|
تعالو أقولكم عن فكرة حلوة قبل آذان المغرب
السلام عليكم
اليوم جا ي بالي حركة وأعجبتني جداا وعلى طول جيتو في بالي يابنات.. كلنا نجتمع مع أهالينا مع الفطور صح؟ وعارفين ان الدعاء مع الإفطار مستجاب بإذن الله.. لقول الرسول صلى الله عليه وسلم (( للصائم عند فطره دعوة لاترد )) ونقدر بالراحة عند اهالينا ندعي بأي دعاء شئنا الا يارب ارزقني الزوج الصالح صعبة شوي:d لذلك اليوم خطرت في بالي حركة قبل الآذان بشوي أخذت تمرة وكاس موية ورحت للوالدة الله يحفظها وقلت اذا أذن لاتنادوني تراي أسمع الآذان ..بروح اقرأ قرآن واذا أذن جيت لكم.. قالت خلاص ثواني ويأذن اقري بعد الصلاة قلت عاد شسوي مسكت معي إلا بقرا الحين :26: ودخلت غرفتي وسكرت الباب وتوضيت واستقبلت القبلة ودعييييييييت وأذن ودعييييييت من قلبي ودعيت لكم كلكم مع ورقتين ورقة لكم ورقة لمنتدى ثاني ياكثرهم البنات الله يستر عليهم. بس خليت دعاء الزواج آخر شي.. استحي من ربي ان هذا همي يعني ادعو بآخرتكم اول بعدين بالدنيا والله حسيت براحة الحمدالله والشكر قلت وحتى لو ماحسيت ان الدعوة مستجابة مباشرة يكفي اني لجأت لله سبحانه وتعالى هذا بحد ذاته عبادة.... وان شاء الله بابدا أسويها على طول وان شاءالله ربي يستجيب لنا جميعا قلت أقولكم يمكن تعجبكم وتسوون مثلي.:) ولاتنسوني من دعواتكم |
أهلين شوبارد ..
نفس الحكاية .. أكون معاهم ومطنشيني ع الآآآآآخر وبس أدعي .. الكل يكلمني :29: خطرت ببالي فكرتك .. دخلت غرفتي وحبة رطب مع الماء وبس يبدأ الأذان .. تيجي أمي .. وتناديني .. فأخرج .. لكن لازم أجرب أخبرهم الأول !! يا ستي تسلمي ع الكلمات الطيبة والله يحقق لك المنى يا كريم !! شوبارد .. أحتاج رأيك في موضوع قادم شرفينا :) |
شوبارد
مالي إلا وقت قصير معاكم ومع ذلك نشاطك ملحوظ ومن قلبي أبدعي لك بالغيب الله ييسر لك الخير .... لاتنسينا ياقمر دمتي بخير |
بسم الله عليك ياشوبارد
بصراحه انا اجهز الفطور واخلص من قبلها بنص ساعه واهل على التلفزيون وانا ادخل الغرفه واجلس ادعي للكل ومانسيت احد واول مايأذن اكل تمره ماتاخذ ثواني ويكونوا اهلي ملتهين بالفطور اطلع لغرفتي واجلس اكمل دعائي واتسنن واكمل دعائي بالسجود الين يقيم مسجدنا بعدها اصلي المغرب وانزل لأهلي بس بأجرب اني اطلع الغرفه من اول يعني مااقطع دعائي وربي يسعدك ياعسل ويفرج همك وينولك مرادك ويرزقك ربي الزوج الصالح اللي يخاف الله فيك ويسعدك ويصونك عاجلا غير آجل بحق هالساعه الفضيله والأيام الفضيله وارزق يالله ياكريم جميع بنات المسلمين وشباب المسلمين |
حسابات الزمن
تعب روح الغالي مشكورين يالبنات الله يجزاكم خير ماشاءالله عليك ياروح الغالي.. والله بالعادة انا في الفطور ادعي بصوت واطي مرة واهلي يضيعوني صبي قهوة صبي عصير قربي السمبوسة وانا مطنشتهم واحرك يدي يعني اصبرو شوي ويتريقون علي الله اكبر وش تدعين فيه وماارد عليهم:29: بس اليوم راااااااااااحة ودعاء من قلب وبخضوع خسارة الايام اللي راحت |
السلام عليكم ورحمة الله وبركاته
