|
أول مشكله بيني وبين خالتي (( أم زوجي )) !!!
أكتب لكم هالقصه وطالبه منكم
التوجيه والنصح ,, أنا حامل ويارب تتم حملي على خير , بس المشكله أني سمعت كلمه قويـــــــــه جدا :30: من خالتي( أم زوجي) وبصراحه من عقبها القولون متهيج عندي وحالتي النفسيه تعبانه من كلامها... على العلم هي مرة حليوة معي وطيبه وتعاملني زي بناتها ,, المهم بقولكم السالفه بالضبط وأنتو أحكموا... كنا جالسين بالمجلس أنا وخالتي وجده زوجي وعمه زوجي وخواته ,, عمه زوجي عندها ولد صغنون :15: عمره سنه تقريبا ,, قامت العمه تمزح معي قالت لي : شدي الهمه وجيبي بنوته عشان اخطبها ل ولدي ... أنا ضحكت وقلت لها ان شاء الله تجي بنوته أنا متقطع قلبي على البنيه ... نطت خالتي وقالت: :( :( لا أن شاء الله مانبي بنات مانبي الا أولاد وووووع بنت قطيعه الله لايقوله :30: :30: أنا بصراحه سكت وخفت :24: من كلامها لأني عارفه ان اللي في بطني بنت وغير كذا قلت هذي أول حفيده لها المفروض تفرح سواء بنت والا ولد وغير كذا جتها حاله أكتئاب من طاري البنت قبل حتى لاتطلع للدنيا بكره وش راح تسوي اذا طلعت بالسلامه ...!!! صارت الأفكار والوساوس تجيبني وتوديني وبصراحه ما أبي قصه أمي تنعاد أمي جابت 6 بنات وولد واحد وهالحريم حطوها أنسانه حسوده ونضوله لأن ماعندها غير هالولد الواحد والرجال يشبون أبوي عليها يقولون : تزوج هذي ماتجيب الا بنات !!! أنا فرحانه ان البيبي اللي في بطني بنت وزوجي فرحان بس أنا خفت من رده فعل خالتي ,,وزوجي عقب هالموقف حس أني مو على بعضي وحالتي حاله بس بصراحه ماقدرت أقوله الموقف.. خصوصا ان علاقتي بأهله زينه, ضاق صدري قمت طول الليل أبكي وأصيح خفت من المستقبل هذي أول وحده ولا حتى عرفوا انها بنت وقالت هالحكي بكره لو جتني بنت ثانيه وثالثه ورابعه وش راح تسوي فيني .... وفوق كل هذا زوجي يبي يسمي البنت على أمه , وانا كنت مو مقتنعه من قبل كيف عاد عقب هالموقف ,, والآن أفكر ما عاد أزور بيت أهل زوجي أخاف أسمع كلام يضايقني ,,, بس أخاف زوجي يحس بشيء وش رايكم أصارح زوجي والا أسكت وكيف أتعامل مع هالتفكير الجاهلي وش الحل؟. |
يابعد قلبي
لايضيق خاطرك ولا شيء شيء طبيعي انا خالتي نفس خالتك ويوم كنت حامل كانت هي وخالى يتمنون والد بس بعد الولاده صارت تموت بنتى لاتخافين بيتغير كلام خالتك مجرد ماتشوف بنتك ولاتنسين بيكون اسمه على اسم خالتك بيزيد الغلا عندها الله يقومك بالسلامه اهم شيء وكل شيء بيكون زي ماتتمنين ان شالله وعليك بالدعاء بحسن الخلق اهم شيء |
اهم شىء
ربنا يقومك بالسلامة ويتم حملك على خير اما ولد او بنت فهذه حكمة الله لو حماتك تستطيع تغييرها تغيرها ولن تستطيع امها لما ولدتها بنت !!!! هل القيامة قانت ؟؟؟؟ |
و الله يا اختي ما ادري شاقول ما عندي خاله بس احس ماله داعى تقولين حق زوجج يمكن يحط سالفت البنات فى راسه و يتضايق ترى البنات حلويييييييييييين
|
أمي شوي تضايقت يوم عرفت إنه زوجة أخوي ببطنها بنت
بس يوم ولدت البنوتة العسل و الله مافي أطعم منها و أمي حبتها أكثر من محبتها لنا و لأخوي :) و ألحين كل مرة تتصل امي على أخوي تقول له جيب بنتك تراها وحشتني مووووووت :) |
الله يمسع منكم وتحب بنتي اذا طلعت بالسلامه
بس ياخوفي أنها ترمي علي حكي خصوصا انها دايم تلمح لي أن كثره البنات مو زينه وخصوصا اذا جت سيره خواتي وأمي وأهلي أظن انها تفكر او تخاف اني أكون مثل امي واجيب لولدها 6 بنات أحس أن هذا تفكيرها... |
ما عليج كلام بس
يوم بتشوف هالبنوته تناظرها وهي في اللفه بتموت عليها لا وبتسمونها على اسمها بتصير الغاليه باذن الله :) |
الله يهون عليك ويقومك بالسلامة ...
