|
مشكله العيديه و خلاص حليتها
الله يتقبل طاعتكم و يغفر لكم و يجعلكم من عتقائه من النار
كل سنه و أنتم طيبين و عساكم من العايدين و السالمين و الله يحقق لكم كل أمنياتكم في الايام القادمه خلاص اليوم آخر نهار في رمضان (الله يعوده علينا بالخير و السلام) و باكر عيد بخبركم شو صار أمس .............. أمس الله يسلمكم رحت السوق و شفت الناس و هم يستعدون للعيد و يجهزون ملابس العيد و العيادي حق عيالهم ... طبعا أختكم ...مثل كل عيد في هالعيد ما حد رااااح يذكرني بالعيديه و لا بهديه العيد... ما عرف ليش يمكن لاني خلاص كبرت على العيديه ................ وشوفت خواتي المتزوجات (الله يبارك لهم و يهنيهم) وهم يختارون هدايا العيد لأزواجهم و عيالهم تمنيت لو أنه لي زوج و حبيب أختار له العيديه و يفاجأني هو بالعيديه ..... طبعا قلت في نفسي لا يمكن يمر هذا العيد من دون عيديه .............. رحت و اشتريت لنفسي أحلى و أغلى عيديه و غلفتها أحلى تغليف ..............و خليتها مفاجأه في الكبت لين باكر بفاجأ نفسي فيها...........(مسكينه قاصه على نفسها) و هذي مشكله العيديه و حليتها و ضحكت على نفسي فيها ....... تبقي مشكله وحده بعد ما يخلص العيد و نعيد على بعض و تتوزع العيادي .... تبقي عندي مشكله الوحده آآآآآخر الليل بعد ما يخلص نهار العيد و كل و حده تروح مع حبيبها و زوجها أنا و ين أروح........؟ أدري خواتي في هالمنتدى هم اللي راح يفهموني و يحسون فيني... لانهم عارفين أحساسي ..؟؟ و فاهمين مشاعري .....أنا أعتذر منهم لاني عارفه أنه موضوعي يضيق الصدر و نحن قاعدين نحاول أنا نفرح و نتفائل...بس أنا مالي غيركم أشكي له همي ................سامحوني.... |
أختي الكريمه
أسأل الله العلي العظيم ان يرزقك الزوج الصالح والذرية الطيبة وما ياتي العيد القادم الا ومتزوجه آمين وانصحك أختي الكريمه صلي ركعتين وادعي الله المطلع على القلوب ان يفرج لك همك وعليك بكثرة الاستغفار تحياتي |
اقتباس:
|
بنت ياهمسات صدقينى العيد الجاى هيكون معاك زوج زين
بس ارجو ان لايكون لكى شروط مجحفة 0وان شاء اللة ربنا هيسهل وابقى قولى مربوجة ماقالت لا اله الا الله الحليم الكريم لا اله الا الله رب العرش العظيم اللهم ادعوك باسمك الاعظم الواحد الاحد الصمد الذي لم يلد ولم يولد ولم يكن له كفوا احد ان ترزقني ابراهيم عاجلا وليس اجلا وتيسره لي وتبارك لي فيه انك على كل شيء قدير اللهم يا رب ترزق جميع بنات المنتدى الازواج الصالحه وترزق شباب المنتدى الزوجات الصالحات قولو امييييييييييييين |
تذكري حبيبتي إننا مثلك..لكن لو تقدري...اجلسي صلي وادعي طول الليل..لسببين..الأول توري ربنا الكريم إنك حتى بليلة الناس فيها مشغولة انت متجهه له..والسبب الثاني عشان تقولي يارب أنا لازلت مواصلة في العبادة والقيام..مو انتهى رمضان خلاص بنوقف..
