|
مشكلتي مع خطيبي (زوجي)
السلام عليكم
مشكلتي ياجماعه مع خطيبي ( زوجي ) ملكنا من فتره طويله والى الان مابعد نتزوج مشكلة خطيبي انه مره رومانسي ويحب كثير اثناء تواجده معي سواء في بيتنا او في بيتهم لما يعزمونا انه يجلس معي بلحالي وهذا طبيعي اكيد بس المشكله عندي في طلباته الزايده مني واللي كثير مرات تحرجني بزوجات اخواني وبخواتي وهاتي عاد ياتلميحات وانه حصل شي بينا ونا بصراحه دائما ارفض انه يسولي حركات خاصة لما تكون قويه وتبان بجسمي بس هو غصب عني يسويها واحيانا يعصب مني ويقولي صدقيني لو شفت منك رفض زي كذا الزواج اخليه من هالأسبوع فعشان كذا أضطر اني اسكت واخليه يسوي اللي يبغاه بس المشكله انه الان تمادى الى درجه خلاص انا ماعاد اتحمل فيها مستوى الإثاره اللي يسويه فيني لأني غصب عني استجيب معاه لأني ما اكون حاسه او قادره اني امنعه وقتها وهو من شاف انه فيه حركات تثيرني وتخليني موحاسه ولا قادره أقاومه صار يزيد لدرجه خلاني أتأثر فيها جنسيا فصار يحاول معي الان انه يجامعني جماع كامل بس انا رافضه فالأن يحاول يقنعني على اعتبار انه ولد خالتي وهو مره يحبني ونا بعد احبه بس مقدر اجاريه لشي أكبر مع انه مابقى شي على اللي سواه الا الدخله بس فعشان كذا مو عارفه كيف اتصرف معاه لأنه الأول كان يجيني مابين فترات طويله شوي بس من بعد ماصار يثيرني وشافني موقادره على منعه فصار يرتب الوقت اللي نكون فيها بلحالنا ومايكون فيه حد ممكن يدخل علينا فعشان كذا انا خايفه لأن وصلنا الى مرحله انا اللي خايفه منها اما هو عادي موهامه لأن وده اليوم قبل بكره يدخل علي فانصحوني وش أسوي معاه لأني مابي أصده اخاف منه بصراحه لأنه كذا مره يهددني بقرب الزواج ونا عندي ظروف تمنع الزواج حاليا فأتمنى منكم مساعدتي :( |
صحيح مدام انك ملكه يعني متزوجين وحلال الي انتوا بتسووه:22: :21:
بس ماانصحك ابدا :30: لاسمح الله الواحد مايعرف الظروف :30: : ولاتطاوعيه وقوليله كل شي بوقته حلو:22: اصلا اذا انتهت الدخله قبل موعدها ماله داعي الزواج لان حلاوة الزواج بالانتظار للحظه الي يكونوا الاثنين بحضن بعض ومشتاقين لبعض حاولي تتهربي منه اذا طلب هالشي او فهميه بوجهة نظرك والله يديم الحب بينكم ويتمم لكم الزواج على خير:14: |
فترة الملكة من أجمل الفترات
ولكن حذاري أن تجري على نفسك فيها الحسرات لا تفسدي فرحتك كعروس في ليلة زفافك بشهوة ساعة ستنقضي دون أن يكون لها نفس الاثر الذي ستتركه ليلة الزفاف بنفسك تمنعي عليه وأخبريه بأن هناك ليلة منتظرة لا ترغبي في افسادها أخبريه أن المراة تحب الرجل الجلود المتريث وأنا أنصحك بتعجيل الزواج فبالرغم من أنني أشدد عليك بعدم الاستسلام له إلا أنني أقدر المعاناة التي يمر بها ففي كل مرة يصل معك إلى حد الإثارة الكاملة ومع ذلك لا يتم الجماع إن هذا يؤذيه أكثر مما يؤذيك فتنبهي وإن كنت لا تمانعي ... أخبريني مالذي يجبرك على تأجيل زفافكما قد أجد لك حلا أتمنى لك حياة سعيدة..... كوني حذرة |
لا انصحك بالاستجابه له ابدااااااااااا..
