|
احس اني بنجن من التفكير ,,,
السلام عليكم ورحمه الله وبركاته ..
هذي اول مشاركه لي وهذي مشكلتي بين يديكم وياليت تلقون لها حل بعايلتنا اغلب البنات بعمري وكلهم تزوجو وكل وحده ما شاء الله مرتاحه << اكيد فهمتوا معاناتي الله يسعدهم بس كل العيون علي ووو مو هذي مشكلتي خطبني واحد بس المشكله انه مو مقتدر يعني راتبه ع قده << لاتفهموا من كلامي اني اريد غني واريد واريد واهم شئ عندي الفلوس والله انا ما همني هالشئ بس ابوي يقول 5000ريال سعودي ما تعيش ايجار بيت ومصاريف وووو وراتبه اقل من كذا يعني 3000 تقريبا ويصرف ع اهله قلت عادي بس اخواني وابوي خلوني افكر ومن تفكيري احس اني بنجن ما تتصورون الكلام اللي يقولونه وبعد ما وصلت لحل قلت خلاص ابيه جاني خبر انه مو مثبت بالشغل يعني بأي وقت يقولوا له مع السلامه ا انا استخرت وفكرت وتعبت من التفكير |
طيب لما استخرتي كيف كان احساسك ؟؟؟؟؟؟؟؟؟؟؟؟؟؟مرتاحه ولا متردده ومشوشه اللي اعرفه انه الاستخاره تحسم الموضوع .................وانت ايش موقفك من عدم ثباته في العمل؟؟؟؟؟؟؟؟؟هل لو تزوجته ونفصل من عمله لا سمح الله بتتحملين الظروف الصعبه لين مايلاقي عمل ثاني ولا تحسين انه هالموقف اكبر من قدرتش على التحمل؟؟؟فكري اكثر وانت الوحيده اللي تقدرين تحددين......وبالتوفيق
|
اختي توكلي على الله وتزوجي
نصيحتي لك الفلوس والله مو كل شي تروح وتجي صدقيني الدين والاخلاق اهم شيء اذا ارتحتي لدينه وصلاته وبره لوالديه واخلاقه توكلي على الله بعدين راتبه ماشاء الله 3000 حلووووووو تزوووووووووووووووووووووووووجي ولاتسمعي كلام احد اذن من طين واذن من عجين وربنا يوفقك |
يارب رحمتك .الحين 3000 الاف مهيب شئ ؟؟؟
الله المستعان...................الله يصبرنا بس |
اقتباس:
:22: صح100% |
اختي عافاك الله في البلد كثير عوايل محترمة عايشة بس على 2000 والف وخمسمية اختي احنا عندنا الي راتبه 5000اووووووووه هذا مدير والكل يتمناه وعايشين ومبسوطين والله احسن مني ومنك لاتعقديها اهم شي الرجال كفؤ ولا لا
|
حبيبتي انتي شوفي نفسك على ايش متعوده في حياتك -- يعني طلباتك مجابه مثلا
تشترين اللي تبين ؟ والا حياتكم عاديه وتقدرين تتعايشين مع وضعه انا ماابي اعيب فيه -- والله يرزقه بوظيفه رسميه راتبها يكفيه ويغنيه -- بس انتي اسألي نفسك تقدرين تتعايشين معه والا لا الزواج مو لعبه هذي حياة مشتركه وماتدرين يمكن لو تزوجتيه الله يغير من حال الى حال ويدرس دورات مثلا وتجيه وظيفه محترمه ويتغير وضعكم انتي استخيري وخذي راي اهلك -- تراه مهم ولهم نظريه غير عاطفيه -- وقرري وتوكلي على الله والله يوووووووووفقك |
اقتباس:
احس اني مشوشه مشكوره حبيبتي ع المرور اقتباس:
آمين يارب وربي لما قريت ردك بكيت اقتباس:
الله يعينه بس انا محتاره وبينت لكم والله يكتب اللي فيه الخير الحائــــرة يعطيك العافيه يالغلاا اقتباس:
انا ما قلت شئ وارجع واقول انه يصرف ع اخوانه وامه الله يخليهم لبعض واللي مجنني ما ادري اقدر اساعده واصبر ولا راح اكون عليه عبئ <<<<<<<<<<<<<<<<<<< بس والله يجزاكم خير |
