|
هذه قصتي ولا أريد غير الدعاء....
سلام عليكم
أحب ان ابدا اولا واقول انا تزوجت قبل 2اشهر سافرنا في البدايه 3اسابيع ثم رجعنا كان زوجي في البدايه غايه في اللطف . انا عمري 26 سنه وهو عمره تقريبا 32سنه صلة قرابتي به بعيده المهم رجعنا من السفر وهو رجل اخر غير اللذي عرفته من قبل .بدأ دوامه وبدأت انا بالمسؤليه كل يوم نفس الشيء هو يرجع من الدوام وانا مجهزه الغداء ومتزينه وكأني عروس .طبعا زواجي لم يكن الا عن اقتناع مني ومنه ومدة الخطوبه استمرت 8اشهر . المهم استقبله احسن استقبال واقدم له الماء واضحك بوجهه وهو ولا كاني اسوي شي انا اعلم ان هذا واجب علي لكن لاجد منه اي تفاعل .احط الغداء ونتغدا وهو صامت احاول ان افتح معه اي موضوع لكن عبث . نخلص هو يتهيأ للنوم وانا اذهب للمطبخ اغسل الصحون ثم ارجع للغرفه وانام ساعه بعد الغداء اصحى واصلي العصر وهو لسا نايم اقعد اغسل الملابس او اكوي حتى المغرب ثم اصحيه واسوي قهوه احيانا يقوم واحيان لا يواصل الى بكرا . انابهذي الاثناء ايش اسوي اذا صحى تقهوينا بصمت طبعا ثم يطلع ولايرجع الا الساعه 12 او 11 اكون انا مجهزه العشاء نتعشى نقعد شوي نروح ننام . طبعا هذا البرنامج كان طول الشهر الثاني من الزواج يعني انا لسه عرووس حاولت اساله ايش فيه يقول مافي شي او مايرد.انا ماقلتلكم انه ماينام عندي باالغرفه هاجرني طوال شهركامل . لاحظت عليه بعض التصرفات الغريبه واللي انا استهجنها لكن ماكنت اقوله شي : مثل التفتيش في جوالي ومراقبته وكنت اتعمد اروح انام في الغرفه واخلي الجوال عنده عشان يرتاح ويتطمن. التلفزيون كان كل مااتابع برنامج او مسلسل يقولي غيري واغير على طول هوعلى فكره ماهو ملتزم لكن كذا مزاج او انه اذا شافني مركزه على قناه واتابع برنامج حذف القناه على طول رغم انه كنت مااخلي التلفزيون يلهيني عنه او عن شغل البيت .اسلوبه معي كان جاف وقاسي نوعا ما وهذا لاحظته من شرالعسل.رغم اني انا كنت بنت هاديه ولا اعاكسه يعني يقول لأ خلاص لأ ماعيد واطلب الطلب مره ثانيه .حاولت التقرب منه بشتى السبل لكن كان هو يصدني ويبعدني .على فكره يمكن تقولون هو ماحبك لكن انامتأكده انه يحبني وانا عاجبته والدليل الكلام اللي كان يقوله لي أول.ايش اللي تغير مادري .بالنسبه للبيت وتنظيفه كان بمنتهى النظافه وكأنه مستشفى يعني مستحيل تطيح عينه على وساخه او ريحه شينه .انا بالنسبه لي دايما نظيفه وحريصه وريحتي عطور هو يحبها ولبسي من احلى مايكون وألبس اللبس اللي كان يعجبه ويعلق عليه أول .يمكن انتو تقولون انتي اكيد مهتمه باالنظافه وشغل البيت اكثر منه لكن لأانا منظمه شغلي اذا طلع ابدا بالشغل واذا جا اكون جاهزه ولابسه ومتزينه خصوصا انه هو يتأخر برا واخذ راحتي باالتنظيف .المهم استمر حالي هكذا الى درجة انني في وقت الفراغ اقعد ابكي واكلم الجدران .باالنسبه لاهلي هم في نفس المنطقه واروح لهم بالاسبوع مرتين او على حسب مايكون هو فاضي يوديني .اهلي عارفين الموضوع بس ساكتين ويصبروني وانا اصبر نفسي لاني مابي اخرب بيتي كنت بشوف النهايه .كان اذا جا ياخذني من اهلي ادف نفسي دف واركب معاه السياره.