|
والله في عون العبد.ماكان العبد في عون اخيه..)).ساعدوني ارجوكم
بسم الله الرحمن الرحيم
أخواني وأخواتي اعضاء المنتدى أتمنى ان تفكروا معي وتساعدوني في ايجاد حل لمشكلتي مع اني مااتوقع يكون لها حل الا الطلاق قبل فتره نزلت موضوع اتكلمت فيه عن زوجي وطبعه الغريب معاي وهو السكوت التام واللامبالاة ووقلت لكم انه مسافر ورافض اني انتقل للعيش معاه في مكان عمله وكم مره الاقي معاه اشرطه وسيديات اباحيه وكم مره الاقي ارقام بنات بجواله نصحوني البعض اني اتجاهله وةاطبق معاه نفس طريقته وفعلا لمن رجع المره هذي تجاهلته تماما وحاولت اشغل نفس باي شي هو لاحظ التغيير علي في البدايه عادي وبعدين صار يسألني شفيك ؟؟اقول له مافيني شييعني انت ملاحظ شي متغير !! يقول لا لا ثم يسكت وخلاص طبعا لاحظت عليه حرصه الشديد على الجوال ومره كان جالس وانا كنت افكر في شغله ومديت يدي لاشعوري لجواله ابي استخدم الحاسبه لان جوالي بعيد لمن شافني قام من مكانه مثل المجنون وسحب الجوال من يدي وجلس يقلب فيه يشوف انا فتحت ايش قلت له اسفه بس بغيت الحاسبه وبعدين ليش خايف في شي في جوالك قال اي فيه اشياء خاصه!!! طبعا اخذ الجوال وماصار يتركه ولا ثانيه اذا مو باذنه بيده واذانام يحطه تحت المخده؟؟هذا الشي شككني زياده فيه مره وهو نايم مديت يدي بشويش تحت واكيد كلكم بتقولوا لي غلطانه بس غصب عني الرجال هذا بيجنني المهم سحبت الجوال ورحت للغرفه الثانيه وفتحته شفت المكالمات الصادره والمستلمه وكلها ارقام اصحابه والرسايل عاديه والأستوديو نفس الشي؟؟؟ طيب ليش الخوف هذا والحرص كله؟؟ رحت فتحت السجل واللي فيه يبين المكالمات والرسايل وكل شي طبعا تفاجاْت باسمين مكرره وباسما رجال بينما الاسمين هذي مو موجوده في المكالمات المستلمه ولا الصادره يعني كان يحذفها بس هي مانحذفت من السجل رجعت الجوال وسكت الحين بعدما سافر كلمت اخوي وجاب لي رقم مجهول ودقيت على الرقمين لي يومين اتصل ومحد يرد نهائي او يقفل الجوال وقبل شوي رجعت دقيت واحد رد عليه ولا هو صوت بنت ولما سمعت صوتي قفلت الجوال ورجعت اتصل عليها لقيته مغلق؟؟؟والمصيبه ان الرقمين تقفلوا مع بعض يعني الرقمين لبنت وحده او انهم يعرفون بعض؟؟؟انا راح اتجنن خلاص تعبت واعصابي تلفت كيف اتصرف مع شخص زي هذا الحين العيد جاي والله ماشفت منه ولا ريال عشان اشتري لعيالي ملابس للعيد او لي ولا حط ولا ريال مصروف للبيت معتمد علي انا لاني موظفه كل شي انا اوفره وهو يدوب يسدد فواتير جوال انا الحين فكرت اكلم ابوي وادخله بالموضوع وللعلم ابوي شديد مره والكل يخاف منه واخاف مايعرف يتفاهم معاه اتوقع يرمي له العيال وياخذني عنده ؟؟؟حالتي صعبه فكروا معاي وش الحل مع الانسان هذااا ماعنده اي احساس بالمسئوليه تعبت ومدري ايش اخرتها؟؟ |
|
إن شاء الله ماتكوني تايهه والله يلهمك الرشد والصواب
إن شاء الله أعود لك |
اقتباس:
كيف اتقرب منه وهو بعيد عني كل البعد هو مسافر على طول واذا صار موجود موجود معاي بجسده بس عقله وتفكيره مو معاااي وتكلمت معاه اكثر من مره وتقربت منه واهديت له الهدايا وسويت كل شي يمكن يخطر ببالك ومانفع معاه حتى هو يقول لي مااحب اتكلم مع الحريم؟؟؟وبالاخير الاقيه يكلم حريم بالجوال يعني قمة التناقض !!!!لا وينتقد الاشخاص اللي يسوون الحركات هذي وكم مره يسب في زوج اخته لانه من هذا النوع بس مايشوف نفسه هو الله يكون في عوننا المرأة دايم مظلومه |
اقتباس:
|
[QU
اقتباس:
.................... اقتباس:
،انتي مو قلتي لما طنشتيه حسيتي انه بدا يتغير ،،، استمري |
أدعي له بالهداية في هذه الأيام الفضيلة
|
الشمس الزرقا
