|
انتبهوا على المراهقين بالعيد
السلام عليكم اخوتي في الله
اولا : مااني عارفه بأي قسم احط الموضوع<<<<الله يعين الإداره ثانيا: بأدخل بالموضوع على طول الكلام موجه للرجال وللنساء اثناء تزاورنا بالعيد للأهل والأصاحب اذا كان عندهم مراهقين لاتنسوهم من انكم تسلموا عليهم وتمدحوهم شويتين لأنهم يكونوا منحرجين لاهم من الأطفال ولاهم من الكبار يعني اذا شفتوا واحد من المراهقين او اللي بالصف السادس وكاشخ بالثوب والشماغ امدحوهم وقولوا لهم ماشاء الله عليكم صرتوا رجال ونعم فيك ياأبو فلان وسمي الطفل بأسم ابوه يعني اذا كان الطفل اسمه( عبدالرحمن عبدالله) قوله ياأبو عبدالله خلاص انا بأشغلك مع في الوزاره او في الشركه تصلح مدير ومن هذا الحكي واذا ماكان فيه اسأل عنه وخليه يجي اما البنات شغلهم شي ثاني سلموا عليهم وامدحوهم وامدحوا لبسهم وشعرهم وأدبهم واحكوا معاهم شوي عن العيد ورمضان فين رحتوا انبسطتوا صمتي رمضان واذا قالت لألأ قولي لها ان شاء الله السنه الجايه تصومين ومن هالحكي احكي لكم موقف اليوم اثناء الزيارات طبعا ماشاء الله تبارك الله اكثر من خمس سيارات وراء بعض ولما دخلنا على اخر ناس دخلوا الحريم وسلموا وفي وحده كانت واقفه عند الباب تستقبل بس مافي احد شافها وعبرها عمرها (11 سنه) لما جاء دوري أدخل لأني الصغيره<<<<<حلوه الثقه شفتها :d :d وسلمت عليها وقلت لها كل عام وانت بخير :d :d ايش الحلاوه هذي شكلك مرره حلوه:d :d ماشاء الله عليك. وبس دخلت وجلست وماأشوفها الا رايحه جايه تطالع فيني وتبتسم وتنادي البنات وتأشر عليه<<<<<<ماأجمل برأتهم واحنا طالعين تنادي امها تقولها هذي البنت وتأشر عليه ....عاد الأم ابتسمت لي وغمزت ووحده من اهل زوج اختي تقولي بناتي (7 سنوات و5 سنوات) اليوم جالسين يحكوا فيك وهم يلبسون يقولوا احنا نبغا نروح عند خاله(روح الغالي) آآه ماأجمل الطفوله وبرائتها المهم مااوصيكم فيهم اتمنى فهمتوا مغزاي من الموضوع وكل عام وانتم بخير اختكم أم سعود:d :d :d |
والله كلام عين الصواب .. التعزيز وإشعار الإنسان بقيمته وإنسانيته مهما كان سنة ((مع حفظ المقامات )) أمر ضروري .. |
كلامك عين الصواب
انا على كل حال اي شي يعجبني على صغير او كبير امدح في الوجه مباشرة واكيد بيفرح الطرف الثاني وترتفع معونياته تسلمين روح الغالي على الموضوع اللي يبين لنا صفاوة قلبك :22: |
اختي رووووووووووووح الغـــــــــــــ أم سعودـــــــــــــــــــــــــــــــــــــالي
اولا اشم ريحة احد ذكر الوزاره ........:11: ... وفيه ناس توظفي من غير علمي:( ثانيا اشكرك كل الشكر والتقدير على هدية الدعوة التي دعيت لي بها......... ولك مثلها اختي ام سعود واكثر شويتين ثالثا .. موضوعك جميل ويحمل روح المحبه بين الكبار والصغار ... وزرع رووح البسمه والفرحه في قلوبهم وإحساسهم بالمسؤليه ....... ولهم كلمتهم ومداعبتهم بالشئ الذي يضفي عليهم البهجه في نفوسهم..............الله يسعدك ويدخل البهجه في قلبك .....:14: ......ومن العايدين ان شاء الله.. |
نقل الى قسم الطفل
|
موضوع جميل .....أختي أضيف عليك ..أنه أحيانا حق المراهقين مهضوم مثلا زمان لما كنت صغيرة شوي
