|
كيف أقدر أغير تفكير زوجي من ناحيه اسم البيبي؟
بسألكم كيف تقدرون يالحريم تغيرون وجهه نظر
أزواجكم بالنسبه لموضوع أسم المولود او المولوده ,, لأني عجزت مع زوجي أحاول فيه يمين يسار ما فيه فايده منشف راسه يقول اذا اللي في بطنك ولد بسميه على أبوي (( محمد )) وأنا ماعندي مشكله الولد يسميه اللي يبغى ماتفرق معي بس المشكله الأكبر يقول اذا جت بنت بسميها على أسم أمي (( الجوهرة )) وأنا بصراحه ما اقتنعت خير شر صحيح خالتي ام زوجي حرمه طيبه وماشفت منها الا كل خير وحبوبه ولا هي مثل باقي أمهات الأزواج شريره او نكديه ,, بس أنا كنت أحلم اللي أشوف فيه بنتي وأسميها الأسم اللي أنا أبغاه ,, بس زوجي مقفل مخه ومعند قلت له الله يخليك البنت الثانيه سمها الجوهرة بس قال لي لا انا ابي اسمي على أمي ولما عملنا أشعه قبل اسبوع وانا بنهايه الخامس قالت الممرضه أحتمال كبير البيبي بنت ,,لأنها ماشافت شي واضح يدل على أنه ولد !! وانا ما بي أسمي بنتي الجوهرة أبدا بصراحه اسم قديم جدا وثقيل وطويل وانا الأم اسمي من الاسماء الجديده والخفيفه كيف أغير تفكيره وأخليه يتنازل عن قراره ؟؟؟؟ |
والله ياأختي ترى لما حتسميها على اسم ام زوجك حتفرح جداً فرحيها وخلي البيبي التاني انتي سميه
على الأقل أحسن مني زوجي يبغى يسمي البيبي اللي في بطني المقداد وانا مو عاجبني والمشكلة انوا مو على اسم احد بس عاجبه الله المستعان |
بصراحه أنا أللي أتعب وأحمل وأولد
وأتحمل تعب الوحام وأنواع القرف بالنهايه هو يسميها على أسم أمه !! ماقلنا شي يسمي على أمه بس مو أول بنوته لي على الأقل الثانيه ,, عجزت أقنعه قولوا لي فكره او اقتراح يساعدني واقدر أقنعه |
الله يعين أختي الغالية ..بس اعتقد أنه مافي مشكلة ..عندي واحدة من صديقاتي اسمها نيروز و الكل بيناديها بهالأسم
و لكن اسمها اللي في البطاقة فاطمة .. ما اعتقد أنه فيها مشكلة و بعيدن البنت الثانية انشاء الله سميها السم اللي تحبيه ..و شوفي ما شاء الله زوجك يحب والديه و اللي ما ليه خير في أبوه و أمه مالو خير في عائلته اختك أمة الله |
بصراحة موضوعك اضحكنى
انت قومى بالسلامة وبعدين يصير خير فى اسم المولود سبحان الله يقولون ان الله يسميه قبل اهله اقولك : ممممممممممممممممممممممممممممم ممكن تخلين والدته تقنعه بالاسم اللى انت تبيه الله يسلم حملك ويقومك بالف سلامة تقبلى تحياتى |
انا فكرت بالموضوع بشكل جدي ولي اسبوووع وانا مصدعه منه
لما قالت الممرضه ان البيبي اللي في بطني بنوته وبصراحه انا كنت ناويه لما تجيني بنت اسميها اسم حلو مو قديم الجوهرة؟؟!!!! حتى امي بتصير الآن جده اسمها حلو مو قديم وبعدين تقولون لي أقنعي أمه تقنعه امه مبسوووطه انه يبي يسمي البنت عليها وأنا أكرهه هالاسماء القديمه يعني حرام أمها وخالاتها وعماتها وحتى جدتها (أمي) اسمهم جديد وحلو وخفيف وهي ياا حرام بتصير عجوزة بشكل طفله والله حرااام تكفوووووووووون عطوني حل أقدر أقنع هالأب العنيــــــــــــــــد |
اسم الجوهره مره حلو ويابختك اسم امه الجوهره مو شي ثاني.. الاسم حلو لانه قديم جــديــد وحلو معناه و اسم خالتك.. صدقيني بتكبرين في نظرها إذا انتي اللي قلتي بسمي على خالتي مو زوجك اجبرك وخليك ذكيه هو بيسمي البنت على امه رضيتي ولا ما رضيتي.. عشان كذا قولي له اني امزح معاك والاسم مره حلو يكفي انه اسم الغاليه بس انا حبيت اشوف ايش تقول..:22: وإنتي لا تضيقين صدرك الاسم حلو واذا حاسه انه ثقيل ناديها جوجو :15: انا ان شاء الله يا رب اذا جتني بنت بسميها الجوهره :d |
يا اختي والله مادري كيف تقولين اسم الجوهرة حلو
بس الى الآن ما حد عطاني فكره أحاول اغير تفكيره من هالناحيه |