اشكرك على نصيحتك والظروف هي اللي اجبرتني اصير محققه !!! المشكله اني انعمي لمن اشوف تصرفاته وماادري كيف اتصر الحين تهورت وارسلت رساله على الرقم لانها مو راضيه ترد علي ودعيت عليها!!!! غصب عني قلبي محروق ايش اسوي؟؟؟؟ _ الفارس_ ادعي ربي ليل نهار الله يهديه ويصلح احواله اشرك على مرورك |
السلام عليكم .............اختي الله يغيرسؤ حالك بحسن حاله.................بما انك حاولتي بكل الطرق مثل ما تقولين وما نفع معاه....................خلي الوالد الله يحفظه يتدخل بس لا تحكين له على كل شي...................قولي له عن بروووووووووده معك وعدم تحمله للمسؤليه................يمكن يسمع من رجال مثله وينصلح حالكم واذا انصلح الحال بينكم
بعدها صارحيه عن المكالمات وانك عارفه كل شي بس بدون ما تقولين له كيف عرفتي احسن يقلب الموضوع عليش ويقول انك تنبشين بخصوصياته ..................مجرد اقتراح والله يعينك |
الى متى وانت على هذه الحاااااال ؟؟؟
ليه ماتواجهينه بالحقيقه وتفكين عمرك.. باشريني بأخبااااارك |
اقتباس:
وعليكم السلام ورحمة الله وبركاته أختي دانه 15 الله يسمع منك اختي ويغير حاله للأحسن انا فكرت اخلي الوالد يتدخل بس لاني باقيه على زوجي وبيتي راح اخليه آخر الحلول لاني لو تكلمت وقلت لابوي ماراح يسكت عليه لانه اساسا شايل عليه من اول وملاحظ عليه بعض التصرفات وغير كذا راح ينتشر الخبر اخواني راح يقولون لحريمهم وحريمهم لاهاليهم وهكذا واصير انا وزجي علكه بحلوق الناس ولهذا السبب راح ااجل تدخل الوالد لاخر شي اخر العلاج الكي مثل مايقولون |
اقتباس:
جربت المواجهه معاه قبل كذا كان يتندم ويوعدني انه مايعيدها ويعتذر ويقول الشيطان ضحك علي وبالاخير ترجع حليمه لعادتها القديمه راح اباشركم بالاخبار اول باول انتو اهلي ومالي بعد الله غيركم |
أختي موضوعك معقد نوعاً ما
لكن لا حياة مع اليأس ولا يأس مع الحياة سؤال هل لديه أخ أو عم أو خال ذو تفكير واعي ومقارب له بالعمر أو أكبر منه وتثقين فيه إذا كان لديه فاتصلي بالاصلح منهم والمتفهم وأبلغيه بكامل الموضوع وانتظري رده ماذا يكون وإذا كان لا فاخبرينا لكي نحاول مساعدتك تحياتي |
اقتباس:
الف شكر على المرور وعلى النصيحه انا فعلا فكرت في هذا الشي بس المشكله ان اخوانه اصغر منه وغير كذا علاقته ماهي قويه معاهم ومع كل اقاربه يعني رسميه جدا ممكن في المناسبات يكلمهم او يرسل لهم واكيد راح يزعل لو عرف اني كلمتهم وبالشكل هذا ماراح تنحل المشكله لكن عنده صديق مقرب منه جدا واشعر انه انسان واعي وقريب منه دايم بس المشكله اني مااعرف رقمه وغير كذا اخاف زوجته تدري وتسوي مشكله وكمان اخاف من زعل زوجي مدري ايش الحل الله يهديه ويريحني من هذي المشاكل |
اقتباس:
انتبهي وانتبهي واحذرك مليون مرة تتصلين على صديقة لانه تأكدي أن صديقه مثلة وسوف يحاول بإغوائك لان أي أنسان طبعه نفس طبع أصدقاءة وإذا أردت أن تسأل عن شخص فسأل عن صديقة وماذا عن والده هل هو موجود أو لا إذا كان موجود فبلغي أبوه وإذا كان مو موجود فبلغي أبوك ولا تنتظري لانه في هذه المواضيع لا يحتمل التأخير لأنه كل يوم راح تتعقد المشكلة أكثر وتحياتي |
smarts way
نعم ابوه موجود واقدر اكلمه وللمعلوميه زوجي يخاف من غضب ابوه ومايحب يظهر امامه بصوره غير لائقه انا فكرت اني اواجهه وابين له انه لو تكرر الشي هذا مره اخرى فلن اواجهه ابدا وساكتفي بمخاطبة والدي ووالده وهم من سيتحدث معه لان زوجي من النوع اللي يحب يكون قدام الناس شخص مثالي خاصة انه كثير الانتقاد للاشخاص الاخرين واكيد هذا الشي راح يأثر فيه مع اني اتمنى يترك الشي هذا من نفسه وباقتناع منه مو عشان خوف من الفضيحه |
smarts way
اشكرك على التنبيه بصراحه راح الشي هذا عن بالي جزاك الله خيرا |
احسن حل انج تقولين حق ابوج علشان يعرف زوجج انه وراج سند وراج ريال ومو لعبه السالفه ..