في فرح من الأفراح كنت جالسة على الكرسي و نهضت عشان أجيب شي ..و لما رجعت اتفاجئت إن في وحدة من الشابات أخذت الكرسي .>>>>>>>>>>>>>>>>>>>>>>>>>>. و أنا أقول كانت ليه تطالع فيا كانت تنتظر إن صاحبة العش تمشي عشان تسرق البيض :d حلوة البلاغة ..............يعني لوة كانت طلبته مني كنت أعطيتها الكرسي و بنفس راضية ! و حتى الآن لما أشوفها بحس ...بالنفور منها و اتذكر اللي قامت بيه يعني ..أخواني الصغير حيكبر و حيعاملك مثل ما عاملته ...حاولوا تتعاملوا معاه على هالأساس و أعطوه حقه و عيد مبارك |
موضوع رائع وجميل جملك الله بطاعته
وهذا ولله الحمد منهجي مع هذا السن وغيره وولله الحمد مع التقصير ولا أزكي نفسي فأجد لي ميزه وخاصيه عندهم من قربهم لي أكثر من غيري وحديثهم معي وكأنهم رجال كبار ومن هذا القبيل مع شيء من الطرف والتعليقات عليهم ... جربوا وأنتم الحكم لكن بأدب لأن الشي إذا زاد عن حده انقلب ضـــده:29: |
أحسنت كلام جميل وموضوع حساس
صدقيني هذه الينت راح تتأثر بك وتحبك في مثل هذه المواقف راح يرتاح لك الطرف الثاني اللي مدحته بل يتقمص شخصيتك وأيضاً يزداد الثقة في النفس ونحن بأمس الحاجة لنزرع الثقة في نفوس الاخرين |
(أبو ماجد) الأخ الذي لم تلده أمي
رفع الله مقدارك مشكور على المرور بي يسعدك ويفرج همك وينولك مرادك ويريح بالك ويرضا عنك ويرضيك ويحفظ لك زوجتك وذريتك شوبارد (ضحى ) الغاليه الله يسعد ايامك ويهنيك وينولك مرادك ويارب ييسرلك الحجه السنه هذي وانت قريرة العين بزوج صالح مشكوره على المرور الوزاري(أبو ريتاج) الأخ الذي لم تلده أمي اسفين اذا ذكرناك بالوزاره بس دوبي مجهزه أبو سعود وبخرته وراح الوزاره عشان كذا قلبي معاه<<<<<<<<أحلام اليقضه عايشه جوها هاليومين:d :d :d ومشكور على مرورك اللطيف اسعد الله ايامك ونور بصيرتك وسدد خطاك وأدام الله أيامك براحة البال (بتول) الغاليه اولا : الحمدالله على سلامتك ياعيوني قلبي معاك ثانيا: مشكوره على نقل الموضوع في مكانه المناسب واسفه على ازعاجك ثالثا : اسعد الله ايامك وفرج همك ونولك مرادك وشرح الله صدرك (devoted) الغاليه اولا: ممكن لك اسم او لقب الله يسعدك ثانيه: المواقف هذي ياكثرها تحصل الله يعين ثالثا: اسعد الله ايامك وانار الله قلبك وفرج همك |
ما شاء الله عليكِ
أستغرب على الناس الجامدة اللي ما تعير الأطفال اي إهتمام مع أن هذه المرحلة أي موقف إيجابي أو سلبي يئثر على تكون شخصيتهم.. ممكن كلمة منك تدمر مستقبل هذا الطفل أو ترفعه وتخليه واثق طول عمره. مرة حركاتهم حلوة يا نااااس.. والأجمل تصرفك اللطيف النابع عن إنسانة قلبها كبير وبالها طويل.. الله يسعدك ويرزقك الذرية الطيبة المعافاة وتفرحي فيهم وتزوجيهم وتصيري جدة :) |
والله فكرة حلوه و غابت عن بالي.:28: .. يبيلنا شوي انعزز ثقة المراهقين بأنفسهم .. و نعطيهم من هالزين:17: ... تسلمين عالفكره الحلوه:22: ..و الله مب بس المراهقين حتى أنا يبيلي,, عشان أرفع معنوياتي :29: :29: |
(السف المسلول) الأخ الذي لم تلده أمي