بعدها هو الي يطلب منك تأخير الزواج لانه بيكون بارد .. لأن بعدها الزوج ما ينتظر شيء !! وبعدين لو حملتي وش موقفك من أهلك والناس ..! .. لا قدر الله صار شيء لخطيبك ومات ! وحملتي ! وش موقفك بعدها ! الله يخليكم يارب لبعض لكن لا بد وضع الاحتمالات كي تتجنبي الاخطاء .. |
أختي حذاري مما تفعلينه فقد تقعين في مشاكل أنتي في غنى عنها صحيح أنه زوجك على سنة الله ورسوله وله كافة الحقوق عليكي ولكن إياكي أن تخطئي وتجاريه في موضوع الدخله فلا أحد يعلم ما قد يحدث فيما بعد من أمور وإن أردت منعه من هذا التمادي ما عليكي سوى أن يكون أهلك في المنزل وتجنبي الجلوس في المنزل لوحدكما حتى يستشعر الخوف من أن يأتي عليكم أحد ما وهناك العديد من الطرق لا تغلب فيها حواء المهم احذري من عواقب التمادي في الأمر
|
اختي انتوا مملكين يعني متزوجين بس عرفيا مخطوبين والشرع وهو له الكلمة الفاصلة يقول انتوا متزوجين
|
ينقل إلى عالم المقبلين على الزواج .... أختِ الكريمة أتفق تماماً مع رأي الأخت الفاضلة " وحدة ونص " وكان الله في عونك ... احترامي ؛؛؛ |
اختي نيحه
عجلي بالزواج وحاولي تحلين كل الظروف الي تمنعج من الزواج اذا دراسه ...عادي وايد بنات يدرسون ومتزوجين لانه الوضع مؤلم بالنسبه للبنت انها في بيت اهلها وتصير هالاشياء والله صعبه واياج يا اختي تسمحين للاكبر انه ستوي لانه بعدها كل شي جايز حتى لو يحبج القلب يتقلب وبعدها لي فات الفوت ما ينفع الصوت حاولي تقللين من زياراته ...او تخلين حد يقعد معاكم ويدخل عليكم وعجلي بالزواج لانه خلاص الرجل ذاق حلاوة العلاقة وصعب انه يتوقف عنها فما في حل الا تعجيل الزواج |
أنتببببببببببهي تصير الدخله قبل الزواج وترى لودخل عليك قبل الزواج فوالله أن أول شخص بينتقدك زوجك ولو حملتي وأننتي في بيت أهلك فضيحه حسب عادتنا وتقالدينا
والله لايهينه إذا مررره مستعجل تزوجوا وارتاحو والله يوفقك وتكفين تنتبهي لايصير شي |
تزوجوااااااااااااااااااااااااااااااااااااااااااااا ااااااا قبل ما يصير حمل قبل اعلان الزواج خصوصا وان العلاقة بينكما تعدت علاقة المخطوبين الى ممارسات المتزوجين
|
فترة الملكة من أجمل الفترات
ولكن حذاري أن تجري على نفسك فيها الحسرات لا تفسدي فرحتك كعروس في ليلة زفافك استعجلو بالزواج اذن لكى تفعلوا ماتريدون |
السلام عليكم
مشكورين اخواني على نصائحكم لي بس المشكله ان ظروفنا حاليا تمنع الزواج وخاصة هالفتره ونا لو علي حاسه بذنب كبير بداخلي لأن محد يعرف باللي يصير بينا حتى خواتي ماقلت لهم والكل يظن ان هذي بس مداعبات بسيطه لما يشوفون فيني اي شي بوجهي او بأي مكان واضح قدامهم فيضحكون بس هم مايعرفون باللي يصير بينا لأن لو وحده من خواتي او زوجات اخواني تعرف فاميه بالميه ماراح يسكتون عشان كذا انا خايفه لأنه صار مو قادر يصبر عني وتتكرر زياراته لي بستمرار وموكل الأوقات يكون فيه حد يجي يجلس معانا او حتى يدخل علينا بين الوقت والثاني فأحيانا فعلا أحاول اني ما اخليه يجي الا بوقت وجود حد من اخواني بس اوقات كثير يصر انه يجي ومايكون فيه حد ممكن يجلس