|
رجاء خاص,,,أختكم بحاله نفسيه يرثى لها
والله من جد بحاجه لدعائكم ومساعدتكم أنالي 3سنوات متملكه وأنا زوجي حبينا بعض بشكل جنوني ماتتخيلون وش كثر تعبنا عشان بعيد عن بعض بس المشكله مو هنا المشكله أنه بدأ يطفش بعكسي تماما يطفش مني بالرغم والله ماأذكر بيوم تخليت عنه بالرغم أنه مر بظروف صعبه وتركني شهر كامل ولاسأل عني...على كذا مازعلت بعد مارجع وأنا والله تعبت تعب نفسي فظيع لما تركني وعذرته لأنه كان تعبان نفسيا وجسديا وساعدته على العلاج بوقفتي معاه وتعبني كثير ولما تعافى وعدني يعوضني بس صار العكس ولايمر يوم إلا وأبكي بسبه والله العظيم من كثر ماهلكني قبل يومين كنت بالمستشفى عشانه تعبت,,,,,ولاقدر هالشي ومن أمس أكلم عليه ولا رد على إتصالأتي إلى هاللحظه اللي أكتب فيها هالكلام مارد علي محتاره الله يجزاكم الجنه تدعولي أولا وتساعدوني ثانيا,,,,,,,,,,,,,,,,
وصدقوني لو قلبي يطيق البعد كان نمن زمان أبتعدت.........ولامن طبعي الهجر ولا الخيانه,,,,,,,,,,,,,,,,,, خايفه من شي واحد’’’’’’’’’’’’’أن هذا جزاء وفائي معه’’’’’’’’’’ بنت خالتي دايم تقول لي الرجال زي الدنيا مالهم أمان وأنا عمري ماصدقتها بس ليش هي تقول كذا |
والله مادري وش اقول لك
بس شوفي وش سبب بعده عنك وصده لك أكيد فيه شي كل شي بالدنيا له سبب ... |
اختي الحبيببه اتصلي عليه وكلميه بكل صراحه وقوليله شو غيرك وليش واستفسري منه اما بالنسبه لكلام بنت خالتك فحطي ورى ظهرك لانه ماله معنى ومو كل الرجال مثل بعض الله يرزقك حسن عشرته يارب
اختك في الله فوفو |
اسال الله لك الشفاء عاجلا غير اجل يارب العالمين
ثانيا من ناحيه خطيبك ما لك الاالدعاء والصبر والابتعاد قليلا افضل لبعض الوقت جربي وشوفي الله ييسر امورك اختك بالله جينز |
أسأل الله لك الشفاء العاجل
أما بنسبه لخطيبك حاولي تعرفين وش أسباب صده عنك يمكن حصل منك شي زعله وإنتي ما تدرين أو إن تكاليف الزواج ثقلت على كاهله وما يبيكي تدرين عن الموضوع وبصراحه مدة ملكتكم طويـــــــــله مررره حاولي إنكم تعجلون بالزواج والله يوفقكم ويجمع بينكم على طاعته آآآآآمييييييييييييين سبحان الله وبحمده سبحان الله العظيم |
فعلا مثل ما قالت أختي جينز
أبتعدي عنه شوي على الأقل شهر إذا دق عليك وقتها ردي عليه وعاتبيه بخفيف وبيني له أنك زعلانه من تصررفه وأنك كنتِ خايفه عليه وبإذن الله تمشي الأمور تمام لا تخافين ولاشيء عليك بالدعاء الله ييسر أمرك |
يا عزيزتي
والله قلبي معاج لا تنسين انه نحن في العشر الاواخر اكثري من اللجوء لله هو الوحيد اللي ممكن يساعدج ادعيه |
حبيبتي لا تقولي الدنيا مالها امان لانه حرام لانك بكذا تطاولي على الله سبحانه وتعالى
صلي الاستخاره .. طيب انتي تكلمتي معاه وسألتيه عن سبب غيابه ؟؟ لازم من المناقشة ومن الاجابه بتعرفي ايش جواته ... |
ابي اقولك نصيحه قصيره اذا التزمتي بها راح يرجع لك احسن من اول ....
(عامليه مثل مايعاملك تماما ) والله العظيم ان زوجي كان باااارد لا كلام حب ولا اتصال ولارسايل وانا كنت عكسه تماما .. وجلست فتره اعامله مثل مايعاملني مااتكلم معاه ولا اتصل عليه ولا شيء .. وهو لاحظ شيء متغير علي وقال لي وش فيك ؟؟؟ قلت له مافيني شيء.. قال ليه ماتحبيني ولاتقولين لي كلام حب .. قلت له : هو انت اصلا قلت لي كلام حب عشان اقولك.. والله من ذلك اليووووووووم وهو متغير تماما .. كلام الحب مايفارق صوته ابداااااااا.. جربي نصيحتي وباشريني بالنتائج.. |
والله مادري وش اقول لك
بس شوفي وش سبب بعده عنك وصده لك أكيد فيه شي كل شي بالدنيا له سبب ولاتردى على كلام بنت خالتك هذه ... |
الله يجزاكم الجنه بس المشكله والله مارد على إتصالاتي أبدا ولامعاي حل إلا الدعاء ورح أعامله مثل مايعاملني وابسمع كلام الأخوات الكريمات خلاص بابتعد عنه وادعوا ربي يصبر قلبي على البعد والله كل شي بحياتي يهون إلا أني أبتعد عنه ولا أسمع صوته ولاأتطمن عليه بس تعبت كثير وانشالله أبروح مكه وأرتاح وبالنسبه للأخمدلل لو بيديويده كان تزوجنا من ثاني يوم بعد الملكه بس بصراحه عيال الحرام ماخلونا وحطو لزوجي سحر تعبه كثير والحمد لله بدأ يتعافى منه بس تكففففون تدعون لنا ولاتنسوني من دعائكم فوالذي نفسي بيده أدعيلكم كل ماتذكرت بالوتر ولكم خالص تحياتي............................................ ..
