|
احيانا احس اني اسعد الناس واحيانا اتعسهم !!!!
يجيكم هالاحساس ولا بس انا:(
اذا تذكرت نعم ربي علي التي لاتعد ولا تحصى احس اني اسعد انسان بالعالم واكون مبسوط وقتها:d لاكن اذا تذكرت موضوع الزواج والمعاناه احس اني اتعسهم واكشر ويصير مالي خلق :19: :19: :19: :19: |
يا اخي يتوجب علينا ان نحمد الله على كل حال
بالنهايه هذي ارزاق من الله سبحانه يكفيك رؤيه كفيف او معاق ومع ذلك تجده يملك من الطموح والقناعه والرضى بما قسمه الله له الشئ الكثير ولا اخفيك علما تراودني هذه الافكار بين فتره واخرى اختك بالله جينز |
ماذا ينقصك ؟؟؟ انت رجل ؟؟؟
ابحث عن الزوجة الجميلة حرك نفسك اجعل تربو قريباتك يستكشفن الاعراس للبحث لك عن زوجة واذا لم تجد كلها خطاب لوزارة الداخلية للحصول على الموافقةو للزواج من الخارج وباستطاعتك الزواج من عربية جمالها يغطي الشمس . ستنسيك وحدتك وتجدد نفسيتك هيا اخي لا تيأس وابحث من الآن سواء هنا في الداخل او في الدول العربية . |
يا قزم لاتيأس من روح الله
اكثر من الدعاء ولما تحصل البنت الطيبه توكل على الله واخوي Aft الله يهيدك، نصيحه اللي بيتزوج على اساس الشكل راح يندم الجمال جمال الروح |
أخي العصبي .. والله أستغرب لما الشباب يقولوا مكتئبين ؟؟ طيب نحنا إيش نقول ؟؟! الحمد لله على كل حااال ،، وما تنسى تعمل بنصيحة AFT الجزء الأول بس http://www.66n.com/forums/images/icons/rolleyes.gif |
يجيني من هالاحساسين ..مليون مرة وزود باليوم الواحد ..
|
اخوي قزم مثل ماقالوا لك الاخوان والاخوات ابحث لك عن زوجه والبنات اللى يدوروا الستر كثار وبالاضافه للاهل استعين باصدقائك ممكن يساعدوك في البحث عن الزوجه الصالحه 0 وانشاالله ربي يوفقك بالزوجه الصالحه الي تهنيك وتسعدك وتلاقي معها الراحه واللي جمالها يغطي الشمس (وانا باكتب الرد اذن الغجر وانشالله ربي يستجيب دعواتي)
|
اقتباس:
والله صادقه وش نقول احنا الحمد لله على كل حال |
اقتباس:
مااعتقد اخي ان الجمال هو اللي بيحل مشكلة الاخ عصبي .. اذا كان جمال فقط اللي على قولك بيغطي الشمس بدون جمال روح الا بالعكس بتزيد مشكلته وتزداد نفسيته السيئه اكثر ... وناهيك عن مساؤى الزواج بالاجنبيه .. ............................................. هذا ردي على الاخ عصبي.. ترا حتى المعاناة بالزواج وراها خيره انت ماتعلمها بس رب العاملين يعلمها .. الله يسهل امرك .. ويرزقك الزوجه الصالحه .. الا على فكره ايش صار بموضوع خطوبتك الاخيره؟؟ .. وليش كاتب هذا الموضوع؟؟ احس اني تهت :23: |
الزواج مثله مثل أي شيء في الحياة يعتمد على الرزق والنصيب ....