معانا خاصة في الأوقات اللي مايكونون اهلي بالبيت ونا وخواتي بس اللي موجودين فنا اهلي عادي واثقين منه فعشان كذا حتى لو كانو مو فيه فهو بنهايه من اهلي مايقولون شي لو جا عندنا وهم مو موجودين فخلاص خواتي يكونون بالدور الثاني ونا معاه نكون بالمجلس بلحالنا فعشان كذا مرتاح انه مافيه احد وكذا مره اقله اني مقدر اسايره في اللي يسويه لأن من جد خواتي يلاحظون علي اني اكون تعبانه بس أطلع عندهم فوق فأجلس أألف لهم اي شي بس لو وحده من خواتي المتزوجات تجي ونا بهالحاله ميه بالميه راح تعرف وش صار بينا والمشكله انه هو مايخاف ويقولي قوي قلبك وماتخافي واحاول امنعه بس هو يغصبني بالقوه لما خلاص مقدر أسوي شي بجد خايفه من كل قلبي |
المفروض يكون من نفسه يصبر ولايرغمك على هذا الشئ
وان تكون نظرته ابعد من مجرد متعه قبل الدخله الشرعيه فلااحد يعرف مايحمله المستقبل لاقدر الله ذكريه بانه حرام ان نتمادى الى حد الجماع الكامل حلال ماتفعلونه الا الجماع ... فله وقته واكيد راح يقتنع والله يوفقكم وياحظكم ماشاء الله ليكم وقت تقضونه لحالكم فيه غيركم ياحرام حتى انه ياخد قبله من زوجته مايقدر اهلها صاكين عليهم هههه الله يوفقكم |
ويااختي بالله عليكي مايمنعك من اتمام الزواج
يااختي لايوجد اي سبب يعوق الا الحاله الماديه والحمدلله على حسب ماارى الحاله الماديه ميسورة ولله الحمد لاتقولوا دراسه ولا شئ من هذا القبيل يااختي في بنات قعدو بالعشر سنوات مخطوبات وكل املهم الزواج ولكن النصيب والحاله الماديه المتعثره لخطائبهم فبالله عليكي انتي في نعمه اتمي الزواج واحمدي ربك |
انا مريت نفس حالتك
بس وقفته عند حده ويوم قلت ابعد شويه واصبر الين الزواج والله لدرجة صار لما يجيني يررررررررجف وبصراحه خفت ويثار بشكل مو طبيعي ويبان عليه كل شي لكن انتي بذكائك تقدري تخففي هذا الشي بانكم تغيروا الموضوع تتهربي تطلعي اي شي بس والله انا تعبت معاه اخر زيارة له كانت قبل اسبوع تقريبا لانه الزواج قرب الادمي انجن لانه عارف ماراح يشوفني الا بعد شهر فصرت انا ابعد عنه وماني قااااااااااااادره ماسكني بقوة وماني قادره عليه ماشالله طول بعرض وانا زي العصفورة جنبه المهم قلتله يا فلان ماني مرتاحه ما اصحى الا وهو موقف قال ليش؟ ايشبك قلت بس كذه لو انا ماقلت هالكلمة كان اتمادى وما بعد عني وقلت له ماباقي شي عالزواج ليش العجله قال طيب الله يعينك ياقلبي الين موعد الزواج |
السلام عليكم
مشكورين اخواني على مشاركاتكم معي وعلى نصائحكم لي وبالنسبه للي يقولون نقدم الزواج انا لو علي عادي لو يصير زواجي بكره لاني خلاص بديت اخاف من كل قلبي صرت افكر باللحظه اللي بيجي يزورني فيها ونا عارفه وش يبغى مني صدقيني يأخت حبي نادر حاولت معاه كثير وصديته وقلت له ماراح تشوفني بعد هاليوم ان جلست تسوي معي كذا في كل زياره تجيني فيها وكان يوعدني فعلا انه ماراح يسويلي شي وبس يعرف انه البيت مافيه حد خلاص ياخذ راحته ويقولي بس بوسه او يحضني اقول ساعتها اوكي ماراح احرمه مره وحده بس بعدها خلاص يتمادى لدرجة مقدر ابعده عني يمسكني بكل قوته