تصدقين انا دايم اسوي كذا خاصة في يوم الجمعة أجهز الفطور واروح لغرفتي اتوضأواستقبل القبلة وادعي واذا ختم المؤذن دعيت بعدين انزل جربوها بعد في الشهور الاخر في يوم الجمعة اجلسي في مكان هادي وتوضي واستشعري ان الله يشوفك ويسمعك ولاتنسين الاية(واذا سالك عبادي عني فاني قريب أجيب دعوة الداعي) والله تجيك روحانية عظيمة قريبتي راحت للحرم اخر الليل لحالها وصارت تدعي والله كل دعائها تحقق دعت انها ماتجي الدراسة الا واهي مخطوبة واللحين ماشاء الله عليها متملكة تحياتي |
اختى شوبار شكرا لك وجزاكى الله كل خير ورزقكى الزوج الصالح عاجلا غير اجل .................. انا كمان لما بفطر .......... اهلى بينظرو اليا مش هتأكلى احرك راسى وانا بادعى فبدعى وقت الفطار ليكم والله وليا برضه بس عليشان ادعى اسمايكم بخليها قرب الفجر اما لحظة الفطور اقول وبنات المنتدى يارب ويارب يتقبل منكم .......على فاكرة انا عملت كدة ومسكت الورقة قبل الفطار بنصف ساعة قمت اقرت الورقة اللى معايا اللى فيها اسمايكم بس بقف عند اسماء دائما باستحى اقولها امام ربى وبقولها بالعافيةو انا خجلانة . كنا الافضل قلنا باسم الام يعنى بنت فلانة افضل من الاسماء اللى احنا حطنها ............. المهم أن . يارب يتقبل منا جميعا
|
اخيرا وحده من البنات استحت تدعي بأسماءنا قدام الله
شوفتي ياندى كيف انا اقولكم من اول كل وحده تحط لنا اسمها او اسم تلقب فيه بأم .....مثلا (أم سعود) وربي يسعدكم جميعا ضحكتيني ياشوبارد وانت تدعين وتقولي لأهلك شوي انا كذا اول يومين رمضان بس على مين منه له حيله فاليحتال ربي يسعدكم جميعا |
لا تنسوني من صالح دعائكم
|
ياترى اسمي مكتوب ياشوبارد ؟؟
:d |
والله جزاك الله خير.....فكرررررررررررره مرررررررررره رائعة....
الله يجعلها لك في ميزان حسناتك يوم الدين.....والله يعطيك العافيه ..ويستجيب الله لك ولنا ... انه قادر على كل شيء سبحانه وتعالى................... |
حياك ياشوشو اشوف اختي حاطه التمر بغرفتها وامي ياعمري تبتلش عندها طوال الوقت تصوت لها لاتكونين اختي:11: ياشوشو الله يسعدك يالغاليه وينولك كل ماتتمني انت واختي وكل بنوتات المنتدى يارب |
دايما بالمواضيع الحلوه اجي اخر وحده ...:rolleyes:
. انا ماافطر على طول لمن يأذن .. ادعي بعدين افطر لانه معروف ان الدعاء عند الافطار مستجاب .. اول شي اقول اللهم تقبل من صيامي وقيامي وصلاتي ودعائي .. بعدين اقول اللهم ارزقني الزوج الصالح ولكل بنات وشباب المنتدى .. وطبعا اكون حاطه ببالي اسمائكم كلكم تقريبا .. بعدها افطر تمر ولبن .. وبعدها اقوم اصلي وبعدين نتجمع على الفطور فكرتك حلوه شوبادر .. الله ينول اللي ببالنا .. لكن انتي تقولي ماادعي ربي اول شي بالزوج الصالح طيب ليش ؟؟ مايجوز؟؟ ... لاني ادعي ربي اول شي بالزوج الصالح :o بعدين ادعي لدنياي وآخرتي .. |
الله يسعد قلبك يا شوبارد وينولك كل إلي تبينه
وينولني وينول جميع من بالمنتدى ما يريدون عاجل يارب.. يارب أول ما ينتهي رمضان كل وحدة ربي ينولها إلي تبيه يارب هو الكريم الودود القادر على ذلك وولي ذلك... آآآمين تحياتي لك يا الغالية |
شوبارد الله يعطيك العافيه وتقبل الله منك
وعاد لا تنسينا |
جزاكم الله خيرا ..
