|
هل يحصل لكم زي الي يحصل معاي
تجي زميله لك وتقول لك في واحد يدور عروسه وتقوله في واحده بس اسالها رايها وتقول لك بعض مواصفاته وتسالك رايك اذا موافقه والا لا )علما باني مابديت موافقتي ( وبعدين لاحس ولاخبر ........... علما بانها هي مو متزوجه
طيب ليش ا ؟؟؟؟؟ اختي تقول بعض البنات تكون هي نفسها تتزوج عشان كذا تفتح معاك الموضوع واكثر من مره يحصل معاي نفس الموقف واحده شافتنني في دار لتحفيظ القران جيت اسجل اول مره وبعدين سالت متزوجه والا لا وكم عمرك وعلى طول من اولها قالت لي في عريس وقالت بعض مواصفاته وسالتني راي قلت لها ان شاء الله خير بعدين قالت ليش في احد متكلم عليك والا في بالك احد قلت لها لا بس اشوف وبعدين ارد لك خبر قالت طيب اعطيني رقم الاهل قلت لها طيب واعطيتها واليوم الثاني طلبت الرقم ثاني لاانها ضيعته وقالت ترى في واحد ثاني وهم اثنين وقالت على مواصفاته وقالت انا اجيب صورته وبعدها لاحس ولاخبر وكل يوم تشوفني ولافاتحتني في الموضوع السؤال ليش سوت كذا ؟؟؟ انا ماطلبت منها عريس انا جيت ادرس قران مو جايه عشان زواج وغيره كثير يكلموك عن موضوع وبعدين لاحس ولاخبر انا بعد كذا صرت لو واحده تجي تقول لي في عريس اقول لها لا مابغى اتزوج :d لاني متاكده ماراح يجي من وراهم شي طيب كله كلام في كلام وانتم ياترى بيحصل معاكم نفس لشي ؟؟ |
اى يحصل اذا مو كل البنات فأغلبهم فى حرييم يسون الحركات هاى عن قصد يبون يشوفون ردت الفعل انا بنت عمتي متزوجه من سنه و نص و عندها ولد قبل رمضان يات حرمه تخطبها حق ولدها!!
|
اقتباس:
وايش تبغى ردت فعل واحده متزوجه تكون؟ لاحول ولاقوة الا بالله مادري ايش صار في الناس |
ربنا يكتب لك الخير حيثما كان
ويرزقك بابن الحلاااال الذي يستحقك |
ياما تحصل واااااااااااااايد
|
ربنا يرزقك بالزوج الصالح
|
أختي أحذري من هذه النصابات ولا تلغ لهن بالا فلربما ورطنك في مشكلة أنت في غن عنها ، من أراد الزواج فليأتي من الباب وليس من النافذة من اراد أن يخطب فليذهب لاهل الفتاة لا أن يخطب من الفتاة نفسها
|
انا بصراحة مامر علي مثل هذا الموقف
لكن انا بشكل عام اذا احد سألني احاول أكون دبلوماسية في ردودي كثير وطول الوقت ابتسم وبس وماعطيهم لاحق ولاباطل مثلا تسألني وش مواصفات الزوج اللي تتمنينه؟ عمره؟ شكله؟ <<< ماأحاول اقولها واذا قالت انا اعرف واحد شكله كذا يشغل كذا ماأرد عليها أبدااااا والسبب اخاف مايتطور الموضوع وأتفشل ويضيق صدري انا من كثر المواقف المؤلمة بحياتي صرت احتاط كثير الله يرزقك يارب بللي يفرح قلبك |
اقتباس:
لالا ما تعرف شافتها فى عزيمه و اسئلت بنت من و قالو لها فلان خصوص هى صغيره 20 سنه |
نجمة صغنونة
mahmoma جزاكم الله خيرا محب الغزلان هم يكلموني على اساس يشوفوا راي وبعدين يجوا من الباب بس مادري ليش هذه الحركات يتكلموا وبعدين يسكتوا ماعتقد نيتهم يسببوا لي مشكله شوبارد انا مابينت لهم اني راغبه بالزواج بالعكس انا حاولت اتهرب من كثر الاحراج ولما يسالوني عن مواصفات الزوج اللي اتمناه من باب المزح بس اقولهم وطبعا كله مزح في مزح وانا ماعير مواضيع الزواج قدامهم أي اهتمام يعني ابين انها اخر اهتماماتي عكس بعض البنات اللي تبين انها ملهوفه على الزواج وياخذوا البنات عنها فكره انها نفس تتزوج اليوم قبل بكره ويقولوا عنها مسكينه الله يرزقها اما انا مستحيل ابين لهم هذا الشي واذا سالوني ايش تبغي ندعي لك اقولهم ادعولي بالجنه يقولوا والزوج اقولهم مو مهم اهم شي الجنه والله يرزقك ياشوبارد انت وجميع بنات المنتدى وجميع بنات المسلمين الزوج الصالح في القريب العاجل |