باالعمل كنت اكلمه اتطمن عليه والاحظ انه هو متضايق من مكالمتي لكن اسوي نفسي مافهمت واقول خلاص يله شكلك مشغول مع السلامه.كنت افتعل المكالمات له عشان احسسه اني جنبه اذا هو طايح في مشكله اومريض لكن احساسه هاالرجال متبلد .ارسله رسايل جوال حلوه مايرد علي ولايعطيني وجه وانا كنت صابره ومحتسبه الاجر عند ربي عسى ربي يهديه.ليلة رمضان رحت لاهلي انا وياه وجلسنا عندهم ساعه تقريبا ورجعنا البيت وسويت سحور وتسحرنا كان ودي يباركلي باالشهر مثل ماكلم اصدقائه وباركلهم .كنت ببباركله لكن كنت خايفه منه كانت عيونه كلها شر وحقد وكأني عدوه مو زوجه.لما اذن وطلع يصلي الفجر انا صليت رحت بنام واخذت الجوال حقي وارسلتله رسالة مباركه بالشهر اكيد هو شافها ولما رجع من الصلاه انا لسا مانمت وشافني لكن ماتكلم ولا كلمه. بعدها بيومين انفجر علي فجأه بدون أسباب وطلع علي الأول والتالي قال انتي مره ماتنفعين اولا عباتك هذي ماتنفع تفشل وتدرين ليه مانطلع ولانتمشى عشان عبايتك قلتله انت ماقلتلي غيريها من قبل وانا ماعندي مانع اغيرها قال انا لمحت بس انتي ماتفهمين التلميح قلت صارحني وانا ماراح اقول لأ.قالي الكل مره مالح مره مادري ايش قلت كل شي يتصلح هذي ماهي جريمه.قال انا خسرت الأول والتالي عشان هالعرس وسفرتك وشريتلك هدايا من هناك بس انتي ماتقدرين وماتدرين اني مفلس قلتله انا ماغصبتك على السفر ولا الهدايا باالعكس انت كنت تصر علي اشتري واشتريتها.انا مادريت انك مفلس لو ادري ماشريت شي .المهم مع الأخذ والعطى النهايه قاللي روحي بيت اهلك انا خلاص عافتك نفسي وماتلزميني .انا انصدمت بعد كل اللي سويت هذا كان جزائي وقال انا من اول ماكان ودي اتزوج لكن اهلي ضاغطين علي . الى هالدرجه يااخوان يصل الانسان ماني مصدقه اللي صار اقسم بالله اني احس انه انسان مريض .بكل سهوله كان يسمعني كلام حلو ومعيشني بحلم وكنت مقبله على الحياه كرهني بكل شي حلو بحياتي كنت احبه .بسهوله بنات الناس لعبه عادي يعني ياخذها بعدين يقول انا ماودي اتزوج بس كله من اهلي هو ماهو صغير لكن هوعاش فتره طويله عزوبي وماتعود على وجود المره بحيا ته لكن هذا مو عذر كثير عاشو اعزوبيه وتزوجوا وصارو مسؤليين. لو كانت اخته مكاني كان يرضى يصير فيها كذا . المهم انطردت ورحت لاهلي وقعدت عندهم 10 ايام لاتصل ولا شي .ابوي اتصل عليه وقاله تعال نتفاهم جا وتكلموا انا ماقابلته قال بسافر 10 ايام وبيجي مني لك اتصال .انا بهذي الفتره ادعي لنفسي وادعيله ان الله يهديه لاني لاريد الطلاق وانا ماسويت شي يستاهل .اصلا ماسويت شي .بعد 10 ايام كلم ابوي وقال انا خلاص استخرت وطلقت وقال هي ماقصرت وانا آسف على الكلام اللي قلته لها بعد ماسمعت هاالكلام انهرت ليه سوا كذا وانا كان عندي امل انه يرجع وان هذي مجرد لحظة غضب.للأسف هاذي النهايه انظلمت بدون اسباب لمجرد انه انسان اناني حب يتمتع شهر وبعدين لقى نفسه مو قد المسؤليه . مااقول الا حسبنا الله ونعم الوكيل اللهم اجرني في مصيبتي واخلفلي خيرا منها. بالنسبه للهدايا اللتي عايرني بها انا ناويه لما اروح اخذاغراضي من بيتي اخليها له عشان يشوفها وتبقى حرقه بقلبه ويتذكر انه انا بنت ناس وماني محتاجه للأغراض هذي . آسفه طولت عليكم وانا تعبت بعد اتمنى منكم التفاعل معي في هذي المشكله. |