وهنا أمر مهم, وهو ان السنة هو تعجيل الفطر ولذا لا ينبغي أن يؤخر الفطر لأجل الدعاء الطويل, بل الأوْلى أن يدعو الشخص قبل الإفطار ثم مع الإفطار يدعو بالأدعية الواردة مثل ( اللهم لك صمت وعلى رزقك أفطرت ....) ثم بعد الفكر يدعو بما شاء ... أسأل الله أن يتقبل من الجميع صيامهم ودعاءهم ... |
مشكوره ياعسل لكن انت ممكن تدعين بدون مايسمعون صوتك الا إذا كان قصدك انهم بيشوشون عليك بكلامهم<<<< أو عشان تقرين من الورقه الاسماء :)
أسأل الله ان يتقبل منك ومن كل مسلم دعاءه وهو القادر على اعطاء كل ساءل مسألته.. |
وانا يا شوباررررررد لا تنسيني
ادعيلي:21: ترى والله أدعيلج وبالاسم:17: |
ترا صحيح ياشوبارد كلام الاخ الوليد ...
وانتي بتفطري ادعي .. لاني مثل ماقلتلك الدعوة مستجابه .. الله يبارك لنا بصلاتنا ودعائنا وتتقبلها منا يارب العالمين |
مشكوره حبيبتي
والله انا اول شئ اقول اللهم لك صمت وعلى رزقك افطرت فااغفر لي مااقدمت ومااخرت بعدين ادعي واقول اللهم ارزقني الزوج الصالح انا واخواتي في المنتدى واقول بعض الاسامي اللي اكون حافضتها لانني مااقدر اجيب الورقه قدام اهلي وادعي فشيله بيقولون وش هذي:25: بس بعد ماافطر اروح لغرفتي واقرا قران وادعي لهم واقرا الورقه لحد مايقيم للصلاة |
جزاك الله خيرا ألله يوفقك ويسعدك بالزوج الصالح أختنا شوبارد ولا تنسيننا من دعائك بارك الله فيك
|
طلة الخير
ماشاءالله عليك الله يثبتك nadasteel ربي عارف نيتك ان شاءالله جزاك الله خير روح الغالي خلاص قلتلك انا ضحى.. ام مزنة ابشري.. هاه شرايك يالحركة؟ سويها يام مزنة ابو فراس تبغى الجد والله مافيه:d بس البنات اللي بهالقسم بس والأعضاء اللي يخففون علينا ويشجعونا بس ان شاءالله ادعي لك صمت المشاعر امين وياك الله يسعدك ويوفقك فيافي نجد ضحكتيني ياحبي لك انا ماعندي أخوات كبار العام لا عادي.. بس من آداب الدعاء الثناء لله سبحانه وتعالى ثم الصلاة على الرسول عليه الصلاة والسلام والدعاء للأسلام والمسلمين ثم الدعاء لنفسك.. غفران الذنوب والنجاة من النار والدخول الجنة ثم الحاجات الدنيوية اعتقد مافيها شي بس انا بصراحة استحي مباشرة ادعي بالزواج أحس فيه أولويات مثل غفران الذنوب الله يعفو عنا والهدايةودخول الجنة.. أتمنى فهمتي علي مخملية الإحساس جزاك الله خير وربي يفرج قلبك قريب وقلوبنا جميعا أم جوري وجنى حبيبتي يعافيك... راجعي ردي لك بموضوعي السابق وردود اخواتي ... شكلك قريتي وتوهقتي وطنشتي << امزح الأستاذ الوليد وياك ان شاء الله وأشكرك عالتذكير وفعلا انا هذا قصدي لكن ماكتبته اول مايأذن طبعا نفطر مباشرة وندعي قبل وبعد دودي الحلوة اذا صرت لوحدك تكوني خاشعة أكثر وخاضعة لربك أكثر مو مثل وانت بين اهلك هذا ياكل وهذا يأمرك وهذا يسولف تعرفين مايحتاج أشرح لك عروس بالاسم ان شاءالله وجزاك الله خير ريناد صادقة جلست اتخيل اجيب الورقة قدام أهلي :d الله يقبل دعاءك لاتنسيني بالغالية محب الغزلان جزاك الله خير |
الله يسعدك ياشوبارد ويحقق كل اللي تتمنينه أنا وأهلي ماشاء الله كلنا نكون مستقبلين القبلة وندعي يعني ماقد حسيت أني انشغل عن الدعاء لأنهم كلهم منسجمين مشكورة يالغلا |
أختي شوبارد
و انا دعيت لكم بالحرم و دعيت لكم بأزواج صالحين و أعتبرها دعوه أخرويه أكثر من دنيويه و ايش أحسن من رجل يخاف الله فيك و يعينك على التقرب من الله أسأل الله ان يفرحك به عاجلاً غير آجل فقد تعلمنا منك كيف نفكر بأخواتنا و ندعوا لهم تحياتي لك |
سبحان الله ياشوبارد..أنا ما استدليت على هذي الطريقة إلا قبل يومين وخسارة الأيام اللي فاتت..
