|
القهر مرضني، ابي رايكم وقوفكم معاي ولو بكلمة
السلام عليكم
بصراحه ما ادري شنهو اكتب بس انا محتاره تذكرون سالفه المشرف اللي معاي بالمعهد واللي ما يذكر اتمنى يشوف الرابط http://www.66n.com/forums/showthread.php?t=103694 المهم صار له الحين ثلاثه اسابيع تقريبا وهو متجاهلني تماما ولا صار يعاملني برسميه اكثر مع اني ما غلطت بس طلبت ما يرضي الله ان لا يكون بيني وبينه اي تواصل هاتفي انا مقهمورة ، ما ابيه يخطبني ولا يحبني ليش محتقرني ،انا ما غلطت، مو المفروض اكبر بعينه صرت ما احتمل ، احس روحي ابي انفجر هل اواجهه واقوله ماالذي كنت تقصده من تلمحياتك بالزواج واهزئه انا والله مقهوره ولااقول الا حسبي الله والنعم الوكيل |
مقدرة شعورك واللي تمرين فيه
بس نصيحتي لك يانايت طنشيه تماما تماما وحاولي مايوضح اهتمامك أو نظراتك شايفك وعارفك لو ربي كاتبكم لبعض راح يتقدم لك ولو ماكتب الله الحمدالله ربي يعوض بس حاولي تمسكين نفسك اللي صبرك السنين اللي راحت يصبرك في اللي جاي لنفرض كلمتيه اولا ماهي حلوة بحقك.. ثانيا تتوقعين راح تلفتين النظر له؟ طيب هو قبل كان ملمح لك..وسكت هل كلامك له بيرجعه لأول ؟ يمكن نظرته تتغير تجاهك للأسوء ادعي دايم اللهم ياجامع الناس ليوم لاريب اجمع بيني وبين الزوج الصالح الذي يكون غني بدينه وأخلاقه وماله عاجلا غير آجل ويارب يكتب لك اللي فيه الخير |
تجاهليه كما تجاهلك
أعتقد هذا أسلوب ضغط من الرجال عشان تتنازلين له أكثر فلا تعطينه مجال أبداً الله يكون في عونك |
يا حبيبتي .. يا روحي .. ليش معذبــه روحج جيه..!!!!
انتي اكييد ما غلطتي في شي واحسن شي انج قاطعتيه لانه ما يستاهل اتسوين كل هذا عشانــه.. طنشيـــــــه طنشيــه ولا اتعبرينه كــأنه مو موجود .. |
حبيبتي أنتي أردتي رضى رب العباد فعلام الحزن والمرض ؟!!
أقدر شعوركِ ولكن كوني أقوى لأنكِ أردتِ رضى رب العالمين ولا تحزني ولا تقلقي لأن الله معكِ واثبتي على ما انتي عليه فأنت ما عليه هو الصحيح ولا يغرك كيد الشيطان واعوانة وصدقيني بأن ربي سيعوضكِ بمن هو أفضل بحلاله بالقريب العاجل ولا تسمعي لكلام الشيطان فإن ترددك ورغبتك في سؤالة ومعرفة السبب هذه وسيلة من وسائل الشيطان لا تضعفي أبدا وكوني عزيزة النفس إذا كان هو مطنشك مرة إنتي طنشية مليون ألف مرة وكل ما هممتي بالإتصال أو مكالمته تعوذي من الشيطان وقولي لن أهزم ولن أحزن إن الله معي وثقي بأن كل الراحة والسعادة في السعي لرضى الله أسأل الله لكِ الزوج الصالح بالقريب العاجل وفقكِ ربي لما يحب ويرضى |
حبيبتي .طنشيييييييييييييه ..
هو يحاول بهالأسلوب إنه يضغط عليك .. يمكن حس بحاجتك لوجود رجل بحياتك .. لكن إنتي بيني له بتطنيشك وعدم اهتمامك به .. إنك لست بحاجة له .. وإنك مارميتي نفسك عليه .. لا تضايقين نفسك .. ألحين بس إتضح لك إنه انسان مايستاهل حتى الوقت اللي ضيعتيه في التفكير به .. فأنسيه ولا بضيق صدرك لما تشوفينه مر أمامك بالمعهد .. |
صدقيني ما يستاهل هذا أشباه رجال..