لو رضينا بما قسمه الله لنا لن يأتينا هذا الاحساس .... ولو نقص لديك رزق في شيء .... تأكد بأنك سوف تحصل عليه في شيء آخر ..... رزقك الله :) |
اقتباس:
ياخي إذا شفت مثل هالردود من جد أنقهر ياخي وش شايفنا مصنوعين من حديد ولا جدران ما يأثر فينا شيء ترى لنا أحساس مثل ما لكم ولنا قلب مثل ما لكم ولنا عاطفه ولنا ولنا أحس أننا صرنا كائنات غريبه في هالبلد كلا ينحاش منا وكلا يخاف منا والحين جايه الاخت تقول غريبه تكتأبون (قولي قسم) ما أقول الا الله يخلف |
إحساس طبيعي كلنا بنحس بيه لكن كما أمرنا رسولنا الكريم إن أصابتنا السراء شكرنا و إن أصابتنا الضراء صبرنا ليكون أمرنا كله خير إن شاء الله
|
أخوي (ماجد)
أسعد الله أيامك وجمعك مع عروسك بالخير اخوي ماجد خذ الأمور ببساطه ورحابة صدر كلنا نمر بهذي الحاله في كل الأمور بس لازم نتغلب عليها باللجوء الى الله انا اقولك شي لاحظته بنفسي لما اكون مبسوطه ورايقه اجلس ادعي ربي وانا فرحانه وراضيه ابغا اخشع ابغا ابكي عند باب رحمة ربي مافي فايده بس اذا كنت متضايقه او نفسي بشيا وابغا استقر واجلس افكر بأبوسعود تلاقيني جري افرش سجادتي واصلي ركعتين واجلس افضفض عندي ربي وابكي وابكي وبعدها ارتاح على فكره ربي يحب العبد اللي يجي عند بابه ويلجأ له وربي يحب يسمع اصواتنا اخوي ماجد ان ماخاب ضني ربي يحب يسمع صوتك فمره يخلي نفسيتك فوق يشوفك تجي ولا لأ ومره يخلي نفسيتك تحت يشوفك تجي ولالأ الله يحب يسمع صوتك في جميع الأوقات والمناسبات في الأفراح والأحزان الله يسعد أيامك ويفرج همك وينولك مرادك وييسر أمر زواجك ويألف بين قلوبكم اختك في الله |
أخوي محمد (كوجاك)
الله يصلحك ايش فيك عصبت على البنت هدي معاي انا اقولك ليش البنات ينظروا ان الرجال ليش يكتأبون البعض بنظرهم ان الرجل يقدر يطلع ويخرج وقت مايبغا ويسافر و و وعلى كيف كيفه والبنت تكون اما تحت امرة اهلها او زوجها ماعندها ذيك الحريه يعني انتوا لما تتضايقوا تقدروا تخرجوا من البيت احنا البنات ننحبس بالغرفه يادوب كمان ............. وخلي بالك البنت دائما تنظر للرجل انه سندها وانها تتحامى فيها في المصائب ووو ووتعب اذا لقته تعبان او مكتئب فهمت قصدي اخوي محمد اتكلم عن نفسي رغم عندي الحريه في كل شي في البيت يعني اقدراسافر واقدر واقدر يعني ماأفرق عنكم بشي ياشباب لنا الحريه في البيت على كيف كيفنا بس اذا اخوي تعب او كان متاضيق وماحنا عارفين ايش فيه او مهموم تلاقيني انهار واخاف لأنه سندي مهما كانت حريتي احتاج الي رجل وخلينا نتذكر دعاء الرسول صلى الله وعليه وسلم( اللهم اني أعوذ بك من قهر الرجال) اطمئن اخوي (محمد ) ولاتزعل احنا النساء نحط عليكم حمل كبير وهو اننا نعتمد عليكم ومانبغاكم تنهزموا ربي يسعدك اخوي محمد وينور بصيرتك ويرزقك الزوجه الصالحه اللي تسعدك وتصونك وتقدرك اختك في الله |
أخوي قزم بس عصبي .. أحب أقل لك أن الكل يحسو كذا زيك وأنت طبيعي , ما فيه واحد يظل طول عمره فرحان وسعيد لازم تمر علينا مواقف صعبة وأحزان والا ماحسينا بطعم الفرح والسعادة .. وأوقات الحظ أو الرزق يكون هو السبب في أحزاننا .. الله يوفقك ويزرقك ببنت الحلال اللي تسعدك وتجيب لك أولاد ينسوك كل أحزانك بأذن الله ... |
حتى انا نفس الشي
احيانا بحس بفرح و سعاده لما شوف نعم ربي علي.. الله يحفظها من الزوال و لما بشوف اطفال مع امهاتهم و لا عروس مع زوجها بتضايق شوي بس برجع بفكر لسه ما راح الوقت .. عمري 23 ..و في كثير من صديقاتي متزوجات و صار عندهم اطفال الله كريم |
