|
هل على الخاطب أن يعطي خطيبته مصروف شهري
السلام عليكم ورحمة الله وبركاته
عندي مشكلة قلت ما لي ألا أخواني في هالمنتدى طبعاً أنا خاطب (عاقد قران) صار لي فترة بسيطه شهر ونص فقط المشكلة وما فيها أني لاحظت على خطيبتي أنها متضايقه وزعلانه إذا كلمتها أقولها وش فيك تقول لي كم يوم اروح السوق وما حصلت بدله تناسبني للعيد(تقول أنها تبي شيء مميز) صرت أنا اتضايق لما اشوفها متضايقه وكلمتها البارحه وقلت لها لي متضايقه الموضوع ما يسوى وبعدها انهيت الاتصال وارسلت لها رساله اقولها ترى الموضوع ما يسوى كلها بدله اذا ما حصلتيها اليوم بتحصلين بكره وترى أنا مشتاق لك أبيك تحسين في شوقي ولهفتي عليك وابي اكلمك حرام أيامنا تمر على كذا أمور وترى أنا زوجك ولي حق عليك ، بعدها ارسلت لي رساله تقول فيها : أنا ماني زعلانه بس بسبب البدله واذا على سالفت الحقوق وإنك زوجي ولك علي حق حتى انا لي عليك حق حتى ما حسستني انك مسئول عني صحيح حسيت بحبك وحنانك وعطفك لي بس ما حسيت انك مسئول عني حتى الآن .. كانت هذه رسالتها بعدها اتصلت عليها وقلت لها ممكن توضيح معنى الرساله قالت لي : انا ما كان ودي اقولك ليه زعلانه ولا تفهمني غلط قلت لها قولي ليه زعلانه، قالت كنت قبل كم يوم جالسه مع البنات واسألوني كم عطاك حق كسوة العيد وكم يعطيك مصروف شهري تقول أنا انحرجت من سؤالهم وحسيت بالنقص أمامهم لأنك ما عطيتني ، وبعدها جلست تقول أنا ما يهمني ولا اهتميت ترى ما يهمني الجانب المادي أنا يهمني الجانب المعنوي (تقصد المفروض أني اعطيها عشان تحس بالجانب المعنوي) أنا قلت لها كيف ما يهمك وفي نفس الوقت تقولين أنك حاسه بالنقص واحرجوك ، عاد أنا صراحه عصبت من كلمة حسيت بالنقص ، طبعاً أنا ألي اعرفه عندنا بالسعوديه البنت المخطوبه وجالسه في بيت اهلها ابوها الي يصرف عليها خطيبها يعطيها هدايا ألا اذا كانت محتاجه وطلبت منه ... أنا قلت لها ليه تحسين بالنقص إذا الشيء ما يهمك ثاني حاجه حنا صار لنا شهر ونص مخطوبين ما عطيتيني فرصه اقدم لك والمفروض تحسين بالنقص اذا تزوجنا وصرنا في بيت واحد ولا قدمت لك شيء في فترة الخطبه أبد ، وقلت لها إذا أنتي تقولين يهمك الجانب المعنوي في العطايا أنا قدمت لك جوال وشريحة في أول اسبوع من خطبتنا وإذا جيت اشوفك اقدم لك ورود واعتقد أن مثل هالأمور هي الجانب المعنوي حتى صورتي عطيتك إياها وهذا جانب معنوي .... طبعاً يا أخواني أنا كنت ناوي اقدم لها عيديه مثلاُ وهدايا طول فترة خطوبتنا ، وبصراحه أنا ما ادري أن في للمخطوبه مصروف شهري وكسوة عيد على قولتها ، صراحه زعلت وعصبت وانصدمت في نفس الوقت يوم قالت لي أنها حاسه بالنقص وش رأيكم لا تبخلون علي |
طبعاً أنا ألي اعرفه عندنا بالسعوديه البنت المخطوبه وجالسه في بيت اهلها ابوها الي يصرف عليها خطيبها يعطيها هدايا ألا اذا كانت محتاجه وطلبت منه .