اختي matla3_alshams
اهلا بك اختي .............. اعاضك الله بخيرا منه........ولكن اختي لي عوده معك ................فأنا على عجالة رددت عليكي.......... ودمتي اختي في حفظه |
أختي الغالية عليكي بالصبر واحتساب الأجر وعند الله مايضيع وربنا عالم بيكي وسوف يفرحك عن قريب لأنك مظلومة ودايما المظلوم ربنا يعوضه خير في الدنيا قبل الآخرة
وحاولي تشغلي نفسك بأشياء مسلية تنسيك هموم الدنيا وزوجك اذا كان ظلمك سوف يأتي يوم ويتزوج ويفتكرك ويقول ياريت ماعملت في بنت الناس كدا نصيحة أخيرة عليك بالدعاء كان الله في عونك |
الوزاري شكرا أنا في الإنتظار.
أم البراء اشكرك علك على المرور. |
عزيزتي الله يكون في عونك الصراحة ضاق صدري عليك مره استغلي هالأيام الباقية من هالشهر الفضيل بالدعاء ويوم الجمعه لا يفوتك ادعي من بعد صلاة الجمعه إلى آذان المغرب وبين الآذان والإقامة الله يكتب لك الي فيه الخير وأسال الله أن يعيده إليك محبا مشتاقا إن كان في عودته خيرا وإن كان في عودته شرا الله يصرفه عنك ويعوضك بمن هو أفضل منه |
همه عاليه شكرا على مرورك انا الآن مالي غيرالدعاء
|
هل الطلاق بائن ؟ |
ماعطاني ورقتي الى الحين بس زي ماقلت من قبل انه كلمكابوي وقال انا استخرت وخلاص.؟؟؟؟
|
و الله يا اختي العزيزة هذا ابتلاء من رب العالمين فاصبري و اختسبي ما يحدث عند الله تعالى ..
الله ابتلاك ليرى ماذا ستفعلين و هل ستجزعين ام تحمدين الله تعالى و تتقربين اليه اكثر انا اشعر بك حبيبتي و اعرف كم قاسية هذه الصدمة و انك حزينة لكن تذكري دوما ان مع العسر يسرى .. قد يكون هناك امل ان يعود فنحن لا ندري الغيب و قد لا يعود و قد تكتشفين ان الله تعالى قد خلصك من هكذا انسان قبل ان يصبح هناك اطفال ووو عليك بالصبر بالدعاء و تذكري انما هي الدنيا ابتلاء حسبنا الله و نعم الوكيل |
اختي الكريمة 00
قصتك مؤثرة ولكن لا تبتئسي 000 مادمت لم تخطئي فلا تحزني 00 ولتسكن نفسك 00 وسيعوضك الله خيراً 00 انما يحزن من يجرح غيره 00 من يظلم غيره 00 من يؤذي غيره 00 فهذا ينزع الله من قلبه السعادة مهما بلغ به المقام والمكانة أسأل الله أن يفرج همك ويكتب لك الخيرة من أمرك |
الله يرزقك افضل واحسن منه ويعوضك ربي واحمد الله انك ماجبت عيال منه والله اني ادعيلك 00000
|
الوفيه لوالديها
اشكرك على الرد كاره الرياضيات شكرا بس ماأظن أنه يبي يحزن أو حتى يفكر لأن أظن ماعنده قلب !!! نزع الفرحه مني وانا لسا ماكملت معاه شهرين كنت احلم بحياه سعيده واخطط لبعدين لكن للأسف ماخلاني حتى الفرحه. |
rozem222
شكرا الله يتقبل منك ويعافيك. |
:
