|
خطيبتي تتهرب مني
السلام عليكم
كيف حالكم اخواني عساكم بخير ان شاءالله انا ولله الحمد قبل رمضان باسبوع ملكت وعقدت القران على وحه مستورة والله يستر عليها وطبعا كما هو معروف كل واحد يشوف خطيبته على طول ناس منهم يشوف خطيبته كل يوم وناس مرتين او ثلاث في الاسبوع وهذا شي معروف .. اللي حصل معاي ان خطيبتي ماتبي تشوفني خير شر وكله تتعذر انها مشغوله وكل ماقاول لها بجيك تقولي بروح للسوق مااقدر بجهز للعيد .. وكله من هالاعذار الين طاح الفاس بالراس اليوم يوم قلت بشوفها في العيد على اساس انها الحين فاضية تقولي اشوفك بس ساعتين مااقدر اطول معاك بيجون خواتي المتزوجات يباركون لنا بالعيد وابي اقعد معهم انا قلت مو مشكله بس في اليوم الي بعده خليني اشوفك عاد وعوضيني عن الايام الي ماشفتك فيها ردة علي تقولي مااقدر اللي بعده بنسافر نتمشى مع اهلي وماراح نرجع الا يوم الجمعه في الليل .. تخيلوا ويوم السبت دوامي ومو فاضي لها... ياجماعه اتمنى اللي مر بنفس مشكلتي يعطيني رايه الله لايحرمني منكم والله تعبت اليوم تهاوشت معها على هالموضوع وقلت لها انك ماتبيني وتتهربين مني وهي عصبت .. اتمنى احد يعطيني حل الله يرضى عليكم ما العمل .. ؟؟ ــــــــــــــــــــــ ملاحظة : تم تعديل العنوان ليتناسب مع المحتوى/ البتول |
أخوي الله يسعدك وكل عام وانت بخير
بصراحه انا ملاحظه هذي المشكله في كثير من الخطاب النوع الأول: (اعرف وحده خطيبها كل يوم معاها يوديها العمل ويرجعها وووووو وكمان زعلان مايبغاها تخرج مع اهلها او تستقبل احد او تتزاور يقولها انا ماشبعت منك) هنا المشكله انه متعلقه فيها ويبغا يتملكها وفي نوع: هي تتهرب منه وماتعطيه فرصه ولاهي اصلا تستمع بهذي الأيام مثل مشكلتك اخوي عاد تبغا رأي اكسبها واغلبها بطيبك وحلمك خليها براحتها هي قالت لك ساعتين روح لها واجلس ساعه واطلع وقول لها عشان يمديك تستعدي تروحي تعايدي وان شاء الله تنبسطي وانا كمان معزوم مع الشباب اليوم بينا اتصال وخذها برحابة صدر ولا كأنك متحسس ولا فيه شي اصلا وفعلا اطلع مع الشباب وهيص وقبل لاتسافر بوقت بسيط يعني ساعتين دق عليها وقولها انا عند الباب انزلي الأن بسرعه . اذا قالت كاني ماني قولها تعالي ماني مطول بأروح انا مستعجل كمان ولما تنزل وقالت لك ادخل قول لأ انا مستعجل واذا احد من اخوانها قالك ادخل قول لا انا مستعجل ومن عند الباب سلم عليها وقدم لها هديه بسيطه(عشان