خائفة ، هل اوافق ؟ ساعدوني !!
 

السلام عليكم..

قلت لكم من قبل تقدم لخطبتي واحد وايد زين واستخرت الله وطلعت لستخاره زينه واهلي يمدحونه وايد ويتمنوني اتزوجه.. والحين عاطيني مهله افكر وانا بالدايه موافقه بس الحين خايفه وايد وكليوم اصيح وابجي واحس انه ما راح اكون سعيده معاه لاني قريت موضوع بالمنتدى وحده متزوجه واحد قريب لها بالسن والتعليقات يقولون عنه صغير وهو عصبي.. والحين هذه الي خطبني عمره 21 سنه وانا عمري 19 وقريبا سأكون 20 سنه.. هل هو مناسب لي؟؟؟؟؟؟ هل هو صغير؟؟؟؟؟؟؟؟؟؟ ارفضه ولا توكل على الله واوافق لانه يبون يملجون عليي بعد شهر واشوي وخايفه اتسرع لانه الكلام الي بالمنتدى خلاني اتغير 140 درجه... بليز ساعدوني :24: :24: :24:


باي

عادي يا عمري

انا بيني وبين خطيبي سنة ونص بس

وسمنه على عسل
والله بالعكس انا اصلا ما احب اخذ واحد اكبر مني بوايد

احس انه نحن وايد متفاهمين
من جيل واحد
ضحكناو لعبنا سوى
:)
ولا تضيقين صدرج

اهم شي ملتزم وخلوق

توكلي على الله

اتفق مع الردود السابقه ..............................توكلي على الله

3thooooooob مشكوره حبيبتي على نصيحتج راح اتوكل على الله..
rihabhana مشكوره حبوبه على النصيحه ..


Dana15 مشكوره حبوبه على النصيحه..

ومشكورين على مروركم..


وادعولي بالتوفيق ..


مع السلامة

أنا بيني و بين خطيبي 6 شهور ،، إلى حد ما متقاربين و المشاكل بنقدر نحلها .. هيه بس بتكون في مشكة واحده لما بيحس الراجل إنك بتفكري أحسن منه ساعتها ممكن يتعصب و يطلع عصبيته في أي حاجه تانية .. فحاولي إنك تخليه ينطق باللي عاوزة تقوليه علشان يكون مش في مشاكل إن شاء الله

أما عن باقي الحياة فالحمد لله رب العالمين السن مش فيه مشاكل و طبعاً بيختلف من راجل لراجل

خلاصة القول : استخيري تاني و اتوكلي على الله

توكلى على الله

في رجال صغار بالسن لكن عقلهم يوزن بلد .. وفي رجال بــ40 وعقولهم في عمر الـــ 12 سنه ..

توكلي على الله بس اسألي عنه وعن اخلاقه زين ..

أختي العزيزه ليس كل مايكتب في المنتدى نأخذه ونطابقه في حياتنا ، انا اعرف رجل تزوج وعمره 31 عاما من امرأه عمرها 30 ولم يستمر زواجهما وأعرف شخصا آخر تزوج وعمره 20 من بنت عمرها 18 وزواجهما ناجح وحياتهما سعيدة
توكلي على الله عزوجل وهذه المرحلة التي تمرين بها هي مرحلة طبيعية تحصل للفتاة والشاب حين اقتراب موعد عقد
القران بسبب الخوف من المستقبل وعدم معرفة الاطباع .
إسالوا عنه جيدا فان كان رجل ذو اخلاق حميدة ويخاف الله عزوجل ومن اسرة طيبة فتوكلي على الله لانه لن يخيب أملك
والله الموفق ،،،

السن مب معيار للرجولة و احتمالية تحقيق الزواج المثالي..

أنا أعرف زوجين مستانسين في حياتهم الزوجيه,, قمة في التفاهم,, و الزوج قمة في العقلانية.. مع العلم أن الزوج أصغر من زوجته بأربع سنوات!!!

استخيري ربج.. و ما خاب من استخار:)

الله يوفقج ياأحلى منامية

عزيزتي توكلي على الله

اختي الكريمة استخيري الله ، وتوكل على الله

الاختيار ليس بالعمر فقط

هناك اشياء اهم من العمر

أسألي عنها

Sun_of_me الله يدوم عليكم بالمحبه ومشكورة حبوبه على النصيحه المفيده..


nadasteel ان شاء الله خيتوه راح اتوكل على الله ومشكوره على مرورج المميز..


العام صاجة اختي ومشكورة على نصيحتج وعلى مرورج الكريم..

detol61 صاج اخوي كلامك صح ومشكور على النصيحه وتشكر على مرورك الكريم..


بر الأمان ان شاء الله اخوي راح استخير ربي وشكرا كلامك طمني وايد وتسلم على المرور..



maryoom اويوفقج ان شاء الله وراح استخير وتسلمين حبوبه البحرين على مرورج الكريم ..

corazon ان شاء الله خيتو وتسلم على المرور الكريم..

خلك إيجابي ! تسلمين حبوبه على كلامج المميز والنصايح الممتازه واقنعتيني بكلامج وايد وتسلمين على مرورج الكريم..