هههههههههههههه انا مثلك اقول مومهم
المهم ربي يغفر لي ذنوبي مالومك قهر يعطونك أمل وتنتظرين وبس!! مو من نصيبك هاذولي دايم اشوفك تقرين ونادر جدا اشوفك تردين واليوم اول مرة اشوف لك موضوع وفرحانة اني كلمتك والله:17: عقبال الموضوع الحلو باركولي تزوجت :23: :14: |
والله ياشوبارد دايما اقرا لك وتعجبني مشاركاتك وادعيلكم دايما في ظهر الغيب بالذات انت وام مزنه وليدي سوفت ولولو ولجميع بنات المنتدى بشكل عام بس مشاركاتي قليله وماحب اكتب عن نفسي كثير اقول خلي الشكوى على الله
وتراهم ماهموني ولا عمري انتظرت منهم شي بس قهر لما يتكلموا في الموضوع وبعدين يسكتوا وخصوصا لما تكون زميله لك والمصيبه هي مو متزوجه كان جابته لنفسها احسن |
انا مامر علي ولا سمعت بهالموقف
بس عاد هذا شنو مرض؟؟ ولا لقافه؟؟ولا استعباط؟؟ولا شنو مفروض مايسألون الي يبي البنت يروح يدق على باب بيت اهلها استغفر الله العظيم الله يهديهم بس والله يرزقج يارب |
بعض الناس تعمل كذا عشان تحيط نفسها بالاهتمام،،يعني مثلا:
هذي الحرمه اللي في دار التحفيظ لوما سالتك هذي الاسئله وما طلبت تلفونك وجابت طاري العريس ماكان اهتميتي بوجودها او غيابها الايام اللي بعدها.. الصديقه اللي تسالك عن مواصفات فتى احلامك عشان تطابقها مع العريس اللي ذكرتها وهي نصابه ما عندها الا الخرطي تبغى تحس انه انتي مهتمه فيها وتلاحقيها سواء بعينك ونظراتك او حتى بقلبك على امل انها تجيبلك هذا العريس.. لها تفسير نفسي صدقيني.. |
ذكرتيني بموقف صارلي قبل سنتين
أذكر فيه بنت خذت ارقام مجموعه من البنات وأنا من ضمنهم لأن فيه دكتورة تبي الأرقام أنا علقت في حلقها بالاسألة منهي؟ وليه ؟ نروح لها المكتب ؟ << أعذروها لكن كنت شاكه بشيء غريب عطتني عذر مايبرر هالموقف رحت أعطيتها رقم الجوال وبعد يومين دق علي رقم غريب رديت عليه << فضوول المهم قالت لي أنا واسطة خير لوحده تدور لأخوها وأبي أعرف بعض الملعومات عنك << أنشف ريقي بقوووة يالله طلعت لها الكلام وبعد تحقيق معها ووش تبين ؟ أعيدها كم مره كأني هبلى وضيعت بالكلام المهم قبل ماتنهي المكالمه حبيت اعلمها أن اسلوبها غريب وماعمره صار أعتذرت لي وبينت أنها مغصوبه على هالشيء ومادقت بعدها ولا أعرفهم للحين بس شاكه بدكتوره كانت تعطيني أهتمام كبير جدا بس ليه تسوي هالشيء للحين ماني فاهمه قصدها من متى البنت تسأل عن أمر زواجها ؟ ووين راح دور الأهل ؟ والله ناس غريبين الله لا يبلانــا هذا أغرب موقف بحياتي لكن ألي يقولك فيه عريس يبي بنت ...... ويسرد مواصفاتك كامله فأنا أصرفهم فورا وأقول مو أنا المطلوبه لأني ماحب هالأسلوب أنهم يسألون البنت والجامعه للدراسه مو للخطبه |
حبيبتي كثير كثير كثييييييييير يصير الشي هذا وعادي جدا لاتضيقين صدرك وتفكرين كثير ترا تتعبين مثل ماتعبت انا ....