: اختى الحبيبه ....قبل مااقول اي شي ادعيلك هالليله بكل خير ... انتى جربتي شهر كامل وزى ماقلتى شكله مو راعي مسؤليه ..دور عليك اشياء غلط مالقى .<<<ماشالله عليك وانتى ماخليتى طريقه ماسويتيها حاولتى بكل شي بنفسك وبيتك وبزوجك بعد وهو لاحياة لمن تنادي صدقينى انتى كسبتى تدرين ليه لانه لو صار منك تقصير كان تلومين نفسك ليل ونهار ..لكن دامها جت منه ..صدقينى هو الخسران وبيجي وقت بيعرف غلطته ...انا مااقسي قلبك عليه لكن هذا هو الحق ...لاتفكري واعتبريها خيره وادعى ربك يعوضك بالى يقدر قيمتك والا هو مايستاهل كل اللى سويتى له<<<<حسبي الله على ونعم الوكيل ... الله يوفقك لكل خير ويهدي باللك ويسعدك اختك حلالا |
حلالالالالالالا
شكرا على مرورك والله كلامك كلن قاله لي .لكن أنا كيف أنسى اللي سواه معي ماأظن أني بأثق برجل بعد كذا. |
حسبي الله ونعم الوكيل
ياختي بعض شبابنا عندهم مرض اسمه عباية يحكمون عالبنت بدينها وخلقها من العباية وبس <<< والله ان تفكيرهم هذا عرفا اكثر من انه دين هذا شكله ماتعود على المسؤولية والبيت وحس بالخوف اختي ماحاولتي تتفاهمين تسألينه ليه وش فيك كلمني؟! كل واحد يتزوج لازم تتغير حياته ماجربتي انت وياه الرقية الشرعية لأن فعلا شفيه فجأة انقلب! عسى الله يسهل امورك ويكتب لك الخير |
السلام عليكم و رحمة الله و بركاته
أختى الفاضلة الكريمة مطلع الشمس عسى الله أن يطلع شمس الأمل و السعادة في قلبك و يرزقك الصبر و السلوان أختى الفاضلة هل تعلمين أن الله يحبك ؟؟ نعم يحبك لأنه ابتلاك لأنه لم يغرقك في النعم و ينسيك ذكره أختي الفاضلة لكل منا جروحه لتذكره أنه لا ملجأ لنا إلا بالدعاء و التضرع لله سبحانه و تعالى أخيتي الحبيبة لا تحزني على ما حصل و لا تقولي أني مطلقة أو أني صورة مشوهة عن المرأة لا تهتمي إلا كلام الناس بل ارفعي رأسك و استمري بالمشي ضعي وسام البلاء على صدرك و قولي ربي ابتلاني لأنه يحبني لأن أشد الناس بلاءا هم الأنبياء فالصالحون ثم الأمثل ثم الأمثل ! عسى الله أن يعوضك بزوج حنون يقدر ما تفعلين لأجله و ينسيك كرب هذه الأيام اللهم آمين آمين أختك أمة الله |
قصد أخي ساري هل هذي هي الطلقه الثالثه ؟
.......... يا أختي للأسف غلط بعض الأهل أنهم يغصبون الرجال على الزواج بالضغط عليه طبعا خصوصا إن كانت قريبة منه وهو يقول تبوني آخذها أبشروا بس ترى بطلقها<< صراحة وكأن بنات الناس لعبه بينه وبين أهله العاقل بعد الزواج لا يطلق إن صلحت له لكن هناك من ينفذ فعلاً شوفي خلي أبوك يكلم أبوه ويصارحهم بكلامه ويتأكد هل هو فعلاً مغصوب أم لا ولا بأس أن يطلب الإصلاح فإلى الآن هناك مجال فأنتِ مازلتِ بالعده وبإذن الله يتغير العسر إلى يسر ثم لتعلمي أن رزق الله لا يقتصر على شخص فإن لم يقبل الإصلاح فأحمدي الله وأشكريه على نعمه وأسأليه أن يعوضك في مصيبتك خيراً أتمنى لك التوفيق والسعاده |
الله يكون في عونك ويعظم أجرك الخطا الكبير الذي أرتكبه أهلك أنهم لم يبحثوا بحثا كاملا عن هذا الزوج يبدوا أنهم أستعجلوا واضح الشخص أنه به مرض نفسي ! وإلا كيف يجد زوجة مثلك في تعاملها ويقابلها بهذا البرود والمعاملة الغير مسئوله ، وربما أنه مصاب بعين او سحر 0 الحل أحتسبي الأجر وسوف يعوضك الله خيرا لكن لا تستعجلي من الزواج من أول خاطب خوفا من سمعة مطلقه بل أجلسى فترة طويلة _فترة نقاهه_ للتأمل والتفكير العميق وبعد ذلك أستخيرى الله فيمن يتقدم لك لكن أبحثوا عند جيدا قال الرسول الكريم _مامن مسلم يصيبةمصيبة ويقول اللهم أجرني في مصيبتي وأخلف لي خير منها إلا عوضه الله خيلرا منها وقالته أم سلمه عندما مات زوجها فعوضها الله خير منه الرسول صلى الله عليه وسلم