تفتكريني فيها) ا وممكن مبلغ بسيط ( وقولها عشان اذا اشتهيتي شي نفسك فيه) وقبل راسها وقولها انتبهي على نفسك اذا بغيتي حاجه اتصلي عليه وطمنيني عنك حبيبتي. واطلع على طول. اذا تعرف مكان سفرهم ومكان قريب ويمديك تسافر روح لهم فاجأها بس بشرط اخر يومين من رجعتهم وقولها انت فينك انزلي بسرعه طبعا هي مارح تصدق انك بنفس المكان وسلم عليها وقولها ماقدرت انتظر الين تجي فجيت اسلم عليك وراجع وفعلا لاتطول عشر دقائق وامشي <<<<<<<طبعا اتفق مع واحد من اخوانها وخليك بسيط جدا وطنش حركاتها وشوي شوي تتعلق فيك وتشتاق لحركاتك الرومنسيه واذا بدأ الدوام عادي جدا اول اجازه اسبوعيه اتفق مع واحد من اخوانها انه يطلعها لك مفاجأه لها وبكذا تجلس معاك في مطعم ساعتين ورجعها للبيت ويارب يسعدكم ويألف بين قلوبكم ويحنن قلبها عليك اختك في الله |
اقتباس:
و بالتوفيييييييق |
اقتباس:
اما بالنسبه لصاحب الموضوع فانا اقول يمكن البنت مستحيه لانككم توكم مالكين مع الوقت بتاخذ عليك وتندم على الاوقات اللي ضيعتها في تهربها منك.. بالتوفيق اخوي.. |
اقتباس:
فكره اكثر من رائعه بجد مفيش شئ ممكن اقوله كل اللي فكرت فيه لقيتك كتباه هههههههههههه ماشاءالله عليكى عموما بتمنالك التوفيق و اتحملها شويه يمكن لانكو لسه مالكين و الحياه لسه جديده شوى شوى بتأخد عليك :14: و ان شاء الله يتمملكم علي الف خير مبرووووووووووووووووووك مقدما |
الله يهديك يا المهووس ... احمد ربك انك شفتها وجلست معها غيرك حتى النظره الشرعيه مدري يوافقون عليها او لا ... وبعدين تبي نصيحتى اثقل شوي لين تدخل عليها بعدها اجلس قدامها اربع وعشرين ساعه ...
|
بعض البنات تسوي هالحركات تحسب انها تعلق الرجال اكثر
عموما انا متأكده انها طايشه والا احد هو اللي فوق راسها اثقلي اثقلي كل البنات كذا وكلام روح الغالي ما قبله ولا بعده اثقل عليها انت بعد ولا تهاوشها ابد وشوف هي كيف بتلاحق فيك بس لا تزهق |
طنشها ولا تتصل ولا تروح ليها لكي يشعر أهلها بأن هنالك شئ حصل بينكما
|
اقتباس:
اهي باين عليها انها تبي تتغلى بس انت دورك ولازم تتغلى اكثر ( المرأة كالاسفنجة التي تعيش على الماء ولكن المرأة تعيش على العواطف ) اقطع عنها عواطفك وشوف النتيجة |
ممكن انه اهلها هم اللي مأثرين عليها .. يعني ممكن انهم قالولها لاتكلميه مثير ولاتخليه يجيكي .. وهم كاقدرو يقولولك بوجهك لكن ارسلو بنتهم لتوصلك هذا الكلام ..