ياااااااكثر الحريم اللي يكلموني ويكلمون امي وخواتي ويتصلون بالتليفون ويكلمون خالاتي وعماتي ووووووو وسالفه مالهااول من تالي .... ياخذون الرقم ويقولون بنتصل ولا نسمع لا حس ولا خبر .... اقدر اسمي هذا استهتار ولا مبالاه من النساء ... مره اتصلت وحده على امي وقالت انا خاله العريس ووالدته طلبت مني اكلمك انا اول واسألكم اذا موافقين مبدئيا او لا .. قالت امي مو مشكله خليها تتصل ونتفاهم... قالت خلاص انتظري الحين عند التليفون وبتكلمك والده الخاطب بعد شوي ... وجلست امي ياعمري تنتظر وتنتظر مااتصلت عليها الا الساعه 12 بالليل قالت ماتقدر تكلمك ( يعني مافي نصيب ) .. طيب اذا مومتفقين من الأول ليه يتصلون ... .. او ان البنت تكون ماناسبتهم ( عن نفسي انا عامل السن وبعض الصفات الشكليه غالبا هي اللي ماتناسبهم ) ... والحين سالفه الزواج والخطبه احسها صارت مثل التحضير لشهاده دكتوراه .. يعني لازم يؤخذ برأي ام العريس وابوه واخواتهم واخوانه وعمانه وعماته وخالاته وخواله وجيرانهم واصدقائه ... يعني اي شخص ممكن يأثر مثلا على ام العريس ويقول ولدك يستاهل احسن .. او الشاب ممكن يأثر على رأيه بسهوله وصارت مع قريب لي شخصيا .... بعد مالقت له والدته عروس بكامل المواصفات اللي يبيها واكثر .. وكانت جميله جدا والكل يمدح فيها .. فرحت بها امه بشكل لايصدق ... راح الشاب هذا وكلم احد اصدقائه وقال له بتزوج بنت عمرها 18 سنه .. قال له صديقه انت مجنون تتزوج بنت عمرها 18 سنه ؟؟ هذي صغيره وبتعبك ولا كملت دراستها ووووو. ...غسل مخ الولد ورجع لأمه قال ماابيها ..... يعني شي عادي اللي يصير لا تخافين كل البنات ينخطبون كذا ... لكن اللي تطلب الرقم وتسألني انا شخصيا هذي عاد اللي ماتعجبني ابدا ... فعلا مثل ماقالت الأأخت كريستالا تعمل كذا علشان تحيط نفسها بالأهتمام ... انا مااحب ارد على اي وحده من النوعيه ذذي اقول لها روحي تفاهمي مع امي ... والله يوفقك ويسهل امورك وبنات المسلمين كلهم يارب |
بصراحه حركه سخيفه جداً ولكن الحمد لله لم أمر بها أبداً وان شاء الله لا أمر بها أذكر إحدى صديقاتي تكرر معها هذا الأمر عدة مرات (لتكوني إنتي :d )
|
حتى انا مريت بموقف زيي كذه بس احاول اني ما ابين اني مهتمة مرررة عشان لايقوولوا ملهووفة او خبلة:23:
عادي صرت اسمع واطنش:21: اتعودت |
أكرهها هالطريقة :( والمشكلة كثير يسوونها مافيه أي إحترام ولا تقدير ولا حتى إحساس بالمسؤولية !
