النونو عامل إضراب
 

السلام عليكم ورحمة الله


أنا كان موعد ولادتي يوم الخميس الي فات تاريخ 12/10 لكن للأسف موعد ولادتي طاف و أنا بعدني ما ولدت و نفسيتي تعبانة جداً لأني مع بداية شهر 11 راح أداوم في عمل جديد ولو تأخرت أكثر راح تقل فترة الراحة الي ممكن آخذها لأني ما أقدر آخذ إجازة من بداية التوظيف

و اليوم اتصلوا فيني المستشفى و قالوا لي لو ما ولدتي خلال الأيام الجاية روحي مستشفى الولادة (يعني الظاهر بيحطون لي طلق صناعي)


شنو الحل؟؟ ساعدوني هل في أي شي ممكن أسويه علشان أولد بسرعة و هل تنصحوني بالطلق الصناعي أو أنتظر أولد طبيعي؟ وعلى فكرة أنا تصيدني آلام مثل آلام الدورة بس تمتد فترة قصيرة و تختفي و أحس بألم فظيع في منطقة....... شي مثل الثقل كأنه عظم و ما أقدر أتحرك بسهولة منه


يا ريت تنصحوني و ما تطنشوني مثل المرة الي فاتت في موضوعي عن الطلق

اكثري من المشي واكل الرطب والتمر

وادعي الله بان ييسر امورك

الله يسهل عليييييييييييييييييييييج يارب

مشكورين حبايبي على الرد و الله يسمع منكم و أنتظر ردود البقية

فيه اعشاب تساعد على الطلق

منها

القرفة وكف مريم هذا كويس مره

الله يسهل عليكى ولادتك وتقومين بالسلامة

يابعد عمري ياايثار


ويسلم حبيب الماما عامل اضراب ربي يحميه

حبيبتي صلي واستخيري في يوم الولاده

وصلي واستخيري بالوظيفه

وتأكدي اللي ربي كاتبه بيصير اذا ربي كتب لك لولاده دحين يتشوفي الطلق وتبدأ الولاده

واذاربي كتب لك هذي الوظيفه حتى لو ولدتي بعد شهر بتلاقي الوظيفه



على فكره انا كنت انتظر وظيفه على نار ويوم اتصالهم علي جا خبر انتدام اختي لدبي لمدة اسبوع طبعا اختي ماتقدر تروح لوحدها لأن مافي غيري انا وهي وامي

وجلست ابكي قلت لها ايش ذنبي اضيع مستقبلي عشانك ايش استفيد لو رحت معاك ومناااااااااااااااااحه وماخليت احد مااستشرته

وصليت واستخرت ورحت معاهم

كان الكلام يوم الأربعاء يوم السبت كلمت المدرسه واعتذر ان جاني ظرف واضطريت اسافر لمدة اسبوع

طبعا ردت على المشرفه بكل جفا وتقولي احنا مومنتظرنيك

المهم قضيت الأسبوع واول مارجعت اتصلت عليهم وعلى طول رحبوا فيني وجيتهم جلست معاهم شهرين وانسحبت

هذي قصتي للعبره

فاللي ربي كاتبه بيصير

صلي واستخيري

اهم شي ابنك خليه يتغذى ولاتزعلي نفسك عشان ماتأثري عليه



وربي يسعدك ويهون عليك وينفس كربتك ويسهل ولادتك انت وكل بنات المسلمين



صلي واستخيري ياعسوله

اختك في الله

اختي العزيزه انا اصابتني نفس الامك عند موعد ولادتي احتمال كبير يكون سار معك توسع اكثر من المشي والسجوووود حتى يكون راس البيبي لتحت وتتسهل عمليه الولاده عليكي وروحي راجعي المستشفى لانه حتمال كبير يكون عندك توسع اذا ما في توسع بروحوكي على البيت واذا في توسع بقعدوكي ودمتي بخير وان شاء الله الله برزقك بالذريه الصالحه

الله يعينك ويسهل عليك يارب
انا مثل حالتك كان موعد الولادة المتوقع18-9
وللحين مافي شي
اشرب قرفه وامشي واكل تمر
بس مافي فايدة
نفسيتي صايرة زي الزفت
اعصب بسرعة وماانام
وصايرة حساسة كثيييييييييييييير
والالالالالام اللي مو طبيعيه اللي في ظهري
يعني وصلت حدي خلالالالالاص منهارة

الله يسهل عليك ولادتك وعلى كل حامل انشاء الله
والله يرزقني ويرزق كل مؤمن بالذرية الصالحة

اختي صدقني شدة وتزول

انا جلست 12 يوم في الشهر العاشر ما ولدت ورحت مستشفى ونمت فيها بس خرجت وبعد اسبوع جاتني الولادة

نفسيتك اكيد تعبانة بس الله يفرجلك همك ويسهلك ولادتك امين

اختي المشي وايد زين اكل الحار(الفلفل) و الجماع

سورة الزلزلة اكثري منها وتمر عجوة والجماع

الله يسهّل عليك ان شاء الله . .

اذا انتي في بلد عندكم بحر انصحك بالمشي على رمل الشاطئ . . المشي على الشاطئ يسهّل الولادة بشكل كبير . .

أيضا تناول الأكلات الحارّة . . و شرب زيت الخروع . . و الجماع . .



الله يسهّل عليك ان شاء الله . .

السلام عليكم ورحمة الله

مشكورين حبايبي على تفاعلكم معاي و إن شاء الله الله يسمع منكم و أبشركم عن قريب بالولادة و حبيت أسأل عن التمر المعبوط يعني شنو


ألف شكر مرة ثانية

سبحان الله انا كمان كان موعد ولادتي 12/10/واعطوني موعد ثاني بعد ما راجعت العيادة 15/10 وللحين ما صار شئ وانامثلك خايفة كثير نصحوني باكل التمر وانا اكله من بداية التاسع للحين كل ليله .......... باين عليهم البيبيات يريدون ان يصومو رمضان ويعيدون معنا ..انا سمعت عن زيت الخروع بس لسا ما جربته لحد الان ..تمنيت اني اولد في رمضان لانهم يقولون ان الولادة في رمضان اجرها اكبر ...الله يسهل علينا .. اقري يا اختي ايات تسهيل الولادة تلقينها في المنتدى والله يسهل ولادتك ..امييييييين

حابه اعرف منك يا اخيتي امتى كان تاريخ اخر دورة عندك .. هل كان 5/1/2006

ربنا يقومك بألف سلامة ،، عليك بالمشي لمدة طويلة هيكون تعب عليك بس المشي أكثر حاجه بتسهل و تسرع عملية الولادة ،، و عليك بالقرفة و التمر زي ما نصحوك بعض الأخوات

و مش تنسي تبشرينا بالنونو و ربنا يهنيك إن شاء الله

السلام عليكم ورحمة الله

دنيا الروح ما شاء الله أنا بعد عطوني موعد ثاني في 14/10 و صح كانت آخر دورة في 5/1 /

سن أوف مي ألف شكر على المرور و المشي مو مقصرة فيه بس الله يسهل

خلاص ناوية أسمع كلام الدكتورة و أراجع المستشفى بعد بكرة ولو احتجت لطلق صناعي راح آخذه لأني بحثت عنه و اقتنعت فيه و إن شاء الله راح أنزل المعلومات الي لقيتها

انا بعد قالوا لي موعد الولادة المتوقع
18-9 وللحين ماصار شي
وانا تعبانه مرررررررررة
ونفسيتي زي الزفت
وصايرة اعصب وازعل كثير وبسرعة وبسبب او بدون
ادعولي ياجماعة الخير