محتاج راي كل واحد يمر على الموضوع
 

بتهيالي حسب طباع الفتاة وخلقها
إذا تربت ع التواضع ، وتقدير الزوج
وإذا كانت تربيتها الدينية طيبة
فبإذن الله سيسعد معها ..


أما إن كانت مغرورة ..
وشايفة حالها فوق الناس ..

الله يكون بعونه ..

يعتمد ذلك على البنت لانها هي من سوف ينتقل من مستوى معيشة عالي الى مستوي معيشة متوسط
فان كانت متفهمة وعاقلة ودينة ولها رغبة فيك وعارفة كيف راح تكون حياتها توكل على الله
اما اذا تشرطوا في بدايتها انا اقولك ريح مخك وابعد لانك ماراح تقدر تعيشها في نفس المستوى وراح تلبس ثوب اطول من ثوبك وراح تطيح على وجهك (لا تزعل من صراحتي لاني اريد مصلحتك)
والبنات كثرفي البيوت ومن كلامك شكل وظيفتك جيدة وراتبك زين يعني ان شاء الله ماراح يكون عندك اي مشكلة في ان تجد غيرها ومن قد تفوقها جمالا وادبا فالمال لايورث الجمال والادب ولكنه ايضا لا يتعارض معهما
المهم خلك واضح من البداية ولاتوعد بشيئ ماتقدر تسويه او تستمر فيه

والله يا خوي انا اخواتي متعودات على الخدم 00 وبعد الزواج ماقدروا على شغل البيت 00

فاستعانوا بالخادمة لكن من مالهم 00 مو من الزوج 00

اعتقد اللي متعود على الشغل تكون عظامه وعضلاته قوية على عكس اللي مو متعود


وهذي العقبة الوحيدة اللي واجهوها 00

السلام عليكم
بصراحة لا اعتقد أنه ممكن يحدث إلا بنسبة 0.0000000% و على حساب أشياء أخرى ..يعني مثلا لو كانت ليست جميلة ، بدينة ..الخ
لكل شئ ضريبة !

إذا كانت مو مغرورة ..
راح تتحمل .. وتمشي حالها
أو تطلب خادمة .. لكن
بأسلوووب غير جارح للزوج !!





كبريااااائي ..
نحنا عندنا شغالة ..
وأتمنى أتزوج عشان أستفرد بالبيت
والطبيخ لوحدي ..
تيجي نتبادل :d

انا قبل ماتزوج كنت متعودة على الخدم ووالدتي الله يوفقها ويحفظها كانت ماتخلينا ندخل المطبخ او نشتغل فيه
وبصراحه لما تزوجت لاقيت في البداية صعوبه في الشغل لكن ماكنت بدي حدا يتكلم فكنت اعمل كل شغل البيت بس الحين بعد ماشتغلت مستحيل استغنى عن الشغاله صحيح اطبخ اكلي بنفسي وارتب بيتي لكن من جلي الصحون وتنظيف الله يكرمك الحمام ومسح البيت الشغاله ،،

وبدك رأي الواحد ياخد اللي من ثوبه احسن يمكن ماتقدر تلبي طلباتها واحتياجاتها وبكذا انت تظلمها
حتى في يوم مايوقع خلاف هي تقول انت بخيل وانت تقول انت مسرفه..وكل واحد مستحيل يصدق الثاني

يعتمد أولاً وأخيراً على الفتاة نفسها فإن كانت فتاة لا تلتفت إلى المظاهر كثيراً تأكد بأنها ستتأقلم مع حياتك بلا شك خاصة أنك تقول بأن مستواك المادي متوسط يعني أنك قادر على توفير حياة كريمة لها وإن كانت لا تصل إلى نفس المستوى الذي هي عليه الآن أضف إلى ذلك التنشئة والتربية التي تربت عليها الفتاة فلها أثر كبير على شخصيتها

بالتوفيق أخوي

اذا على شغل البيت الطبخ وغيره هذي معقوله اذا مثل ماقلوا ان البنت ماتكون مغروره ... بالعكس راح تلقاها تكون سعيده بشغل البيت وغيره لأنه شي جديد ماتعودت عليه حتى لو كان صعب عليها وتجربه جديده وعالم جديد دخلته ماجربته قبل ...ماتدري ان شغل البيت يبغى له 25 ساعه باليوم .. خصوصا في بدايه الزواج كله احلام وسعاده وحب ورومانسيه ووووو .... مافي شغل كثير في البيت

يعني انا شخصيا اعرف بنت اقل مايقال عنها في بيت اهلا قبل تتزوج انها ملكه ... وتزوجت شخص عادي جدا واشتغلت واعتمدت على نفسها وزوجها رجل عادي جدا ومتواضع ماديا .. وفي المناسبات والعزايم تاخذ من خدم اهلها كم يوم وترجعهم ....