إذا جتك هالحركة من بنت ماتزوجت تأكدي بأنها تبيك تهتمين فيها وتخلينها مهمة بالنسبة لك ولا حظي لو ماأعطيت الموضوع أي إعتبار راح تنسحب بهدوء من الموضوع لأنها عرفتك مايهمك هالموضوع !! اللي أحسها شينة من جد لما تسويها معك حرمة كبيرة !! يعني ودي أسألها ماعندك بنات ؟؟ ماتخافين بكره أحد يكسر خاطر بنتك ويجرحها ؟!! أول موضوع لي هنا في المنتدى كان نفس مضمون موضوعك بس أنا على أكبر شوي يعني الأم بكبرها تكلمك وتجي وتشوف وأنتم أحسن ناس بالعالم وماأدري وشوو وبالأخير بختفون فجأه !! لييش وكييييف ماااادري :( من الردود اللي مانسيتها على موضوعي وحدة من البنات قالت لي لا تتحملين إساءة الغير إن أساءوا فهم يسيئون لأنفسهم أولا ً وأخيرا ً أفضل حل إنك تطنشين أي وحده تحكي بهالموضوع ومثل ماتسوي شوبارد وزعي ابتسامات وتفهمها هي إن شاءالله وتروح <<< ولو إنه هالنوعية من الناس متبلدة الإحساس |
والله ناس غريبة عجيبة
انا مرة احدى المريضات في المستشفى لاحقتني تخطب وتقول مستعد ينتظرك الا ماتخلصين دراسة واهي ماتعرفنيني ولاحتى شافت وجهي شي يخوف طيب عندي سؤال اذا حصل مثل هالموقف كيف تردين بدبلوماسية بحيث مايبان انك ملهوفة على الزواج وكمان مايطير منك العريس وكيف اقول لها تاخذ رقم بيتنا لانها مؤخرا صارت تصير كثير |
اسكتي انا اول كنت احس الدنيا مو سايعتني من الفرحه حتى الخطابات لما كانو ينثبون علي ويقولون فيه واحد موصفاته كدا اطير واصير احلم بيوم جيته ولما يخطبني وكنت اشوف الموضوع يطول اسابيع وشهور ولا نشوف شي
مقدر اوصفلك كيف كنت ارابط عند تلفون البيت واخاف احد يشغله اقول اكيد بيتصلون وعاد تعرفين للحين لو يدق تلفون امي اقول بس جايين ناس يخطبوني وكله يروح هباء منثوره صديقة امي خبرتني عن واحد وقالتلي روحي شوفي شكله ودلتني على مكان عمله ورحت شفته وجلس الموضوع قرابت 6 شهور واحنى ننتظر وبعد فتره جت تركض تقولي ابشرك!!!لاحظو ابشرك !! تراه تزوج |
لا حول ولا قوة الا بالله
يالله يارب ما ينتهي هالشهر الكريم الا وكلنا مخطوبات لأحسن وأصلح الرجال امين يارب |
أختي عليك بالصبر ودعيهم يقولون ما يقولون فهولاء الناس أصناف وأشكال ’’’’’’’’ وما من إنسان إلا ويبتلى ’’’’’’’’ فاتركيهم ولسان حالك يقول :
دع الأمور تمشي في أعنتها **** ولا تنم إلا وأنت خالي البال ما بين غمضة عين والتفاتتها **** يغير الله من حال إلى حال وطبق قول الشاعر : تحيرت والرحمن لا شك في أمري ...... وحلت بي الأحزان من حيث لا أدري سأصبر حتى يعجز الصبر عن صبري.. وأصبر حتى يقضي الله من أمري سأصير مغلوبا بغير توجع ...... كما يصبر الظمآن في الزمن الحر وما أحسن الصبر الجميل مع التقى ..... وما قدر المولى على خلقه يجري سرائر سرى ترجمان سريرتي ....اذا كان سر السر سرك في سري ومن قال ان الدهر فيه حلاوة ....فلا بد من يوم أمر من المر |
