|
اريد ان اخطب ........................ولكن
السلام عليكم ورحمة الله وبركاته
اخواني واخواتي الاعزاء عندي مشكله وانا شاء الله تساعدوني في الوصول لحل هذه المشكله انا شاب مقدم ان شاء الله مقدم على الخطبه بس مشكلتي هي: الوالده جزاها الله الف خير اتتني بعروسه بها كل المواصفات الطيبه اللي تتصورونها جمال كمال بنت ناس اكابر يعني البنت ما شاء الله تبارك الله .....لقطة زي ما يقولوا بس فيها مشكله واحده المشكله انها صغيره في سنها يعني عمرها 16 تقريبا وانا عمري 27,5 ...وعلى فكرة البنت تطلع بنت خالتي. خالتي الثانيه الله يجزاها بالخير تقول انت يبالك وحدة عاقله تهتم فيك احسن ........حيرتني والله المشكله الي هنا ما انتهت ......انا برضوا خايف ان اهلها ما يوافقوا بحكم فارق السن بيننا انا خايف نروح لهم ويسير بعدين احراج لنا ولهم ...كيف الحل مع العلم ان الوالده تقولي هم يتمنون اروح عندهم ....بس والله ما ادري محتار . وانا الحمد لله شاب مستقيم وذو اخلاق ومنصب , و لا ازكي نفسي اريد من كل اللاخوات في نفس عمرها يجاوبوني هل لو اتاك شاب بنفس سني توافقي تتزوجيه ام لا ؟ جاوبوني الله يخليكم ....والله ان بي هم لا يعلمه الا الله ......ادعوا لي الله يجزاكم خير |
اخوي انت ماعندك مشكله الى الان مادامك تقول انها خالتك .. خل الوالده الله يحفظها تجس النبض عندهم .. تبي تقول كيف تجس النبض ... ( اترك المهمه هذه على امك وبس ) :25: وبعدها شف |
آنا بحكم عمري 30 حاليا لو تقدم لي شخص أكبر مني بعشر لو إحدى عشر سنة راح أوافق بس لأني فاهمة للحياة
لكن لو تقدم لي شخص وكنت بـ 16 سنة وأكبر مني بكثير لأن أوافق لأني راح أكون صغيرة وغير قادرة على المسئولية.. هذا رأيي الشخصي طبعا... وأتمنى بأن الأعضاء يفيدونك وكل من له رأيه الشخصي.. وعسى الله يوفقك وماتدري بالنصيب.. |
شكرا اخي الكريم ساري عل التفاعل
المشكله الوالده منتظره الرد مني انا يعني لو اكلمها هالحين تروح تدق عليها هالحين .....ما عندها وقت بس انت ما قلت لي ايش رايك في فارق السن . شكرا لك مره اخرى الاخت مريام شكرا على ابداء الراي الله ييسر لك الزوج الصالح |
16 وأنت 27
مو صغيييييييييييييره عليك على العموم أنتا أدرى وبالنسبه أنها خالتك يعني مافي أحراج ولا شيء يعني أذا لك نصيب فيها بتاخذها وأذا لا ربي يرزقك أحسن منها والله يوفقك |
saga_456 الفرق بينكم حوالي 11 سنة و نصف . ..همممممم ، أخوي إذا سمعت من كلام الأهل إن البنية عاقل فعلاً فتوكل على بركة الله . و لكن إذا لازالت صغيرة فأنصحك ما ترتبط .. السن مب كبير جداً لكن أجوفه نوعاً ما فيه فرق . الشي الحلو اللي في الموضوع إن مع تقدم عمر الرجل ، يظل المرأة صغيرة و جميلة في عينه !:) لذا : استخير ، و أسأل عدل بعدين اتخذ خطوة عساس الحساسيات بين الأهل . ع فكرة : أحياناً عاطفة الامهات يكون فيها مبالغة " أحياناً " ، فالوالدة عندي بعد تقول هالكلام لأخوي مع إن أهل أبوي ما يقولون كلام حقيقة ، ولكنها تبني على أساس أي موقف أو تصرف . من باب ( اللي نعرفو أحسن من اللي ما نعرفهوش ) :d فــ : فكر ، اسأل ، و استخير .:22: وبالتوفيق يا رب :14: تحياتي لك ، إختك : خلك إيجـــــــــابي ! |
فيه بنات كثير تتمنى اللي اكبر منها بخمس وعشر سنوات ... لكن ... اذا ماتاثرت بكلام الفلسفه اللي قاعدين نسمعه هالايام فانت بخير . مثل قول الاكثريه .. ( ابيه اكبر مني بسنه الى خمس سنوات .. علشان التقارب الفكري ! ) مادري من وين اطلعوا بالشغلات هذه ... انت تعرفها من طبيعتها ... يعني خل امك تتصل وتجس النبض بس .. ماهو خطبه انتبه . وشف ردهم الله يتم لكم على خير |