الله يوفق بينكم .. |
لا تيأس
طنشهااااااااااااااا و لا تكلمها اسبوع أو اسبوعين حتى هي اللي تتصل عليك و تكلمك و تقولك تجيها مرة شفت واحد هنا سوى الحركة هذه و استفاااااااد كثييييييير بس انت لا تقلق وتزعل و تضيق صدرك تصدق اهم ما عند المرأة الحب والحنان والعاطفة الجياشة فإن فقدتهم جن جنونها خليها ورح ترجع لنفسها وترجع لك وكمان علشان ما اظلمها شكلها مستحية او خايفة من انكم تقعدوا بمفردكم لاني اعرف ناس يسووا حراسات أمنية مشددة على المملكة والمملك مع انهم صاروا متزوجين.. اسألني انا اخواني كلللللللللللهم كذا |
اكيد من اهلها بس ماتقدر تقولك مااقدر علشان اهلي لكن تتعذر بااعذار ثانيه
اغلب الاهالي يكرهون القاءات ويبون الخاطب يكتفي بالمكالمات بس اعذر خطيبتك ترى حال اكثر البنات كذا |
صح يمكن البلا من الا هل
ترا فيه اهالي كثير كذا يقولون عادي تعال ومدري وشو بس يحطونها بالبنت على العموم انا الصراحه ما اؤيد فكرة الزيارات الكثيره ويا اخي ساعتين تكفي لو كل اسبوعين ساعتين حلو |
أخي المهوس
أفضل حل لك أن تحاول تكون ثقيل دم وفي نفس الوقت لاتزودها حتى تحس أن شخصيتك قوية صدقني راح تفكر فيك وتشتاق وطبعاً الحرمة في أول الخطبة تكون خجوله جداً وأغلب المجتمع يعتقدون أن تكلمها وتشوفها قبل الدخلة هذا عيب عدم . بسبب الجهل عندهم ولاتصير مستعجل . وأنا مثلك لم أستطع أن آخذ رقمها بل طلبت من أقاربها يأتون بالرقم . ولم تعطيني الرقم فسويت نفسي إنه شيء عادي وأنا قلبي يتقطع لكن بالاخير هي اللي جاءت . وأرسلت رسالة إعتذار وقالت إني مشغوله ... فلا تستعجل |
يمكن ما تبغى تشوفك كثير عشان ما تملون من بعض>>>> كثير بنات تفكيرهم كذا
وبصراحة ما ألومهم لأني أسمع ببعض الحالات ما يجي يوم الزواج إلا كل واحد مال من الثاني عموماً الله يوفقكم ويسعدكم ويهنيكم |
يا شيخ احمد ربك انك شفتها
انا عاقد عليها ومملك بس ما شفتها لا قبل الخطبه ولا بعدها يمكن اذكرها وهي صغيره واحسن شي بليله الدخله لها طعم غيرررررر وانا مقتنع بالشي هاذا حتى لو ما شفتها لانه كان باختياري موفق اخووووي اخوك مظلوم الحب |
بواسطة اللاعب
طنشها ولا تتصل ولا تروح ليها لكي يشعر أهلها بأن هنالك شئ حصل بينكما هذا احسن كلام واحسن رد اهي باين عليها انها تبي تتغلى بس انت دورك ولازم تتغلى اكثر ( المرأة كالاسفنجة التي تعيش على الماء ولكن المرأة تعيش على العواطف ) اقطع عنها عواطفك وشوف النتيجة ياناس الله يصلحكم ليش هالقسوه على البنت ايش ذنبها شخص غريب في حياتها ماهي عارفه كيف تتعامل معاه ايش الصح وايش الخطأ هونوها وتهون وليش تقطعوا عنها الحب والحنان والعطف ليش القسوه هذي لاياناس لاتخلوها وحده بوحده جيتني اجيك ماجيتني مااجيك<<<متعقده من هالناس انا قلت يروح لها بكل هدوء وبشكل بسيط يعني من غيرضغط عليه ومثل ماقلتوا يمكن اهلها ضاغطين عليها انت تودد لها وعيش ايام الرومنسيه حتى لو مابادلتك دحين بس تأكد انها مارح تنساها لك ابد ابد واول ماتلاقي فرصه تحكي لك كل اللي صار وكيف كان شعورها لما كنت تعمل هالحركات انت قرب منها بحدود المعقول واذا قالت لك وينك مااتصلت؟ قولها: حبيت تاخذي راحتك وتنبسطي واذا قالت تبغا تروح السوق...