لا تعبر جسرا حتى تصل اليه الله يجيبه سالم والاسم مو مشكلة لكن ترى اسم الجوهرة مقبول فلا تسوينها مشكلة وتفقدين احترام زوجك خصوصا انه اسم امه و رفضك له قد يرمز لشيء ما وان كنت لا تقصدين
والسلام |
انا اشوف اسم الجوهره
حلو و انت بتكوني ام الجوهره تعرفين ما سامعه بهالاسم سامعه بالهنوف و العنود و جواهر بس الجوهره جديد انا بنتي كان نفسي اسميها جنى مذكوره بالقران بسوره الرحمن وجنى الجنتين دان و خلاص خليت الاولاد ينادولها جنى و الكل فرحان بس ابوها ظل يقول لي اسمي بنتي فعل ما ضي و ما نفع و كنت متاكده اني لو سويت زي ما اسوي من اسمي اولادي كان سميتها جنى بس مشيت الموضوع مشي الموضوع و الجايات اكثر |
أختي أنا من الناس اللي أقول
ان تسمية البنت على امها وتسمية الولد على ابوه وانا معك ان اسم الجوهرة شوي قديم بس حاولي والله يعينك الله يقومك بالسلامه والله يرزق الذرية الصالحه وان شاء الله تقدرين تسمينها بالاسم اللي يعجبك يارب |
الله يعين
والله يهون علي وأولد بالسلامه ويارب اقدر أقنعه |
قال تغيري تفكيره قال ... ايش هوا عجينة لوووووووووووووول
يمين بالله اسم حلو .... من جد اسمها عجبني بالمرة الجوهرة اممممممممممممممم هنياله بالاسم فعلا عين الصواب الجوهرة ... الجوهرة .... المهم ....بورك لكم في الموهوبة وشكرتم الواهب ورزقتم برها .... مقدما ... باحلى جوهرة ..... وتقومي بالسلامة الولادة مو سهلة ...... وتقومي ونشوفك كده بالمنتدى الحلو ..... ياام الجوهرة الولهان |
اختي مو مشكله عادي و اسم الجوهره حلو و ربي يقومج بالسلامه
|
صراحة اسم الجوهرة وااااااااااااااااااااااااااااااااااااااااااااااايد وحلو
معناته حلوووووو لو انا منج بقتنع الرجاء تغيير الصورة الرمزية حائزة الأمل |
ياسلاااام بتجيبي بنوتة ؟؟؟ ماشالله الله يخليها ويحفظها ويسلمك وتشوفيها سالمة بين يدك وبحضنك أختي حاسة فيك ونا بعد أحب الأسماء الجديدة والغريبة وخصوصا للبنت ونا وزوجي متفقين على أسم الولد حتى قبل ما يجي:d ... بس أسم البنت أنا قايلة له لازم أنا اللي أختاره وهوه يتقبله لنه أنا اللي بتعب فيها أسمعي ليه ما تقترحي عليه أسم حلو مرة وتقولي له يمكن يعجبه ويغير رايه وطبعا بحركات دلع منك وعشان خاطري ونا أموت بالأسم من زمان ونفسي أسميه وكذا...... وذا مارضا مرة عاااادي ترا الأسم له معنى حلو خصوصا ذا البنوتة طلعت جميلة رح يليق عليها الأسم وتصير أسم على مسمى ... والله الأسم حلووو أحلا من غيره كثير وانتي تقدري تناديها بأسم الدلع زي جوجو ولا تشغلي بالك كثير ترا لو ايش بتسموها رح يعجبك لنها بنوتك الغالية:15: ... |
انه وزوجي اتفنا من البدايه ان البنات علي والاولاد عليه والحمدلله الله رزقنا بنت وولد ،،بس اول ما حملت كانت ام زوجي تزن على زوجي تبيني اذا جبت بنت اسميها سعيده على جدة زوجي (ام ابوه)وانه طبعا قلت له مستحيـــــــــل هو المسكين ما قال شي بس انه قلبتها بجي ليل ونهارخفت انه يقتنع بالآخر وقلت له لو تنقلب الدنيا ما سميت سعيده ،،والحمدلله جبت بنت وسميتها خوله :)وهو سمى الولد محمد وخلاص اتفقنا ان خلاص ما راح نجيب عيال:)
|
حاولي تبيني لحماتك إنك حابة اسم معين .. ولما تولدي بالسلامة إن شاء الله قولي لزوجك .. يخليها تختار الاسم للمولود طبعاً خلال المدة .. كوني معاها سمن على عسل وما تنسي إثارة موضوع الاسم اللي في بالك وأعتقد راح تسميها .. الله ييسر لك الذرية الصالحة ،، |
خلوه هو بنفسه يسمي نفسه
ها ها ها :22: |
,عندي فكرة بس يمكن ما تعجبك .. سمي البنت اسم مركب .. مثلا الجوهرة ضحى
الجوهرة منى ... او اي اسم تحبيه ؟؟ شنو رأيك ؟؟ |
| الساعة الآن 11:56 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©