|
اختي لا تندمين ولا تحزنين مرده بيعرف غلطه وراح يندم على كل الي سواه وانتي مظلومه وابدااا الله ما يضيع حق المظلوم بس اتصبري صيري قويه ولا تهتمين وواجهي الحياه بسلاح الصبر ولا تتندمين على اي شي الله كاتب جذي وبعوضج بالي احسن منه بملوين مره..
والله يوفقج |
عليكم السلام ورحمة الله وبركاته
قووولي آآآمين الله يعوضك يارب ويصبّر قلبك ويرزقك كل خير قريت كلامك من البداية للأخير وربي تضايقت من اللي صار ماأدري وش أقول غير إنه ليش الناس يظنون الزواج مشي حالك بس وإذا حسيت نفسك مو قد المسوؤلية انسحب وماكأنه صار شي !!!! فعلا ً غريبة تصرفاته كان يحبك وفجأه تغير ؟! يمكن كانت نفس أو عين أو أي شي كرهته فيك أتمنى يكون كذا لو إنه شي ماودك أحد يصير له ، بس إنه فيه حل إن شاءالله لو قرأ على نفسه أو أحد قرأ عليه يمكن تتغير أشياء كثيرة لأنكم في بداية الإنفصال إن كان ربي كاتبه لك بيرجع بإذنه وإذا إنه ماصار نصيب مالك إلا الصبـر والرضا والقناعة بما كتبه الله لكم وربي يعوضك ويعوضه باللي فيه خير قلبي معك والله :( |
والله عورتييييييييي قلبـــــــــــــــــــــــــــــــــــــــــــــــ ـــي
قصتج ذكرتني ببعض تفاصيل قصتي مانقول عير حسبي الله ونعــــــــــــــــــــم الوكيل وتذكري اذا انظلمتي مرررررره ان رب العالمين مابيظلمج ابدا ابداااااااااا وصدقيني رب العالمين بيرزقج بواحد افضل منه مية مرررررره لانج انظلمتي الله يكون بعونج والله كلماتج هزتني واثرت فيني عسى الله يعوضج باحسن منه بمليووووووووووون مره واحد يعرف قيمتج وقدرج |
أختي matla3_alshams اولاً حياك الله بيننا أسأل الله ان يفرج همك عاجلاً غير آجل أختيmatla3_alshams أحمدي الله انها فترة بسيطة و تذكري دوماً أنك لست وحدك و مادمت لم تخطأي فلما الحزن و الحسره يعوضك الله بالغد من يسعدك و يقدر ما تعمليه بإذن الله و تذكري دوماً أن الطيبات للطيبين تحياتي لك |
الله يعينك اختي
ويهدي زوجك بس انتي حاولي معه بالحسنى أو اهلك مع انه مايستاهل واضح انه ماقدر يتحمل المسؤولية الله يفرج همك يااارب |
اقتباس:
رد كافي ووافي .... ولا يهونون بقية الاعضاء الله يعوضك بواحد احسن منه .. واحد يقـــّدر قيمة هذه الدرة الثمينة بين يديه . . . . . . . اختك / بنان |
لا حول ولا قوة إلا بالله العلي القدير
والله لقد أضقت صدري بقصتك وأسأل الله عز وجل أن يأجرك في مصيبتك ويخلف لكي خيراً منها إنه على كل شيء قدير أعلم أن المصيبة كبيرة ولكن ما أتمناه منكي أن تلجئي الى المولى عز وجل فهو نصيرك اطلبي منه أن يعوضك عنها بأخير منها وحاولي أن لا تشغلي تفكيرك كثيراً بالأمر أعلم أن هذه صعب ولكن حاولي |
اخت شوبارد انا ماعندي مانع اني اغير العبايه لكن هو كان ماسكها حجه عشان يبي يتخلص من المسؤليه.