لما خلاص يدوخني ويخليني ماأقدر أمنعه من شي وهو عارف اني ضعيفه قدام اللي يسويه لي عشان كذا ماخذ راحته وحتى اذا خلاص انتهى كل شي احيانا اجلس ابكي قدامه عشانه من جد يكون قهرني صحيح انه فيها لذه بس خوفي اكبر من هاللذه اللي اشوفها معاه لأنه بجد هو مايسيطر على نفسه ابد ويحاول يوصل لأبعد بس لأنه يشوفني ابكي وقتها واترجى فيه انه مايسويلي شي يخليني مقدر اناظر بأهلي عشان كذا مبعد عن الحاجه الأساسيه بس مع تحرشات وهو عارف ان هالشئ يأثر فيني فعشان كذا يبغاني انا اللي أخليه يسويها فلما يشوفني ابكي واترجاه ساعتها يقوم عني وهو مقهور بعد ويجلس يلومني ويقولي الزواج لازم نقربه لانه موقادر يتحمل خلاص ونا بالنهايه خايفه على نفسي وخايفه من اهلي والله لو يعرفون اللي يصير بينا كان ماخلوه يعتب باب بيتنا وكم مره هددته وقلت له ترى والله ماخليك تجي الا وقت مايكون اخواني وابوي فيه فايعصب علي وبس اتصل عليه اكلمه يرد علي بعصبيه وكثير من الأحيان يطنشني لما أعتذر منه ساعتها بس يرضى ونا هذا اللي مخوفني منه أكثر لأنه صاير اما اجاريه في اللي يبغاه ولا بيزعل مني ومايكلمني بجد احترت معاه |
يا قلبي ترى البكى امام خطيبك في هذه الحالة ماراح ينفعك بل العكس
هو راح يقوى عليك زياده وبعدين ليش يعصب المفروض يكون متفهم لابعد درجة وانت من هالايام تكتشفي نفسيته بناء على طريقة تصرفاته وكلامه معاك يا اختي لا تعتذريله كثير ترى موزين انك تعتذري على شي انتي حسيتي من البداية انك صائبة فيه هذا يولد السيطرة عند الطرف الاخر الرجل طبيعته عنده حب السيطرة لانه رجل والله خلقه على هذا النحو والمفروض مانزود هذه الغريزة عنده مهما كان انا والله حاسه فيك وعارفه انه بيضغط عليك لكن في اشياء لها حدود واسمعيني زين اذا الرجل ما احترم رغبات زوجته قبل حفل الزواج والدخله للاسف ماراح يقدرها حق التقدير بعد ذلك حتى لو يموت فيها انا ما احبطك لا واعذريني لاسلوبي في الكلام لكن التعامل مع الاخرين وفق طبيعتهم وشخصياتهم فن راقي ولازم نتعلم كيف نتعامل مع رجالنا حسب شخصياتهم احب اذكرك بشي ولو اني عارفه انك عارفته الرجال عندهم عادات متشابهه والنساء ايضا لكن الذي لايختلف عليه اثنان ان المرأه لها قدرة عظيمه في تبديل الاحوال -----ان ارادت ----- ولابد توفر الارادة عشانها تولد العزيمه ولازم تتخلها البصيره الكافيه افهمي زوجك وما اقولك لا تعطيه اعطيه وحسسيه بحنانك وحبك قدر المستطاع لكن لا تخليه يتمادى وحاولي تتحكمي في مشاعرك اثناء وجودك معاه انا ياما ياما صارتلي مواقف مع خطيبي لكن مع الايام عرفت كيف اتعامل معاه اذا حسيت مجرد احساس انه مو قادر يسيطر على نفسه وحتى لو كنت انا منجرفه معاه احاول اقطع تفكيري بأي شي ممكن وفجأه اعمل تصرفات لبقه وناعمه انتبهي حتى تبعدني عنه بدون زعل لاتزعلي بس الحل بيدك لانك في بيت اهلك حتى لو كان قريبك تقدري تخليه يوقف عند حده ولا تثيريه كمان حاولي تجيبي شي معاكي تتكلموا فيه اتكلموا عن بيتكم المستقبل الطموحات حضريله اسئله مثيرة للاهتمام بحيث ينشد لك وانت بتتكلمي اتكلمي عن طفولتك جيبي صور اي شي على اساس يهدى شويه ههههههههههههه طولت عليك بس انا مريت بها التجربة وقلبي معااااكي اختك: اللي ميته رعب من يوم زواجها باقي 20 يوم عليه وحالتها ولا احلى :) see you sweety |