لكن بالنسبه للملابس الراقيه والساعات الغاليه والتسوق من ارقى المراكز والمجمعات هذي اللي فيها صعوبه ....واللي لمفروض والواجب على من يتقدم لبنت من عائله غنيه يبين وضعه المالي والوظيفي وامكاناته وقدرته علىالأنفاق والصرف ... البنت هذي اللي اتكلم عنها قال لها زوجها ترا امكاناتي ماتسمح بالصرف الكثير ووافقت ومشت حياتهابالطول والعرض ..

وبعدين مثل ماقلوا الأخوه قبلي ... كل واحد ياخذ من بيئته وطبعه ووضعه احسن ... والمشاكل تلاحق الضعيف والغني مافي فرق ....

في نظري ما اتوقع ينجح والله العالم

أرى أنك توضح لها الوضع بكللللللللل صراحه
ولا تاخد منها رد بنفس اليوم
يعني عطها كم يوم
وما يكون سؤالك بعد لحظات رومانسيه
عشان يكون ردها مافيه مجامله لك

رغم انى متفائل بس حاولت انفكر فى انه يصير تفاهم باس القيتها صعبة جدا ممكن 1% نسبة النجاح وخاصة لو البنت كانت مندمجة بصورة كبيرة بطابعها العائلى وتملك صفات بغيضة كالغرور وحب التسلط و.......

حسب نفسية البنت اذا تعرفونها وقدرتو تقيمونها

اخوي تزوج وحدة ابوها له منصب كبير مررررررررررررررة

بس اخوي مقتدر ماشاءلله وبقوة لكن متعود على نمط معين وبصراحة تعب معها

مثل ماقالت لولو الطبخ والشغل تمام التمام

بس اللبس والمساعات والمظاهر تعتبه شوي بس اخوي قادر عليها يعني مايطاوعها في كل شي

اعيد مرة ثانية اذا تعرف البنت و عقليتها تمام واذا لا احس صعبة يمكن تتعبك

بعيدا عن المثاليات..........لاء

السلام عليكم يا أخي إذا كانت مدياتك ميسورة والفتاه على خلق وأنت مقتنع بيها من حيث الشكل والطباع فلا تتردد والله الأمور دي أرى ما تدخلها في الماديات لو بنت حلال حاتتقي الله في قرشك وانت استخير مرة واتنين وعشرة والله ييسرلك الحالوكم من فتيات اتنشئن في رغد وترف من العيش وعاشوا مع ازواج اقل من بيت ابيها بمراحل وسعداء جدا.
الله المستعاناستخيييييييير

لا ارى ان الامر له علاقة بالغرور بقدر ما له علاقة بمستوى معيشي اعتادت عليه ، كما ان التكافؤ مطلوب بين الزوجين من جميع النواحي ومنها المادية من اجل ان يتم تجنب حصول مشاكل مستقبلية . إلا اذا كانت البنت متمسكة بالشاب ومستعدة للتضحية لأجله ، ولكن حتى لو كان الامر كذلك في البداية فسرعان ما تكتشف انها تعبت ولم تعد تقوى على التحمل . فالبعض يصعب عليهن التكيف مع وضع جديد اقل مما اعتدن عليه .

اوافق هذا الراي وبشده:22: ويكفي ان فكرة انهم اعلى مستوى مادي < مع انك مقتدر ولله الحمد> موجوده عندك يعني من ساعه لساعه راح تطلع الفكره هذي بحياتك حتى لو كانت البنت كويسه بس اكيد راح تعاني انت من هالنقطه فبلاش وجع راس من اولها:29:

اخوي
ممكن تخلي امك وخواتك يجسون النبض بزيارات لهم
او ممكن تسألون عن البنت

ترى والله في بنات هاي هاي
لكن طيبات وممكن يتأقلمون مع الحياة الجديده
خاصه اذا كان الزوج حنون وطيب

يا اخوي اذا البنت متعوده على الرفاهيه الصراحه ما راح تقدر تعيش اقل من مستواها

المشاركة الأصلية كتبت بواسطة شيخة الحور/ريم
بعيدا عن المثاليات..........لاء


صح

واللة أنا أرى ان هذا يتوقف على شيئين أولا على الفتاة نفسهاو شخصيتها فممكن تكون عيشتها كلها رفاهية ولكنها انسانة متواضعة وممكن تكون مدلعة ولا تطيق العيش فى مستوى اقل ولا تستحمل الظروف المادية لزوجها .....أما ثانيا فهو يتوقف على الحب بمعنى انها يمكن تفعل أى شى للفوز بهذا الحب حتى لو كان التخلى عن أسلوب حياتها وانت تعرف أن الحب يصنع المعجزات فيمكن ان يحدث هذا بسبب الحب ولكن فى النهاية الأمر يتوقف على الفتاة بشكل بحت وعلى طبيعة شخصيتها .........أتمنى أن اكون افدتك