|
خائفة من القادم
السلام عليكم وحمة الله وبركاته
كل عام وانتم بالف خير ابي منكم مساعدتي مثل ماتعودت عليكم اخوة واخوات انا لسى ماتطلقت وان شاء الله راح تكون النهاية بعد عيد الفطر المبارك والان تكلم فيني شخص كثير رائع متزوج ومطلق له 3 عيال شاريني ولو مااصير حلاله مادري ايش بيصير له انا تعلقت فيه من خلال اهتمامه فيني وبولدي عن طريق اهله امي رافضة انها تعطيني اياها تبي يكون لي زوج من غير اطفال وانا كثير مقتنعه فيه ابي رجل يكون له مثل ظروفي افهمه ويفهمني وكثير متعبني هالموضوع ارجوكم ساعدوني بارائكم.. دمتم بخير |
دامك مقتنعه ..توكلي على الله ..
لكن ..ليس قبل الاستخااااااااااااارة ..والإلحاح في الدعاء بأن ييسر لك الله الخير ..وأنا أرى أن ظروفكما متشابهة كثيرا .. أسأل الله لك ..الخير كل الخير .. |
اقتباس:
تكلم فيك وانتي بذمت رجل الآن ! |
اقتباس:
|
اعذوها يعطيك ربي الف عافيه
والله يكتب اللي فيه الخير ولاتنسونا من دعائكم اخوي ساري10 من كثر الخطابين اللي بيلمحو لي اقتنعت اني مطلقة ومن زمان بعد يعطيك ربي العافيه على مرورك |
اقتباس:
ابو ولدي ماوافق انه يطلق الا بعد ماراح له كبار م الاهل وراح يتم كل شي بعد العيد واطلق باذن الله وارتاح من القلق اللي فيه والله عالم الاسباب يعطيك العافية على مرورك اخوي |
يلمحوا والا مايلمحوا
ناس مثل كذا والله مافيها خير ..... انتبهي على نفسك من بعض الامور فوالله انك لن تعيشي بسعاده معها ..... |
دامه رجال يسوى ويستاهل ودين وخلق وماعليه
وماعنده زوجة وافقي وانت مغمضة وأقنعي امك واعذريني عالصراحة اي وحدة منفصلة بأطفال ناادر جدا مايتقدم لها واحد بدون أطفال قولي لها يمااااه فرصة مو متزوج وانا عندي عيال الله يكتب لك الخير |
ساري 10 اخوي ارجوك
الخوف كله من ابو ولدي اقراء مشكلتي وراح تستغرب شلون انا باقي صابرة يعطيك العافية |
شوبارد يسعدك ربي دنيا وآخرة
ولايحرمنا منك ياشمعتنا |
الأخت بتول العلي
قال الله تعالى (ان ابغض الحلال عند الله الطلاق) صدق الله تعالى اذا كانت من الممكن من الرجوع لزوجك كان بها وان لم يكن فعليك بالتريث وصلاة الاستخاره لانه من الممكن ان يكون الآن مهتم بك وبطفلك من اجل القبول به وبعد الزواج سوف يهتم بك ويولد الاعذار لعدم الاهتمام بولدك وانصحك بصلاة الاستخارة وسوف ترتاحين لاحد الامرين وادعوا الله ان يوفقك لما فيه خير لك ولولدك |
اخوي الكابرس مافيه بنت به الدنيا تتمنى الطلاق
وهالكلمة مو سهلة لكن كل شخص الله كتب رزقه قبل وجوده به الدنيا والله العالم فيني لكن هو اللي اختار هالشي بافعاله المشينة وعدم خوفه من الله يعطيك العافيه اخوي |
كيف تتجرا الناس هذه وتلمح للزواج منكي وانتي بذمت رجل ! صدقيني لن تسعدي مع هذه النوعيه وسيتهمك بامور انتي في غنى عنها شفتي لو انا .... تدرين بعد زواجي منك وش راح اقول اذا احدثت اي مشكله ولو كانت بسيطه : راح افكر انك تدورين زوج ثاني بدل عني وتعالي ياشكوك ويمكن للضرب والاهانه وتعييرك بالاول واقول والله ماالومه يوم يسوي فيك كذا قولي عني قليل حياء او اي كلام بخاطرك بس هذا الحاصل الا اذا انتي ضامنه العيشه معه بسعاده بدون منغصات ! انتي تعرفين زوجك اكثر اذا المشاكل كبيره راح ياخذ ولدك منك اذا تزوجتي وانتي بكيفك ولن احرضك على الطلاق مهما كان وعليكي بالاستخاره عليكي بالاستخاره عليكي بالاستخاره |
