|
ليش الدنيا ما عادت مثل أول ؟
والله صدق انه الدنيا تحولت وما عادت مثل اول
والله انه بعض الرجاجيل ما عادوا رجاجيل !! حبيت أنقل لكم تجربة أختي من اسبوع تقدم لها واحد عايله وحسب ونسب ووظيفه محترمه بس مو جامعي!! المهم سألنا عنه ...اقاربه..اصدقاءه.. خاله...حتى الوالد التقى فيه شخصيا !! الكل مدح فيه ملتزم ....وخلوق ..!! لكن شباب العايله كانوا معترضين !! حد يقول مو جامعي...وحد يقول يروح قهاوي ويدخن...وشككونا الين ما الوالد قرر انه يلتقي به شخصيا! وكلم الولد..وبين للوالد انه ما يدخن ولا يروح قهاوي...وملتزم وكلمنا البنت واستخارت ووافقنا موافقه مبدئية جاءت الصاعقه من ساعة عمي اتصل وقال انه بنفسه شايفه على القهوه يشيش و تواصل مع احد اصدقاءه واكد له هالشي يالله بهالسهوله الواحد يجذب؟! والله يا اخوان ويا اخوات انه اختي كاسره خاطره مبينه انها حديد وداخلها منصدمه !! خاصه انها مارة بتجربه مشابهه نصيحه اوجها للبنات : يا بنات لا تبدون موافقتكم بسرعه الا بعد ما تتأكدون 100% ونصيحه للشباب...ان كان فيك عيب كن صريح...وقول...ولا تخدع الناس اللي بيأمنونك على أغلى ما يملكون والجميع ...ارجوكم ادعوا لاختي انه الله يرضيها ويرزقها خيرا منه |
لا حول ولا قوة الا بالله..
ياما يخشوون بلاااوي مب بس شيشه وسيجاره.. بس زين انكم عرفتوه قبل لا ياخذ اختج.. تدرين الغاليه ترى الشباب يعرفون بعض حتى لو من بعيد لين بعيد.. عالعموم الله يعوضــها ان شااء الله بواحـد يستاهلــها ولا تتضايق .. |
ان شاء الله
بس والله غامضتنيه !! يعني كنا مستانسين و نشاغبها وهي ................ خلاص ما اقدر اكمل... شكلي بدمع ومو حلوه تمر وتشوفني جيه !! الله يعوضها خير |
اقتباس:
يمكن وشايه بس لان شباب العايله معترضين من اول .. بس والله اشوف فيه مواصفات طيبه ... ( والشيشه لو كانت صحيح ماترد ) والحين بشهادتكم انه كل المواصفات فيه ! |
اخوي الفاضل
خل الشيشه والقهاوي على جنب والكذب على جنب يعني يجذب على ابوي عيني عينك؟! انا اصلا كنت مستغربه من شباب العايله ومحاولاتهم انه ابوي ما يوافق بس الظاهر انهم اعرف ببعضهم البعض |
والله ياختي
ماأدري ايش اقول الدنيا ماتغيرت احنا اللي تغيرنا اذكر اختي مع اهل زوجها مره اتصلوا عليها اهل عروس اخوا زوجها وسألو عن الولد عن طريق اختي واختي جاوبتهم بكل صراحه وقالت لهم انا بأجاوبكم لأني بيوم من الأيام بأسأل عن ازواج اخواتي وازواج بناتي وانا بأصراحكم واللي فيه الخيره الله يقدمه المهم بعد فتره ام زوجها زعلت منها قالت لها ليش قلتي ان ولدي يدخن قالت اختي والله الحرمه سألتني وانا صارحتها بالحقيقه لأني ياعمه عندي بنات ومثل ماأخاف على بناتي اخاف على بنات الناس والله يعوض على اختك ولاتستعجلوا اسألو كمان واستفسروا وربي يجبر كسرها ويريح بالها ويرزقها الزوج الصالح ويرزق جميع بنات المسلمين |
بالنسبه للخطيب هذا ... ( هو يقرب لكم ) .. وعمك الله يحفظه .. ( عنده عيال كبار مو متزوجين ) .. |
اقتباس:
مشكوره يا عمري يا بنت الغالي بس والله حاسه البنت تلومنا لانا نحن سوينا فيها هالحركه مرتين نخبرها انه زين وما في احسن منه ونبدا نتكلم عن الخطبه والملكه وفجأة يوصلنا خبر بانه ما ينفع أحس البنت فقدت ثقتها فينا !! |