قولها انتبهي على نفسك واشتري كل اللي نفسك ابغا احلى البنات وارقاهم واذا قالت مشغوله .... قولها تنشغلين بالطاعه والعباده روحي حبيبتي الله يسعدك بس حبيت اسلم عليك واذا قالت ابغا أنام من المغرب....قولها نوم العافيه والهنا تصبحي على خير يعني خليك القريب البعيد جتني فكره اهديها مخده على شكل قلب وعطرها بعطرك واعطيها اياه وهي مسافره وقولها عشان تفتكريني .. خذها مني نصيحها وانا اختك احتويها بطيبك وحنيتك وحلمك لأن مصيرها تحتويك مثل مااحتويتها علمها اصول الحب وعلمها اصول التعامل مع الزوج بطريقه غير مباشره يعني انت ابدأ بالحركات وبالتعامل وبعد فتره بتلاقيها تبادلك واياني واياك تقطعها عشان اهلها يحسوا انك زعلان منها لأن اصلاالموضوع مايستاهل وخلي هالحركات للشديد القوي احتويها بحبك وحنيتك وطيبتك وربي يسعدكم ويألف بين قلوبكم |
هممممممممم .. لو كنت مكانك أقعد إلين ما أشبع أنا و أقرر الذهاب " باخذ الموضوع بمزح و ضحك " و ما بتقدر تتهرب منك ( الفاس طاح خلاص بالراس !! :) ) .. وغير هذا >> بزورها أي يوم فجأة !! بسويلها مفاجـــ ــعــ ـــة :d ، بقدم مع هذه الزيارة هدية ناعمة !! و لا ّ تدري : باعزم نفسي عندها ع الغدا مرة ، وأقول لأهلها إنها هي اللي عزمتني وأصرت علي ;) ههههههههه :d :d :d ع فكرة : البنات يحبون هالحركات ، بس تلاقيها مستحية فتتحجج بأي حجة عساس ترفع الحرج ، وتقنعك إنها مب السبب :25: أتمنى ما تتضايج منها .. و تاخذ الموضوع ببساطة أكبر . م : حس الفكاهة ، و الضحك ، و إبتداء المناقشات في أمور تهم الطرف الآخر تقرب العلاقة وتزيد الود فاستغلها في هذي الفترة !! تحياتي لك ، إختك : خلك إيجـــــــــابي ! |
أنت متأكد أنها مقتنعه فيك ؟؟؟
وليش شرط حتى تزورها وتستقبلك أنك تهدر كرامتك وشخصيتك لأنك بتندم عليها ,ما يكون مكانتك كرجل في قلبها فاركد وارزن واترك الخفة واللهاث , وارسم رجولتك امامها , ولا تركض وراها خلك ثقيل |
يا أخي :
أنا مررت في تجربة شبيهة بتجربتك لكني اكتشتف فيما بعد : أنها مستحية ... فأحسست بأني ظلمتها لما قلت أنها تتهرب مني وماهي مقتنعة فيني ومن هالكلام اللي ماله أساس من الصحة .. وفقكما الله وأسعدكما في حياتكم .. تحياتي .. وكل عام وأنتم بألف خير . ولا تنسانا من دعائكم أيها المؤمنون والمؤمنات . |
السلام عليكم
رأيي البنت تحب يلي يحسسها أهميتها فماالمانع بشوية حركات رومنس |
:30: :30: السلام عليكم
رأيي البنت تحب يلي يحسسها أهميتها فماالمانع بشوية حركات رومنس |
أتفق مع روح الغالي
كلامها صحيح معظم البنات كذا في بدايه عقد القران * * * طول بالك ووسع صدرك الله يسعدك يارب * * * دمت بخير |
اعطيك مقوله مشــــــــــــــــــــــــهورة
المرأه كالقطة اذا تمسحت بها اعرضت عنك واذا اعرضت عنها تمسحت بك وشكرا :) |
هههههههه
تمام مثل مشكلة زوجي معي،، أنا أتهرب من زياراته،، ليس لشيء إلا لأنني أفضل بأن أقضي هذه الفترة مع إخوتي (فترة العزوبية المؤقتة) :) ودائما أفكر وأقول سأكون معه بقية العمر إن شاء الله فلم هو مستعجل؟ شيء طبيعي أخي الكريم فلاتبتئس ولاتفكر كثيرا،، وإذا أردت فعلا أن تجذبها إليك فدعها تفعل مايحلو لها أي لاتضغط عليها كثيرا،، |
أنصح البنات ما يسوو كذا
|
| الساعة الآن 01:18 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©