اقتباس:
حاشاك اخوي ماراح اقول عنك الا كل خير وبالفعل انا ضامنه كل السعاده اللي تتمناها كل بنت سمعته دينه اخلاقه اهله ناس يشرفك انك تنتمي لها باختصار عائلة تخاف الله الله يسعدك اخوي وصدقني الخطوة اللي انا راح ابل عليها مو تجربه خطوة فيها حياة الا الممات وكنت ابي المساعدة منكم بعد الله جزاك ربي كل خير |
|
اقتباس:
|
اقتباس:
[SIZE="3"]ان الرجال اللي بمعنى الكلمه وسمعته زينه ودينه واخلاقه ويخاف الله [/SIZE] والله مايتجرأ يلمح بالزواج من وحده بذمت رجل آخر انتبهي من عاطفتج زييييييييييين اعتقد والله اعلم انكي لم تحاولي اصلاح زوجك اذا كان على خطأ بدليل انكي مغصوبه عليه ولم تتقبليه من اول نظره |
هو ماخطب رسمي ياخوي الفارس
تكلمت امه مع امي وامي ماقالت لها الا الله يكتب اللي فيه الخير ووالله مو مدح فيه ولاشي وهو لسى مايعرفني او ايش نظرتي له انه مهتم في ولدي اكثر من ابوه اللي كل مايجي لازم يطق هالولد لدرجه انه كرهه بنفسه حتى عند ولده جزاك الله كل الخير اخوي على مرورك |
صدقني ياساري
مابي اخذ ذنبه لكن للاسف كثير اخاف منه ومن افعاله وكلامه"اللي مايخاف من الله ينخاف منه" مااعتقد راح يكون مسوؤل عن عائلة كبيرة وهو به الحال لانه من صغرهم يتعاملون مع هالشي وانه شي عادي كل اللي اقدر اقوله لك غير حسبي الله ونعم الوكيل |
أختي بتول
قريبتي كانت على وشك الإنفصال واتصلت وحدة على والدتها وقالت بنتك انفصلت قالت امها على وشك << لأنها عارفين بمشاكلها قالت والله احنا نتمناها لولدنا والمفروض ماتصلنا هالوقت بس نخاف نصيبها يروح بها بعيد عنا وبعدها تطلقت وبعد فترة تزوجت والحين عندها ولدين والثالث جاي بالطريق والله اذاخطوات الخطبة جت بطريقة صحيحة أعتقد مافيها شي. الله يوفقك ويسهل امورك |
ما أدري إذا ممكن نعرف عمرك ؟؟
غريبة الوالدة مو راضية ؟؟ << تفكر في مشكلتها :29: الله ييسر لك الخير .. ولا تضيعي الفرصة ،، |
عمري 24 سنة
والوالدة رافضه تبي اتزوج من شخص مطلق بس مايكون عنده عيال او ماقد تزوج اصلا وانا ماابي اتزوج من رجل لسى ماتزوج او انه يكون حتى بعمري ويعطيك العافية حسابات الزمن على مرورك |
[CENTER]خلي زوجك على جنب الحين
شاوري عقلك وتفكريك بالقادم اهل الاصول يعرفون الاصول زين ! مويجون يخطبون والمرأه في ذمة رجل مهما كان بهذا الرجل .... لايوجد رجل يهتم بولد المرأه اكثر من ابوه هذه نقطة ضعف يستغلها الشخص هل هذه اصول الخطبه ؟ هل هؤلاء من بيت يخافون الله ؟ هل هذه أخلاق الرجال ؟ لم اسمع بحياتي مثل هذه القصه والله يكتب للجميع اللي فيه خير |
لاحول ولاقوة الابالله العلي العظيم
كثر ماكنت متحمسه للموضوع وخائفه شوي من اللي جاي بكلامك اخوي ساري تزيد خوفي رغم اني محتاجه نصيحتك ومايهونون اخواني واخواتي الموجودات يـــــــــــــــارب اكتب لي ول اخواني وخواتي المسلمات كل الخير |
طيب أخي ساري ..
حتى لو كان عاااارف أن مسألة الطلاق محسووومة .. ما بتهيالي حيتجرأ .. إلا إذا سمع بالانفصال المؤكد .. أقول ربما !! << متطفلة :26: |
انا يااختي بتول مع ردود شوبارد..