بس ما أطلع غرفتي..أطلع الحديقة أقرب!! آخذ معاي حبة تمر وكاس موية وأجلس أدعي إلين ينتهي المؤذن وبعدها أدخل أفطر براحتي..أعرف إني مو ملحوقة مثل أول..أنواع التشويش بين أهلي.. عسى الله إن يستجيب لنا اللهم آمين |
والله روووووووووعه فكره ماجات على باااااااااالي ادخل لحالي بغرفه وادعي......
الله يوفق الجميع يارب ويحقق لكم امانيكم يارب......... ولااااااااااااااتنسوني من الدعاء معاكم!!! اللهم اعد علينا رمضان اعواااااااااااامآواعوااااام واجعل القرآن نورآ لقلوبنا....... اللهم ارزق اخواتي الرجاااااااااااال الصالحين وارزقنا الذريه الصالحه يارب...... آآآآآآآآمين يارب....... |
اقتباس:
وقت الفطور ندعي بقلوبنا كل واحد فينا فكرتك حلوة حبيبتي شوبارد ولا أنساك من دعائي |
يا حليلك يا شوبارد الله يسعدك ويهنيك ويفتح عليك أبواب كانت مغلقة ويرزقك من حيث لا تحتسبي رزقاً يتعجب له البشر والملائكة يا رب..
قبل المغرب بعشر دقائق أحس في شي يناديني لغرفتي يقلي وقت الدعاء <<<<< تخوف.. أدخل أتربع على السرير أدعي لين الأذان.. أروح أعطي لساعدي الأيمن تمر وأقلها ادعيلي مسكينة جالسة في المطبخ طول الوقت تطبخ وأنا على الجاهز آخذ أجر إفطار صائم فيها المسكينة بس إذا دخلت المطبخ تصير مصيبة أضاعفلها الشغل وأكركب.. المهم أقلها إنت أجرك أجرين التعب والإفطار.. المهم أكلي تمرتين ثلاثة وكل تمرة دعوة :d وأنادي أهلي أذذذذذذذذذذن.. أمي مسكينة تفطر فغرفتها وتضرب إبرة السكر وتجي.. وبابا يقوم يتوضأ.. وأنا أول وحدة على السفرة :11: ألحق أدعي.. وأوزع تمر وقهوة كأني فالحرم. يفوتك أمس رحت على أمي قبل الفطور جالة تدعيلي بصوت :17: <<<< تكفخ بركة أبوية كان فمكة.. قمت أقول بمزح.. أمييييي... أبيييييي معرررررررررس = حصصصصة....أبيييييي قهووووووة <<< طاش ما طاش حق كم سنة فاتت :14: وساعدي الأيمن تسمع أمي وتقول آميييييين يا رب. أنفضحنا,, وأخوية يضحك عليه ويتريق يقلي كم عمرك ؟!! :29: أما اللستة حقة الأسامي أخليها على رواق في الفجر.. بس حركتك حلوة ما شاء الله.. اللهم منا الدعاء ومنك الإستجابة.. مستبشرة خير :) الله كريم. |
الله يوفقك ويعطيك اكثر ما تتمنين
بالنسبة لي عادي ارفع صوتي بالدعاء عند زوجتي واقول لزوجتي الله يوفقك واخيرا الدعاء بالزوج ما فيه شئ ولا تستحين منه ( بينك وبين ربك ) الله يفرح بدعاء عبده تحياتي والفجر قريب |
فكرررررررره حلووووه تقدرين تاخذين راحتك اكثر وعسى ربي يتقبل ان شالله
انا ادعي عند اهلي بصوت وااااااطي ولاسمعت امي تدعيلي بالزوج الصالح اقرررب منها واقولها من اللي يستاهلني (ماعندها وقت) لاني احب وقت الفطور اكون مع امي وابوي الله لايحرمني منهم بس بصراحه استحي من ربي اخليها اول دعوه احس فيه دعوات اولى واللهم لاتجعل الدنيا اكبر همنا ودااااااااايمااا ادعيلكم يابنات المنتدى ولك ياشوبارد بالاسم حتى بالصيف خذيت عمره وتحمست بالدعاء لكم لدرجه اني شكيت ان الناس سمعوني ......... الله يستجيب لنا بس ويرزقنا باللي في بالنا (مااعرف عاد وش المواصفات اللي في بال كل وحده) |
السلام عليكم ورحمة الله وبركاته
اقتباس:
بارك الله فيك وأسعدك وأسأله أن يستجيب دعاءنا ودعاءك. |
ماشاء الله تبارك الله
فكرة حلوة وفيها الخير العظيم بإذن الله أختنا شوبارد لا تنسين تركزين على الدعاء في آخر ساعة من يوم الجمعة وقد تبقى جمعة واحدة والله فيها فضل عظيم تقبل الله من الجميع الدعاء والصيام |
مشاء الله تبارك الله ..
