|
الحمل بعد القيصرية ؟
أخواتي حابه أسألكم من جربت حملت بعد ولاده قيصرية
بست شهور لأني والده قيصرية وزوجي يبغاني احمل على طول :( ورافض إني أستعمل موانع للحمل والدكتوره قالت لي أفضل شي تستني سنه لكن لو ما قدرتي 6 شهور كفاية بس والله أنا خايفة أصلاً ما امداني أرتاح من الحمل الأول وبعد العملية كمان:23: واللحين قربت تخلص 3 شهور يعني باقي 3 بس :29: ودي أشوف تجاربكم ورأيكم ومنكم نستفيد |
و على شنو زوجج مستعجل يا اختي انا عايشه اب دولة ليست بعربيه و الكل يمنع الحمل الا بعد مرور سنتين هذي صحتج كلميه و قنعيه انج مريتي اب ظروف حمل غير عاديه و لو يحبج يحترم و ينطر الياهال ما يطيرون مع الوقت يجون و اذا مصخها خل احد من اهلج يكلمه ماله حق صراحه
اختج بني |
اقتباس:
وجبت بنتي الأولى بعد 4 سنوات إنتظار السنه الخامسه حملت وبعدها جلست 7 سنين وتوي أجيب الثانية تخيلي بين الأولى والثانية 8 سنوات عشان كذا مستعجل ما يبغى يروح العمر على قولته ووالله حاولت أقنعه على الأقل سنه بس مو راضي حتى أقوله أحمد ربك الله اكرمنا ورزقنا في وحده أعرفها لها ألحين 18 سنه وتتمنى لو تجيب واحد بس يا ولد يا بنت أي شي بس تخلف وعلى قولها تقول بعدين خلاص ما أبغى احد الله يرزقها يا رب وكل محرومة -- وبعدين حكاية أخلي أحد من اهلي يكلمه مستحيل عمري ما دخلت أهلي أو اهله في أي شي من أمور حياتنا لو يصير ما يصير عشان كذا ودي أعرف إذا احد مجرب عشان أطمن وآسفه على الإطاله |
اختي الحمل بعد القيصري ممكن يسبب فتح الجرح واعادة العمليه القصريه في الحمل الثاني
حاولي تستني شوي على الحمل الثاني وقوليله كلم دكتور نسائي واذا مافي خطورة بحمل ... |
اختي الغالية
أنا ولدت قيصرية واعرف ان يجب ان تنتظرين سنتين حتى يلتأم الجرح وفي أمريكا لو الوحدة تولد قيصرية يولدون كل اولادها قيصرية على طول حتى لو ما يوجد سبب ولكن لأانهم ما عندهم امكانيات لأوقاف النزيف لو حصل (شوفوا تخلفهم) ولكن اعرف في البلدان العربية هذا يختلف...والله يوفقك |
أعرف وحده من قريباتي ولدت قيصري وحملت بعد النفاس على طول نسيت تاخذ حبوب منع الحمل
ولما قالت للدكتوره قالت لها مافيه مشكله بس الأفضل ننتظر سنه الى سنه ونصف بعد العمليه بس لو صار حمل ما فيه أشكاليه بس قريبتي راح يولدونها بنهايه الشهر السابع وبنج مو كامل عشان هي فيها مرض القلب بعيد الشر عنك وماتتحمل عمليتين قيصريه ورا بعضهم وبنج كامل ,, أدعوا لها ربي يسهل عليها لأنها مسكينه لسى صغيره وفي غربه لحالها مع زوجها وبنتها اللي عمرها 9 شهور وولدها صغير عمره 4 سنوات |
وحده معي بالمدرسة ولدت بقيصرية وحملت بعد الاربعين تخيلي!!
قالوا لها المستشفى لازم تجين في الشهر السابع نولدك قيصرية بس ماراحت الا لما جاها الطلق بالتاسع!! وولدت طبيعي !! أنا ماأقول اعملي مثلها بس عشان تعرفين انه ان شاء الله الوضع طبيعي,, |
وقعت في نفس مشكلتك بس على اختلاف بسيط
انا حاولت اركب وسيله لكن النزيف حال بيني وبينها لكن الدكتورة قالت ما في أي خطر ولا أي مشاكل الأمر عادي جدا ما تقلقيش الله المستعان |
أختـــي الكــريمـــة قريبتي ولدت بعملية وحملت مباشرة بعد ست شهور ... واستشارت الدكتورة وفالت لها كما قالت لك " ليس هناك مشكلة ولكن كان من الافضل ان تنتظري سنة كاملة " وقد ولدت ولله الحمد بولادة طبيعية منذ فترة وليس لديها اي مشكلة .... نصيحة لك ... لا تستخدمي موانع الحمل ولا تحاولي مجرد المحاولة بأقناع زوجك بالتأخير بل تظاهري بأنك متشجعة لذلك لأنه لو سمح الله لو استخدمتي الموانع .. ثم قررتم الحمل ولم تحملي !!! ماذا تتوقعين ردة فعل زوجك .... لا اعتقد انه لن يلومك ... بل سيفعل ذلك بالتأكيد .. هذا اذا تأخرت شهور فما بالك بسنين كما يحدث لديك .. وموفقة ان شاء الله . . . اسماء |
اقتباس:
|
اقتباس:
على ردك وما اعتقد إني راح انتظر سنتين اللحين يالله نحاول نقنع أبو الشباب بالسته شهور تبغيني انتظر سنتين ما تدرين إلا وأنا أقولك بعد 4 شهور إن شاء الله إني حامل بإذن الله وبعدين وش حكايتهم في امريكا يجزرون خلق الله بدون سبب وما عندهم امكانيات لإيقاف النزيف صدق تخلف لا ويقولون عندهم كل التقدم ( الحمد لله ) . عموماً حبيبتي مشكوره والله يجبر مصيبتك ويخلف لك خير منها ويرزقك الزوج الصالح الذي يخاف الله فيك ويحبك ويحن عليك آمين يارب العالمين ويرزق كل بنات المسلمين |
اقتباس:
والله يشفي قريبتك يارب ويسهل عليها ولادتها ويكون في عونها إن شاء الله وإنتي كمان الله يتمم لك حملك وتشوفي البيبي وإنتي وهو بصحة وسلامة يارب |
اقتباس:
أنا مراح أقدر أسوي زيها جبانه وخوافه بس سبحان الله ربي كان معاها وخيب ظن الأطباء لأن إرادة ربي فوق كل شي مهما تقدم الطب وهي أكيد توكلت على الله وما أتكلت على غيره ما شاء الله ( الله لا يضرها ) |
اقتباس:
مشكوره على المرور والرد والله يكون في عونا يالحريم وكلش بأجره إن شاء الله |
اقتباس:
ألف شكر لك يالغالية طمنتيني الله يطمن قلبك صحيح الأخوات ما قصرو بس ردك أثلج صدري وريحني وبالعكس حمسني زياده إني أوافق زوجي وأتشجع لأنه فعلاً صبر سنين ما قصر وما راح استخدم موانع والله يسهل أمري وأمرك وكل المسلمين أشكرك يالغالية وربي يسعدك في الدنيا والآخره ويتقبل منا ومنك صالح الأعمال دمتي برعاية الله |
| الساعة الآن 03:27 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©