وربي يشغلنا بطاعته آمين... |
كلامك مرة مؤثر ياهمسات
خصوصا سالفة الهدية من كثر ماأسمع فلانة اشترت لزوجها وصديقاتي محتارين ايش يشترون لأزواجهم.. دخلت محل عطورات واشوف مليان حريم ماادري ليه تهيأ لي ان كلهم بيشترون لأزواجهم رحت واشتريت عطر لأخوي الكبير ( ابوي الثاني) وغلفته <<< حطيت حرتي بأخوي ويوم رجعنا البيت كنت مستحية كيف اقدمها له اصلا انا استحي منه ومعاملتي له غير اخواني كلهم.. حطيتها جنبه وهو جالس قلت فلان هذي لك فجأة مسكها وكان فرحان ومستحي بنفس الوقت شوبارد وش هالزين ليه مكلفة على نفسك مايحتاج ومن هالكلام واقول بنفسي والله تبي الجد ناويتها للزوج المنتظر وماجا وحطيت حرتي فيك:29: بس والله يستاهل الله يسعده وعلى قولتك اذا الكل راح وبقى انا وين اروح؟ والله اروح لسريري وابكي لي شوي بعدين اقول وسعي صدرك وعيشي حياتك ياشوبارد تلقين الرجال اللي ربي كاتبه لك فرحان بالعيد ومادرى عنك وأحاول أطنش التلفزيون ايام العيد مررة حلو .اجلسي مع الوالدة واخواتك وسواليف وضحك وسعيييييييي صدرك ياهمسات ويارب يارب بهالوقت السنة الجاية وانت تجهزين لزوجك هدية العيد |
اقتباس:
آمين إن شاء الله أنا و كل البنات اللي في المنتدى جزاك الله خير أخوي |
اقتباس:
آآآمين جزاك الله خير |
اقتباس:
اللهم آمين مشكوره يا حبيبتي على هالرد الحلووووو |
اقتباس:
ردك وااايد عجبني مشكوره |
اقتباس:
هلا و الله بأختى شوبارد و كل سنه و انتي طيبه مثل ما قلتي يا شوبارد الحريم كلهم طايحين بمحلات العطور و الموبايلات..................؟؟؟ على فكره أنا سويت مثلك جبت هديه عطر حق أبوي الله يطولي في عمره ... الظاهر يا أختى شوبارد ما لنا حد غير أخوانا و أبائنا الله بخليهم لنا أحسن من ما ميش... و مثل ما قلتي تالي الليل كل وحده بتروح تبكي على مخدتها و تنام هذي هي دايما حكايتنا مع النوم و الوحده و المخده بس ان شاء الله يحطون شي حلو على التلفزيون القنوات كلها بايخه و ماصخه طبعا لو مليت في العيد مالي عير هالمنتدى أدخله و أشوف شو أخباركم مع العيد |
الله يرزقك الزوج الصالح وان شاء الله السنه الجايه تعيدي مع زوجك ويهدي لك وتهدي له
قولي اميييييييييييين |
اسال الله العلي القدير ان يرزق بنات المنتدى الزوج الصالح ويسعدهم
عاجلا غير اجل |
اختي همسات
اعاد الله علينا وعليكم بالخير انا اخترت توقيعك للمشاركه إن مشاعر الإنسان سر من أسرار الله تعالى.. يودع ما يشاء في قلب من يشاء من عباده.. فسبحان من أودع حبكم في قلبي.. أحبـــكم في اللــه الحـــــــــــــــــــــــــــــب احبك الله وابقاك واسعدك الله وحقق لك امنياتك [blink]ومن العايدين[/blink] |
همــووسه حبيبتي.. استانسي فالعيد قد ما تقدريــن.. بعدين تعالي بما انج من دار زايد الله يرحمه عيل شو رايــج اتيين عندي البيت فالعيد وبعدين نطلع مع بعض انروح اي مكان..نفتر ونستانس وما علينا من حد ليـــن الفليــــل..:23: انتي بنفســج تقدرين اتغيرين العيد واتخلينه احلى واحلى..:22: والله يحفظج غنـاتي. وان شااء الله السنه اليايه اتعيدين مع بوالشباب .. قوولي آآمين.. |