MARYOOM
اجل الحال من بعضه احسن حل تقولي لهم مابغى اتزوج :d kaanoof أي صادقه مفروض ما يسالوني اللي صادقه مفروض تكلم على الاقل صديقه لي اذا كانت مو قادره توصل لاهلي Crestalla لا مااعتقد انه هذا سبب تصرفاتهم لان الحرمه اللي في الدار هي صاحبه المكان اساسا يعني شي طبيعي وجودها كل يوم واللي حصل كان اول يوم لي تشوفني فيه على ماعتقد انه ناس كلموها تدور لهم عروسه ولقت في المواصفات بس لما كلمتهم في الموضوع وقالت لهم لقيت لكم واحده ممكن هم لقوا واحده ثانيه غيري ......... يالله هم الخسرانين:) اما زميلتي ممكن يكون تفسيرك صحيح وممكن تبغى تشوف رده فعلي وهل انا ملهوفه على الزواج مع اني مابينت رغبتي واصلا مواصفات العريس اللي قالت عليه مو مناسبتني ورفضت احسن منه بس هي تفكر انه ماراح اصدق انه جاني عريس وبفرح واجي اسالها تان يوم مع اني ولا صرت اعيرها أي اهتمام يعني عادي معاها لان اسلوبها قهرني مرض اعوذ بالله عبير الرياض اعوذ بالله ماادري ايش قصدهم انا من راي لو واحده جاده مفروض ماتكلمك مباشره مفروض تاخذ رقم اهلك من زميله لك منعا للاحراج وحصل معاي موقف مشابه واحده شافتني وكلمت زميله لي وطلبت منها رقم اهلي والبنت جات وطلبت مني الرقم قمت انا قلت لها لا انا مافكر في الزواج حاليا وكنت صادقه هذا زمان طبعا بس هي قالت لي اعطيني الرقم وبس وبالفعل اتصلوا طبعا بلغت اهلي وبلغتهم برفضي للامر من البدايه هذه الاصول اذا بغوا النا س يخطبوا مو يكلموك مباشره يقدروا يكلموا أي زميله لك وحطي في بالك بعد كذا أي واحده تكلمك مباشره ارفضي واذا هي صادقه بتحاول باي طريقه توصل لك فيها ولاتخافي تقولي ممكن يكون نصيبي عن طريقها لا اذا كان ربنا كاتب لك نصيب عن طريقها راح يجيك لولو ايوه زي ماقلت هذا استهتار ولا مبالاه من بعضهم لكن الافضل تطنيشهم اللي يبغى شي مفروض مايكلمك انت دلع ودلع ان شاء الله ماتتعرضي لموقف زي كذا وان شاء الله تكوني اخذت العبره من مواقفي ومواقف البنات وحطي في بالك اللي تبغى تخطبك ماتكلمك انت لانه تاكدي هذه تكون مستهتره وكله كلام عشان تشوف رده فعلك في امور الزواج دلع كشفتيني انا زميلتك ههههههههههههه :d امزح ماعتقد لاني ماحكيت لاحد الموقف بس لكم انتم كبريائي هذا احسن تصرف التطنيش وبس ولو اللي كلمتك مو متزوجه قولي لها ليش ماتاخذيه انت ولو كانت متزوجه قول لها الله يسخر له بنت الحلال اللي تستاهله انا مابغى اتزوج حاليا غاليه مادري خلصوا البنات مالقت غيري عشان اهتم فيها . انا من راي هذا استهتار منها وتلاعب بمشاعر الناس حسبي الله عليهم اما الحرمه فاعتقد كانت نيتها طيبه بس الناس اللي كانوا يدوروا لقوا خلاص او انها صاحبه كلام وبس عشان تفرحني ..... تعرفي اغلب الحريم