|
ما يأخر السيل الا كبره (دعوة للتفاؤل)
ابشركم نويت ابدا صفحه جديده مع نفسي ومع قناعاتي في الحياة بعد سماعي لمقولة
"ما يأخر السيل الا كبره" يعني دام عريس الغفله تأخر فكوني على ثقه انه شئ راااااااااهي :22: وكبيرررر ويسوى هالانتظار اعجبتني كثيررر وحبيت تشاركوني تفاؤلي الجديد والنظر الى تأخر الزواج نظره ايجابيه وتكون انطلاقه جديده وقويه :17: والله يرزق الجميع |
السلام عليكم
ربنا يجزي كل صابرة وصابر بكل خير كما وعد تعالى (ومن اصدق من الله حديثا) معاك في التفاؤل |
والله هذا اللي أنا قاعدة أقعد أقنع نفسي فيه ..
اقول لنفسي ..كل ماتأخرت العطية كل ماكانت أكبر ..الله يعطينا على قد حسن ظنه فيه سبحانه وتفاؤلنا أجمعين اللهم اااااامين |
ان ادايم اقول لو تأخر نصيبي يمكن عريس الغفله مشغول او بمشاكل .. او مسافر<<< اطمن نفسي ..
الله يرزقنا ويعوضنا خير. . |
أمس كنت أسولف مع وحده من الصديقات تقولي لو يجي الرعيس
بقوله وش مشغلك عني كل هالوقت وبعطيه كف << قلت عز الله بينحااااااش بس فعلا الله يجيبه و ييسر أهلنا لنا يااااارب |
كبره:confused: :rolleyes:
آه آه فهمت, يعني من كبر سنه ما قدر يمشي بسرعة, و ممكن يكون ماشي بعصا:d يعني تنصحيني استناه أعذريني أختي, حبيت استهبل:23: :23: :23: :23: :23: |
ماشاء الله عليكي هذا الكلام الي يفرح :)
تصدقي كل الى اعرفهم و تاخر و بالزواج عايشين بسعادة لا توصف عندي امثلة كثير لبنات مثلا وحدة تزوجت بعمر الثلاثين من شخص يموت فيها ومريحها على الاخر وكل شوي مسافرين وبنات اتزوجو قبلها كانو يعايرونها بتاخر زوجها ماهم مرتاحين بالمرة مع ازواجهم غير اشكالهم تقولين اكبر منها بعشر سنين وهي ماشاء الله محافظة على جمالها ورشاقتها غير الدلع والذي منه هي كملت دراستها وتشتغل وراتبها ممتاز وزوجها نفس الشي ووحدة اكبر اخواتها خواتها سبعة ماشاء الله 3 تزوجو قبلها بس هي تاخرت وفي النهاية تزوجت ابن وزير وتخيلو العز الي هي فيه يعني صبرت ونالت وكثير غيرهم يعني بنات القادم افضل ويستاهل التاخير |
أنا أرى أن هناك سعة للتفائل والأمل باذن الله ولكن ليس أمام الكل
فالبعض قد يصل بها الانتظار إلى حرمان زينة الدنيا وهم الأبناء وذلك بسبب رغبتها وإصرارها على الارتباط بزوج أعزب ، وكم أخت شعرت بالندم ولكن بعد فوات الآوان ، حين تقدم إليها من الرجال المناسبين مارفضتهم بسبب أن لديهم زوجات ، وهاهي الآن تعترف كم كانت مخطئة ولكن نسأل الله أن يعوضها خيراً من ذلك 0 وننبه من لاتزال أمامها الفرصة أن ترتكب الخطأ نفسه وقد انقل لكم يوما على لسان إحداهن ماتشعر به من حرقة واسف لعل في ذلك فائدة 0 ولك التقدير |
اقتباس:
مو كف بس والله ودي اكسر عظامه حسر بي راح شبابي أنتظره عساه يستاهل بس << خربت الأخلاق اه لو يجي والله بنسى الدنياومافيها ...الله يفرج علينا جميعا |
حسنة الظن بالله