اقتباس:
آمين إن شاء الله لا تنسوني من خالص دعائكم |
اقتباس:
آمين إن شاء الله دخيلج كثري من هالدعاء |
اقتباس:
هلا أخوي الوزاري كل عام و أنت بخير الحب أجمل أحساس يعيشه الانسان ما يكتمل إلا بالمشاركه و أحساسي بالحب بانتظار من يكمله شاكره لك مرورك |
اقتباس:
الله يرحم زايد و يجعله من أهل الفردوس الاعلى فديتج أنا و الله ياريت نقدر نطلع و نفتر بس تعرفين ......... أمي شو بتسوي....................حرب البسوس بين و بينها لو قلت لها بطلع افتر في السناتر............... أنا ما صدقت رمضان كان بالنسبه لي فتره هدنه مع الوالده و الحين الله يعين .... أنتي طبعا تعرفين كيف الامهات؟؟ آآآآآآآآآمين إن شا الله أعيد مع أبو الشباب ............. |
والله يا اختي روحي وكبري الوسادة
واذا قمتي سوي لك ذيك القهوة والحلى وكيفي عليها اوجلسي عن التلفزيون القنوات فترة الاعياد يكثفوا المسرحيات الكوميدية واخر الليل صلي ركعتين وادعي ربك يفرجها وترى مو كل المتزوجات مرتاحين والله لما اشوف اختي الكبيرة كيف تعاني من سوء معاملة زوجها اقول اني في نعمة والحمد لله على كل حال |
اقتباس:
والله اختى شكلي من الحين برووووح أكبر الوساده خلاص خلص العيد الناس صلوا الظهر و كل واحد بيحط راسه و بــــ ينام كل سنه و أنتى طيبه |
حبيبتي بتفرج بإذن ربك قولي آمين .. وانتي على الاقل عندك مين يعايدك في النهار .. في ناس فقرا لانهار ولا ليل محد يفتكرهم بشي الله يسهل امرهم .. ويغنيهم من فضله .. الحمدلله على النعمه اانا مستورين ببيوتنا وعند اهالينا ..
الله يعوض عليكي يارب .. |
عندي شغلة أسويها وعلمتها لكل من حولي
لو تضايقتي روحي السوق :24: اشتري أي شي ولو كان غالي :22: راح يختفي الألم.. :14: كلمتني صديقة تعايد علي.. مخطوبة لكن كل مرة يؤجل الزواج لظروف.. المهم قالت مس هواي إنت فنانة كل ما أروح السوق مضايقة أرجع فرحانه :23: أقلها هذا إنتقام للذات.. فانتقمي يا أختاه <<<< جنت :11: يا همسات.. كنت أشتري مثلك ذهب مع أمي وتخلي البائعة تغلفها وهي لي.. حتى شعرت بالشفقة على نفسي.. فتأذيت فوق أذيتي.. يا بنتي لا تحملي نفسك فوق طاقتها. خليها على الله.. تجي بوقتها إن شاء الله.. هذا الكلام عن تجربة ما أقصد جرحك بس لا عاد تسويها والله تنهبلي. اسمعي الكلام :29: وبس بدون نقاش <<<<< دكتاتورية :25: إيييييه <<<< كثرت آهاتها.. همسات لا تشكيلي أبكيلك.. صرت وقت ما أدخل بالصلاة وأبدأ أخشع وأحس بأن الله قريب تلاقيني سخسخت على نفسي أقول يا رب الزوج والذرية وأتذكر حرماني <<<< شي جديد الحزن بدأ يتطور راح تنهار. أعدائي شمتانين في.. والأصحاب بعدوا واختفوا.. والأهل محتارين فيني. في قهر أكثر من كذا.. أنتظر أستحكام الحلقات لتنفرج.. علينا أجمعين يا رب.. ننتظر ثمرات عباداتنا يا رب.. ننتظر أن تدر السماء علينا بالخير واليمن والبركات.. فاستسقوا.. :21: |
يالله ياغالية
