|
الولد صارت بشرته كحلية 00 اريد مساعدة سريعة 00
لا تخافون مافيه شيء خطير 00 المشكلة ان الولد يلعب كثير بالحديقة 00 فالشمس اثرت على بشرته 00 صار لونها كحلي ماشاء الله 00 هو اصلاً شعره ذهبي غامق 00 فصارت البشرة برونزية 00 تخيلوا كيف المنظر شعر فاتح وبشرة غامقة ==> صورة نيجاتيف فإذا فيه احد عنده حل سريع 00 لان العيد بيكون فيه حفل وتصوير فيديو 00 ودي الصور في الشريط تكون حلوة 00 اللي عنده حل لايبخل علينا 00 وألف شكر 00 ملاحظة : الموضوع جدي 00 ارجو ان لايخالج الحلول مزاح حتى لايحذف الموضوع مع الشكر |
حتى اخواني لمن يرحو يلعبو بالحوش بشمس العصريه تصير بشرتهم برونزيه مايله للغامق ..
وانت الله يهديك يااخ كاره ليش تخليه يلعب بالشمس والعيد قرب .. ماتعرف انها بتغير لونه.. بصراحه مااعرف شي يفيدك ..بس اللي اعرفه انها بتروح لو ماداوم على اللعب بالشمس يعني كم يوم وبيرجع لونه الطبيعي ..لكن بعد ايش؟؟ يمكن يخلص العيد وهو مارجع لونه الطبيعي لكن لا يهمك الرجال الصغير مايعيبه شي .. :22: |
مشكورة اخت العام 00
يعني مافيه حل ؟؟ |
وديه لصالون واعمل له تنظيف بشره يمكن ينفع
|
كثر من البودره حقت الاطفال على منطقة الرقبه حيفتح لون البشره ككل بيعطيها شوية اضاءه...............
كل عام وانتم بخير |
اخي بصراحه انا لاانصح تسوي شئ خصوصا انه مابقى شئ على العيد يوم او يومين ومايمدي هذا اللون الناتج من الشمس يروح بسرعه
بعدين هذا طفل بشرته حساسه وماتتحمل يعني لاتتعبث فيها ولا تسوي فيها شئ:15: لكن اتوقع انه اذا استخدم كريم بيبي او جونسون للاطفال ماراح يأثر عليه اقل شئ بيعطيه نعومه لانني اعتقد ان بشرته جافه بسبب الشمس وجونا مايحتاج جاف اصلا ولايطلع اليومين هذي للشمس حاول تشغله عند كمبيوتر او اي العاب |
استخدم له كريم واقي للشمس مفيد جداً حتى لا تسمر بشرته وثاني شيئ حتى لا يتعرض لأمراض جلدية لا قدر الله واستشير طبيب عن ذلك .......
بالنسبة للون الحالي تقدر تعمل له سكراب وتنظيف للبشرة من اليوم لحد يوم العيد في بدي شوب أنواع عديدة بس اختار نوع خفيف عشانه هو طفل وبشرته حساسه .... واذا ما تبغى كريمات صناعية سوي له خلطه من البطاطا والليمون اعصرهم واخلطهم مع بعض وتضعه على بشرته راح يرجع لونه بأيام قليله ...... اتمنى أني افدتك ..... |
اولا الله يخليه لك 00 ثانيا الاطفال وش حلاتهم سمران ولا بيضان ثالثا اللي اعرفه من يوم اني صغيره ان الجلسريد
نتائجه طيبه في تفتيح البشره 00 ادهن وجه ليلا ونهارا 00 وحبسه هاليومين عن اللعب بالشمس00 وسلامتك |
زينة الحياة :
ما اعتقد واقي الشمس ينفع لطفل ..!! لأن الطبيبة مرة قالت لي : الكريم الواقي يسد المسام ... يعني البشرة تحتاج تنظيف بعد استخدامه .. اخوي .. اتركوا البشرة ترجع لحالتها الطبيعية تلقائياً وهذا يحدث كثيراً للاطفال خصوصا في الصيف ومع كثرة السباحه .. وإذا على التصوير وتبي الولد يظهر فاتح .. عندك برنامج الفوتوشوب هناك Filter يصحح عيوب البشرة وفقكم الله . . . . . . بنان |
:26: معلقتان شاى بدره تللك بتاعت الاطفال مع شويه ماء مورد هذه الخلطه تفتح البشره ومفيده ايضا لكل الاعمار:14: :14:
|
الاخوات 00
ام خالد الفتاة المخملية ريناد زينة الحياة ديمو بنان المصرية الف الف شكر على افكاركم سآخذ منها مايناسب |
الاخت زينة الحياة 00
ليتك توضحين طريقة البطاطا بالليمون بشكل مفصل 00 كيف اعملها ؟ |
عن تجربة
الليمون يفتح البشرة لكن يقال إنه يسبب حفر فيها ملعقتين نشا+عصير ليمونه أو تعصر في الليمون على النشا لحد ماتتماسك الخلطة تحطها على الوجه لحد ماتجف بعدين تزيلها ومن ثم تغسل الوجه فيه غسول DDf(دي دي إف) ممتاز للبشرة ويساعد على تفتيحها وما له أي آثار جانبية قيمته 120 ريال بس ماتلقاه بأي صيدلية ممكن تلقاه بالسقاف إذا كنت بالرياض |
اخت انسان 00
الف شكر سأعمل ماقلتي 00 ولكن برأيك كم مرة باليوم اضع خلطة الليمون بالنشا ؟ اما الغسول فهل يناسب الاطفال ؟ |
البطاطا << ناخذها ونقشرها وتوضع في عصارة الجزر وبعدها نضع عليها نصف كوب من عصير الليمون ........