أنا معاك حبيبي هذي جالسة تتبهلل عليك وجالسين يختبروك يشوفو انتا كيف في الفلوس ولا لك منها شي ولا تعطيها اي حاجة ، قولها من عادتنا احنا انه ماتعطي المخطوبة فلوس . او لا ترد عليها ... يعني اقصد لمن ارسلت لك الرسالة ماكنت ترد عليها كنت تخليها تحوم . ولا تدخل في اي شي في العيد .... ترا الحريم يعرفوا يزبطوا نفسهم بنفسهم .... بس اللهم جيب هديه لها او هدية للبيت ( يعني جيب باقة زهور ) وخلاص . وخليك عادي . من كلامك استغربت ياخي ( صرت أنا اتضايق لما اشوفها متضايقه ) ليش تضايق انتا لمن تشوفها تضايق هيا ... انتو لسع على بر الامان وبعدين على ايش تضايق لسع ما حصل لنا شي .... الامر التاني قولها ايش لنا والبنات .. ايش دخلنا ودخل البنات كل وحده ولها رزقها ...... الشغلة التالتة وهذا اللي اخشاه انو هذي قصة مفبركة ممكن والله اعلم تكون الهرجة من امها تعلمها قولي له وسوي كده والله اعلم فانتبه .... نصيحتي لك ... كلما دخلت البنت في مشكلة اخرج منها بمزحة بمعنى لا تدخل معاها في جدل اطلاقا ... ليش ماتدخل معاها في جدل .... لان الحريم في الاغلب يبغو يشوفو ويختبروا الرجال وكيف شخصيتو فانتا انتبه .... وخليك دائما عادي ..... يعني مثلا : اوريك هذي الجملة اللي كتبتها : صرت أنا اتضايق لما اشوفها متضايقه وكلمتها البارحه وقلت لها لي متضايقه الموضوع ما يسوى وبعدها انهيت الاتصال وارسلت لها رساله اقولها ترى الموضوع ما يسوى كلها بدله اذا ما حصلتيها اليوم بتحصلين بكره وترى أنا مشتاق لك أبيك تحسين في شوقي ولهفتي عليك وابي اكلمك حرام أيامنا تمر على كذا أمور وترى أنا زوجك ولي حق عليك المفروض ماتكلمها ولا ترسل لها رسالة تسيبها وتطنشها ... ولا تقوله لها الكلام هذا ...( بدله اذا ما حصلتيها اليوم بتحصلين بكره ) لانه بكرة النهار لمن تخش عليها حتعيرك وتقول لك موش انتا قلت لي اللي ماحصلتيه اليوم تحصليه بكرة ... فهذي تحسب عليك .... وترى أنا مشتاق لك أبيك تحسين في شوقي ولهفتي عليك وابي اكلمك حرام أيامنا تمر على كذا أمور وترى أنا زوجك ولي حق عليك .... ماكان تقول لها هذا الكلام ؟؟؟ كنت تقول لها يالله خير ربنا يسهل الامور يالله نشوفك على خير وتقفل السماعة ولا تقول لها انا مشتاق وانا زوجك ولي علي حق لانها هيا عارفة انك انتا زوجها مايحتاج ..... فكيف انتا مشتاق من اول الملكة لا بد انك تكون شوية متزن بالكلام عشان هيا ماتقول عليك اشبها هذا كده ملهوف عليا وسبحان الله المراة كلما كنت تقيل عزتك وقربت منك والعكس صحيح المهم مابي اطول عليك بالكلام وله كنت ابغى اوريك اساليب هيا تحبك اكثر وتخرج من المازق اللي هيا تسويه لك وكلمتي الأخيرة انتبه ياخي انتبه انتبه ......... ودائما خليك عايدي لا وتقول لك حسيت بالنقص عارف تاني مرة لمن تقول لك حسيت بالنقص ... قولها كم يعني نقصتي لووووووووووووول اقصد الوزن خليها مزحة ؟؟؟ وربنا يوفقك الولهان |
يختلف اخي الكريم .. في عوايل لازم يكون في كسوة عيد وبعضهم ولا تجي على باله ..
