|
هو مناسب ولكني قلقة بسبب والدته
بسم الله الرحمن الرحيم
السلام عليكم ورحمة الله وبركاته أخواتي وإخواني أعضاء المنتدى أرسل سلامي وتحياتي لكل الأعضاء في المنتدى وهذي أول مشاركه لي في المنتدى وأعجبني ردود الأعضاء الموجودين وأحب اطرح موضوعي وأتمنى ألاقي الردود عليها لأنه صرت حائرة من أمري وأنا راح ادخل في الموضوع مباشره اتقدملي شخص وهو شخص أخلاق ودين ومحترم بس مشكلتي انه امه الولد هذا ترجع من السود وانا متردده على الرغم اني استخرت عدت مرات واحس اني مطمئنه للولد بس أواجه مشكلت سواد امه واخاف انه ياثر عليه انا في المستقبل في عيالي واريد آرائكم في الشي هذا مع خالص تحياتي |
السواد من وجهة نظري مهوب عيب .........................اذا الولد اخلاقه ممتازه وسمعته زينه توكلي على الله
|
هذا شي راجع لك انتي
واكيد ان سواد امه بياثر على اولادك اذا كان الشي هذا راح يضايقك انتبهي من الحين وللعلم يالغاليه انه لافرق بين الابيض والاسود ولا العربي ولا العجمي الا بالتقوى |
السلام عليكم
احتمال ان تظهر صفة السواد في ابنائك احتمال قوي جدا وليس فقط السواد فالاجداد يورثون الصفات لاحفادهم قال الرسول صلى الله عليه وسلم:تخيروا لنطفكم فان العرق دساس وعندما اخبره احد الصحابة انه خطب امراة قال له انظر اليها فان في عيون الانصار شيء وذلك دليل على ان من حق الشخص ان يختار لاولاده الاب الصالح صحيح البنية وكذلك الرجل يختار المراة التقية السليمة لكنني انبه انه من حقه وليس واجبا عليه فلها مثلا ان تختار رجلا به علة ما اذا كانت راضية المعنى من الكلام انه اذا وجدت باهل الشاب اية صفة جسدية لا تعجبك فاعلمي انه من المحتمل جدا ان تظهر في ابنائك او ابناء ابنائك ولك حرية الاختيار وتحديد اولوياتك والمقارنة بين صفات الشاب الايجابية والصفات التي لا ترغبين بها وبما انك استخرت الله فلن تندمي ان شاء الله |
أختي انا من وجهة نظري انك تشوفين عيوبك وعيوبة اذا كان هذا عيب وجك
ونتي عنك شئ بعد مثلاً تكوني كبيرة في السن وا اي شئ ثاني ثم تشوفين اذا ماكان فيك عيب وهو فية احسن لك انك ما تتزوجينة لأنه راح تقرينة بعدين . |
رهوفه الطيوبه
شوفي حبيبتي ماهو عيب مشكلة اللون اذا انت متقبلته الا اذا كنت نافره مرررره عاد هذا شي ثاني بس اذا كان عادي اسألي عن امه كيف تربيتها كيف طباعها اقولك مثل صغير وقريب في واحد نعرفه وسيم وجميل وابيييييييييييييييض وعيون خضر وشي ماشاء الله عليه تزوج وحده على قولت ولد اخوي (كُحليه) وميت عليها هو اللي يبغاها واجبر اهلوا عليها والبنت قمه بالأخلاق والله اني احبها من كل قلبي كريمه وحنونه واخلاق عاليه وأدب ودين طبعا من تربيةامها وعندهم 5 بنات دحين ومن ناحية السمار البنات بين البياض وبين السمار بس اهم شي الأخلاق والدين اذا هي ام طيبه وحنونه وتنحط على الراس وانت متقبله الوضع توكلي على الله وربي يسعدكم ويتمم عليكم اهم شي القناعه واياك اياك من الإستهزاء به في يوم من الأيام او انك تضايقي من اولادك اذا جو (كُحلين)<<<<لآتزعلي مني والله كل مااشوف واحد سموره اتذكر ولد اخوي لما يقول عنهم (كُحليين) على فكره ان من اعز صديقاتي من ايام اولى ابتدائي من غير مبالغه سودانيه لكن انها قمه في الأخلاق والأدب توكلي على الله وصلي واستخيري وربي يكتب لك الخيره الطيبه ربي يسعدك ويفرج همك ويسدد خطاك وينولك مرادك ويريح بالك ويرزقك ربي الزوج الصالح اللي يخاف الله فيك اختك في الله |
انتى ما وضحتي الامر بصورة جيده انتي من نفس العائلة
اقصد سمراء ( او قبيليه ) |
سيدنا بلال رضي الله عنه كان غامق الون و فى الجنه و الريال ما يعيبه شى ابد
|
انا اعرف شخص اسود تزوج من الدول العربيه المجاوره