تمسح بها البشرة وتترك حتى تمتصها البشرة بعدها تغسل البشرة بالماء الفاتر ....... تستخدم يوم وترك ........ ومفيدة جداً لسواد الرقبة للكبار ......... وبالنسبة للأطفال فالبطاطا طبيعية والليمون يفتح البشرة بالإضافة لأنه مضاد لأنواع عديدة من الفيروسات فيقي من الإلتهابات ويعتبر معقم طبيعي نظراً لأحتوائة على فيتامين سي ..... |
اخت زينة الحياة 00
الف شكر 00 عندي سؤال >> معليش مايعرف بالخلطات قلتي تستخدم يوم وتترك 000 كيف يعني ؟ يعني يوم واحد فقط 00 او تستخدم يوم وتترك يوم ؟ ياليت توضحين كم مرة باليوم وهكذا 0000 آسف للاطالة |
يعني تستخدمه يوم وتتركة اليوم اللي بعده بإختصار 4 مرات بالإسبوع......
مرة واحدة باليوم ........ |
الاخت زينة الحياة 00
الف شكر 00 رزقك الله ماتتمنين |
خلطة الليمون مرة واحدة باليوم
وبالنسبة للغسول أنا بشرتي حساسة مثل الأطفال وأردى وماناسبني غسول كثر ماناسبني هذا الغسول لكن بصراحة ماعندي خلفية عن مدى مناسبته للأطفال ممكن تسأل الصيدلي |
اخت انسان 00
الف شكر 00 رزقك الله ماتتمنين |
نصيحة تخلي الموضوع طبيعي أحسن ، بشرته اغمقت من تفاعل الشمس مع جلده .. كمان خليها تفتح بطريقة طبيعية أفضل
|
اقتباس:
الف شكر 00 هذا ما انوي فعله |
بسم الله عليه الرحمن الرحيم
حصنته بلا اله الا الله أبو مالك ياأبو مالك السماره حلوه وماأجملها على الرجال الصغار شوف اخوي فكرة النشاء مع ماء الورد حلوه لو طول الوقت تحطها الين تجف بعدين تغسلها وبعدين تحط له مره ثانيه الين تجف المهم هذي الخلطه اخذتها من صحبة اختي اولاده سُمر من السباحه لاحظ اطفالها يحطوها (فيكس _ فازلين_ جلسرين من الصيديله(شكله مثل علبه الدواء)_زيت الورد_ نص عصير ليمون) كلها نفس المقدار يعني ملعقه من كل نوع وحطها في الثلاجه اذا مااستعملتها وعند الأستعمال اعطيها القاروره وخليه يملط نفسه وجسمه ووجهه على كيف كيفه لمدة ساعه قبل الإستحمام بتنعم جسمه على طول وتفتح البشره بإذن الله وبتخلي جسمه في لمعه المهم ابعده عن الشمس وبعدين اخوي ابو مالك في في الصيدليات انواع خاصه للأطفال واقي للشمس مهم جدا سمعت اكثر من طبيب ينصح بأن نحط للأطفال واقي للشمس اشتري له واحد ممتاز وخليه يحطه لما يروح المدرسه ولما يطلع يلعب بالشمس وربي يحفظه لك ويحميه انتبه على بشرته بشرته مررررره حساسه لاتلعب فيها كثير جرب الخلطه اللي اعطيتها لك بس تراها على المدى طويل شوي بس النشاء وماء الورد مفيد بإذن الله وربي يسعدك ويفرج همك يشفيك ويخليلك مالك ويحميه وتشوفه رجل صالح بار فيك اختك في الله |
اقتباس:
|
ما شاء الله عليك صاير ام و اب ... بشرته اسمرات من الشمس اذا تم فى البيت يومين ثلاث بشرته راح تتحسن
|
اقتباس:
اشكرك اختي 00 خلطة المدى الطيل بسويها واحطها في الحمام 00 يستعملها قبل الدوش >> صح كذا والنشا بجربها اليوم 00 بالمطبخ بس ان شاء الله ماتقول الوالدة انهبل الرجل |