واذا انتم عندكم بعيلتكم وعيلتهم مافي هذا الشي فخلاص ماله داعي .. لكن تأثرت بكلام البنات وكلهم من عيله مختلف وعادات وتقاليد مختلفه .. لكن انت اجر خاطرها بكم هديه .. وفهمها هذا الشي .. وقوله ماجا على بالي لاني ماعمري شفت احد سواها بعيلتي .. |
عقد القرآن = زواج
نعم هى مسئولة من اهلها ولكن انت بالذات فلوسك شكل تاني يحببها اليك ويديم الحب والمحبة |
ربي يسعدكم ويألف بين قلوبكم
بإختصار حلوه من الخطيب لما يقدم لخطيبته مصروف او هديه كل شهر ترا عمرها ماتنساها انا اشوف اخواتي كل ماتكلموا عن الهدايا كل وحده تعيد وتذكر لناالهدايا اللي قدمها لها خطيبها لاتكبر الموضوع خذها ببساطه واهديها احلى هديه وخلي كل فترة الخطوبه هدايا وبعد الزواج مشي مصروفها وحاول تتودد لها واكسبها ترا اوقات البنات يتحسسوا من هذي الأمور على فكره جتني فكره خطيييييييييييييييره افتح لها رصيد بالبنك واحط فيه مبلغ وطلع البطاقه الصراف وغلف البطاقه مع علبة شوكلاته واهديها اياها اول يوم العيد وكل شهر حط فيه مبلغ والله انها بتفرح وبتطير من الفرح وقول أم سعود قالت ترا هذي الحركه جديده ولا مره سمعت وحده قالت عنها وربي يسعدكم ويألف بين قلوبكم ويسدد خطاكم ويبعد عنكم شر شياطين الجن والأنس اختك في الله |
أفاااااااااااااااا (يالولهان)
هذا وانت ولهان اجل لو كنت كرهان ايش يصير<<<<<امزح معاك لاتزعل مني انا من رأي بسط الأمور وخذها ببساطه وروح رياضيه وطبيعة البنت حساسه وتحب الدلع وحركات الحبيبه اذا هو ماعيشها عيشة الحبيبه والعشاق مين يعيشها من اجمل ايام العمر لاتضيعوها بأمور سهل التغلب عليها ياأخي حتى لو كانت مفبركه....... اكيد انها نفسها يهاديها زوجها شيء رمزي ولا انا غلطانه بس ماحبت انها تصارحه بالعكس البنت مرره دبلوماسيه ولطيفه وحبوبه ربي يسعدكم ويألف بين قلوبكم |
أخوي عليك انك تعذرها لان بها الفترة البنت تكون أكثر حساسية ومثل ما قالوا الاخوان
انا مخطوبة صارلي 7شهور ولامره خطيبي اعطاني مصروف وحاسة بإحساس خطيبتك هي يمكن يكون قصدها مثلي يعني بس تبي تحسسها صدق انك مسؤل عنها ولايهم كم مصروف تعطيها انا تمنيت لو يطلع من جيبه لو عشره ريال بس لااحس مو لشئ ثاني ولافكرت اني بيوم احسسه ان هذا شئ مضايقني بس حاطه بخاطري يوم العيد لازم اهديه هدية معتبرة وبعد الزواج اقوله عن الي بخاطري اتمنى تقدر احساسها وحياه سعيده ان شاء الله |
اخي بروجرامر , كن لماحاً و افهمها و هي طايرة ,,
عندما قالت لك ان نفسها في فستان و لم تقدر عليه كان قصدها انها تبيك تساعدها او تشتريلها ,,, بشكل عام لا اعتقد انك ملزم بالصرف عليها ما دامها في بيت اهلها ,, لكن لا يمنع ان تشتري لها هدية بين فترة و اخرى فالهدايا هي الطريق الى قلب المرأة ! بالتوفيق |
دامها في بيت اهلها اذان والدها مسؤول عن لبسها وعن كل شي
ممكن انت تهديها بس!! لكن مصروف قوية والله.. اجل شبتسوي بعد الزواج زوجتك!! بس يمكن يختلفون الناس ماأدري لكن رأيي هو المتعارف عليه |
اول مره اسمع ان في مصروف للبنت وهي في بيت اهلها
هدايا ممكن لكن مصروف وشهري بعد؟؟ غررريبه |
عادي يا اخوي
مافيها شي انا خطيبي ينزل لي معاش شهري والحبيب نزلها بدون حتى ما ياخذ شوري والله مستفيده منها وكافيني الله يخليلي اياه وترى لا تلوم خطيتك تلاقي البنات شدوا عليها بالكلام انا خابره المجتمعات النسائيه تأثرت وقامت قالت لك عاد انت بكيفك بتعطيها ولا لا بس اهم شي تقنعها بوجهة نظرك |
اكيد فى مصروف شهري البنات المخطوبات (ملجه) لهم مصرف شهري و عيديه و بعد هدايه
|
انا سمعت عن عن مصروف للعيد عند بعض العوايل لكن كل شهررررررررر
لااااااااا والله غريبه هذه بالهداوه والنقاش صراااااااااااحه شهر ونص بدري إنها تتكلم زي كذا........ لكن هذه يمكن عوايد عندهم والله مدري!!!!!!!!!!! |
زوجتك ومعقود قرانها عليك...