شوفي اختي 00
انا وحدة من اخواتي تزوجت برجل راتبه 1500 فقط وغير مثبت ويعول 3 من اخوانه الشباب 00 وهو يتيم الابوين بعد فترة اصبح امام مسجد فزاد دخله 00 ومازال يتنقل بين شركات القطاع الخاص صدقي او لاتصدقي 000 عمري ماشفت ناس ينوعون بالاكل واللباس مثلهم 00 سبحان الله ربي مبارك لهم حتى حنا نعلق عليهم نقول 00 مافيه مثل سفرة الفقراء >> هذا اسم نطلقه عليهم من باب المزاح ودايم نختار مكان السهرة عندهم 00 هالحين عندهم بنوتة صغيرة 00 مافيه نوع لعبة او ملابس 00 الا وعندها فلا تترددين 00 خوذوهم فقراء يغنيهم الله اهم شيء استخيري وامضي بالامر بالموافقة 00 فاذا لم يكن فيه خيره يبعده الله بالتوفيق |
نقل الى عالم المقبلين على الزواج
ما دمتِ لستِ مرتاحة لهذا الزواج فلستِ مجبرة على القبول ، نحن نتزوج ليس من اجل الهروب من العنوسة ولا من اجل اسكات السنة الناس ، لان الزواج لهذه الاسباب سيكون فاشل ، فالزواج لا ينبغي ان يكون حل لمشكلة بل ينبغي ان نتزوج لاننا مقتنعين بهذا الرجل او بتلك المرأة ، لنتشاطر معا حياة مشتركة بكل تفاصيلها فيها المودة والرحمة والحب والانجذاب وغيرها ، فهل لديكِ تلك المشاعراو بعضها او على الاقل بداياتها ؟ هذا رأيي الخاص بالزواج ولا الزم به احدا . |
الله يعينك ويسهل أمرك
|
لاتفكري بالمصروف الله الرزاق وحده
اعرف كثير بعد زواجهم فتح الله لهم ارزاق انتي عليك بالرجل باخلاقه وسمعته هذا المهم المال يروح ويجي. |
إذا كنت ترغبين بالزواج وهو رجل محترم وصاحب دين ( وهذا بين من قولك إنه يصرف على أهله )
فأنصح بالزواج لأن الرجل المحترم الدّين عملة نادرة في هذه الأيام وبالنسبة لقلة الراتب فبحسن التدبير بيكفي إنشاء الله (المهم أنه يكون رجل صالح و ذو خلق) الله يوفقكم لكل مايحبه ويرضاه |
غاليتي
هل الرجل ملتزم وخلوق الرسول صلى الله عليه وسلم قال من جاءكم من ترضون دينه وخلقه فزوجواه وليس ماله !! والرزق مكتوب عند الرزاق والله يا أختي أخير الناس اللي يسعى ويكسر الحجر بس عشان يكسي امه وخواته تأكدي انه الخير كل الخير في هذا الشاب اللي تحمل مسؤولية مو من اختصاصه بعد ما رماها ابوه على كاهله والله ان هذا ينوزن بالذهب والباقي كله يعتمد عليج ان كنتي قادره تتخلين عن كماليات في حياتج في سبيل الستره |
اختي اهم شى الستر خالتي تزوجت ابن خالها من العائله اقسم بالله كان ناطور و الحين عنده مصنع ماي حلو احسن السياير و الملابس عندهم
|
عزيزتي حالتي صعبة الله يجزاك خير يالغلاا انا بصراحه خايفه اني ما اصبر الله يكتب اللي فيه الخير
كاره الرياضيات يعطيك العافيه والله انا معاك وفيه ناس معهم ملايين ومو مرتاحين الله يعيين والله يهنيك ويهني اختك البتول الله يجزاك خير وش أدخل باسم آمين يارب مراااحب انا ما فكرت بالمصروف بس يمكن بدل ما اعينه ما اصبر شكرا ع المرور أريد الزواج آمين يارب بصراحه اخواني يسألون عنه والله يكتب اللي فيه الخير 3thooooooob الله يجزاك خيرررررررررررررر ويعطيك العافيه ام انفال الله يهنيهم الله لا يحرمني منكم |
معليش أختي ممكن سؤال.....