اسعد الله ايامك وهذا مالاحظته في شخصيتك الله يديمها على الجميع وربي يسعدك ويتمم عليك أفراحه وخيراته ويسدد خطاك ويفرج همك وينور بصيرتك ويهديلك زوجتك ويألف بين قلوبكم ويجعل بينكم موده ورحمه ويرزقك منها الذريه الصالحه الباره فيكم (وش ادخل بأسم) أخ \ اخت الله يصلحك خلصت الأسامي.... طيب انا اقولك بما انك سجلت الله لايهينك حط في التوقيع اسم او لقب لك بأبو او أم فلان..... واصلا انا ماأدري انت بنت ولارجال ورائع انا هذا مااحسسته في الأطفال اللي اعرفهم واختلطت فيهم وربي يسعدك ويفرج همك وينولك مرادك لاتنسى التوقيع بالأسم (ام سلمان) الغاليه الله يسعدك ويفرج همك وينولك مرادك ويبلغك الزوج الصالح والذريه الصالحه البنين والبنات البارين فيك وتشوفين عيال عيالهم وتصيرين الجده الثانيه.... يارب لايحرمنا من هاليوم <<<<<<<<<تطورت احلام اليقضه عندنا صرنا جدات |
أختي أم سعود حاولت أدخل باسم ولم أستطع
وقلت أبسجل بهذا الأسم والأصل أنا ولد الله يرزقك الذرية الصالحة ويحفظك ويحفظ أبنائك وزجك من كل سوء واشكرك على هذا التنبيه الرائع |
موضوعك روعه
أنا أموت بالطفوووله وغصب عني تطلع كلمات المدح والثنااء لهم أسلم عليهم وأبوسهم وأمدح في لبسهم وكشختهم وأخلاقهم وأدبهم وأشوف ابتساامتهم وخجلهم خاصه الصغار مره ياقلبي عليهم مشكوره يا أم سعود ان شاء يجي اليوم اللي تلبسين فيه سعود وتكشخينه |
(بر الأمان) الحبيبه
مافي اطيب منك الله يسعدك وينور بصيرتك ويسسد خطاك وينولك مرادك شوف اخوي (وش ادخل بأسم) بإختصار حط لقب لك بأبو فلان مثل باقي الشباب ومثلي ...:d :d :d عايشه جو ام سعود انا او حط اسمك المعروف (عبدالله ) مثلا .....اخر الرد او في التوقيع عشان نعرف نناديك وندعيلك وربي يسعدك وينولك مرادك (أم معاذ) الغاليه مشكوره على مرورك الرائع وربي يسعدك ويفرج همك وينولك مرادك ويرزقك الزوج الصالح ويارب يسمع منك أشوف سعود واحضنه بصدري يارب اختكم أم سعود اختكم في الله |
الا ما اقول الا يا بخت ابو سعود في وحده تملك هالقلب الطيب
الله يرزقك بالزوج الصالح يارب |
يسلم قلبك اخوي( محمد)
ربي يسعدك وينولك مرادك ويريح بالك |
السلام عليكم و رحمة الله
أسعد الله أيامك أختي الفاضلة موضوع جميل و مرهف الأحاسيس يحتاج منا الوقوف و التأمل كثيرا و ليس قليلا ... و قد أعجبني رد الأخت الفاضلة devoted .. عن رد فعل المراهقين عندما يكبرون فعلا إن أردنا النظر فهذه أهم مرحلة يتحدد فيها انطباع الشخص على الآخرين فأجد نفسي نادرا ما أتكلم مع ابنة عمتي ..نظرا لمجافاتها لي عندما كنت أصغر سنا بالرغم من أنها تكبرني ب 6 سنوات تقريبا...!!! لا اعرف مهما حاولت التقرب منها أجد نفسي أبتعد ..و العكس صحيح مع أختها التي كانت تمدحني ..و تتصرف بلطف و حنان معي ..حتى أنني كنت انام معها في فراشها عند مكوثي ببيتهم .... بالرغم من أنها أكبر مني بـ 10 سنوات تقريبا !!! .....لذلك الرحمة و الإهتمام واجبة ..لأنها مع الزمن تتحول إلى معاني أخرى كالحب و الإحترام و المساعدة ..و الأهم هو ما يبقى في الذاكرة ن لحظات جميلة جزاك الله كل خير و عيدك مبارك |
أختي الحبيبه (أمة الله)