جزاك الله خير و تقبل الله صيامك ودعائك .. |
الله يتقبل دعاكم
لاتنسوني من صالح دعائكم |
انا من بداية رمضان اخذ قهوة وتمر واروح غرفتي الى ان اصلي المغرب وادعي لكل البنات الي بالقائمة وبنات اعرفهم واخواتي وحتى قائمة المتزوجات الراغبات بالذرية الصالحة
|
اقتباس:
بالفعل كلام سليم الله يوفق الجميع لما يحبه ويرضاه |
السلام عليكم ورحمة الله وبركاته
جزاك الله خيرا أختى شوبارد أسأل الله أن يتقبل دعواتك وإن إستحييت الدعاء أمام الأهل فقولى اللهم آتنا فى الدنيا حسنة وفى الأخرة حسنة وقنا عذاب النار أسأل الله أن يرزقك وجميع الأخوات الأزواج الصالحين عاجلا غير آجل اللهم آآآمين دعوت لكن جميعا فى الحرم الشريف قلن آآآمين لدعائى |
قلب طفلة
ماشاءالله تبارك الرحمن.. والله احنا أمي تدعي بس!! وأبوي مايجي الا بعد الآذان تصدقين شكله يروح يدعي توني احس!! والباقي هجووم على الفطور تقولين مجاعة:d مشرفتنا سيسبان مشتاقة لك من زمان عنك.. وجزاك الله خير عالدعوة الله يسعدك دنيا وآخرة ويعوضك عليك همس زين سويتيها الحديقة احلى واحلى بعد بس اخاف احد من اهلي ينتبه لي تعرفين الاخوان والاخوات انواع التعليق يفشلون!! عطر الليل زين سويها ولاتنسيني من دعاءك الله يوفقك سما جزاك الله ماقصرتي يالغلا مس هاوي ياحليلك انا ماأقدر اقول لأمي كذا مع انه نفسي وودي :15: الله يرزقك يااااااارب صاحب رأي سديد بس تعرف في الفطور الكل يتكلم وياكبل هاتي صبي تخبر مايحتاج ومااركز أبد جزاك الله خير والله يحفظكم لبعض ريماني هههههههههههههه لو اقول لأمي من اللي يستاهلني مع اني ماتجرأ اقولها بس لنفرض اني قلت لها احس انها بتقول انت اعرسي بس :21: وجزاك الله خير عالدعاءالله يرزقك سنون ومنون الله يبارك فيك ويوفقك زوجتي وأنا جزاك الله خير عالتذكير الفداء وياك يارب الله يسعدك دنيا واخرة أم خالد اميييييييييييين الله يحنن قلب زوجك عليك ويسخره لك توتي فروتي ماشاءالله طيب كان كسبتي أجر فينا وقلتي لنا <<< بتحاسبك :d عبيرالرياض شاكرة مرورك عزيزتي ليل المحبة جزااااااااااااااااك الله خير والله يحقق لك ماتتمنى يارب |
أختى الفاضلة الكريمة جعلك الله في يديك الخير و أملأ قلبك بالخير و جعل ورائك الخير لطالما ما زان بنا الروح فل ندعو ولنبتهل لله في كل وقت و حين ربما يحبب الدعاء في اوقات معينة استجابة لما أعلمنا به الله عن خير أيام أو ساعات الدعاء ولكن لا ننسى الدعوة الصادقة المليئة بالخضوع في أي وقت قد تكون هى سبب خلاصنا و زوال همومنا اثابك الله كل الخير و جعل في ثناياك البشر و أبلغك ليلة القدر و جعلك في السنة القادمة في بيت زوج من خيرة البشر أختك أمة الله |
على قدم وساق
كلامك رووووووووووعة آمين ولك بالمثل ان شاءالله |
| الساعة الآن 06:02 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©