بالنسبه للرقيه ماجربتها لأن ماعتقد انها عين اوسحر على قدم وساق شكرا على مرورك اي والله انه ابتلاء عسى الله يصبرني ,. عبير الرياض انافاهمه قصد الاخ ساري لكن زي ماقلتلكم انه كلم ابوي وقال انا استخرت وخلاص خلاص وشو مادري وماعطاني الورقه الى الحين .اماباالنسبه ان اهله غاصبينه هو الي جا برجليه لنا وهو كبير ماهو صغير. اما اننا نكلم اهله مستحيل اخلي اهلي يوطون راسهم له بعد مااهانني بس فيما لو كلموا أهله راح نسألهم هل هو مغصوب او لأ. محب الغزلان اهلي لم يستعجلوا باالسؤال عنه بالعكس كانوا حريصين كل الحرص وكانت مدة الخطبه 8 اشهر فتره كافيه للسؤال لكن ماذا اقول زي ماقلت اظن اللذي به مرض نفسي غير واضح للناس.وشكرا على النصيحه احب ملما وبابا ماظن بيعرف غلطته الا ان يشاءالله لكن بالنهايه انا الضحيه في مجتمع لايرحم. |
مطلع الشمس ..
حسبنا الله ونعم الوكيييييل الله يجبر كسرك ياااااااارب ويعوضك خير ويصلحه حتى يعود إليكِ ناااادماً آآآآمين ،، شباب اليوم للأسف .. ما عاد مسؤول .. يمكن إنتِ أهون من قريبتي .. تزوجها ابن عمها .. وشهر وااااحد .. رأت الوييييل فيه طبعاً بدون سفر ولا خلافه .. وقال لها : أهلي اللي اختاروك وطلقها .. الآن ربنا عوضها خير .. ومتهنية مع زوجها الله يخلف عليك بخير ياااارب لا تنسي ( إنا لله .... اللهم آجرني ... ) الله يطفئ حرقتك ياااارب ويهون عليك ويرزقك حتى يرضيك ،، |
اختي تعاطفت معك كثير انا طلعت من العده من شهرين طليقي كان يعاملني بقسوه ووكل شوي ان ما معي فلوس انا كل فلوسي وفلوس ابويه صرفتها على شئ فاضي وانا صابره حتى اهلي مايدروا بالسالفه وطلقني ورحت بيت اهلي بعد شهر جا يبي رجعني وانا قلت اعطوني فرصه افكر واستخير 000000000000بعد شهر اجا الابويه رجال ثقه وقالوا تري زوج بنتك يشرب وعنده شقه استحي اقول ايش بايسوي فيها انصحك ياختي استخيري ثم استخيري
|
اخت غاليه
الله يعافيك انااتمنى يعرف غلطته ويرجع وانا بنسى الماضي وافتح صفحه جديده . عروس بالاسم انا فعلا انظلمت لكن هو هل حس انه ظلمني معاه ؟؟؟؟؟؟؟هنا السؤال. سيسبان انا ماني نادمه على اللي سويته لانه كان واجب علي لكن مستغربه انه فيه بشر بها القسوه وعايشين معانا ؟؟؟؟ كل الغلا شكرا على المرور والنصيحه. اخت بنان انتي اللي شكرا على هذا الوصف اللي وصفتينياه كان نفسي انه هو يقدرني. دلع ودلع شكرا على المرور والاهتمام. حسابات الزمن شكرا على المرور والله يتبل منك وانا مالي غير الدعاء والالتجاءلرب العالمين. |
كم حيران