بس والله خايفه أبتعد وهو محتاجني ..........خايفه والله خايفه |
ادعوا الله ان يفك كربك
|
الله يفرجها عليكي
ويرجعلك زوجك احسن من اول طيب حبيبتي ليكون فيه حد عملو سحر مرة تانية؟؟؟ انتبهي لهالشغلة واقري كل يوم سورة البقرة وادعي الله كتير مع حبي |
الله يرجعلك خطيبك بأسرع وقت
|
اختي لاتتصلين عليه ابدا غير لما هو يتصل واذا اتصل ردي بس بثقل
|
الله يرجعه لك عاجلا غير اجل
وبعدين طنشيه لاتكوني كل شوي تلحين عليه وتتصلين عليه خليه يحس فيك ابو فهد |
ياحبيبتى اثقلى عليه اشوى
الرجال مثل اللزقه تبتعدي عنهم تركض وراكي ,, تقربي منهم تنحاش منك اقطعى لاتصال لاتتصلين ابد لمدة اسبوع ,,, وبتشووفيه يركض وراكي ... الله يوفقك ... |
عزيزتي ..اول شي اذا كنتي تشكي همك لبنت خلتك من الآن اقطعي هالعاده ما تدرين توصل اخبارك لمين قد يكون بدون قصد منها ويسمعها الآخرين ويترصدو لزوجك بعمل السحر
ثانيا..بعده عنك يحتمل توقعين _ اما انكم محتاجين لتجديد بعلاقتكم يعني تسرب للعلاقه شوية ملل وهذي محلوله ان شالله بالثقل وهالشغلات الي قالوها لكي الخوات مارح ازيد عليها ماشاءلله ما قصرو _ او ان يكون وقع بعمل السحر مره ثانيه وهنا عليكي بالصبر والدعاء وتوقفي معاه تساعدينه بالعلاج بالقرآن والفروض كان من اول مره صارله السحر وهو يرقي نفسه ويستمر بالرقيا وان تعالج منها مايمنع من الإستمرار ونتي ادرى فيه تقدري تحددي وضعه اي من الحلتين ترجحينها وابداي بالطريق الصحيح بالمعامله المنابه لاكن تأكدي قبل لا تقسين عليه وتسيرين حتى انتي ضده الله يعينك اختي عسى ربي يهون عليكي ويصبرك ويرجعلك زوج مثل قبل واحسن يارب ولا تنسين تطمنينا |
سحر ؟؟؟ السالفة فيها سحر ؟؟؟ أعوذ بالله
لا حول ولاقوة الا بالله الله يشفيكم يارب ويطمن قلبك عليه ويرجعه لك سالم غانم اللهم آمين |
الله يجزاكم الجنه على الردود الحمد لله الأوضاع تمام وحس بغلطه وصار بكل مكالمه يقول والله عارف اني مقصرلكن ان شاء الله ظروفي تتغير واعوضك واحس انه بدأ يرجع مثل اول بس ظروف بيتنا وبيتهم ماريحتناااااااااا
نصيحه انتبهو من زواج الأقارب صحيح احبه بس القرابه خربت علينا كثير مشكورين الله يعافيكم وان شاء الله السحر بعيد عنا وربي يحميه منه ويحفظه لحبيبته...................................... .. |
هههههههههههههههههه متحمس وفي الأخير طلع وبان المتخبئ والله كنت حاس أن الظروف المادية وألأسرية هي السبب
|
الأخ الفتى الوسيم ماأنكر الظروف اللي قلتها يمكن تكون سبب
لكن هناك أسباب اقوى غيرت في حياتنا وتركت في قلوبنا جروح مستحيل تلتئم مع الزمن إلا بإرادة الخالق وماأعتقد ان كل شي لازم ينكتب او ينقال وماقصرت |
لا تصدقى بنت خالتك
وحاولى مرة اخرى مع زوجك أسأل الله لكم السعادة |
الحمد الله والله اني فرحتلك
طالما بدأ يحس بتقصيره هذا بحد ذاته شي يبشر بالخير لاكن حاولي يكون تعاملك معه بحذر ان كان كويس بتعامله معك كوني احسن منه اضعاف مضاعفه وهالشي بيساعده معك ولما يزعلك مثل قبل بالفاظ وكذا صدي عنه وابتعدي وحسسيه بقيمتك الله يهدي سركم ويقرب مابينكم ويبعد عنكم شر الحاسدين |
علاج السحر ليس بالسهل وهو يجدد بشكل دوري يعني احتمال السحر يكون جدد لزوجك خليه يرجع للعلاج وانتي انتبهي لا تحكين لاحد عن سحره او عن شفائه لان اللي سحره اذا كان حولكم وحس ان زوجك شفي يرجع يجدد السحر والعياذ بالله..
|
| الساعة الآن 03:11 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©