هل هو جامعي؟فاذا كان جامعي فهذه ليست مشكلة اطلاقا, فالوضع الاقتصادي في مملكتنا الحبيبة جيد وممتاز وبه الكثير من المنطقية في الوقت الحالي....بمعنى أنك تعمل وتجد وتجتهد في البداية وبأقل الرواتب وبعد الخبرة تجد أن الشركات تقوم بالبحث عنك.....من معارفي رجل قبل 6 سنوات كان مجرد موظف في احدى وكالات الطيران ب ألف وخمسمائة ريال والان هو رئيس اقليمي لواحدة من كبريات شركات الاتصالات في العالم والتي تعمل في المملكة.....شخص اخر كان يعمل مجرد موظف استقبال في أحد الفنادق وبمرتب مجحف جدا ومر به أحد اداريي أحد البنوك الرائدة في المملكة فأعجب به وبتفانيه في عمله...وهو الان أحد موظفي ادارة هذا البنك....والكل يعلم الفرق بين موظف فرع البنك وموظف في ادارة البنك.... والكثيير الكثيير غيرهم....بالعربي انو تتخرج من الجامعة وتقعد في البيت تنتظر 6 ولا 7 ولا 8 الاف في الشهر أصبح من المستحيل توكلي على الله واذا هو شخص مكافح ان شاء الله تكوني فاتحة خير عليه ملاحظة.....اذا رفضتي هذا الشخص فنسبة أن يأتيكي أفضل حالا منه ضئيلة جدا جدا, خصوصا انك تريدين شاب وقريب في عمرك وترى أغلب الشباب الان في هذا الوضع اذا ماكان أسوأ |
شوفي ياحياتي :
هناك نقاط اساسيه يجب أن تضعيها في الإعتبار وترتبي تفكيرك حتى تتخذي القرار السليم ولا تندمي 1ـ عمرك وهل لديك فرصه للحصول على أفضل منه من حيث الحاله الماديه 2ـ هل لديك مميزت يرغب فيها الخطاب أم لا 3ـ هل العيب الوحيد في هذا الخاطب هو راتبه وعدم ترسيمه ثم...................... اولاً استخيري ثم لاتضعي في بالك سوأً وافقت عليه أم لا بأن المال سبب نجاح الزواج أو عدم نجاحه قد يهدم البيت كثرة المال ويرى الزوج بعد غناه بأنه يستحق أفضل من زوجته التي صبرت معه على مرارة الحياة قد يكون فقره سبب يدفعه للتمسك بك والبحث عن رضاك ليس عيباً أن تتمني زوجاً غنياً ولكن إذا كان الرجل صاحب [blink]دين وخلق [/blink]فالمال يأتي والله هو الرزاق أهم شيء المعشر الطيب والخلق الكريم . الله يختار لك مافيه خير |
اقتباس:
رد شافي يعطيك العافية .... أضم صوتي لصوتك |
Sllam بصراحه هو مو جامعي
مناجاة ليل يا بعد عمري والله تسلمين بصراحه حتى لو كان عندي فرصه بصراحه ما ودي اخسره وبنفس الوقت خايفه ومتردده بس بستخير والله يكتب اللي فيه الخير ابو سلطان تسلم ع المرور |
قبل عدّة سنوات .. تقدم إليّ شاب .. قريبة مواصفاته مما ذكرتيه ورفضه الأهل بنفس الحجة !!! مع أني حبيت مواصفاته .. ونادراً ما يحدث هذا !! عمره .. وعصاميته .. والتزامه بس الله يسامحهم .. أثروا عليّ مع أني أتمسّك بآرائي إلا هنا .. ما أعرف ليه سمعت كلامهم ؟؟ والله ندمااااانة .. صدقيني إذا كان طيب .. وعاجبتك أخلاقه ووو فانسي مسألة الراتب !! والله لو جاء اللي أشعر براحة له .. ما راح أنظر لا في مال ولا في شيء آآآخر .. استخيري فقط .. وتوكلي على الله .. " إن يكونوا فقراء يغنِهمُ الله من فضله " |