شكرا على المرور أنا فعلا فقدت الثقه بالرجال ليه كذا سوا انا ماجرمت انا ماني كامله تصدر عني هفوات ولكن هذا لايعني ان يطلق. اخ الوزاري انا انتظر ردك علي بفارغ الصبر كم تعجبني كتاباتك لانها تلامس شيء ما في قلبي وخصوصا موضوع قرارك الوزاري آلمني فعلا , لم اظن ان هناك رجل يؤثر فيه الطلاق هكذا لأني حقيقه فقدت الثقه بالرجال لكن انت مختلف تماما ولاتنتمي لفئة اشباه الرجال . |
لااااااحول ولاقوه الا بالله
والله كنت احس لكن الحين تأكدت ان اللي تقدم على الزواج كأنها مدخلها يدها بجحر عقرب .... توي اقرا قصتك والله اني انصدمت .... ويقوولون بعد السبب بالطلاق المرأه .. مره ماتعرف تطبخ ومره ماتهتم بنفسها ومره ماتهتم بزوجها وماتهتم بالبيت .... اعذريني والله ماابي ازيد عليك .. بس والله اني مقهوره من طليقك .... حسبنا الله ونعم الوكيل .... الله يعوضك ويصبرك ويرزقك اللي احسن منه يارب |
* قولك انا لله وانا اليه راجعون اللهم اجرني في مصيبتي واخلف لي خيرا منها سيكون له مفعول بإذن الله.
* تذكري بأن الله كريم إن الله اراد بك خير عندما انفصلت عن هذا الزوج ولكن انتي لا تعلمين الغيب ولو علمتي الغيب لقلتي الحمدلله يا ربي انك فكيتني منه. * حافظي على دينك بالعباده وصلاح النفس واعلمي بأن من يتقي الله يجعل له مخرجا. * فلا تبعدي عن الدين بسماع الاغاني الحزينه ورؤية الافلام واشغال الوقت بالحرام فتذكري بأنك في اشد الحاجه الى الله فلا تخربي على نفسك بالمعصيه. |
انسان عديم المسؤلية ولا يخاف الله
تخلصت منه افضل لك بكثير و ربي يعوضك خير ان شاء الله احمدي ربك انك لست حمل فهذا فضل كبير من الله |
اقتباس:
ضعف شخصيه اغلب الشباب و اعتقادهم ان مايختاره الاهل سوف يكون زواج ناجح حتى لو لم يرتاح لهذا الزواج الله يعينك اختي ويرزقك الزوج الصالح |
لا تحزنين يا اختي على رجل ما يستاهل.... وما تدرين يمكن ربك سبحان دفع عنك ضر كبير بهذا الضر... قولك حسبي الله ونعم الوكيل هي كافية ان شاء الله بأن تجبر خاطرك ياااااااااااااارب...
|
ماقوول غير الله يصبرك ان شاء الله
وصدقيني الدعاء ثم الدعاء وان شاء الله الله يفرج عليكي وانا عن نفسي اتأثرت وااايد الله يعينك علي مابتلاك |
احتسبي الأجر عند الله و ربنا يعوض عليكي بالخير إن شاء الله
اللهم أؤجرها في مصيبتها و اخلفها خيراً منها |
بالنسبه للهدايا اللتي عايرني بها انا ناويه لما اروح اخذاغراضي من بيتي اخليها له عشان يشوفها وتبقى حرقه بقلبه ويتذكر انه انا بنت ناس وماني محتاجه للأغراض هذي .
تصرف جيد عين العقل عملتي الله يفرج همك ويعوضك خير |
الله ياجرنك في مصيبتك ويخلف لك خيرا منها
حسبي الله ونعم الوكيل |
| الساعة الآن 09:12 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©