اخوي قزم اذا انت صادق بالزواج حق الصدق وماعندك احد يدور لك راح اعطيك ارقام 4 خطاب بالرياض مطاوعه وكلهم ان شاء الله ثقه ... المراسله عن طريق الاداره اذا بغيت |
روق ياقزوم بس عصبي
بكره تقول قلنا إستعن بالله وإترك وساوس الشيطان |
اقتباس:
قسم :24: عارفين يا أخي كوجاك إنكم بشر لكن .. بيدكم الإقدام .. يعني لو نحنا البنات اللي نبدأ الخطبة كنا تزوجنا من زمااان !! الله يخلف ع الجميع ،، روح الغالي .. الله يسمعنا خبر عن أبو سعود عن قريب آآآمين |
اقتباس:
اللي يمتص غضب الواحد الله يعطيك العافية يالغالية والله يجزاك الف خير على هالدعوة الحلوه والله يجعل هالسنة ما تعدي الا وأحنا سامعين خبر قدوم أبو سعود يارب تحياتي لك يالغالية أخوك محمد |
اقتباس:
أنا يوم العيد قاعد مع واحد يحلف ويقسم أن خوية خاطب 30 مرة وكلهم ردوه وعلى فكرة الولد هذا ضابط(إذا ما خانتني الذاكرة) ومطوع وهذا هو سبب رده انه مطوع هذا ما يجيه إكتئاب الا يجيه بلاوي الدنيا كلها يعني الموضوع توفيق لا أقل ولا أكثر تحياتي لك |
تحية مودة واحترام
نحمد الله على كل حال و في جميع الأوقات و نسأله دوام التوفيق ... وافر مودتي ... |
بصراحه مادري ارد على قزم والا على كوجاااااااك
اخوي قزم هذا الاحساس يراود أي انساان مره ينتشي فرحااااا لامر سره واذا تذكر امر تعسر عليه تعكر مزااجه خاصة أمر الزواج لمن طلبه وبحث وبحث وتعب او لمن أحس أو أحست ان قطار الزواج فاتها أو قد يفوتها في هذه الحاله مالناا ملتجأ الا رب العالمين يعلم السر واخفى نرفع أكف الضراعة عليه نسترجع نحوقل ونستغفر وندعوو بقلب خاشع فالله سبحااانه يحب أن يدعااااا فاكثر من الدعاااء والاستغفارر زوجك الله بالمرأة الصالحه التي تسعدك وتأنس معها عاجلااا غير آجل ......................... أما أنت أخي كوجااااك على رسلك أحس مو لايق عليك التعصيب اعذرني جلست أضحك خاصه يوم قلت ( قولي قسسم ) من يقل انكم لاتملكون احاسيس أو مشااعر فانه حتماا جانب الصواب ولكن الذي نعرفه أن الرجل لايبدي ذلك الا ماندر فهو داائم يرى مرفوع الرأس شامخاا واذا انتابه شيء من الحزن فهو يحاول بنفسه الخروج منه دون مساعدة غيره او يحتاج الى فضفضه مثلنا نحن النساااء وبالنسبة لأمر الزواج فهو الطالب بعكس الفتاة هي المطلووبه لذا لايضيره إن تأخر في زواجه بعكس الفتااة وبالنسبة لرد الخاطب فاجزم واقسم ان هذا الرجل الذي ذكرت لم يطرق باب زوجته ونصيبه الذي كتبه الله له فالله اختار له زوجه وعليه بالبحث عنها وهذا نوع من الابتلااء ومن قال لك ان الناااس يردون المطوع عشااانه مطووع انا اقول لك بالفم المليان انا ومن اعرف من صديقااتي واقاربي لانريد الا المطوع او انسان يريد ذلك التوجه بالعكس الانسان المستقيم مطلب مهم جداا لان البنت تأمن معه فهو يخاف الله فيهاا اسئل الله ان يزوجه عاجلا غير ااجل بالزوجة الصالحه واسئل الله ان يزوجك بالزوجة الصالحه اللتي تسرك اذا نظرت وتطيعك إذا أمرت وبصراحه تعجبني أفكاارك جداا ثبتك الله على الحق وزادك ايمانا وعملا |
اقتباس:
أنا أدري أني تدخلت في موضوع أخوي قزم وأنا أعتذر لأخوي قزم ولا تلوميني أختي غلا والله بعض الردود ترفع الضغط ومشكورة على دعواتك الطيبه التي أسأل الله أن يتقبلها وأن يرزقك بالزوج الصالح اللي يسعدك ويحفظك ويصونك ومايشوف غيرك بنت في هالكون(هذا إذا لسى ما تزوجتي) ومشكورة أختي على كلامك الطيب أخوك محمد |
| الساعة الآن 12:02 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©