أم 16 ياسلام أعقلها وتوكل على الله الفارق بينكما قليل جدااا أستخر الله وأعقد النية وتزوجها
|
صحيح من ناحية أنها تجهل الكثير
وليس السن والفرق * * * إن كان لديك سعة صدر لتعليمها فإعقد وأطل صبرك وأرسل والدتك لتستشعر الوضع * * * دمت بخير |
ما انصحك بعدها صغيره
يا تصبر عليها كم سنه او دور على غيرها فرق كبير بالتفكير بينكم يرجى تحرير الصورة الشخصية لأنها مخالفة وهذا ثاني تنبيه لك اختي الكريمة_ حائزة الأمل |
مادري اخوي احس سنــها صغير.. احسن لك وحده من 19 سنه وفوووق واايد اوووكي.. اما اذا فيك صبرررررررر لان اكييد بتمر عليك حركــات طفـووووليه منها وقادر تتقبــلها فتوكل على الله.. بالتوفــــــــــيق.. اختك بنت عبدالله |
اذا البنية عاجبتك فتوكل على الله
|
اخي في الله لن اقول لك تزوجها ولاتتزوجها!! وانت قرر تزوجها: ان كان مستوى تفكيرها مرتفع عن بنات سنها,تزوجها ان كانت ذو خلق ودين مميز, تزوجها ان كانت لديك الطاقة ان تبني شخصيتها بيدك خطوة خطوة لاتتزوجها: ان كان مستوى تفكيرها طفولي جدا,لاتتزوجها اذا لم تكن تملك الطاقة لبنائها كشخصية والصبر عليها, لاتتزوجها اذا احسست انها لاتوافق فكري بينكم فمن يقول لك ان السن لايؤثر في التطابق الفكري هو مخطأ فمن واقع تجارب حياة حولي اكدت لي هذه المعلومة لربما لايكون الاختلاف 100% ولكن سيكون بنسبة 50% لذا الاقرب سنا افضل.. انت قرر تتزوجها ام لاتتزوجها.. ضع جدولا فيه ايجابيات زواجك منها وسلبياته فإن غلبت الايجابيات استخر وتوكل على الله وان غلبت السلبيات ايضا استخر والله يسعدك أختك حائزة الأمل |
فرق السن مو واجد بالعكس حلوو ومناسب
لكن لو كانت البنت اكبر من 16 افضل خل امك تجس النبض عندهم اول الله يختار لك اللي فيه الخير يارب |
والله في بنات عمرهم 16 وما شاء الله عليهم عقولهم اكبر من سنهم تقول انهم 25..وعل حسب البنت ترى..
ما دام يمدحونها ..اخطبها ..ليين ما تخلص ثانويه على الاقل ..وبعد ما تخلص توكل على الله وتزوجهاا..والله يكتب اللي فيه الخير واهــم من كل هذا الاستخااره ضروريه.. |
حسب تفكيرها ..
بس الأفضل لك .. في 20 الفارق مناسب .. المهم تكون من النوع الصبوووور الهااادئ .. ابن عمتي .. كان في 24 وتزوج فتاةو في 17 : 18 وتعب في الأول كثييييراً لسذاجتها لكن بعدين تطبعت بطباااعه ،، الله يوفقك ،، |
إذا كانت فيها كل المواصفات إللي تبغاها: دين, جمال, عائلة محترمة ..... إلخ ===> فتوكل على الله
بشرط أن تكون البنت عندها الحد الأدنى من النضوج... يعني... ما تبغى تاخذ وحدة طفلة |
انا بقول رأيي 16 سنه صغيررررررررره مره على تحمل مسئوليه صغيره على انها تمسك بيت
صغيره على تربيه اطفال يعني هي اصلا تحتاج لتربيه حرام تظلم نفسك وتظلمها يعني 16 سنه ايش تقدر تسوي كل اهتماماتها على قد سنها وبعدين 16 لسه مراهقه اتمنى انك ماتتسرع وتقلب الموضوع بمخك واذا على جمالها الجمال مو كل شي الجمال مراح يشتري راحه بالك والا حتى بيعيشك بسعاده وتفاهم يعني بليز لاتتسرع واتمنى تختار وحده اكبر من 16 سنه وفاهمه ومثقفه يعني ترتاح وهي تربي عيالك بالمستقبل وترتاح وانت تشوف اسرتك عايشه بتوازن ولاتصدق اي احد يقولك 16 سنه يمكن تكون عاقله مستحيل بزمنا هذا 16 سنه وعاقله وفاهمه هذا بزمن امي وامك بس بزمنا هذا لا وان شاء الله ربي يوفقك |
اخي ماتحس انها مرررررررررررره صغيره عليك .. يعني انت باقيلك 3 سنين وتخش بالــ30 بصراحه مره صغيره ..