الكبار يفكروا انه هذه مسائل تهم البنات وتفرحهم مع اني بينت لها اني مو مهتمه ورافضه الموضوع بس هي اللي اصرت لكن خلاص انا اخذت دروس كفايه اما حكايه انه ناس يجوا يخطبوا ويختفوا فجاه تحصل كثير وحصلت معاي مره واستغربت لاني كنت واثقه من نفسي بس قلت الناس ازواق واكيد مافيهم خير لي وشوفي اكيد ربي كاتب لك افضل منهم عشان صرفهم عنك وان شاء الله ربنا يرزقك احسن منهم ياريت تحطي لي رابط موضوعك عشان اقراه جوري اللي تقولك كلام على الماشي تاكدي انها ماعندها سالفه بتسلى بس وا انتبهي من هذه الاشكال خلاص انا اخذت دروس اللي تبغى تخطبك ليش تكلمك انت اكيد هذه مستهتره زي ماشفتي وحصل معاي اللي صادقه تكلم زميله لك وتاخذ رقم اهلك ماله داعي هذه الحركات البايخه ام مزنه ماعليك منهم هذولي ناس مستهترين لما يحصل معاك موقف زي كذا ( الله لايقدر) قولي على طول اللهم اجرني في مصيبتي واخلف لي خيرا منها وان شاء الله ربي يعوضك بالافضل قمر 14 امييين الله يسمع منك ميخلص هذا الشهر الا واحنا مخطوبات لافضل الرجال الرفق نعم المؤمن مبتلى والحمد لله على كل حال |
حصلت معي مرة في النادي بس اتصلت وأخي قابله وما عجبه.. ويدخن !!
وصديقة أمي دايما ترشحني لأشخاص لكن ما يناسبوا وآخر مرة قالت راح أرشحك لناس قلت لها أنا ما أشتري كلام بالهواء !!! ما صرت أصدق أي موضوع لين ما ألاقي أحد دق تلفون !! ترى صاحب الشأن ما يحس باللوعة والألم.. يعني إحنا اللي لنا حاجة مو هم فما يحسوا بالإنتظار وحرقته.. لذلك قررت لمن أحد يخطبني ويذلني بتقدمه وياخذ وقت أنا أوريه ما أعطي كلمتي الأخيرة بسرعة.. عموما اللي ما يعرف أهلك أو اللي ما يزكيكم ويمدحكم كثير ما يسولكم حساب.. وحدة من صديقات أمي تقول لبنتها " الشين اللي نعرفه أحسن من الزين اللي ما نعرفه " ولا أدري ما صحة هذا المثل !!! ويبان على اللي بتلعب ومهي جادة وحابة تسوي نفسها مهمة.. واللي تجيكي على طول تسأل كم عمرك وإيش إسمك وممكن تعطيني الرقم.. هذي أعطيها والباقي على الله ثم أهلي. والتصرف يكون بالتطنيش وعدم التقاء الأعين حتى لا تفتحيلهم المجال.. اللي جادة تجري وراي مو أجري وراها.. وأحيانا تكون من جد معجبة فيكي بس ما بيدها شي وشخصيتها فضولية فتقعد تسأل " لقافة ". صرنا طايحين إحنا والعرسان بين حريم ما يخافون الله.. بس يا جماعة إذا أراد لشيء قال كن فيكون. لا تهتمي أختي الكريمة كلنا تصير لنا مواضيع محرجة مثل ما حصلك ويا كثر المواضيع اللي تفركشت.. في الأخير راح يجي النصيب.. استغفر الله من كثر تفركشت مواضيع من بدايتها تعودت وسرت أخاف إن يكمل وأتزوج. <<<< غريبة الأطوار. |
^
^ ^ للأسف ماأعرف كيف أحط لك رابط موضوعي ماأدري وين يختفووون ؟!! |
| الساعة الآن 09:37 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©