انه شر وضر .. ولكن الحقيقة لا يعلمها إلا الله .. وقد عرفت في حياتي الكثرات ممن تطلقن في فترة الملكة ثم يسر الله أمرهن بعدها ورزقهن أفضل الأزواج .. وسأضرب لك من ذلك مثالين : أحدهما صديقة أختي ... وصل عمرها إلى فوق الثلاثين وقد تطلقت في فترة الملكة مرتين، تخيلي مرتين ..لا بد أن الناس ستضع اللوم عليها في سبب طلاقها ، إذ لا يعقل أن تطلق مرتين دون أن تكون هي السبب المباشر في ذلك .. لكن الله أراد غير ذلك ، فقد يسر لها الزوج الصالح وهي الآن تعيش معه حياة هانئة بفضل الله تعالى ورحمته.. الثاني ..صديقتي ، وصل عمرها إلى 28 وقد تطلقت في فترة الملكة مرتين، وقد تزوجت للمرة الثالثة بعد أشهر معدودات فقط من طلاقها الأخير ، وهي الآن سعيدة مع زوجها ولله الحمد .. هل تعرفين أختي الحبيبة السر الحقيقي وراء تيسير أمرهما وزواجهما بهذه السرعة ؟ إنه التفاؤل وحسن الظن بالله سبحانه وتعالى .. بنفسي لمست هذا بعد طلاق صديقتي الأول وبعد طلاقها الثاني .. تفاؤل عجيب ..وثقة بالله مطلقة ..تجعلني دائما أتأمل في مثل هذه التجارب وأقطف منها العبر .. فالكثير من أسرار الكون يخفى على الإنسان إلا إذا حاول أن يسبر أغوارها وحده.. يقول الله تعالى" إن الله لا يغير ما بقوم حتى يغيروا ما بأنفسهم " أسأل الله العلي القدير أن يعوضك خيرا من ما ذهب .. عاجلا غير آجل .. اللهم آميييييييين |
بسم الله عليها وعليك يانايت
والله قطعت قلبي على قد مافي رجال طيبين وينشالوا بنن العين وتتولع لهم الأصابع شمع وينقالهم يازبيده لاتنكتي الا ان في رجال الله يكافينا شرهم وقسوتهم وحقدهم الحمدالله على كل حال الله يعوضها ويعوض كل بنت بالخير ان شاء الله نقل مؤثر يانايت الله لايبلانا ولايورينا يارب ياذا الجلال والإكرام ارزقني وارزق جميع بنات المسلمين الأزواج الصالحين ممن ترضاهم من الرجال عندك وترضينا بما رزقتنا فوضنا أمرنا اليك يالله فأنت حسبنا ووكيلنا ربي يسعدك يانايت ويفرج همك ويسخرلك ويسدد خطاك ويشفيك ويعافيك اختك في الله |
اللهم اجرها في مصيبتها واخلف لها خير ا منها
الله يعوضك بانسان صالح انشا الله يكون احسن منه وخلى علاقتك بربى قوية |
بالعكس
مفروض تحمد ربها وأحسن شيء صار اللي صار وتصدقين ... يمكن تستغربين لكني وربي أحترمه تدرين ليه ؟!!! ... على الأقل كان صريح ولاواصل الكذب وضيع مستقبلها ولا إنتظر لنهاية الطريق وضيع عليها إمكانية تلاقي طريق أحسن وفر عليها تعب ومشاعر هو يعرف أنه لايستحقها أحسن من غيره ... يمكن تتألم ويمكن تبكي لكن في كل الأحوال هي لازالت ببيت أسرتها يعني ماخسرت كثير ... الله يعوضها والله إختار لها خير ... |
الحمدالله الحمدالله أختي الغاليه
ان شاء الله انها خيره من رب العالمين أهم شي انت لاتضيقين صدرك وان شاء الله يجيك اللي يعرف قدرك ويسعدك... |
الله يفرج همج
ويعوضج خير دنيا واخره |
اقتباس:
اللهم عوضها زوجاً خيراَ منه |
الحمد لله على كل شي
خيره من الله الحمدلله البنت في بيت اهلها والف واحد يتمناها وانا لو يلقون لي اهلي بنت ومطلقه طلاق ملكه لا امانع بالعكس احس انها مكتوبه لي انا سبحان الله الله يصبرها ويعوضها خيرا منه يارب العالمين - اخوكم - مشاعر |
اقتباس:
انه قاد على كل شيء سبحانه وتعالى.............. |
الحمد لله ربي خلصك منه
هذا واحد مايستاهلك ولحكمه جعلك ربي تمرين بهذه التجربه الله يرزقك بالزوج الصالح اللي يعوضك وانتي بعدك صغيره وباختي لاتهتمين من الماضي وانسيه وعيشي حيااتك وماكتب الله لك هو الخير |
اختي احمدي الله ان الموضوع انتهى قبل الزواج وقبل وجود الاطفال
الله يرزقك ويسعدك باحسن منه |
والله يا اختي ما اقول الا
وعسى ان تكرهوا شيئا وهو خيرا لكم |
الموضوع منقول يعني مو انت اللي صارت لك المشكله؟؟؟
|
شكرا أختي على اسم الموضوع قبل الموضوع نفسه
جزاك الله كل خير |
| الساعة الآن 04:30 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©