واذا على الرجال ترا ماينعاب اهم شي اخلاقه ودينه .. ومايهم عياله .. ان شالله ربي يكتب لك الخير ويعوضك خيرا من اللي شفتيه مع زوجك .. لاتنسيني من دعاوتك .. |
اقتباس:
الانفصال المؤكد هي الورقه |
اقتباس:
هل تريدين ان اجامل معكي واتصنع الكلام ؟ ! |
أختي
رأيي الشخصي ..شخص يفكر فيني و أنا ما زلت على ذمة رجل... ليس برجل لا يجوز له خطبتك و أنت بالعده فكيف و انت ما زلت متزوجه..إلا إذا كان عن جهل و شخص عنده جهل في الدين لهذه الدرجه ..فيه نظر و نصيحه لك لا تجعلي وضعك الحالي يعميك عن رؤية العيوب و التأني بالأختيار ,,فالمعيار الدين و الخلق أسأل الله لك التوفيق لما يحبه و يرضاه تحياتي لك |
شوفي أختي
يحرم على الرجل التعريض لإمرأة متزوجه << يعني ألي يلمح لك أرتكب مايغضب الله عز وجل مثل ماقلتي في زوجك يعني هم ألحين سواء وبإعتقادي بل أجزم لو ماكان فيه ناس يلمحون يبونك للزواج كان فكرتي في مصلحة الولد وهي إصلاح زوجك والبقاء معه وهذا التفكير السليم خصوصاً أنك ذكرتي أن وضعه تحسن وهو نقل عشانك لمدينة أهلك باين على زوجك إنسان طيب وقابل للإصلاح للأفضل بدليل أشياء وردت في قصتك والله هو أفضل لك من مية رجال يلمحون لك خصوصا وألحين لك منه ولد ..يا أختي عطيه فرصه ثانيه لا تظلمين الولد مع أبوه وبعدين مافيه إنسان راح يكون أحن على الولد من أبووووووه مهما حاول هالرجال يوصل لك بأي طريقة أنه طيب مع ولدك بس هي طيبه وقتيه تروح بمجرد إنتهاء سببها وهي أنه يحصل عليك أو تتزوجين غيره ،حتى لو أخذك فعلا راح يطلب عاجلا أم آجلا ترك الولد عند أمك أو أبوه فكري زين يا أختي وحكمي عقلك أكثر ..... مصلحة الولد مع أبوه خصوصا أن حاله أنصلح للأفضل يا أختي المرأة الناضجه تفكر بالإصلاح قبل الإنفصال وأنتِ فعلتي العكس ياليت تفكرين بالموضوع أكثر قبل الإنفصال فكري في إيجابيات زوجك قبل سلبياته وازني بينها الله يكتبلك ألي فيه الخير |
اسمحوا لي التدخل !!!!!!!!!
المرأة المطلقة ... لا يجوز خطبتها الا بعد مرور شهور العدة كاملة .... حرام حتى الحديث فى الموضوع اما المتزوجة ...... ياربي ... كيف يتقدم لها العرساااان ؟؟؟؟؟؟؟؟؟؟؟ لا اصدق |
كل عام وانتم بالف خير
واشكر كل من شاركني مشكلتي سواء بكلمة او راي او دعوه صادقه |
أختي البتول....استخيري واسألوا عن الرجل بشكل دقيق جدا...
وتوكــــــــــــــــــــــــــــــــــــــــل ي على ربك إن كانت الأمور تمام... لا تنتظري وتقولي أشوف اللي أحسن منه والا والا.....وبعدين هو وأمه لو مو شارينك ما استعجلوا..يمكن يبيك من قبل ما تتزوجي وماصرت من نصيبه ويتمناك وجت فرصته!! وبعدين الناس ما جو رسمي..أمه تكلمت كلام بس....يعني مافيها شي ياناس.. طيب واللي مثل حالتي..حوالي ثلاث سنوات وأنا على ذمته الله ينتقم منه..خلاص...أجلس أقول للناس اسكتوا ياويل اللي يجيب طاري خطبة..أنا على ذمة رجل...!!!!!! عجيب والله!!!!! الموضوع منتهي أصلا..أظل كذا قاطعه كل مصدر رزق ليه!!!! وهو حضرته بالوقت هذا يروح يتزوج وينجب أطفال وأنا......لا لا لا..لا أحد يتكلم بخطبة لأني متزوجة.... |
دامك مقتنعه ..توكلي على الله
|
همس معاكي حق والله
همسه ولاء جزاكي الله خير |
اقتباس:
اتا أتفق مع رأى أختى سيسبان |
انا من شدة الاستغراب
لا تعليييييييييييييييييق |
أختى عفوااااااااااااااا
بس واااااااااااااااااااااااضح أنكم جاهلين بالحكم الشرعي في مثل حالتك لا تجوز الخطبه إلا بعد إنتها شهور العده هذا اللي انا اعرفه لو كنت مخطئه أو جاهله أخبروووووووووووني صححواااا معلوماتي .................؟؟؟ |
الله يكتب لك الخير
* * * إستخيري ... دمتي بخير |
| الساعة الآن 03:22 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©