ااااااااامين يالله تعالي صفي جنبي :17: اعذروها يااقلبي كل تأخيره وفيها خيره ان شالله العام الله يجيبه بالسلامه ياااارب وتفرحين بشوفته قريب:14: oOعبير الرياضOo هو خليه يجي اول وبعدين نتفاهم معه :29: والغايب عذره معه شكوتي لله خذي راحتك ووسعي صدرك مالنا الا الانتظار والدعاء toti_froti يعني المقوله واقعيه :d طمنتي قلبي الله يطمن قلبك الله لايضرني نازل علي تفاؤل ان شالله نهايته فرج قريب الكبير وجهة نظر احترمها لك كل الشكر |
الله يزوجك ويزوجني ويزوج كل ناوي الحلال ومتأخر عن الزواج شـاب أوشـابة والله ينول صبرك وصبرنـا خـيـر يـارب
|
شوبارد
ههههههههه سلامته والله مااكسر عظامه ولاشئ هو متعمد يتأخر يبيك تشتااقين له ااامين يارب |
مـ ـ ـروق البال
الله يسمع منك يااااااااااااااارب ويسخر لنا الصالح من عباده قررررريب |
السلام عليكم
أختي الكريمه الله يوفقك وكل تأخيره فيها خيره إن شاء الله تحياتي |
دعوه للتفاؤل
منطق رائع أنا دائما أقول حتى لو ما كان فيه نصيب إني أتزوج على الأقل ما تروح أعمارنا كلها هم وغم إذا جاء اليوم إللي تتعدى فيه البنت سن الـ 35 بدون زواج ساعتها يحق لها إنه تتضايق وتخاف دائماً أردد هالعباره خلونا نستمتع باللحظة الحاضرة وما فيه داعي إنه نتحسر على الماضي كثير ونبالغ في تخوفنا من المستقبل يعني أنا أؤمن بعبارة ((((((( عيش يومك )))))))) تحياتي للجميع |
"ما يأخر السيل الا كبره" :14:
أحس راح أقلب وجهي عليه في البداية.. كانه هو سبب تأخري.. وراح انتقم منه :29: أستغفر الله.. لا مسكين.. أخاف لو كان على كيف كيفي تروح هيبتي :23: وأندلق عليه. " تفائلوا خيرا تجدوه " :17: <<< تصفق. إحساسي ما يخيب.. ربي مخبيلي الأحسن بإذنه تعالى.. وراح يجازيني خير.. ترى ما يضيع الزين عند ربي أبداً. :) يارب يوفقك ويرسل عليك السماء مدراراً.. :21: بالخير والبركة.. ويفرحوا أهلك بيكِِ.. اللهم آمين.. أجمعين. |
هههههههههههههه
عبير الرياض وشوبارد والله ضحكتوني تصدقون احيانا افكر اقول عريس الغفله وش جالس يسوي ووش مأخره يعني يتغلا هو وجهه:29: مشكوره اختي الله يصبرنا بس |
اقتباس:
انا مع اختي الحاائره وصدقيني انتي لستي حائره بالعكس كلامك درر وعلى تأخر الزوج راح اسئله بكل برااءه وووووووووووين كنت هالسسسسسسنوات ؟؟؟؟؟ عسى الله يجيبببببه بس ونتفاهم معه |
يارب الله يسمع منك بس أنا هاليومين حاسه بتفاؤل ولله الحمد يمكن هالأيام الفضيله لها أثر على نفسيتي وبعد محسنه ظني بربي أنه أن شاء الله بعوضني خير ويجيب دعائي الله يتمم علي هالإرتياح ولا تغير نفسيتي بعد العيد وبعدين ياشوبارد وعبير الرياض ضحكتوني على كلامكم :d ..بس انا ماراح اسوي زيكم أخاف إذا عطيته كف راح ولارجع ورجعت حليمه لعادتها القديمه لا لا لا:24: ..... أنا بالنسبه لي بربطه عندي ولا راح اخليه يروح لا يمين ولا يسار:d |
صاحب رأي سديد