حبيبتي : تذكري (( ما أعز من الولد إلا ولد الولد )) يعني ولد ... بنت ... راح يكون الغالي ... وخصوصاً إذا بدت تطيح بحضنها وتناديها جدّه ... ولا تبي تاكل إلا مع جدتها ... ولا تبي تجلس إلا معاها ... ساعتها >>>>>>>>> مو بس بتحبها إلا راح تموت فيها ... ولا راح يطيب لها العيش إلا لما تكون بنت ولدها معاها ... الله يقر عينك حبيبتي بما يرضيك ... وهونيها وتهون ... |
الله يخليكم والله صغرتوا المشكله بعيني
والله يسمع منكم وتصير من جد تحبها طمنتوا قلبي الله يطمن قلوبكم |
الأخت ريم 2006هونيها تهون إن شاء الله لاداع للزعل وهذا موضوع لا يستاهل منك هذا القلق غنما هي زلة لسان من عجوز كبيرة سن تحمليها وهي عندك كالضيف المرتحل لذلك أكرميها لله أولا ثم لزوجك ثانيا والذي يجيء ولد ولا بنت هذا بأمر الله لاحول لك فيه ولاقوة وربي يوفقك ويكون في عونك
|
عاااادي ياا قلبي والله عاااادي
الكبااار هذا هو كلامهم .. إنتِ بس قولي ( بلطف بااااالغ طبعاً ) الله يرزقنا وهيا راااح تفهم !! لا تزعلي نفسك .. يا حبيبتي انتِ تقرئي ( يهب لمن يشاء إناثاً ...) الآية .. فكيف تضايقي نفسك ؟؟ ما تزعلي من خالتك .. والله لو أنا متزوجة .. لأحطها على راااااسي من فوووق كفاية جابت لك زوجك الأمير هذا :d الله يوفقك ياااارب ويرزقك بالذرية الطيبة آآمين ،، |
مشكور اخوي محب الغزلان على كلامك الرائع
ومشكورة اختي حبيبتي حسابات الزمن على كلامك والله من جد ريحني |
حبيبتي ريم2006 لاتتعبين نفسيتك الحاله النفسيه مهمه وقت الحمل
احمدي ربك واهم شئ رضى زوجك وانشاء الله بنوتك بتكون الغاااااااااااااااليه عند حماتك والله يتمم لك حملك على خيير |
صدقيني أختي وراح تتغير وما اغلى من الولد الا ولد الولد حتى لوكانت بنت الحين اشوف جدتي تعامل بنات ولدها كانهم بناتها تمووووووووت فيهم ان شالله خالتك تكون كذا واحسن ان شاء الله ...