هي تعتبر بالطفوله المتأخره .. وانت بمرحله الشباب والنضح .. وباقيلك 3 سنوات وتدخل مرحله الرزه والعقل .. وهي لسا ماخلصت المراهقه .. وترا بنات اليوم مو مثل بنات زمان اللي تحس لودحه فيهم من تدخل بالــ 14 وهي ماشالله صارت حرمه .. اما الآن بصراحه لسا فيهم الطفوله .. من رأي تخطب بنت من الــ 22 وماشي .. وتخلي بنت الــ16 للي اصغر منك .. الله يكتب لك مافيه الخير.. |
يـــا ابن الحلال اعقلها وتوكل...
السن ليس شرطا لكمال عقلها.... قد تكون من اعقل النساء وافضلهن..... انصحك بصلاة الاستخارة واذا اطمانيت خذ الوالد الله يطول عمره ولا تنسى البشت وفي رواية البُرده المهم لاتخليها تروح عليك.... |
مره ثانيـه اقولك لا تستعجــل.. استخــير مره مرتين وعشر.. 16 سنه صغييييييره عالزواج... |
بنت 16 ولاأحلىىىىىىىىى
توكل على الله ولاتنسى الاستخاره البنت الصغيرة لها مميزاتها الراااااااااااااااااااااااااائعه جدا جدا جدا بس يبغالك تصبر عليها كم سنه حتى تنضج واذا نضجت صدقني بتذوووق احلى ثمرة وأروع طعم وتشم أزكى رائحه بعد التعب بشرط ان تحسن الزراعه والسقي !!! اجعل من كفيك ترابا لغرسها واسقها حبك ! |
شكرا لكل من تفاعل معي .....جزاكم الله خير
املي في الحياة شكرا على تفاعللك ...الله ييسر..قولي امين خللك ايجابي البنت عاقله فعلا كما تقول لي اختي بالنسه للاستخارة انا استخرت ولكن لم احس بعدها باي شي . ممكن تكون صلاتي ناقصة ياليت تقول لنا صفة صلاة الاستخارة بالتفصيل وشكرا للك اخوي الاخ ساري اشكرك مرة اخرى ... بس لا تنسونا من الدعاء محب الغزلان شكرا على مرورك اخي t3b2006مشكور على التفاعل وجوزيت خيرا عروس بالاسم شكرا لك اختي ارجو الدعاء لي بالتوفيق الاخت بنت عبدالله ان شاء الله لو حصل نصيب اتحملها باذن الله هي برضوا بنت خالتي..فانا صبور جدا جدا ولله الحمد شكرا للك حائزة الامل الف شكر لك اختي كلامك سليم الله يوفقك...امين REMANY شكرا على المرور نور اختي انا عازم اتزوج الصيف الجاي ان شاء الله ..خلاص ما عاد فيني من صبر ل30 والاهل والاصحاب والاقارب وكل الناس اللي حولي من سنتين وهم يقولوا متى بتتزوج يالله خلينا نفرح فيك . انت موظف ومقتدر ليه ما تتزوج احرجوني والله . وبعدين انا صراحه خلاص طفشت من العزوبيه ...ابي اتزوج باقرب وقت حتى لوا صغيره ابدلعها واعيشها اميره ان شاء الله شكرا للك حسابات الزمن شكرا لك اختي على ابداء رايك free_xox اختي كل المواصفات فيها ..ما شاء الله عليها....عيني عليها بارده الله ييسر بس شكرا على المرور مملكه شكرا لك اختي انت رايك مثل راي خالتي ..محتار عالعموم شكرا لرايك العام المشكله كل اللي بقول لي عليهم الوالده صغار في السن فقلت بنت خالتي اولى الله ييسر ....امين شهيد الكلمه جزاك الله الف خير .....اخيرا جاء اللي يشجعنا الله يسعدك..قول امين شكرا للك ..وااله بعد ما قرات ردك بدا يزول الهم ..الف شكر al7olm6 كلام جدا رائع اخي الله يجزاك الف خير هذا الكلام اللي يشجع ويشرح الصدر بوركت من فتى |
::: أنا أويد الزواج بسن متقارب لان الافكار كتقاربه والاحلام متقااربه.. انا الحمدلله تزوج بزوج مقارب لسن والحمدلله متوفقه فى حياتي :: أختى تزوجت ولد عمتي ووكان فرق بالعمر 13 سنه وتطلقت والان تزوجت من زوج بنفس عمرها والحمدلله متوفقه في حياتهاا..أدري كل شي قسمه ونصيب ولكن اتكلم من وجهه نظري ... وربي يوفقك ..
|
| الساعة الآن 06:02 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©