يبغى يلعب ما يبغى يتزوج ويلتزم بمسؤليات.. " عرة " تدعسين عليه ولا على كرامتك أيهما أفضل ؟ إلبسيه = طنشيه رضى ولا ما رضى عساه.. لا يا نايت توقعناك نسيتي الموضوع.. ترى السالفة ما تسوى تعطيها أكبر من حجمها.. على قولة وحده سورية مدرسة لغة عربية تقول " اللي بيريدني بريدو واللي ما بيريدني بالجفا بزيدو " مادام مو فارق معاك.. خلاص لا تنتظري رضاه.. إنت رايحة المعهد لغرض معين فركزي عليه.. بعدين لو عقلك معاه يبان عليك القلق وتصيري مو حلوة.. أعطي فرصة لغيره ينظر لك ويعجب بك ويخطبك.. لو انتشر الخبر في المعهد ما راح ينظر لك أي شخص آخر.. والنظرات تفضح فلا تفضحي نفسك.. إلتفتي للمستقبل.. ومليون طز عليه.. إللي جابه يجيب غيره. صحصحي وإصحي الله يخليكي.. ما عندنا وقت نضيعه على ناس ما تستاهل.. معليه قست عليك بس إنت صديقة وأخت كريمة.. ها إتفقنا ننساه ونرميه وراء ظهرك ؟ |
مثل ماقالوا اخواتي ...
هذا شخص مع احترامي الشديد لكنه لعوب وباين عليه هالامر وهذا الشخص وامثاله لايعول عليهم في المستقبل لتكوين اسره وقيام منزل فصدقيني طنشيه غير آسفه عليه واذا قدرتي تتركين المعهد لمعهد اخر يكون افضل |
حبيبتي ..انتي وااااايد مكبرة الموضوع ..
وليش اصلا يهمج كلامه معاج ؟؟ من هو أصلا ..عشان يهمج ؟؟ حطي ببالج شي عشان الله يوفقج ويرضى عليج .. هذا رجاااااااااااااال أجنبي مايحل لج ..والحمد لله انها جات منه ..أصلا المفروض ان يكون بينكم رسميات لأن مالكم علاقة ببعض .. وانسي كلامه السابق ..وطنشي خلاص .. |
حقيقه كلماتي تخون عن التعبير
ما اقدر الا علىان ادعو لكن حبيباتي بظهر الغيب قلبي حزين بس يارب يارحيم ان يفرجها علي وعليكم اخواتي كلكم احبكم في الله مع اني ما اعرفكم بس اتمنى لكم كل خير واحبكم اختي مس هاواي بالعكس ما ازعل كلماتك رائعه وجزاج ربي كل خير |
في زميه تقول لي اني اعامله عادي وابادر بالتحيه حتىا يحن قلبه
ماادري ،اناتعبت لأن تصرفي يمكن احرجه ادعو لي ادعو لي |
اسمحيلي ..مستعيلة.. بس حبيت أرد عليج عالسريع ..
يعني شو بتسوين ؟؟ بتغصبينه عليج.. إذا ما يبيج .. خلاص ما في داعي تتعبين نفسيا.. حطي في بالج إهو الخسران .. و إهو ما يستاهل يكون زوجج.. نصيبج مع واحد ثاني بعلم الغيب.. مافي أحد يقدر يلومه .. لأنه ما صرح بالزواج.. إنت بنيتي أوهامج بإيدج .. و يعني الدنيا ما خلت من الرجال عسب إلا تاخذين هذا الشخص.. الله يرزقج ولد الحلال عاجلا غير آجل اختج بر الأمان |
نايت
لا تخلي استقبالك ضعيف وإرسالك أقوى !! ركزي معاي.. إيش يضمنك زميلتك هاذي ما تحكي أحد !! طيب يمكن يجي أحد يبغى يخطبك عن طريق زميلتك هاذي أكيد راح تتكلم بأمانه وتقول والله صحبتي نايت مسكينة عقلها كله مع اللي ما يتسمى وهو آخر طناش.. إيش موقفك لو سمعتي عنك الكلمتين هاذي ؟!! نايت شوفي نفسك من بعيد.. يعني تخيلي إنك تشوفي نايت صديقتك و صديقتك نايت تشتكيلك على هذا الرجل.. إسألي نفسك إيش نظرتك لنايت صديقتك ؟ بصراحة. وإيش راح تنصحي نايت ؟ نايت يا حبيبتي أنا عارفة إحساسك كل اللي فبالك أنت غرقانه وتحسبيه القشة اللي راح تنقذك.. هذا قشة ما ينسند عليه راح تغرقي إنت وهو.. لا تبادريه بالتحية إنت ما أحرجتيه أحرجتي نفسك..هو نذل علقك بيه وحسب إنك راح تاخذي وتعطي معاه.. مرة رحت دكتور أسنان وزهقني يسألني عن حياتي الخاصة والمصيبة متزوج.. ومرة سألني قال تتوقعي ممكن وحده بعمرك ترضى بي قلت له إيوه في بس مو أنا وابتسمت له ومشيت وبعدها ما شاف خلقتي !! مو كل واحد سألك تتزوجي مطلق يعني خلاص بيتقدم كيف راح تفهمي إنه لعاب ؟ وعنده عقده يحب يجلب إنتباه البنات الحلوين مثلك ؟!! حتى يرضي غروره ويدغدغ أحاسيسه كل ما مر وشاف مقهورة !! يختي لو قلتيلنا قصة حب لها كم سنة كان قلنا إي والله نسيانه صعب تعلقت فيه.. إنت لو خطبك واحد ثاني ترفسيه وترفسي قبايله كلها.. ولو مقهورة إنه تنطشك وتبغي تجيبي راسه وترميه ثاني أقلك والله ما تسوى الشغله إعفي عنه واتركيه كفاية اللي فيه من عقد. وبعدين إنت ليه كتبتيلنا ؟ حتى نطبطب عليك بس ولا تبغي حلول؟!! لاني حاسة إنك تبغينا نهزء فيه ونتكلم عنه بسوء حتى يبرد قلبك.. إلحقي نفسك محد يطلع من اللي إنت فيه غيرك.. " لا يغير الله ما بقوم حتى يغيروا ما بأنفسهم ". ونصيحة: غضي بصرك لمن تدخلي المعهد.. ما يحتاج تدوري عليه وتقرأي أفكاره وتقرأي وجهه.. عيشي حياتك حرة طليقة تنتظر فارس الأحلام.. لا تتوقعي يجيكي فارس وأنت مخك فمكان ثاني أخاف يمر وما تشوفيه!!. |
أختى
لا أجد ما ازيد فيه كلام من سبقوني فكلهم اتفقوا وأنا معهم على تطنيشه والاهتمام بما انت بالمعهد من اجله ، وللعلم هو يشعر بك جدا ويحاول أن يوصلك لهذا الهاجس فلا تدعيه ينجح بالوصول لهدفه واضحكي واسعدي حتى لو كنت من داخلك تغلين ، ربي يغنيك عنه في أخير منه بحول الله وقوته ولك تقديري |
حبيبتي اللي قبلي وفوا وكفوا بس أزيد عليهم نصيحة شخصية أنا أجربها مع نوعيه من الناس تشابه هذا الرجل احقريه يركض وراك ... لكن تركضين وراه يحقرك خليك حبيبتي شامخه واثقه لا تنظرين إوتلتفتين إليه أو تعيرينه أي إهتمام صدقيني اسمعي كلامي .. هذا غير ياعيوني حرااااام يدور بينك وبينه اي حديث لايخص الدراسه لا تنسين انه رجل مو محرم لك انتبهي .. شليه من بالك بتقولين ما أقدر !!! لا .. تقدرين ونص .... مافيه شيء صعب ومستحيل بس لا زم تصيرين مع نفسك شوي حازمة ولاتطاوعين هواك ومشاعرك وآسفه حبيبتي إذا كان اسلوبي عليك شديد ... بس هذا من محبتي لك واحسك والله مثل إختي ولا أرضى عليك الخطأ |
نايت أهم شيء زي ما قالوا البنات الله يبااارك فيهم تتجاااااهليه تمااااماً ذكري نفسك دوماً بمسااوئه ربما تشعرين بصعوبة الأمر في البداية لكن والله ستشعرين بعدها بتقديرك لنفسك يزيد وراح تنسيه بسهووووله الله يفرج همك ويعينك ياااارب |
اختي كما قالو الاخوان قبلي هاذا شخص لعوب ويبغى ينال منك
لوكان يبغاك زوجة لة كما قال واوكان يحبك وراغب فيك كان على طول توجهة الى بيت اهلك وخطبك من اهلك انا اشو ف انة غير جاد في موضوع الزواج بنا على الرابط المرفق |
اقتباس:
ابتعدي عن الرجل حتى لو جاء مره ثانيه وبدأ يلمح انه غلطان وانه وانه وانه ماتحمل فراقك وانه ( كل الكلام المعسول ) يبي يحنن قلبج عليه بعد الزعل والطناش .. لانه يراك سهله سهله سهله .... لاتخلين ظروفك الصعبه تخليكي سهله بأيدي الذئاب ولو كان هناك تلميح للزواج ( فانتبهي من نفسك والشيطان والحب الوهمي لا يودونك في خبر كان ثم بعدها لا يقبلك احد ويذهب هو يبحث عن صيده غيرج ) ..... نفسك وبس وهو خس ... انتهى |
تجاهلك تجاهليه اكثر
طنشك طنشيه اكثر واكثر يبي يستميل قلبك لانه يعرف حنا البنات نفكر بعاطفه اول ولو يبيك زوجه حياه الله مايبي مع الف سلامه اما مكالمات لايحلم فيها ابداااااااااا انتي ارقى وادين من تفكيره البايخ |
| الساعة الآن 06:55 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©