اقتباس:
مشكورة اختي 00 بجرب الخلطة الاولى 00 الثانية يبغالها كم يوم عشان الترمس 00 وانا ابغاها قبل العيد >> والعيد يمكن بكرة فصعب تطبيقها الان 00 لكن بطبقها بعدين 00 الف شكر |
اقتباس:
المشكلة اختي ابغاها تفتح بسرعة عشان تصوير العيد 00 وصعب اني احبسه على طول 00 فخليني اتعلم طرق تحمي بشرته 00 الف شكر |
عن الخلطات وتبيض الوجه ولا ما عندي فكرة لاني بالعكس ابي شي يسمرني اذا عندك انصحني طبعاً غير الشمس لانه عندي حساسية منها
وبما انه ما بقى شي على العيد وانت بغيت يكون لونه افتح حق الصور استخدم له كريم فير اند لافلي سبحان الله اشوف البنات يحطونه وبنفس الوقت يفتح لونهم قول كريم اساس فهو حل مؤقت للصور والفيديو الين يرجع لونه الطبيعي كان ودي افيدك بس سامحني ومبارك عليك الشهر وجعلك من عواده السعيدين انت وولدك وجميع المسلمين ان شاء الله |
اختي الريم 00
مشكورة بس اخاف يكون فيه اضرار 00 الف شكر |
الاخت هانديا 00
ارجو الا يكون الموضوع ازعجك 00 ارجو منك اغلاقه لاني اكتفيت من الردود |
اقتباس:
أبو مالك الحمدالله اني لحقت عليك قبل مايغلق الموضوع شوف اخوي الخلطه على المدى الطول اذا حطيت فيها ليمون لازم تحطها في الثلاجه لأن اليمون يعفن اذا كان بره وممكن انك ماتحط ليمون وتخلي الخلطه بره انا اعمل خلطتين خلطه بالليمون وخلطه من دون ليمون وتحياتي |
اخت روح الغالي 00
مشكورة على المعلومة 00 بسويها واحطها بالثلاجة |
كريم فير اند لافلي
انتبه ابو مالك لاتحطه له اضرار قويه وبعد ماتتركه تتعب البشره بعد جرب القناع هذا نتائج ممتازه نصف كاس ماء+ملعقة كبيره ماء الورد +2ماعقه صغيره نشاء+نصف ملعقه حليب بودر@ يوضع على نار مع التحريك المستمر حتى يصبح لونه مثل الفازلين @ يمسح الوجة قبل القناع بماء الورد كم مره ويوضع القناع نصف ساعه على الوجه |
اخت ريفان مشكورة 00
هل يمكن اسويها واحتفظ بها بعلبة 00 او تخرب |
ممكن لان مافيه ليمون بس بالثلاجة
لاتطول بالثلاجة كثير وبعدين تستخدم مره بالاسبوع فقط ابو مالك ليش ماتحط عند راسه علبة جليسوليد مخلوط مع ليمون وشوي ماء الورد وكل ليلة يدهن منها ويغسل الصبح بكذا ماراح تتاثر بشرته بالشمس بعدين اذا كان خروجه بالشمس بوقت محدد تقدر تستخدم له الواقي من الشمس انا استخدمه ريمان اذا كان بنطلع البر او البحر |
اخت ريفان مشكورة 00
انا اخاف خلطة الليمون والجليسوليد وماء الورد تسمره اذا حطها بالليل وطلع الصبح بالشمس حتى لو يغسلها او انا غلطان |
مادري والله
بس انا كنت استخدمه ايام الكلية والصبح اغسل بصابون ولا سببت الى سمار |
مشكورة اخت ريفان على التعاون
|
::: مدام انو بخير .. مافي مشكله بلوونه :::
|
| الساعة الآن 02:01 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©