اقتباس:
لا والله يا اخوي ما يقرب لنا وعمامي شباب مو متزوجين وصدقني يموتون فيني انا وخواتي ...نحن صديقاتهم وخواتهم اكثر من انا بنات اخوهم علشان جيه هم مستميتين بانه ما تتم هالخطبه! والله مو هامني الولد اا جذب ولا لا بس هامتني خويتي ...نور عيني...اللي مو قادره احط عيني في عينها !! ادعوا لها الله يخليكم |
الحين اللي يروح شيشة صار ما يستاهل تزوجوه ؟ وفرضا قال للوالد إنه مايروح ؟ يمكن يقصد إنه مايروح بشكل مستمر ، يمكن يروح بشكل متقطع .. ويمكن ذاك اليوم أجبر أنه يروح .. أو أنه في أحد مفتري عليه ؟؟؟
ما أقول إلا شيئين : 1- يا زين الزواج العائلي ، لا عقد نفسية ولا قيل ولا قال .. 2- وتقولون ليش البنات تعنس !!!! الله المستعان .. |
يوه
يعني اللي يشيش عادي!!! مو كأنه مخالف الله ورسوله لا يا اخوي بنات العرب ما ياخذون الا صاحب الدين صدق انه نحن اللي تغيرنا وموازينا اللي تغيرت صار اللي يتقدملها مشيش وترفض ...تستاهل تكون عانس نحن يوم انا رفضنا ...رفضنا لله...لأانه مخالف اوامره في حرمة التدخين ويمكن انتوا ما عندكم خبر عن بعض قهاوينا الشعبيه هني في الامارات...والشاشات الكبيره اللي تعرض فيها المسلسلات المكسيكيه لا والله ما ارضى لا لي ولا لاختي انها ترتبط براعي شيش وقهاوي ولا شو رايكم يا اخوان !!!!!!!!! |
يدخن والله أهون من أشيااااء كثيييرة .. واحد خطبني ولما شافوه قالولي هذا " فلتة " وأخلاق .. وشخصية ووو لا تضيعيه أبداً .. ولما تحروا عنه تماااام .. تخيلي ؟ طلع بيشرب كمااااان هذا اللي ناااقص والله !!! فعلاً بعض الناس بيرضوا على غيرهم بس !! |
الله يخلف علي باللي أتمناه آمين
مرت علي قصة زواجي السابق(كل المعلومات اللي جتني خطأإلا واحدة) ماأوجه التهمة لأحد لكن الله يعوضني بخير زواج وإنجاب وطلاق (ماأقولها اعتراض , الحمد لله راضية بقضاء ربي لكن عشان أختك تعرف النعمة اللي هي فيها يتفركش الحين وتبان الحقيقة أحسن من بعدين (إن فات الفوت ماينفع الصوت) قولي لاختك تسجد شكر لله أن بانت الأمور من قبل مايتم شي , هذي نعمة من الله عز وجل . الله يعوضها بالزوج الصالح الذي تقر عينها فيه وصلى الله وسلم على نبينا محمد وعلى آله وصحبه أجمعين |
اقتباس:
يشرب !!! اعوذ بالله تعرفين يا حسابات لالزمن نحن الحمدلله عايلتنا من اكبر واحد لاصغر واحد عمامي وخوالي وعيالهم ولا واحد منهم يدخن ولا يشيش ولا يقعد في القهاوي عيب اصلا عندنا منقود عند العرب ! |
اقتباس:
يا قلبي يا انسان صدقيني راح انقل لها كلامج ولا تحاتين يالغاليه حقج عند الله ما يضيع الله يعوضج في عيالج وتفرحين فيهم يا رب |
الأخت عذوب.....السلام عليكم ورحمة الله وبركاته