مي حلوة بحقك تمد يدها لأبوها علشان تشتري ملابس العيد وهي ما زالت علي ذمتك... شوف... أكثر شئ يخلي الرجال يكبر بعين مرته هو لما يحسسها إنه مسئول عنها مسئولية تامة... وإنك مستعد تعطيها وتسوي لها... حتي تكبر بعين أنسباؤك.. تري الريال منك له طعم ثاني... |
شغلها المصروف تعتمد من خطيب لخطيب اما شغله العيديه وكسوة العيد ترى لازم ومو بس عدكم بالسعوديه اغلب الدول العربيه هاي عاداتهم احنا بالعراق لازم يكون فيه كسوة العيد افهم موقفها ويمكن البنات اللي كانت معاهم اذوها بحجيهم صالحها ووديلها هديه بالعيد ...فرح قلبها |
:rolleyes: البنت لما تكون لسه ماراحت لبيت زوجها.. ما يكون زوجها مسؤول عنها هذا عرفاً (أي ما تعارف عليه الناس) صح أنها شرعا و قانونا بعد عقد القران تصير مسؤولية زوجها و لكن عرفا .. لا تكون مسؤوليته إلا بعد ليلة الزواج..أي بعد أن يسلمها والدها إلى زوجها ليأخذها إلى عش الزوجية و أنا لم أعرف قط أن هناك خطاب يعطون خطيباتهم مصروفا شهريا و هن في بيت الوالد!! حتى لو كان القران معقودا أصلا هذي تعد عيبه في حق الوالد:( ربما يعود هذا لاختلافات في العادات ... فالأفضل يا أخي الكريم أن تسأل أخواتك إذا كان لديك أخوات.. أو والدتك و لكن من دون أن يحسوا أن هذا الأمر بإيعاز من خطيبتك.... يمكنك أن تفهمهم أنك تسأل عن هذا الأمر لأن أحد أصدقائك نبهك له ثم .. أعتقد أن المهر كفاية لكي لا تطلب مصروفا شهريا ، فهو أول هدية يقدمها الزوج لزوجته لاكتساب مودتها و الهدايا تأتي بعد ذلك..حسب ما جرت عليه العادة و العيد حلاوته بالهدايا:d الله يجمع بينكم على خير.. و يوفقكم |
اول مره ادري انه الخطيب ما يعطى مصروف!!!! احنا عندنا يعني اهلنا يعطون
|
حنا بعرفنا
مايعطيني خطيبي مصروف مدامني ما طلعت من بيت ابوي هدايا مو مشكله بس مصرف وتقضي لا بس وحده من صديقاتي عادي عندهم حتى فاتوره الجوال جابتها له يدفعها من اول شهر هههههههههه عاد انت شوف الي يناسبك وسوه الله يوفقك |
البنت لما تنخطب تصير تستحي تطلب شي من أهلها وبنفس الوقت تستحي تطلب خطيبها لكن اللي اعرفه ان ابوها يصرف عليها يمكن هي منحرجه من ابوها بس موقادره توصل لك قالت لك سالفة البنات !! ترى هذي حركات بنات حنا نعرفها !!
|
إذا كنت تملك القدرة وتريد أن توسع على مخطوبتك فهذا والله فعل حسن
وهذا مما يؤلف القلوب ويزيد المودة وله مردوده الإيجابي ولا جرم أن هذا الفعل يلقي بظلال حسنة على نفسية المخطوبة ويعلي منزلة خطيبها في قلبها أسأل الله لك التوفيق |
والله يا أخوي بقول لك شيئ ....... وهذي نصيحة من أختك وأنا مجربة الوضع ........