ياهلا وغلا اختي حبي نادر والله يتمم لك على خير يارب ويساعدك ان شاء الله
بس ياأختي لو على مثل ماقلتي اجيب شي اشغله فيه او أتكلم معاه عنه فهو ابداً ماينضحك عليه او أقدر اني اغير السالفه معاه هو أصلا من اول مايجي وش حليله مؤدب وهادي وبس أجلس اتكلم معاه بموضوع فورا يقولي خلاص خليك من هالكلام بعدين نتكلم عنه هالحين تعالي أحاول أمنعه واقوم احيانا أدخل لاجوا وأقله أسمع متى ماتركت اللي براسك أرجع أجلس معاك فايقولي خلاص ماراح أسوي شي أوعدك وبس أجلس معاه يكبلني بيدينه عاد هو وش حجمه عني بثلاث مرات فخلاص مقدر أسوي له شي بس اليوم جلست اتكلم معاه بأسلوب جدي وحسيت من كلامه انه هو ماوده يسوي كذا لولا تأخير الزواج اللي مو مخليه يصبر فايقولي انه ماسوى شي حرام ولا تعدى حدوده واني لازم أساعده وأصبره دام مدة الزواج بطول واني ان ماخليته يسويلي كذا ولا ممكن يفكر بأشياء ثانيه فاخوفني بصراحه وبنفس الوقت أقتنعت من كلامه لأني عارفه ان الرجال مايقدرون يصبرون لما يكون تفكيرهم مسيطر عليه الجنس فعشان كذا قلتله اني حتى لو رضيت له ببعض الأمور اني ماأبغاه يطور للاكبر بالإضافه الى اني ماأبغا هالأمور تكون في كل زياره لأني من جد بديت اقرف منها ويزيد خوفي فقالي أحاول والله يعين يارب |
من البدايه اختي الكريمه
لا تتراخي معه وكوني حازمه اكتر ولا تدعي فرصه لقبله او اكثر من ذلك ولا داعي لان تتركيه يثيرك فيقع المحظور وقتها لا ينفع الندم ولا تعتذري كما قالت لك احد العضوات بارك الله فيها فانت لم تخطأي كي تعتذري فهذه امور خاصه وما كان ينبغي له ان يسبب لك الاحراج امام اهلك فضلا عما يريده من علاقة كامله احس من كلامك انه لا يزورك الا لهذا الغرض فقط وهذا مؤشر سيء بنظري فالحب ان لم يكن في فترة الخطوبه فمتي يكون والجنس ان طغي الي الحب فترة الخطوبه فمتي يكون الحب ؟؟ نعم يشتهيكي وتشتهيه ولكن ان ارادك بالحلال فليعجل بالزواج هذا ان فرضنا بانه لا اثم عليكم في القبل وخلافه قبل الدخول وهي مسأله بصراحه شائكه والامر ملتبس علي وغير مقتنع بأباحتها ورايي هذا لنقطة هامه وهي الفرق بين المطلقه قبل الدخول وبعده وما يترتب علي ذلك من حقوق وواجبات وهذا يعلمه الجميع فكيف يكون دخول ........قبل الدخول احفظي نفسك ولا تتهاوني معه حتي وان غضب وثار فالحق معك والسلام |
مشكورين على الردود والنصائح
والان انا بديت احاول معاه وامنعه فعلا زعلان مني بس اقول مو مشكله يزعل هالحين وبعدين يرضى .. المهم اني ماأجلس على طول كذا لأن مثل ماقال الأخ اذا رضيت له على طول انه يسوي اللي يبغاه ماراح يجيني الا عشان الشهوه اللي يبغاها مني ونا ماأبغا حبه بس عشان هالحركات حتى أنا أبغا أشوقه لي أكثر نفسي أشتاق لغيبته عني مده اما هو مو مخليلي فرصه جياته عندي ورى بعضها صارت ماصرت احس فيه لأنه عودني على وجوده بالإضافه لطلباته ونا لأني ماأبغا ازعله صديت عنه الآن صحيح انه صار يعذبني نفسيا بعدم رده علي مكالماتي ولا رسايلي بس مو مشكله اتحمل واخرتها بيرضى ... وان شاء الله يصير خير :) |