الله يوفق الجميع و كل تأخيره فيها خيره اصبحت من ضمن قناعاتي ولله الحمد الحـــــــائرة تفكيررر روووعه مشالله عليك وينولك اللي في بالك انا توني فطنت لهالشئ يوم اكتشفت ان سنوات مرت من عمري وانا بس احاتي العرس لاانبسطت ولاعشت لحظتي ولاشئ بس وعد ببدأ من جديد :17: Miss Hawaii وشفيكم يابنات على ازواج المستقبل؟؟ اللي بتقلب وجهها واللي بتكسر راسه واللي واللي؟؟ هو مسخر لك تسخير من الله وماله ذنب اسكتو بس لايسمعونكم ويهونون :24: الله يبلغني يامس هاواي قرررررررريب واشوفك لاجا واسألك لحظتها وش سويتي؟؟ رينـاد هههههههههههههه ياحليلك يااااااارب تشوفينه قريب وتسألينه غلا القلب جاي جاي بإذن الله وصدقيني اول مايجي بننسى كل العتب واللوم :14: يمكن عنده ظروف او مابعد يكون نفسه او مااكتشف وجودك او او .... التمس لااخاك المسلم سبعين عذر :d متفاااااااااائله بقوووه الله يتمم علي همة عالية مشالله علينا انا مثلك صايره افكر بايجابيه وتفاؤل وثقتي بالله مالها حدووود وان شالله مايخيبني احس حلوه حركة تربطينه :22: ربي يوفقك |
remany
عزيزتي الله ينور عليك . الله يبشرك بالخير هي دعوة طيبة للتفاؤل و الامل اضحكني كثيرا رد شكوتيي لله في حفظ الله |
نعم للحياة
اامين ويبشرك بكل خير يارب صراحه اعجبني اختيارك للاسم "نعم للحياه" ربي يوفقك |
الله يرزقنا كلنا قولوا اميييين
والله وسعتوا صدري يا بنات الله يسلمكم ان شاء الله |
فعلا مثل طيب جدا جدا
وهو يوافق المثل الآخر الذي يقول ( أثقل السحاب أبطأه مشيا ) يعني البطيء من السحاب هو الذي يكون محمل بالمطر الغزير وهذه أمثال مأخوذة من الواقع وتدعو فعلا للتفاؤل والله يعجل بالخير.. |
دام عريس الغفله تأخر فكوني على ثقه انه شئ راااااااااهي
ياحبيلك دوبي اشوف الموضوع بصراحه رفع معنوياتي وبالنسبه لما يجي اضربه كف واقوله وينك <<<<<<<<<<<لاوالله الا اسجد لله حمد وشكر ثم ابوس ايديه واحطه بعيوني واقفل عليه ولا اخليه يطلع ابد ابد ابد بس يارب يجي ان شاء الله واحطه بوسط عيني واحافظ عليه هذي نعمه من اعظم النعم اللي الله انعم علينا فيها يارب ياكريم ارزقني وارزق جميع البنات المنتدى والمسلمين في هذي السنه الأزواج الصالحين وارزق الشباب الزوجات الصالحات وربي يسعدكم ويفرج همكم وينولكم مرادكم |
سمانجد
الله يرزقك ويرزقني وبنات المسلمين مثل ماتتمنين واحسن البراء11 :22: روح الغالي يااااارب تقر عيونك قريب بشوفته شكلك تبين تدلعينه على الاخر وينه بس يسمع :29: |
الله يفرج عنا جميع
اللهم انا نسالك فرجا قريب فرجا تتعجب منه المخاليق |
اقتباس:
اخي الكبير رضينا بالهم والهم ما رضى فينا يعني تنازلنا ووافقنا نتزوج من معدد بس لما يصير الموضوع جد ينسحب وبالعربي تقوم عليه ام عيالة ويهون المشكلة مو فينا المشكلة انه ماعاد فيه رجال شخصياتهم قوية الا جدي الله يرحمه وابوي وربعهم |
هذا اللي أفكر فيه يا ريماني
لكن لما يقولوا وافقي ع المتزوج أشعر بإحبااااط :29: لابد نثق برحمة الله الله يفتح علينا برحمته ويرزقنا من يرضينا آآمين |
الحب والحبيب
يارب نفرح بالفرج قريب :14: الهوى نجدي خلي املك بالله قوي وتفائلي بالخير دايم حسابات الزمن وليش الاحباط ياقلبي؟؟ يمكن المتزوج افضل من غيره ويكون هو السيل المنتظر ربي يرزقك باللي تتمناه نفسك عاجلا غير اجل |
| الساعة الآن 09:03 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©