أتوقع أن هناك شيئ كبير من الاجحاف في رفض هذا الشاب بسبب أنه مدخن......التدخين للأسف أصبح افة من افة هذا العصر وقل من سلم منه....ولكن في نفس الوقت يجب أن لا يأخذ مقياسا لأخلاق الرجل واعتدال مزاجه وحدة طباعه...بل لا أكون مبالغا اذا قلت أنه ليس مقياسا لتدين الرجل.....لا أريد أن أدخل في جدال فقهي هنا...ولكن كل ما أريد أن أنوه اليه أن هناك الكثير من الرجال المدخنين والحليقين من يساوي وزنه ذهبا وأن هناك الكثير من ذوي اللحى من لا تأمن على أختك وبنتك معه.. وأسألي من يعمل في المحاكم ليخبرك...عن الماسي التي نراها ونسمعها لزوجات من رجال يظهر عليهم كل سمات الصلاح والتدين ..ليس استهزاء بالدين أو بسنة النبي صلى الله عليه وسلم....ولكن هذه الحقيقة التي يجب أن نعرفها فالطبيعة الانسانية لا يغيرها لحية أو تقصير الثوب وانما تهذبها الرجولة بمعناها الصحيح ...رجولة الحب والحنان والعطف ...رجولة الحكمة واتخاذ المواقف...رجولة رفقا بالقوارير...وليست رجولة (خذ وحده وبعد كم سنة طق الثانية ..وليست رجولة الشرع محلل أريعه... أو رجولة طنشها واكويها .. الخ) ولا أتوقع أن هذه الرجولة التي تبحث عنها كل فتاة ويطمح لها كل ولي أمر .....تزيلها سيجارة!!!!! |
أخي الفاضل
ان كنت في عايله كل نسايبها ملتزمين نوعا ما والله لا لحى ولا ثوب قصير مجرد التزام عادي والله يا اخوي انه عندنا اكثر من 10 نسايب وكلهم بلا استثناء ما يدخنون ولا يقعدون على قهاوي شعبيه الله يخليهم لنا رافعين راسنا والكل يمدح فيهم طبعل مستحيل نرضى لاختنا اقل من هذا المستوى صدقني يا اخوي الشاب اللي تقدم كان غير جامعي...مع انه عندنا في العايله من لديه دكتوراه مو واحد ولا اثنين وقلنا يالله ما يعييب الريال انه ما كمل دراسه ووظيفته عاديه جدا ...ومعاشه قليل...وقلنا مو مشكله حرام نرد الرجال عشا معاشه وكنا قابلين فيه لاخلاقه ودينه لكن لما وصلتنا اخبار انه عنده سوالف..... لا وينكر...ويجذب عيني عينك !!! هذي والله ما نقبلها تظل البنت عندنا مكرمه ومحشومه ولا تقعد عند ريال بادي حياته بالخداع! |
الأخت عذوب......
ونعم بيكي وبنسايبك.......ولكن ...أنا أتحدث عن تحييز الأخلاق بالكامل في التدخين من عدمه...صدقيني يوجد الكثير من الشباب تم رفضهم من أجل التدخين.....صدقني أنه يجب علينا توعية المجتمع وتثقيفه بأن التدخين عادة سيئة ومضرة بالصحة لا أكثر ولا أقل.....أما الرفض لأسباب أخرى فهذا شيئ نسبي وعقلي وللمخطوبة الرأي الأول والأخير.....فمن أبسط حقوقها أن تقرر أن ترتبط بشخص غني مثلا....أو وسيم ....أو مشهور أو أو أو .....أو حتى غير مدخن طالما أنها هي أرادت ذلك...وأعود وأكرر هي أرادت ذلك...ولكن يجب أن لا يتدخل المجتمع في رغبة الفتاة نفسها أما البعد الديني فكم سمعنا عن من....... صلى وصام لأمر كان يطلبه فلم أتاه لا صلى ولا صام |
اقتباس:
كفيت ووفيت وشكرا * أنا مأقول أن المدخنين طباعهم حميدة ولكنهم ليسوا سيئين ... ماااااذا أقول ولكن شكرا لك أخي العزيز على هذا الرد الجميل والذي لابد للبنات أن يقرؤه بتمعن |
أختي .. بورك فيك بصراحة لم أصل إلى نتيجة هل حقاً الرجل كذلك أم أنها وشاية وهذا غير مستبعد فتأكدوا بطريقة غير مباشرة عن طريق معارف الرجل أما الشيء وهو الأهم ردك الرائع جداً جداً جداً وروعته تكمن في الكلمات التي بين السطور التي حقاً لو وزنت بماء الذهب لوزنته اقتباس:
اقتباس:
اقتباس:
اقتباس:
والله ثم والله تستاهل أن تكون تاجاً على الرؤوس وعزاً لهذا الدين وفخراً فهي إن فاتها قطار الزواج فقد لحقت بقطار من ترك لله شيء عوضه خيراً منه وقد لحقت بقطار الأخيار أسأل الله أن يجعلك منهم اقتباس:
أخوك إنسان غير |
اقتباس:
احترم وجهة نظرك ولكن اقدس كلام رسولي حين قال : ((من جاءكم من ترضون دينه و خلقه...)) وكلاهما مكمل للاخر فان اتى صاحب الخلق بدون دين ....او العكس... فلا اعتقد شخصيا انه ينفع للزواج ومثل ما قلت لك اخوي...ترى الموضوع مو بس تدخين الولد طلع يعاكس ويجذب بعد ! |
اقتباس:
مثل ما قلت من قبل هاي حرية شخصيه ترجع لكل بنت لكل شخصيا مستحيل ارضى بواحد مدخن اولا لالتزام ديني داخلي بالنسبة لي انه مخالف لدينه وثانيا ...لمستوى العايله التي ترفض ذلك اصلا والدنيا ما خلت في من الشباب الخلوق والملتزم الكثير ولله الحمد |
اقتباس:
الله يحيي اصلك يا اخوي يا انسان غير والله كلامك حسسني انه الدنيا ما زالت نوعا ما بخير :) لا يا اخوي طلع الموضوع صدق مو وشايه عمامي اللي هم مثل اخواني والله تأكدوا من الموضوع 100% وطلع الولد ...راعي قهاوي وشيش لا ويعاكس بعد !! وفوق هذا كله يكذب الحمدلله اللي ابعده عن اختي والله انه كلام اختي العضوة انسان يرن باذني الحمدلله انها على البر وجزاك الله خير على دعواتك |
تعرف ليش الدنيا ما صارت زي أول
بسيط جداَ لانها أصبحت مقلوبه الناس اللي تفهم أختفت من الدنيا وذهبت الى غير رجعه يعطيك العافية على الموضوع |
صدق انها اصبحت مقلوبه ياخوي
بس الخير باقي في امتنا باذن الله |
أول شي احب اهني أختك واغبطها
لأن وراها رجال يهتمون لمستقبلها ويخافون عليها . بعدين الحين شباب اليوم يحبون يلمعون بأنفسهم من خلال الكذب حتى يغطوا على عيوبهم من دخان وشيشه وسفرات مشبوهه الله يستر على بنات المسلمين ويهدينا ويصلحنا لهم . |
اقتباس:
تسلم يا اخوي هي والله فديت عمامي ما قصروا!! والله حتى خطيبي اللي هو ولد عمنا...اتصل من امريكا يحذرنا منه ! ومثل ما قلت ....يلجؤون للكذب عشان يلمعون صورتهم بس الله يسامحه سوالنا صدمه وهز ثقتنا !! الله يعوضنا خيرا منه |
بصراحة
اذا مافي احد بيزوجه بنته علشانه يروح قهاوي و يعسل او يشيش اعتقد 90% من شباب الخليج ما بيتزوجوا والله الموفق ودمتم بخير |
ياليت بس يدسو حكاية الشيش والسجاير .. كان اهون .. لكن مابالك من اللي يدارو من اهله انه فاسد ويتقدمو ويقولو ولدنا ماشاء الله عليه مافيه شي بس عصبي شويه .. وكل بلاوي الدنيا من مخدرات وحشيش وطرب وغنى وجلسات بلاستراحات فيه ..
حسبي الله على اللي مايخافو الله .. لكن احس ان الشيشه والقهاوي صارت عاديه .. يمكن يتعدل او يتوب بعد مايستقر من زوجته .. ويبطل يروح قهاوي وتجمعات الشباب .. لو الولد طيب ومحافظ على صلاته ماينخاف منه ... لان الصلاه هيا العامود .. ولو كان محافظ على الصلاه بيحافظ على اختك .. الله يسهل اموركم يارب .. |
اقتباس:
والله بكيفهم بس صوب بنات العوايل لا يقربون |
اقتباس:
صدقتي يالعام الاهل بعد هذيل قصتهم فصه وبالنسبه لي اختي رايي الشخصي لا للمدخن ولا للمتسكع في القهاوي الشعبيه |
| الساعة الآن 09:18 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©