يااختي لاتقرفين ولاتعذبين نفسك ولاتعذبينه
اللهم يوفقكم ويبارك فيكم بس يااختي للحين ماعرفنا ليش تأخرين الزواج ؟؟؟ اتوكلو على الله ترى الرجال معذور ,, واكيد حبه لكي ويااختي ترى حوالينا وانتي عارفه المغريات وانتي شايفه في كل مكان المغريات كثيرة للاسف اقعدي وتفاهمني معاهـ واتكلمو شوي في امور الدين ذكريه انه المفروض اول شئ يسويه قبل الدخول في ليله الزفاف ,, انه يصلي فيكي ركعتين هذا من تعاليم ديننا ويكون فيهم الخير والبركه ان شاء الله لكم اعطيه ماهو في حدود المتاح والمستطاع دون اغضاب الله عز وجل والله يوفقكم ويسعدكم |
لا حول ولا وقوة إلا بالله
ايش هذا الآدمي اللي كل تفكيره في الجنس :( اسمعيني يا أختي حاولي تمنعيه من الزيارات دبري لك أي طريقة المهم ما تكثر زياراته لانه إذا زارك وبدأ بالمقدمات يتمادى وإنت ما تقدري تمنعيه فإنت من البداية لا تخليه يكثر الزيارات وحاولي تدوري أي عذر قولي له مريضة أو طالعة اليوم أو عندنا ضيوف المهم شوفي لك أي تصريفة الله يهدي زوجك والله يتمم لكم على خير |
يا أخي المحب السعيد اولا اشكرك على الرد والنصيحه ولكن
انا تأجيلي للزواج خارج عن إرادتي بسبب ظروف في العائله تمنع زواجنا حاليا خاصة وان اهلي حابين من كل قلبهم يسوون لنا زواج فخم يحضرونه كل الأهل ومعارفنا وأصحابنا ونا مقدر اقولهم لأ كم مره قلت لهم انه خطيبي يبغا يقدم الزواج ويقولولي لا مستحيل بس تنتهي الظروف واقولهم انه هو مستعجل ويقول مو قادر يصبر يقولون اللي صبر هالمده يصبر بعد اكثر وش اقدر اقولهم أكثر من كذا انا عارفه انهم لو عرفو وش يصير بينا كانو طربقوها على راسنا بس الآن جالسه احاول امنعه بقدر إستطاعتي مع اني عارفه اذا جلست امنعه أكثر ممكن ينفجر فيني أكثر من قبل بس جالسه احاول وإن شاء الله خير ونا عارفه اكيد انه فيه مغريات كثيره ولو منعته هو مستحيل يروح لغيري بس ماراح يرحمني بأي فرصه يكون فيها مجال له وهذا اللي مخوفني أكثر بس الله يستر .. |
اختي العزيزه
اقول لك شيء اتوقع انه سيكون خبر صاعق لك اربع مقابلات قادمه او خمس بالكثير و بيحصل المحظور .! اللي انتي خايفه منه و تذكري كلامي هذا زين .. فيه حلين لا ثالث لهم 1- يا إنك تخلينه يسوي اللي يبي .. و تستسلمين له و تتحملين النتائج الباقيه و انتي تعرفين ماذا سيكون بعدها .! أو 2- إنك تتحلين ب القليل من الشجاعه و تتركين الجبن و الخوف عنك و تخبرين واحده من اخواتك و هي بدورها تخبر والدتك او اباك صدقيني هذا هو الوحيد الذي سيمنعه ولا غيره حل اذا لم تفعلي ما قلت لك حاول ان تعدي خمس جلسات قادمه و سينتهي كل شي و يكون نفذ اللي براسه انا احذرك وانتي خلي خوفك ينفعك صدقيني خوفك الآن سيتضاعف مستقبلا عندما لا تستطيعين فيما بعد اخبار امك و اباك ان زوجك قد جامعك وانك حامل .!!! الامر و الخيار في يدك إلى الآن تداركي نفسك و انقذي نفسك |
ملاحظة :