واولاده طلع لونهم حلو مهو ابيض ولا اسمر حيل يعني وسط واعتقد ان الاطفال حسب علمي ياخذون فقط 10 بالميه من الصفات الوراثيه لدى الاجداد 40% من صفاتك و40% من صفات زوجك الوراثيه والباقي من والدين زوجك ووالدينك انتي ايضا وايضا فيه صفات مكتسبه مع اني ماني متاكد من النسبه بس تقريبا نفس اللي ذكرت استشري طبيب امراض وراثيه |
اشكر جميع الأخوات والإخوان اللي ردوه على الموضوع
شايلة جروحها عضو نشيط تاريخ التسجيل: Apr 2006 المشاركات: 80 (أختي انا من وجهة نظري انك تشوفين عيوبك وعيوبة اذا كان هذا عيب وجك ونتي عنك شئ بعد مثلاً تكوني كبيرة في السن وا اي شئ ثاني ثم تشوفين اذا ماكان فيك عيب وهو فية احسن لك انك ما تتزوجينة لأنه راح تقرينة بعدين .) حبيتي اول شي احب اقولك انه انا عمري 19 سنه ماهو كبيره وهو انا ما شفت في ولا عيب لانه هو مثلي من قبايل بس ام الولد ماهي قبليه من السود هذا عيبه الوحيد روح الغالي تسلم اخوي على رفع المعنويات اذا على اخلاق امه هي مثل العسل تنحط على الجرح يطيب عارف انا خوفي من حكايت الوراثه يعني اذا خلفت راح يكون عيالي لا قدر الله سود با الذات انه انا و ولدها بيض بس ام الولد ماهي قبليه وعلى فكره امه هي الي مربيه الولد لانه ابوه توفي يعني تربيت امه على الرغم في فرق كبير بيني وبينه في العمر بس مدري ليش هو اللي ارتحتله بين المتقدمين بس اخاف راح اندم في يوم من الايام على الزوجه هذي واشكرك على مرورك sos11 اشكرك على المرور واتمنى اذا تقدر تجبلي النسب المضبوطه |
اولا يارهوفه انا اختك ولست اخاك
ثانيا : اتوكلي على الله مادام الأم بهذي الروعه والأخلاق لاتضيعيه من يدك صلي واستخيري وشيلي هذا الموضوع من راسك (ان اكرمكم عند الله اتقاكم) مادام انت مرتاحه ومافيه عيب ليش ترفضي صلي واستخيري والحي بالإستخاره اكثر من مره وتوكلي على الله اعقليها وتوكلي ماهو عيب وعلى فكره يمكن مايطلعوا سود يطلعو سمر حلوين مثل امهم اقصد يطلع لونهم السمار الغامق شوي او الفاتح اوزنيها وفكري وابعدي عنك الوساس وكلام الناس واذا مازلت غير مقتنعه كمان صلي واستخري وتوكلي وانهي الموضوع وربي يكتب لك الخيره الطيبه ويسدد خطاك اختك في الله |
حبيبتي فرق السن مو عيب اهم شي في توافق
اطلبي من اهلك ان يسمحوا لك بمكالمه معاه للتعارف وبعدها اعطي قرارك النهائي طبعا صلي واستخيري قبلها وحددي الأسئله المهمه لتتعرفي عليه طباعه ، اهتماماته ، شخصيته ، طموحه ، هدفه من الزواج، ايش يحب ، ايش يكره ، كيف تتعاملي مع اذا كان متضايق، ومن هذي الأسئله اللي تعطيكِ الأمان وتخليك تتخذي قرارك |
اقتباس:
|
انا من رأي حتى لو كان هو أسود مو عيب
أهم شي الاخلاق وبعدين شوفي بزورت السود يجننوا وطعمين ولعلمك أنا عندي اولاد وبنات وطالعين البنات سمر والاولاد بيض لكن البنات أطعم واحلى من الاولاد يعني اللون مو ضرورة للجمال |
غاليتي اذا متدين واصله طيب توكلي على الله واستخيري
لربما تتزوجي بشخص ابيض وامه بيضاء ويأتيك اولاد بشرتهم سوداء وليس بعيب ولربما تأخذين من هو اسود ويأتيك ابناء ذوي بشرة بيضاء لا تنسي فإذا اراد ربي شيئا فيقول له كن فيكون اهم شيء هل انت مستعدة للزواج بهذا الشخص إذا نعم توكلي على الله |
مادخل أمه وشكلها في زواجك منه إذاالشخص صالح من جميع الجوانب فلا ترديه وليس لك دخل في أمه ولونها
|
نقل الى عالم المقبلين على الزواج مع تعديل على العنوان ليتناسب مع المضمون
|
السواد نصف الجمال
لاتحبى ان تكون لكى ابنة مسلمة وفى امكانيات كوندليزارايس لاتحبى ان يكون لكى ابن مسلم مثل نيلسون منديلا السمار والبياض ليسا مقياس الجمال فتوكلى على اللــه وان شاء اللــه اولادك سيكونون مثل ماتحبى |
انا اشوف عمرك صغير يعني لاتخافين ان فرصك تقل
واكيد راح تلعب الوراثة دور اذا منت مقتنعة وخايفة ارفضي واذا ماتفرق معك والرجال يسوى ويستاهل توكلي على الله |
| الساعة الآن 07:08 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©