|
اقتباس:
الله يقومك بالسلامه ويرزقك بالذرية الصالحه ياااااااااااااا رب :d |
الى يجيبة الله حية الله
بنت ولد كلهم خلق الرحمن ويما بنات اطيب من اولاد لاتهتمين حطي باذن طين وباذن عجين وكبري الوساده واتركي الامر بيد من له الامر سبحانه |
لاتخافين ياريم
البنوتات بيكلون قلبها وكل بتقول جيبوا بنتكم عندي من حبها تفائلي خير الله يقومك بالسلامه |
الله يسلمكم على ردودكم والله فرحتوا قلبي
والله يتمم لي على خير وأشوف بنتي بالسلامه وعسى خالتي تحبها!! |
اقتباس:
الكبار هيك بتحسي كلامهم دائماً مبالغ فيه و كتير حساسين و بزعلوا لأتفه الأسباب بس كوني متأكده مش 100% إلا مليون بــ % إنها رح تمووووت فيها لانه حفيدتها الأولى و إن شاء الله تولدي بالسلامه و بشرينا :) |
انه اقولج طنشي ولا تعبين روحج لان الكلام اللي يقث ما يخلص ،،انه مسميه بنتي على وحده من اخواتي متوفيه وهي صغيره وكنا مسمينها على بنت عمي بعد متوفيه يوم عرفت ام ريلي بالسالفه قالت لا لاتسمون ثنتين ماتو يعني الاسم ما يبيكم((خرافات وخرابيط ما لها معنى)) طبعا انه حزت في نفسي ،والحمدلله يبت بنتي وسميتها على اختي وكانت كل ما تمرض بنتي تقول لنا غيرو اسمها يمكن من الاسم كنت اموت من القهر عليها ،،بعدين قعدت افكر اقول ليش انه اتعب روحي معاها خلها تقول اللي تقوله انه ما علي منها اسمع من اليمين واطلع من اليسار ولين يابت هالسيره اقولها الحافظ الله واللي الله بيكتبه لنا احنا راضيين به والحمدلله على كل حال
|
أختي ريم أنا سمعت انه الحامل تكون حساسة شوية بأيام الحمل تراه الموضوع عااادي وكلنا نعرف سوالف الكبار بالسن ... أنتي أهم شي وأنتي حامل حاولي لا تتأثري بكلام حد وخلك على طول هادية وذا سمعتي كلام كذا ولا كذا يغثك من خالتك على طول أبتسمي معها ولا تبيني أنك متضايقة رح تكسبيها وتسكتيها ... وأكيييييييد ذا جبتي البنوتة رح تحبها وتموووت فيها لا تحملي هم أبد ... والله يسهل عليك الولادة ويقومك بالسلامة |
أختي العزيزة لايهم رأي خالتك فالمهم قناعتك أنتي وزجك على نعمة الأطفال التي هي هبه من رب العالمين فإن كان المولود ذكرا أو أنثى فكلهما نعمة من الله وأرجو منك عدم الإهتمام بكلام خالتك لدرجة أنه يؤثر على نفسيتك فلا تهتمي
مادام المولود مولودك انتي سهل الله عليك الحمل وتتربى بعزكم ان شاء الله |
الله يسلمكم على هالحكي الحلو
وعيدكم مبارك جميعا لكل من شاركني مشكلتي ودعا لي بالسلامه والعافيه ومثل ما قلتوا حكي كبار وبصير أطنشه ولا أشيل بخاطري منها يكفي أني ان ربي أستجاب دعائي ورزقني بالحمل والبنوته اللي أتمناها من تزوجت ويكفي أن زوجي فرحان ومبسوط أنه راح يكون أب الحمدلله على أحلى هديه من رب العالمين... ويا رب تهون علي وتسهل ولادتي وتملي عيني من شوفه حبيبتي وأخذها بحضني والله يطلعها بالسلامه سالمه معافاه من كل شر يارب العالمين ,, و (( كل عام وانتـــــــــــــم بألــــــــــف خيــــــــــــــر)) |
و انت بألف خير يا رب و الله يتمم حملك على خير ان شاء الله يا رب :)
|
| الساعة الآن 08:43 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©