قلبتي المواجع والله اطالع حواليني الاقي كلا مشغول بنفسه وباهله نفسي احد يهتم فيني ويعايدني ويهاديني على قولتكم نشتري لهدايا لاخوانا عشان نشغل نفسنا ونحاول نعيش حلم نحلمه |
اقتباس:
الحمدلله الله يعوضنا عور لي قلبي توقيعك ثاني عيد أقضيه مع أهلي أن شاء الله يكون آخر عيد مع أهلك و العيد الجاي مع ابو الشباب |
اقتباس:
إن شاء الله حبيبتي اسمع نصيحتك من دووووووون مناقشه أساسا أنا الحين طالعه افش حرتي بالسووووووووووق و ما نويه ارجع البيت الا بالليل أما الهديه فمن جراده حضي لازم أرجعها المحل .......................أنا اشتريت ساعه و مومبايل هديه العيد حق نفسي.................. و طبعا لاني شريتهم هديه حق العيد ما فتحتهم إلا يوم العيد و كانت المفاجأه الحمدلله الموبايل تمام التمام أما الساعه بصرااااااااااااحه مقهوره منهم بكره أو بعده برجعها لهم لا زم أغيرها...........غشوني فيها لاني كنت مستعجله و قلت لهم غلفوها بسرعه ..........؟؟؟؟ ما يستحون على و جوهم ما يخافون على سمعه المحل .... مع انه محلهم كبير و معرووووووف بس علشان زحمه العيد ......الظاهر كانوا مضيعين.....؟ ) لا و من نحاستي شوفي شو صار لي يوم العيد ........ شوفي ردي على موضوع أختي كبريائي في (كيف قضيت أول يوم بالعيد) |
اقتباس:
يا حبيبتي سامحيني ما كان قصدي اقلب عليك المواجع بس هذا هو حالنا في العيد .............شو نسوي مالنا غير رب العالمين الله يفرجها علينا |
الحمد لله على السلامة..
يالله عملتوا أكشن في البيت:23: .. بس ربك ستر :) |
والله فكرة يا همسااات ..
تصدقي ؟ أنا حتى ملابس للعيد ما كنت راح أشتري .. كان همّ على قلبي .. ما يعلم فيه إلا اللطيف الخبير بس الحمد لله .. مرّ على خير .. ياااارب .. ما يجي العيد القادم ( الأضحى .. مافي وقت :d ) إلا كلناااا ع بعضنا في قسم المقبلين واللي بعده المتزوجين ويااارب ما تيجي أجيال جديدة بنفس المشكلة يااارب << حاملة همّ العااالم :26: |
اقتباس:
ما شاء الله عليك حبيبتي حامله هم الاجيل ............. بس معك حق نحن ناقصين بعد ....... تخيلي نتزوج و بعدين بناتنا يطيحون في كبودنا ........ و نرد نعاني من نفس المشكله و يتأخرون في الزوااااااااااج أنا بصراحه لو تزوجت و رزقني الله بنت 0(قولي آمين)0 و طبعا أنا أحب البنات مووووووووووووت.... بزوجها على طول أصلا يمكن أخطب لها بنفسي.... اسمعيني عدل يا بنيه العيد الجاي تتجهزين مثل العرايس بالضبط أبغي أشوف الحناء بايدك انتي فاهمه ......و إن شاء الله تكون عروس...... أنا كنت مثلك ما اهتم بملابس العيد بس الحين خلاص ........لازم افرح نفسي بنفسي .... حتى لو مافيه من يفرحني ....لازم أفرح.... |
اقتباس:
الله يسلمك حبيبتي هو بالفعل :30: :30: :30: أكشن |
حبيبيتي ..
على كثر ماعورني قلبي ..على كثر ماضحكت .. الحمد لله على كل حال ..كلنا في الهم شرقُ .. الله كريم يالغالية ..الله كريم |
اقتباس:
شاكره لج مرورك اختى الغاليه أعذروها |
| الساعة الآن 01:39 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©