نجمة صغنونة صح كلامج وان شاء الله راح اتوكل على الله وتسلمين حبوبه على مرورج الكريم..

mornbeam لوووول شدعوه يعني احسدهم وانا عندي وقت احسد احد وانا بالخوف هذه يا ربي بس.. الله يخليهم حق بعض ويدوم عليهم.. الله يسمع منك اخوي وتسلم على مرورك الكريم..

توكلي على الله يا اختي وتزوجيه ما دام الاهل يتمنون لكي ذالك علما بان الاهل يعفونه

وكلام المنتدى مو كله صحيح هذي كلها او معظمها وجهات نظر والله يوفقك الى كل ما يحبة ويرضاه....

اتفق مع الجميع ................ توكلي على الله ................ وكوني له سماء يكون لك ارض

مع خالص تمنياتنا لك بالتوفيق

على قدم و ساق!
و
ABO_SULTAN
و
الوزاري
مشكورين اخواني على نصايحكم المفيده وتسلمون على مروركم الكريم ودمتم..


مع السلامة

توكلي على الله والله يوفقك ويتمم عليك وعلينا بخير ويزوج الباقين ويفرح المتزوجين

::: نصيبك وربي يوفقك ,:::

اختي انتي تعيشين بوسواس
توكلي على الله واتخذي قرارك

الله يسعدك لا تغلطي غلطتي ..
كان أهم شروطي العمر ..
وبس يقولوا على عمر الخطاب اللي كاااانوا يهلوا :29:
كنت أضحك بسخرية
قال إيه : أبغى في الثلاثينااات

وشوفيني يا قلبي في بيت أهلي
أتجرع الأسى ..

طالما راضية عن الشاب خلاااص
استخيري واتوكلي على الله
والله ييسر لك ياااارب

اذا اهلك موافقين عليه وانتي استخرتي

خلاص الله يوفقك معاه,,

ياقلبي اهم شي اخلاقه ماعليكي بالعمر

التربيه والدين اهم شي



عااادي اتوكلي على الله

حبــــ نادر ـــــي مشكوره حبوبه على النصيحه ونورتينا على مرورج الكريم..

بطلي دلع بنات وتوكلي على الله (إذا كان على دين وخلق)
----------------------------------------------------------------------------------
أتفق مع خلك إيجابي_والعام

بريد المحبه لوووووول لا موب دلع بنات.. وانا توكلت على الله ..

المشكله ايل صارت لي هاليام اسمعو شنو صار بالموضوع..

سويت فحص وخلاص وافقت عليه والحين اجهز حق الخطوبة ووافقت عليه بس هاليومين احس نفسي متضايقه وخايفه وكله ابجي واصيح وكله احلم فيه احلام مخيفه وكوابيسسسسسسسس وخايفه موت حتى امس يات امه بيتنه وهو معاها رحت سلمت عليهم وانا ارتجف ارتجاف غير طبيعي حتى امه قالت لي اشفيج؟؟؟؟؟ انا قبل ما كنت هلون الحين صرت خايفه موووووت واحس اني برفض قبل لا يكون شي.. انا محتاره واييييد مادري شنو الي غيرني .. عطوني حل يا ناس اشلون اروح الخوف واذا ما راح الخوف ارفض؟؟؟؟؟؟؟؟ وطول وقتي افكر وابجي خايفه منه ومنهم كلهم..


باي

اختي
اذا كان الرجل كويس قولي الحمدلله ولاتفوتينه ترى مو كل يوم عريس
ممكن يكون ارتجافك وخوفك بسبب المواجهه
أو انه الخوف اللي يمر على كل البنات بهالمرحله
كرري الاستخاره أكتر من مره والله بيطمن قلبك ان شاء الله

بريد المحبه شكرا اخوي على متابعه موضوعي وشكرا على النصيحه.. والله يسمع منك


لا تبخلون عليي بنصائح انا خايفه وايد.. ): ):

معشوقة سوسو مشكوره حبوبه على نصايحج الكريمه ودمتي ونورتي.. راح اتوكل على الله بجوف شنو مصيري بالنهايه ..

مع السلامة

الف مبروك والله يتمم لك على خير ..

طبيعي الخوف والارتجاف عااااااااااااااااااادي كلنا كذا بالبداية
وصدقيني الي فيه الخير ربي بيقدمه بس المهم انت استخيري
كثير عشان ربي يوفقك ويكتب لك الخيرة الصالحة

الله يوفقــج يا صغنونه وانشوفج عروســهـ ^^

بريد المحبه ههههههههه ان شاء الله لا تزعل اخوي والله يرزقك بالعروسه الي تناسبك وتسعدك .. وانت اول المعزومين ان شاء الله ا ذاا تيسرت الامور..


رهوفة2005 الله يباك فيج حبوبه ان شاء الله راح استخير وايد.. ومشكوره على الكلام الي يطمن..


ضايعه فالدنيا هههه ويوفقج حبوبه ويسعدج في دنياج..


مشكورين على مروركم الطيب..