شوفى يابنيتى
لنت تريد وانا اريد واللة يفعل مايريد بكرة على اللة ليس هذا معنا تواكل 0 لكن انا استطيع ان اقيس الامور 0 هل العريس بصحة جيدة هل هو صاحب دين هل اسرتة تعتمد على مساعدتة هل هو من نبت طيب تضعى ماترينة مميزات فى جانب وعيوبة تضعيها فى الجانب الاخر تستطيعى ان تجاونى على سؤالك فى سهولة ويسر اللهم لا تذرني فردا وانت خير الوارثين |
هلا أختي .. أنا حبيت أنقل تجربتي .. لما تقدملي خطيبي ما كان حتى متوظف تخيلي خلص دراسته الجامعيخ وقعد 3 سنوات بدون وظيفه .. يعني ما عنده ولا شي ؟؟؟ وفنفس الفتره تقدمولي ناس مناصب وهوامير وأخلاق بس سبحان الله ما تشجعت لأي واحد منهم بس يقولولي جا واحد يخطب بدو ما يكملون الجمله اقولهم مابا .. كنه ربي اختارني له وتميت 3 شهور اصلي استخاره وسبحان الله كنت في كل يوم
احل حلم حلو واقوم مرتاحه وعمري ما فكرت انه ما يشتغل رغم اني احب التسوق ودلوعه وايد بس سبحان الله ..ووافقت عليه من هني وجا الوظيفه من هني ومب اي وظيفه الحدلله الله يديم النعمه ويباركلنا فيها وظيفه راقيه وفي كان راقي ..رغ انه اختي كانت دوم تعايرني انه ما شتغل لدرجة مرات كنت اصيح بس فداخلي اقول الله بيرزقه وكل تأخيره فيها خيره والحمدلله.. نصيحتي لج استخيري قد ما تقدرين ترى الستخاره هي الي بتحسم الموضوع والله يرزقج ولد الحلال الي يسعدج ياااارب.. |
حبيبتي (( كل الحنان ))
أنا تزوجت وكان زوجي على وظيفة مؤقته وراتبه ... تدري كم ؟؟؟ (( 1900 )) ريال فقط لا غير ... :eek: :eek: والله العظيم ما كذبت عليك ... والحمد لله عايشين أحسن عيشه ... :22: :22: وأنا كنت عارفة بهذا الشيء ومستخيرة ربي والحمد لله ... وبعد سنة واحدة ولله الحمد فرجها ربي توظفت وخففت من العبء اللي عليه ... وبعد سنة ثانية توظف زوجي وظيفة رسمية ولله الحمد ... لكن بعيد عني الله يسهل نقله ... "من يتق الله يجعل له مخرجا ويرزقه من حيث لا يحتسب" عيوني ... حبيت أكتب لك تجربتي يمكن تقتنعي فيها ... وتذكري حبيبتي أن الرسول صلى الله عليه وسلم ذكر من الأشخاص الذين حقٌ على الله عونهم " الناكح يريد العفاف " من استخار الخالق ... وشاور المخلوقين ... وتثبت في أمره ... فلا يندم أبدا الله يوفقك ويتمم لك على خير ... |
الله لا يحرمني منكم
الله يسعدكم ويريحكم يعطيكم العافيه |
| الساعة الآن 07:45 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©