الله يسعد ايامك اولا : احب اعلق على الصوره في التوقيع بصراحه تذكرني بولد اختي كنا نسميه نعامه لأنه كان ينزل راسه بنفس الطريقه اذا احد خاصمه او ناقشه في شي غلط سواه او يدخل تحت الكنبه بس الحمدالله فرجت العقده عنده ثانيا :مشكوره على مرورك ياعسل وربي يسعدك ويفرج همك وينولك مرادك |
كلامك عين الصواب
|
اختى الغاليه : روح الغالى
اشكرك على نصائحك الغاليه وكل عام وانتى بخير تحياتى وتقديرى |
الصراحــه يمكن مراات امدح في لبسـتهم بس ما دريت انه له اثر هالكثـر.. مشكووره لانج نبهتيني وان شااء الله بنكثر من المدح والكلام الحلووو.. تسلمين يا قلبي ام سعود والله يجمــعج بابو سعود جررريب يااارب.. اختج الصغنونــه بنت عبدالله |
كلامك عين الصواب دايما الناس تطنش بهذي المرحلة العمرية ليش مدري انا مرات اسلم عليهم ومرات اطنش رغم انهم اول مايشوفوني يجوني من كل مكان اطفال ومراهقين يسلمون علي بشكل ملفت حتى الحريم يلاحظون <<<ياريت حد يقولي السبب
|
الحبيبه(همسة ولاء)
مشكوره على مرورك الله يسعدك ويفرج همك وينولك مرادك الأخ الذي لم تلده امي (أحمد شوبير) اسعد الله ايامك وكل عام وانت بخير ومشكورعلى مرورك اللطيف ربي يسعدك ويفرج همك وينولك مرادك ويسخرلك (بنت عبد الله) الحبيبه ايش الصغنونه !!!!!!!!!! انا اصغر منك حبيبتي حتى سنون العقل عندي ماطلعت حتى شوفي:d :d :d ربي يسعدك ياعسل واشوفك عروس واسمي عليك من عيون الناس انتبهي حبيبتي على المراهقين ولاتنسيهم تراهم مارح ينسوك ابد كل ماشافوكِ حتى لو بعد سنين والله احفاد اهل زوج اختي لو تشوفيهم اللي كبروا دحين بمناسبه ومن غير مناسبه يرسلوا لي هدايا تعبير عن حبهم والصغار هداياهم البوس والسوالف معايا يارب لك الحمد .........انت بس شوفي الإبتسامه العميقه اللي لها معاني كثير بعد سلامك عليهم وربي يسعدك وينولك مرادك ويرزقك الزوج الصالح يا ( أم عبد الله) <<<<<<خلاص اول ولد لك اسمه عبدالله اختك الصغنطوطه أم سعود<<<<<<<<<كبير اسمي صح:d :d :d |
(توتي) الحلوه
يسعد ربي ايامك انا اقولك السبب ليش يجوكِ من دون باقي الحريم لأنك مره وحده بس سلمتي عليهم من باقي الناس وبكذا طبعتي صورتك في ذاكرتهم من مره وحده فما بالك في كل مره تشوفيهم وتسلمي عليهم على فكره حتى لو كانو بعدين عنك تراهم يطالعوا عليك يشوفكِ تناديهم ولا لأ امس كذا كنت في استرحه وكل مااشوف وحده من بعيد ارسل وحده قريبه مني تناديها عشان اسلم عليه واقولها كل عام وانت بخير تجي البنت تقولي انا انا وتسلم ماهي مصدقه والأحلى ياتوتي في وحده بنت اخو صحبات اختي لما تشوفني تقولي ( صديقتيييييييييييييييييييييييي) وتصرخ من بعيد والبنت عمرها 6 سنوات الله يحفظهم وربي يسعدك ياتوتي واشوف اولادك |
يحليلك يا اختي
والله انك ذكرتيني باختي الصغيره تقول انا ما احب اطلع للحريم ما يعطوني وجه :( وحنا تعودنا من امي الله يحفظها ان حنا نسلم على الكبير والصغير كل الشكر على الطرح وآسفه اذا كان الرد متأخر |
أم عبدالعزيز الغاليه
مشكوره على مرورك وربي يسعدك ويفرج همك وينولك مرادك |
| الساعة الآن 03:01 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©