أنا زوجي الله يهديه بفترة الخطوبة ما كان يعطيني مصروف والله بنات العايلة كلهم كانوا يعايروني بهالشيئ ومر على خطوبتنا عيدين ولا جاب لي هدية ولا عيدية ولا كسوة ولا شيئ بحجة انه عاقيدن القران وانا لسه في بيت أهلي ..... بس لما تزوجنا والله حز بخاطري هالشغلة ........ انت ما تدري البنت تكون محتاجة للمصروف وتستحي تطلب من أهلها اذا كانت مملكة ...... وغير كذا اللي قالوا عن المهر المهر هذا عشان تتجهز منه حق الزواج مو حق تصرفه للعيد ......... حنا من عاداتنا أن الخاطب ( العاقد قرانه) يصرف على خطيبته لأنها خلاص صارت بذمته ...... أقولك شغله أبوي الله يرحمه لما خطب أمي تصدق جاب لها ودام البيت كله خيشة رز وخيشة سكر وكرتون ملح وكرتون جبن وكراتين من كل شيئ << جدي إلى اليوم يتكلم عنه.... وغير المصروف اللي كان يعطيها اياه ....... يعني اذا كان الأكل أبوي جابه فمن باب أولى المصروف .......... |
لا كلام بعد كلام الاخت هند بنت عتبة عين الصواب
|
والله غريبة ..
كم هدية .. والسلام ؟؟ خاصة وراك مصاريف الفرح .. وخلافه !! الولهان .. ماشاء الله عليك حافظنا صم :) |
أنا ألي اعرفه عندنا بالسعوديه البنت المخطوبه وجالسه في بيت اهلها ابوها الي يصرف عليها خطيبها يعطيها هدايا ألا اذا كانت محتاجه وطلبت منه ------ أنا قدمت لك جوال وشريحة في أول اسبوع من خطبتنا وإذا جيت اشوفك اقدم لك ورود واعتقد أن مثل هالأمور هي الجانب المعنوي حتى صورتي عطيتك إياها وهذا جانب معنوي ------- أنا كنت ناوي اقدم لها عيديه مثلاُ وهدايا طول فترة خطوبتنا ------ انا اشوف انك عملت الواجب عليك وهذا المعروف عندنا وكثر الله خيرك.. أما كلامها الله يهديها اول مره اسمع فيه.. إذا انت حاب تراضيها وتعطيها كويس واذا انت حاب توقف على موقفك انت عملت اللي عليك وما جا منك قصور.. |
يعطيكم العافيه على هالردود مع أنها متباينه ، أنا ما عندي مشكلة بالهدايا أنا ناوي اوسع صدرها بالهدايا ، بس تفاجأة أنها تبي مصروف شهري أول مره اسمع فيه صراحه
|
ماااااااااااااافي مصروووووووف هذا دلع
اذا اعطاني جزاه الله خير وكله ذوق واذا مااعطاني هو غير ملزم فيها |
احنا مثلك المصروف على ابوها لين تجي عنده بس المجتمعات تختلف يمكن مجتمعها ان الواحد لازم يصرف عليها زوجها من تتملك عليه والوقت هذا تكون البنت حساسه وتبغاك تكون الافضل وعلشان ترتاح اذا كلمتاها قولها إنه مو عندكم هالطبع واسألها عن طبع اهلها ومثل ماقالت ام سعود حط رصيد وريح بالك وفرحها مو شرط يكون المبلغ خيالي بس صراحه ماشاءالله عليك ذوق هدايا وورد وحركااااااااااااااااات هالأشياء راح تعلقها فيك إن شاء الله ربي يوفقكم ويسعدكم
|
اخي اوصيك بالصرااحة التامة مع خطيبتك
ثانيا اذا كنت من اهل اليسار فلا ارى باسا ان تعطيعا بالمعروف فهي في الاخير زوجتك على سنة الله و رسوله ولا تنساني بدعوة صالحة |
والله انا اتفاجأت قبل كم يوم اعطاني فلوس قلتله ايش هذا !!! قالي حق العيد
بس طبعا قلت طيب وقبلتها ولا ماني متعودة اخذ شي منه الان عادي |
| الساعة الآن 09:43 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©