لا تقولين صعبه ما اقدر اعلم ترى الأصعب عندما تريدين ان تخبرينهم بالحمل لاحقا" :) |
اخوي حلوو مشكور على نصائحك
ونا فعلا حاولت أطبق بعض النصائح وهذا اللي كنت أسويه كنت احاول اعطيه أي عذر وامنعه انه يجي عندنا اما مسألة اني أقول لحد من اهلي او خواتي فاصدقني ماأقدر لأني عارفه ردة فعلهم وممكن يعندون ويطولون مدة الزواج بالإضافه لحرمانه من الجيه عندنا الى يوم الزواج ونا عارفه انه عصبي ومايقدر يبتعد عني كثير يعني على المده اللي كان زعلان فيها مني ومايرد علي الا انه بالأخير رجع وكلمني وهو حاس بغلطه بس هو فعلا مو قادر يصبر عني أحس هالشي في أسلوبه معاي وفي كلامه انا لما أحاول أسمح له انه يسوي لي أي شي فالأني عارفه انه صبر كثير عشاني فاماأبغاه يشغل باله بحاجات ثانيه صحيح انه يحاول معي للتمادي لأكثر من اللي يسويه لي بس هو عارف انه مستحيل يصير اللي بباله ومهما بلغت بينا الأفعال الا اني وقت الشي اللي عارفه انه غلط يصير مستحيل أسمح له وهو بعد صحيح مرات يفقد أعصابه بس هم يكون حذر ويعرف انه مستحيل يصير هالشي الا برضاي وهو عارف اني مستحيل أرضى له لو مهما يكون .. فاأيش أسوي مضطره اني أصبر وأسكت لما تتسهل الأمور ويتم الزواج :( وأتمنى انه يهدى من أفعاله هذي لأني بجد أحترت كيف أتعامل معاه .. |
أختي العزيزة .. نصيحتي لك ماتخبري اي أحد لأن الموضوع هذا خاص فيك .. فحلي مشاكلك لوحدك دون ادخال اي طرف ثالث في الموضوع .. لأنه اذا تدخلوا اطراف اخرى في الموضوع بيكبر ..وما اعتقد أنت مستعدة تخسري زوجك وحبيبك صح ولا لا؟؟
نصيحتي الثانية لك .. أن تمتعيه لكن حذاري من الادخال.... فالرجل ممكن يستمتع عن طريق باشياء اخرى دون الاقتراب من المنطقة المحظورة... واتركي عنك المخاوف واستمتعي بأحلى لحظات حياتك (((الملكة ))) تحياتي |
أختي سرعووو الزواج مهما تكون ظروفك
|
ليش ما تعجلون في الزواج مو حلوة لو طالت فترة الخطوبة والدراسة ماهي مشكلة عشان اتاخرين الزواج اذا كان هاى السبب الي ماخر الزواج
|
عزيزتي ..
السلام عليكم ورحمة الله وبركاته حبيبتي ... خطيبك او زوجك واضح انه مولع بك .. ويحبك من كل قلبه ... فهذه التصرفات تدل على ذلك .. استمري في منعه .. فهذا واجب .. ولكن .. يمكنك اشباع رغبته بوسائل أخرى .. لان الرجل اذا تمكن الجنس من تفكيره فتره طويله يتعبه ويكون على طول معصب !! بدون سبب .. وعلى حسب فهمي ان باقي وقت طويل على زواجكم .. فهذا اسلم حل.. ولكن لا ياخذ على الوضع .. فكل شي بوقته حلو راح يصير لها طعم احلى بعد الزواج.. اتمنى اني قدرت اوصل المعلومه.. وعذرا للاطاله .. الله يوفقكم ويصبركم يارب .. |
نصيحة : لا تخبريه بعدم وجود أهلك في البيت والا سيتمادى ,, بالعكس قوليله انه أمك تقول أنها في أي لحظة ممكن تدخل عليكم لأنها شكت فيك ( ماأدري اذا كان هذا من الكذب المباح في هذه الحالة ) ؟
|
نصيحة لله اختي لاتطيعينه صدقيني راح تندمين
|
مشكورين على النصائح
ماقصرتو معي والله يكون بالعون :( |
يغلق
|
| الساعة الآن 04:33 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©