والله يوفقج |
اقتباس:
الله يوفقنا اجمعين وانا قلت اخر العلاج الكي يعني اذا شفت مافي فايده منه راح اظطر اكلم الوالد وهو يتصرف معااااه |
الله يهدي سركم
ولكن لا تنتظري طويلا لكي لا تتفاقم المشكلة وتحياتي والله يهدي زوجك ويرده إلى طريق الصواب |
انا حاسة فيكي مررررة عشت اللي عشتيه
بس عارفة اسالي نفسك: تحبي و لآ؟؟؟ انا عارفة اللي انت عايشته صعب بس اتخيلي نفسك بدونه ترى العيشة اصعب و خاصة انو عندك اطفال الله لا يحرمك منهم.. خلي هدفك في الحياة كيف ينصلح حالو ذكري بربنا دايما(هيا احسن دوا)يسير لو انهدى تكوني ضربت عصفورين بحجر هديت انسان(خير من حمر لانعم) و تسعدي في حياتك.. و اصحك تبينولو انك مهتمة وقاعدة تتجسسي وراه و لاتنسي من دعاكي في كل صلاة الله يهديلك هوة و يجعلك قرة عينه قولي امين.. |
ونسيت اقولك طمينينا عليك
الله يقوم معاك |
شوفي اختي ... المرأة المؤمنة العاقلة ما تفضي بأسرار ومشاكلها الزوجية .. لخارج أسوار البيت . إلا بعد جهد كبير وتفاقم للأزمة يتطلب تدخل أطراف خارجية للإصلاح. مسألة تدخل أبوه أو أبوك خليها بعدين ومتأخرة جداً . الحين تخيلي انك امام تحدي كبير وانتي الوحيدة القادرة فعلاً على كسب هالتحدي واهو اصلاح او تعديل سلوكيات زوجك . وفي جملة حلوه حيل حق بول حنا في كتابه ( ثق بنفسك وحقق ما تريد ) يقول : " المتاعب والهموم لا تدوم .. لكن الأقوياء يستمرون ". وانتي قوية بإيمكانك وقوية بالله سبحانه . 1. اخلصي النية لله عزوجل في اصلاحه في انقاذ شخص من غضب الرحمن . 2. في وسائل حلوه لإصلاحه غير مباشره ونافعه .. لأن قد يكون زوجك من النوع اللي ينفر من التوجيه المباشر ورفع اصابع الاتهام حوله . 3. حرصي انك تكونين معاه بمشوار يتطلب ذهابكم بالسيارة .. وفي اثناء الطريق لمن يخيم الصمت شغلي شريط لمحاضره نافعه توجيهية تكونين اعديتهيا سلفاً لمثل حال زوجك .. 4. في البيت .. حسسيه بالأمان ولاتخلينيه يعيش بجو الخوف منك . اذكريه بأحسن الاوصاف مثل ( اغلى زوج بالدنيا ) .. وغيرها 5. فتحي معاه مواضيع غير اخطاء وبلاويه .. وذكريله حسناته وعززيها بنفسه . 6. عتابك له لازم يكون بكل حب ولطف .. مثل الأم لمن تعاتب ابنها الصغير . وادعي الله يطرح بجهدك البركه ويصلح حاله وان ما نفع واستمر ذيك الساع تكونين معذوره انك تدخلين وسيط لحل المشكله ووضع حد لها . |
الرسول حبيبها
اشكرك اختي على ردك وانا مثل ماقلتي عندي اولادي بالدنيا كلها وصحيح العيشه بدونه صعبه كمان اقل شي انا في بيت لوحدي انا الامره الناهيه ومحد له شغل فيني عكس لو اروح لبيت اهلي!! الله يهديه والله انا احاول فيهوادعي ربي ليل نهار والله كريم |
almojaded
اشكرك اخي على اهتمامك وطرحك للحلول انا راح اسوي كل اللي قلت عليه مع اني مو طايقه اشوفه ولا اسمع صوته لكن ماباليد حيله لازم اضغط على نفسي ماراح اخليه يعرف اني عرفت بسالفة البنات اللي يكلمهم وبحاول معاه لحد مايتركهم من نفسه واذا شفت انه مو راضي يتغير مالي وقتها الا اني اكلم ابوي او ابوه وادخلهم في الموضوع الله يكون في العون |
ليش ما تصارحيه ؟ بس لو عرف انك فتشتي في جواله راح يعصب
طيب خلاص قوليله ايش كل ها الحرص على جواله؟ وقوليله انك منك مرتاحه وان الشك بيملاكي وان الواحده ما تعرف تعيش الا مع واحد يقدرها ويثق فيها قولي كل الي بنفسك بس لا تغلطي فيه اساليني الرجال ينسى الموضوع الاصلي ويدور في كلامك على كلمه غلط يمسك فيها وما يصدق |
اقتباس:
كل هذا عشان يغير السالفه ويطلع هو البريء جزاك الله خيرا اختي |
| الساعة الآن 12:43 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©